Вітаем, шаноўныя падпісчыкі! З вамі штотыднёвы выпуск літаратуры па дыялекталогіі!

Дыялектны слоўнік Косаўшчыны

Слоўнік змяшчае лексіку насельнікаў паўночнай
часткі Івацэвіцкага раёна. У слоўніку падаецца каля 4000 слоў, запісаных з 1970-х па 2011 год.
Разлічаны на шырокія колы лінгвістаў. Карысны матэрыял знойдуць для сябе этнографы, фалькларысты, гісторыкі - усе, хто шануе жывое народнае слова.

#літаратура #Косава #Івацэвічы

Вітаем, шаноўныя падпісчыкі! З вамі штотыднёвы выпуск літаратуры па дыялекталогіі!

Рубельскі лексіка-фразеалагічны слоўнік

У слоўнік уключаны 910 слоў і 200 фразеалагізмаў, якімі карыстаюцца жыхары вёскі Рубель Столінскага раёна. Кожнай моўнай адзінцы даецца тлумачэнне, прыводзіцца прыклад, які ілюструе яе значэнне.
Адрасуецца выкладчыкам і студэнтам філалагічых факультэтаў, краязнаўцам і ўсім, хто любіць і шануе роднае слова.

#літаратура #Столін #Рубель #СловоДняПолісскою

Навігацыя на канале 🧭

📍Хэштэгі па месцах (каб патрапіць на ўсе пасты па вашым горадзе/вёсцы націсніце на хэштэг, які вас цікавіць):

🏫 Гарады і мястэчкі:

#Бяроза #Брэст #Валожын #Воранава #Вушачы #Ганцавічы #Гродна #Драгічын #Дзісна #Жабінка #Івацэвічы #Камянец #Капыль #Клецк #Кобрын #Косава #Лунінец #Любань #Маларыта #Масты #Мядзел #Пінск #Пружаны #Рагачоў #Расоны #Слонім #Старыя_Дарогі #Столін #Сянно #Шчучын #Янаў

🏡 Вёскі:

#Акропнае #Арэхаўна #Баляненты #Вулька_Сіманаўская #Вялікі_Лес #Вялікія_Кругавічы #Гайкоўка #Галоўчыцы #Дайнава #Дварэц #Жолкіна #Заазёрная #Залессе #Замошша #Каленкавічы #Камарова #Камень #Каўняцін #Лукава #Лучын #Макраны #Манцы #Марочна #Нямержа #Павіцце #Палессе #Псышчава #Рубель #Рухава #Семежава #Сіманавічы #Смалічы #Страдзеч #Судзілавічы #Торбінка #Шылавічы #Шынкаўцы #Хмелева #Якубава

ℹ️ Хэштэгі па тэмах:

#ТрапныВыраз #СловоДняПолісскою #НароднаяЛексіка #слэнг #фальклор #беларускі_тэлеграм

Спіс будзе дапаўняцца і аптымізавацца!

Маню́шчы - пахучы.

Прыклад ужывання: маню́шчэ лысткэ́ ма́тэ кэ́дала в чай.

#СловоДняПолісскою #Драгічын #Брашэвічы

Перадкава́ць - бегчы наперадзе, выхваляцца, паказваць сябе.

Прыклад ужывання: нія́кі ўнук стаў: бу́дзіць ператкава́ць, каб на яго глядзелі, ні люблю гэтага. Носіцца, ператку́іць, такі вíсус!

#НароднаяЛексіка #Вушачы #Вялікія_Дольцы #Міхалкаўшчына

Гу́тацца - катацца на арэлях.

Прыклад ужывання: діты гу́тацца хочуть, алэ ж гу́танка порвалася.

#СловоДняПолісскою #Столін #Фядоры

Атказа́ць - завяшчаць.

Прыклад ужывання: ты мне хоць што перад смерцю аткажы́!

#НароднаяЛексіка #Сянно #Рэчкі

Байду́ма - нясталы чалавек.

Прыклад ужывання: у байду́мы ужэ трэтяя жінка, а кількы дытэ́й по світу. І шчо собі думае?

#СловоДняПолісскою #Янаў #Моладава

За́тахля - пратухлы вадаём.

Прыклад ужывання: за́тахлі - зату́шаныя бяз воздуху.

#НароднаяЛексіка #Расоны #Якубава

Барздэ́ - хоць бы што.

Прыклад ужывання: одрíзалы Понталю каля хаты соткы пуд кукурю́зю, а ёму й барздэ́.

#СловоДняПолісскою #Драгічын #Галоўчыцы

Вы́бразіцца - здацца, падацца.

Прыклад ужывання: ай, ні було так, табе вы́бразілася.

#НароднаяЛексіка #Дзісна

Бабулькы́ - пупышкі на дрэвах.

Прыклад ужывання: вжэ на вырбí бабулькы́ вылы́кі.

#СловоДняПолісскою #Брэст #Гершоны

Ледзь-няле́дзь - насілу, з вялікай цяжкасцю.

Прыклад ужывання: ледзь-няле́дзь завялі яго дамоў.

#НароднаяЛексіка #Валожын #Камень

Баз - бэз.

Прыклад ужывання: чым більш баз лама́йіш на буке́тэ, тэм він ліпш роста́.

#СловоДняПолісскою #Драгічын #Брашэвічы

Дзень добры усім!

☀️ Пакуль нашыя сацсеткі знаходзяцца на летнім адпачынку, на Традыцыі выйшаў цэлы альбом народных спеваў на дыялектах Палесся і Падляшша.

🎧 Слухайце наздароўечка!

На нашым музычным лэйбле Tradycyja сёння прэзентуем новы рэліз - альбом "Песні і музыка пудляшша і полесся" ад гурта падляшскіх беларусаў "Жэмэрва"

📀Слухаць можна на ўсіх вядомых інтэрнэт пляцоўках: ▫️iTunes, Spotify, Yandex, Youtube, Apple music і іншых
а таксама
▫️bandcamp
▫️Soundcloud

📍Фальклорная студыя падляшскіх беларусаў Жэмэрва дзейнічае з 2003 года. Ад самага заснавання асноўным рэпертуарам былі песні, запісаныя ў беларускіх вёсках Падляшша і Палесся.

Наш праект "Дыялекты" аднаўляецца пасля працяглых вакацый і гатовы радаваць вас новымі матэрыяламі і цікавінкамі. Дзякуй, што застаяцеся з намі!

Адзін Бог і святая карчма ведае - пра нешта нікому невядомае.

Прыклад ужывання: а як там будзя далей, адзін Бог і сьвятая карчма ведая.

#ТрапныВыраз #Гродна

Хану́рык - алкаш, выпівоха.

Прыклад ужывання: то ж гэтый хану́рык ны просыхае.

#СловоДняПолісскою #Янаў #Моталь