ZАHIRIDDIN MUHАMMАD BOBURGА EHTIROM

Bugun Buloqboshi tumani 13-umumta'lim maktabida buyuk shoir, shoh va sarkarda, jahon ilm-fani hamda madaniyati rivojiga munosib hissa qoʼshgan hamyurtimiz Zahiriddin Muhammad Bobur tavalludining 540 yilligi munosabati bilan madaniy-maʼrifiy tadbir boʼlib oʼtdi. Unda maktab jamoasi, maktab direktorlari, xalq ta'limi bo'limi xodimlari yoshlar vakillari, adabiyot ixlosmandlari ishtirok etdilar.

Tadbirda buyuk bobomiz Zahiriddin Muhammad Bobur qoldirgan adabiy-ilmiy merosning qadr-qimmati, jahon adabiyotining nodir xazinalari sifatida asrlar davomida eʼzozlab kelinayotgani, uning bunyodkor sifatidagi xayrli ishlari haqida soʼz yuritildi.

Аdabiy kechada shoirning dilbar gʼazallari, purmaʼno ruboiy va toʼrtliklaridan namunalar oʼqildi. Bobur hayoti, faoliyati va ijodiga doir sahna koʼrinishlari namoyish qilindi. Benazir ijodkor gʼazallariga bastalangan qoʼshiqlar ijro etildi.
Buloqboshi tuman xalq ta'limi bo‘limi Matbuot xizmati

ЗАҲИРИДДИН МУҲАММАД БОБУР ТАВАЛЛУДИНИНГ 540 ЙИЛЛИГИ НИШОНЛАНДИ

Жорий йилнинг 14 феврал куни шоҳ ва шоир Заҳириддин Муҳаммад Бобур таваллудининг 540 йиллиги муносабати билан Андижон шаҳрида буюк аждодимизни ёд этиш тадбири ташкил этилди.

Тадбирда иштирок этган вилоят раҳбарлари, давлат ва жамоат ташкилотлари вакиллари, меҳнат жамоалари буюк бобокалонимиз пойига гул қўйиб, ўз ҳурматларини изҳор этдилар.

Мазкур тадбирда халқ таълими тизими фаоллари ҳам иштирок этиб, буюк аждодимизга эҳтиром кўрсатдилар. Тадбир давомида устоз-педагоглар томонидан Бобур шахси ҳақида ёш авлодга тушунчалар берилди, ўқувчи-ёшлар эса буюк аждодимиз қаламига мансуб ғазаллардан намуналар келтирди.

БУЛОҚБОШИДА ЧЕТ ТИЛИ ЎҚИТУВЧИЛАРИ БИЛАН МУЛОҚОТ БЎЛИБ ЎТДИ

Президентимиз томонидан умумтаълим мактаблари ўқувчи-ёшларини "Ҳаёт мактаби"га тайёрлаш, битирувчилар мактабни 2 та хорижий тилни ўзлаштирган ҳолда камида битта ҳунарни ўрганиб, тамомлашлари юзасидан бир қатор ташаббуслар илгари сурилган эди.

Ушбу ташаббусларни мактабларда жорий этиш мақсадида вилоят халқ таълими бошқармаси бошлиғи Г.Омонова Булоқбоши ва Марҳамат туманларида фаолият олиб бораётган чет тили ўқитувчилари билан очиқ мулоқот ўтказдилар.

Учрашувда бугунги кунда камида 2 та хорижий тилни билиш заруриятга айланаётганлиги, меҳнат бозорларида чет тилларини ўзлаштирган кадрларга бўлган талаб юқорилиги, шу сабабли мактабларда хорижий тилларни самарали ўқитиш бугунги куннинг энг устувор вазифаси эканлиги таъкидланди.

Мулоқот асносида кун тартибидаги ушбу муҳим масала юзасидан ўқитувчи-мураббийларнинг таклиф ва фикр-мулоҳазалари тингланди.