አንተ ገና ስትወለድ አሸናፊ ነህ!

አንተ ገና ወደዚች ዓለም ከመምጣትህ በፊት፣ ፈጣሪ ድንቅና አሸናፊ አድርጎ ነው የፈጠረህ። የእናትህ ዕንቁላል እና ከአባትህ የወጣው የወንድ ዘር አንድ በመሆን፣ ጽንስ ሆነህ ከመፈጠርህ በፊት፣ አንድ ከባድ ጦርነትና ትልቅ ሩጫ አሸንፈህ ነው የመጣኸው። እናትህ እና አባትህ አንተን ለመውለድ ሲገናኙ፣ ወደ እናትህ ማኅጸን ከተላኩት ከሁለት መቶ ሚልየን በላይ የአባትህ የዘር ፈሳሽ ፍሬዎች መካከል፣ አብዛኞቹ ውድድሩን ሳይጨርሱት መንገድ ላይ ነው የሞቱት። አንተ አሁን በሕይወት ያለኸው፣ እነዚህን ከሁለት መቶ ሚልየን በላይ የሚሆኑ የወንድ ዘር ፈሳሾች በማሸነፍ፣ ወደ እንቁላሏ ቀድመህ በመድረስህ ብቻ ሳይሆን፣ ሩጫው ላይ የነበሩትን ሁሉንም ዕንቅፋቶች ስላሸነፍክ ጭምር ነው።
ይህንን ትንቅንቅ ያሸነፍክ ጀግና፣ አሁን ላይ ምናልባትም ከአስር ሰዎች ጋር ተወዳድረህ፣ እንድታሸንፍ ስትጠየቅ፣ ‘‘ከአቅሜ በላይ ነው!’’ ብለህ በራስህ እና በአቅምህ ትጠራጠር ይሆናል። ከመወለድህ አስቀድሞ፣ ዘር ከነበርክበት ማንነትህ አንስቶ እስከ አሁን፣ በሕይወትህ ያለፍካቸውን ፈተናዎችና የፈጠርካቸውን ተዓምሮች አንዴ መለስ ብለህ ካሰብክ፣ ማን እንደሆንክና ምን ማድረግ እንደምትችል ትረዳለህ።

ትልቅ ሕልም አለኝ! አንድ ብር ከ አንድ ዶላር እኩል ነው!

ዳዊት ድሪምስ
መልካም አዳር ተመኘን!
ይቀላቀሉን
https://t.me/DawitDreamsTelegram

እውቀት Vs ድርጊት

አብዛኛው ሰው በእውቀት ደረጃ ሕይወቱን ለመቀየር ራሱን መቀየር እንዳለበት ያውቃል፤ በተግባር ግን ሕይወቱን ለመቀየር ሌላ ሰው ወይም ነገር እስኪቀየር ይጠብቃል። አንተስ ሕይወትህን ለመቀየር ራስህን እየቀየርክ ነው ወይስ ሌላ ሰው አልያም ነገር እስኪቀየር እየጠበቅክ?

ትልቅ ሕልም አለኝ! አንድ ብር ከ አንድ ዶላር እኩል ነው!

ዳዊት ድሪምስ
መልካም ቀን ተመኘን!
ይቀላቀሉን
https://t.me/DawitDreamsTelegram

መርካት

ብዙ ሰው በጣም ብዙ ጠቃሚ ነገሮችን ይሠራል፣ ያሰበውን ያሳካል፣ ሕይወቱንም ይቀይራል፣ ከዚያም ይረካል። ከልጅነታችን ጀምሮ "አንተ ልጅ ባለህ ነገር አትረካም እንዴ"? እየተባልን ካደግን፣ አንድ ሥራ ስንጨርስ መርካትና መተኛት ልንመኝ እንችላለን። በርግጥ በሕይወት ስላለን እና ስላገኘነው ነገር ሁሌም ማመስገን አለብን። ስላለን ነገር ስናመሰግን፣ የምናመሰግንበት ሌላ ነገር ይጨመርልናል። ነገር ግን መቼም መርካት የለብንም። ምክንያቱም ስንረካ ማደግ እናቆማለን።

ትልቅ ሕልም አለኝ!
አንድ ብር ከአንድ ዶላር እኩል ነው!

ዳዊት ድሪምስ
ድንቅ ቀን ተመኘን!
የድሪምስ ቤተሰብ ስለሆኑ እናመሰግናለን. ይቀላቀሉን
https://t.me/DawitDreamsTelegram

የማሸነፍ ምስጢር

አብዛኛውን ሰው ‘‘...አንድ ሴት ልጅ፣ ከአንድ ወንድ ልጅ እኩል ወይም ከወንድ ልጅ በላይ መሮጥ ትችላለች?” ብለህ ብትጠይቀው፣ ለሰከንድ ሳያስብ፣ ‘‘አትችልም’’ ብሎ ሊመልስ ይችላል። “አንድ ሴት፣ ከአንድ ወንድ እኩል ወይም በላይ መሮጥ አትችዪም” የሚል ፓራዳይም ከልጅነቷ ከተቀረጸላት፣ ይህንን የተደጋገመላትን ውሸት ነው የምታምነው። ነገር ግን በሕይወት አጋጣሚ እንደ ጥሩነሽ ዲባባ፣ መሰረት ደፋር፣ አልማዝ አያናና ሌሎች ሴት አትሌቶቻችን ይመጡና ውሸቱን አጋልጠው እውነቱን ግልጽ ያደርጉታል። እነ ሳህለወርቅ ዘውዴ ይመጡና የአገር ንጉስ ይሆናሉ። ወላጆች፣ ሴት ልጆቻችሁ እንደ ፕሬዚደንታችን፣ አትሌቶቻችንና በተለያዩ ዘርፎች ላይ ትላልቅ ደረጃ ላይ እንደደረሱ ሴቶች ትልቅ ደረጃ ላይ እንዲደርሱ፣ እና ታሪክ እንዲሰሩ የምትፈልጉ ከሆነ፣ የሴት ልጆቻችሁን አዕምሮ እንዴት እየቀረጻችሁ እንደሆናችሁ ማስተዋል አለባችሁ።

አንዳንድ ሴቶች ‘‘አሁን ዳዊት እያለ ያለው እኮ እውነቱን ነው... ነገር ግን የኔ ቤተሰብ ‘ይቻላል’ እያሉ አላሳደጉኝም’’ ብለው ሊያስቡ ይችላሉ። ሕይወትሽን ለመቀየር፣ ራስሽን መቀየር ብቻ ነው ያለብሽ። አሁን አንዴ ሰከን ብለሽ ማሰብ ያስፈልግሻል። ‘‘በአዕምሮሽ እኔ ምን ማድረግ እችላለሁ’’ ብለሽ ነው የምታምኚው? በአዕምሮሽ “ምን ማድረግ አትችይም” ብሎ የገባ የውሸት እምነት አለ? አዕምሮሽንና በአዕምሮሽ ያለውን ሀሳብና እምነት ስትቀይሪ፣ ሕይወትሽ ይቀየራል። ትልቁን ሕልምሽን ለማሳካት ራስሽን ካልከለከልሽ፣ ማንም አይከለክልሽም። ራስሽን ከረዳሽ ደግሞ የማንም እርዳታ አያስፈልግሽም።

ትልቅ ሕልም አለኝ! አንድ ብር ከ አንድ ዶላር እኩል ነው!

ዳዊት ድሪምስ
መልካም አዳር ተመኘን!
ይቀላቀሉን
https://t.me/DawitDreamsTelegram