Aytishlariga qaraganda Sirdaryoda noqonuniy tarzda baliq ovlagan 2 nafar fuqaroga ma’muriy bayonnoma rasmiylashtirildi.

Sirdaryoda noqonuniy tarzda baliq ovlagan 2 nafar fuqaroga ma’muriy bayonnoma rasmiylashtirildi. Bu haqda Toshkent viloyati Ekologiya va atrof-muhitni muhofaza qilish boshqarmasi axborot xizmati ma'lum qildi.

Sirdaryo suv havzasi nazorat guruhining Toshkent viloyati inspektorlari tomonidan 27 iyundan 28 iyunga o‘tar kechasi o‘tkazilgan ekologik nazorat tadbirlari davomida Toshkent viloyati Chinoz tumani hududidan oqib o‘tuvchi Sirdaryo daryosida 2 nafar noma’lum fuqarolar alyuminiy qayiqda leskali to‘r yordamida noqonuniy baliq ovlayotganligi aniqlandi.



Holat yuzasidan huquqbuzarlarga nisbatan belgilangan tartibda ma’muriy bayonnoma rasmiylashtirildi. Olib borilgan noqonuniy ov natijasida qonunbuzar fuqarolar tomonidan jami 10 dona baliqlar noqonuniy ovlanib, tabiatga 2 mln 793 ming so‘m zarar yetkazilgan.

https://t.me/joinchat/k2tFnVQhvZQ5YWYy