Клюка́ч - чалавек з вялікім носам.

Прыклад ужывання: жыў у нас Діма клюка́ч.

#СловоДняПолісскою #Кобрын #Гайкоўка

Ліме́нь - алюміній.

Прыклад ужывання: ліме́нь гба́іцца, мяхкі.

#НароднаяЛексіка #Расоны #Якубава

Бíрна - бярозавік, бярозавы сок.

Прыклад ужывання: васно́ю наробíлі бíрны, о, як любімо пíці.

#СловоДняПолісскою #Пружаны #Манцы

Сёння нядзеля і гэта азначае што мы вам прынеслі новую цікавостку на пачытаць!

Легенды і паданні вёскі Здзітава

У дакуменце вы знойдзеце два паданні, запісаныя ў вёсцы Здзітава Бярозаўскага раёна і ілюстрацыі да іх. Тэксты запісаныя ў фанетычны спосаб і адлюстроўваюць асаблівасці вымовы мясцовай палескай гаворкі.

#літаратура #Бяроза #Здзітава

Два мэ́тры сухотсто́ю і всё но́гы - пра некага вельмі высокага і худога.

Прыклад ужывання: як тако́му й вы́росты - два мэ́тры сухосто́ю і всё но́гы!

#ТрапныВыраз #Жабінка

Свіное ры́ло - нягоднік, нізкі ў маральных адносінах чалавек, нядобразычлівец, падманшчык

Прыклад ужывання: у яго ўхватка, ак у сьвіні - ну, просто ры́ло сьвіное.

#НароднаяЛексіка #Клецк #Морач

Апíнія - гонар, пазіцыя.

Прыклад ужывання: і чого вона свою апíнію показуе?

#СловоДняПолісскою #Жабінка #Хмелева

Рабе́йза - вяснушчаты чалавек.

Прыклад ужывання: рабе́йза е́та шчэ нешта с сябе строіць, на чалавека ні паходзіць, ры́жа, рабая, а ганьбіць нашых хло́пцоў!

#НароднаяЛексіка #Старыя_Дарогі #Рухава

Вдо́ба - фізічныя асаблівасці, фізічны тып.

Прыклад ужывання: якая в хло́пця вдо́ба, на кого вын удався?

#СловоДняПолісскою #Драгічын #Вулька_Сіманаўская

Па́церы - малітва (толькі ў множным ліку).

Прыклад ужывання: калі паставяць хрэст, ксёнс апячатваіць магілку: акрапляіць свянцонай вадой і чытаіць па́церы.

#НароднаяЛексіка #Мядзел #Камарова

Анывжэ́нь - аняўжо, безумоўна.

Прыклад ужывання: заху́дь, кума́, ду нас. - Анывжэ́нь, кулы бу́дэ свубо́дна міню́та забыгу́.

#СловоДняПолісскою #Брэст #Страдзеч

Вітаем, шаноўныя падпісчыкі! З вамі штотыднёвы выпуск літаратуры па дыялекталогіі!

Дыялектны слоўнік Косаўшчыны

Слоўнік змяшчае лексіку насельнікаў паўночнай
часткі Івацэвіцкага раёна. У слоўніку падаецца каля 4000 слоў, запісаных з 1970-х па 2011 год.
Разлічаны на шырокія колы лінгвістаў. Карысны матэрыял знойдуць для сябе этнографы, фалькларысты, гісторыкі - усе, хто шануе жывое народнае слова.

#літаратура #Косава #Івацэвічы

Вітаем, шаноўныя падпісчыкі! З вамі штотыднёвы выпуск літаратуры па дыялекталогіі!

Рубельскі лексіка-фразеалагічны слоўнік

У слоўнік уключаны 910 слоў і 200 фразеалагізмаў, якімі карыстаюцца жыхары вёскі Рубель Столінскага раёна. Кожнай моўнай адзінцы даецца тлумачэнне, прыводзіцца прыклад, які ілюструе яе значэнне.
Адрасуецца выкладчыкам і студэнтам філалагічых факультэтаў, краязнаўцам і ўсім, хто любіць і шануе роднае слова.

#літаратура #Столін #Рубель #СловоДняПолісскою

Навігацыя на канале 🧭

📍Хэштэгі па месцах (каб патрапіць на ўсе пасты па вашым горадзе/вёсцы націсніце на хэштэг, які вас цікавіць):

🏫 Гарады і мястэчкі:

#Бяроза #Брэст #Валожын #Воранава #Вушачы #Ганцавічы #Гродна #Драгічын #Дзісна #Жабінка #Івацэвічы #Камянец #Капыль #Клецк #Кобрын #Косава #Лунінец #Любань #Маларыта #Масты #Мядзел #Пінск #Пружаны #Рагачоў #Расоны #Слонім #Старыя_Дарогі #Столін #Сянно #Шчучын #Янаў

🏡 Вёскі:

#Акропнае #Арэхаўна #Баляненты #Вулька_Сіманаўская #Вялікі_Лес #Вялікія_Кругавічы #Гайкоўка #Галоўчыцы #Дайнава #Дварэц #Жолкіна #Заазёрная #Залессе #Замошша #Каленкавічы #Камарова #Камень #Каўняцін #Лукава #Лучын #Макраны #Манцы #Марочна #Нямержа #Павіцце #Палессе #Псышчава #Рубель #Рухава #Семежава #Сіманавічы #Смалічы #Страдзеч #Судзілавічы #Торбінка #Шылавічы #Шынкаўцы #Хмелева #Якубава

ℹ️ Хэштэгі па тэмах:

#ТрапныВыраз #СловоДняПолісскою #НароднаяЛексіка #слэнг #фальклор #беларускі_тэлеграм

Спіс будзе дапаўняцца і аптымізавацца!

Маню́шчы - пахучы.

Прыклад ужывання: маню́шчэ лысткэ́ ма́тэ кэ́дала в чай.

#СловоДняПолісскою #Драгічын #Брашэвічы

Перадкава́ць - бегчы наперадзе, выхваляцца, паказваць сябе.

Прыклад ужывання: нія́кі ўнук стаў: бу́дзіць ператкава́ць, каб на яго глядзелі, ні люблю гэтага. Носіцца, ператку́іць, такі вíсус!

#НароднаяЛексіка #Вушачы #Вялікія_Дольцы #Міхалкаўшчына

Гу́тацца - катацца на арэлях.

Прыклад ужывання: діты гу́тацца хочуть, алэ ж гу́танка порвалася.

#СловоДняПолісскою #Столін #Фядоры

Атказа́ць - завяшчаць.

Прыклад ужывання: ты мне хоць што перад смерцю аткажы́!

#НароднаяЛексіка #Сянно #Рэчкі

Байду́ма - нясталы чалавек.

Прыклад ужывання: у байду́мы ужэ трэтяя жінка, а кількы дытэ́й по світу. І шчо собі думае?

#СловоДняПолісскою #Янаў #Моладава

За́тахля - пратухлы вадаём.

Прыклад ужывання: за́тахлі - зату́шаныя бяз воздуху.

#НароднаяЛексіка #Расоны #Якубава