#من_وحي_جلسة
التحدي الى اشتغلت عليه معها كان فى العلاقات
كان عندها لغبطة فى المفاهيم مع بعض المشاعر المكبوتة من الصغر
وبخروج المشاعر واحد ورا التانى ظهر عندها شعور الخوف من تقدمها فى الوعى والتطور النفسى .. لانها سمعت مرة ان الزوجة الى بتتقدم فى الوعى اكيد لازم هتطلق من جوزها
واتكون عندها المعتقد دا
الحقيقة الى كلنا لازم نعرفها
الوعى مش عبارة عن مجموعة قواعد فى كتاب اُنزل لا مفر منها و هتحصلك يعنى هتحصلك لما تمشى فى مراحله
الوعى فقط بيسلط الضورء على ما بداخلك وبيحررك من القيود
فممكن لما امشى فى الوعى اتطلق من جوزى دا لو كنت اصلا مش حابة جوزى ومش مقتنعة بيه كزوج او الخلافات الجوهرية كبيرة بينا وواضحة ومخليانى مش سعيدة من الاساس وكنت مستمرة فقط عشان كلام الناس او كتضحية
انما لو انا فى الاساس مقتنعة بيه وبحبه وعندى النية فى انى اكمل .. الوعى هيوصلنا احنا الاتنين للطريق دا
ولما تتخلى هى عن المقاومة ومحاولتها لتغيير الزوج كنتيجة طبيعية للوعى ..الزوج هيتناغم كنتيجة طبيعية ايضا مع ذبذباتها الجديدة
منخليش حد يملى علينا افكار او تجارب شخصية وطالما فلان عمل كدة او قال كدة يبقى دا حقيقة لا جدال فيها وهيحصلى انا كمان🚫..
الوعى نور هيعرفك انت عايز ايه بالضبط وهيسلط الضوء على نواياك بغض النظر هى ايه .. عشان كدة هنلاقى الناس الى بتمشى فى الطريق دا كل واحد ممكن يعمل حاجة مختلفة تماما عن الاخر لان دا الى كان موجود بداخله من الاساس
#عبير_رشدى