Адве́ткі - наведванне парадзіхі.

Прыклад ужывання: знаіць бацька пра адве́ткі, калі ражаюцца дзеткі.

#НароднаяЛексіка #Мядзел #Камарова

Вы́шкы - верхняя частка хлява пад дахам.

Прыклад ужывання: трэ глянуты на вы́шках, мо та́мэка вылкы́ лыжа́ть.

#СловоДняПолісскою #Столін #Фядоры

Бубы́хнуць - упасці, заваліцца (пра малых).

Прыклад ужывання: што, бубы́хнуў, малышо́к?

#НароднаяЛексіка #Дзісна

Бэ́быхы - (грубае) рэчы.

Прыклад ужывання: ныха́й забыра́е своі бэ́быхы і йдэ́ туды́, куды́ хо́чэ.

#СловоДняПолісскою #Пінск #Жолкіна

Абіра́ка - грабежнік.

Прыклад ужывання: гэныя абіра́кі ўсё забралі.

#НароднаяЛексіка #Валожын #Камень

Нашая тэматыка, таму пакінем гэты допіс тут, мо каму з вас спатрэбіцца 🔤

🔻🔻🔻

І ў працяг моўнай тэмы, падрыхтавалі для вас тэматычны спіс — вывучэнне замежных моў праз беларускую.

Англійская
‣ Інстаграм-старонка «EngBel»
‣ Праект «English Vova» у Тэлеграме і Інстаграме
‣ Інстаграм-старонка @good_luck_2_belarus
‣ Тэлеграм-канал «English language in Belarusian»
‣ Інстаграм-старонка @belvasilok
‣ Праект «English Bulbel» у Інстаграме і ТыкТоку
‣ Вэб-старонка «Граматыка англійскай мовы»

Польская
‣ Праект «Mova vs Język» у Тэлеграме і Інстаграме
‣ Інстаграм-старонка @jakamova
‣ Праект «Цэнтр славянскіх моў і культур» у ТыкТоку
‣ Тэматычныя карткі на Quizlet

Іншыя
‣ Праект «Цэнтр славянскіх моў і культур» у Інстаграме і Фэйсбуку
‣ Літоўская мова ў Інстаграме @pamazhu_patrohu
‣ Японская мова ў Твітэры «Спрабуйма!»
‣ Нямецкая мова ў ТыкТоку @deutschjulia.de

Калі ласка, падпісвайцеся і распаўсюджвайце беларускае.

#праекты #замежныя_мовы

Вавілён зарос - пра мужчыну, ў якога страцілася палавая актыўнасць.

Прыклад ужывання: э, ён ужэ хіба на што здатны, у маго старого ўжэ даўно вавілён зарос.

#ТрапныВыраз #Гродна #Баляненты

Опыта́тысь - прывітацца, паздароўкацца.

Прыклад ужывання: чого́ тэ схава́ўся ў комо́рэ, ідэ опыта́йся з дӗдьком. (“ӗ” тут азначае дыфтонг “іе”)

#СловоДняПолісскою #Драгічын #Акропнае #Нямержа

Гіль - чарада (рыбы).

Прыклад ужывання: гíлем ходзіць рыба.

#НароднаяЛексіка #Расоны #Якубава

Пырымíл - мелкае месца на рацэ.

#СловоДняПолісскою #Янаў #Псышчава

Віткава́ны - перавіты (пра агароджу).

Прыклад ужывання: іна́ ш ні въткава́нъя гэ́тъя згаро́да, іна́ ш прыбіта. (“ъ” тут азначае рэдукаваны ненаціскны галосны, які вымаўляецца слаба і коратка)

#НароднаяЛексіка #Сянно #Торбінка

Трандычы́ха - жанчына, якая зашмат гаворыць.

#СловоДняПолісскою #Пінск #Жолкіна

Напру́тко - дакладна, гарантавана.

Прыклад ужывання: ці прыеду да цябе сёння, напру́тко не абяцаю. (слова прысутнічае ў іншых славянскіх мовах у падобным значэнні)

#НароднаяЛексіка #Ганцавічы #Вялікія_Кругавічы

Ты́ко пташечого молока́ ныма - калі ў некага ўсяго ўдосталь.

Прыклад ужывання: ты́ко пташе́чого молока́ ныма́ - жывуть у тако́му доста́тковы.

#ТрапныВыраз #Маларыта #Заазёрная

Вяртаемся да вас з 2️⃣0️⃣-тым выпускам літаратуры па дыялекталогіі, першым у гэтым годзе.

Дыялектная мова Гродзеншчыны: хрэстаматыя

У хрэстаматыю уключаны фрагменты дыялектнага маўлення, якія адлюстроўваюць стан і характэрныя асаблівасці сучасных беларускіх гаворак Гродзеншчыны 1986- 2006 гадоў. Тэксты сістэматызаваныя паводле двух прынцыпаў. Спачатку
даюцца ўзоры традыцыйных гаворак усіх раёнаў Гродзенскай вобласці, затым - этналінгвістычныя запісы: тэматычнае апісанне мясцовых рэалій самімі дыялектаносьбітамі. Таксама падаюцца мясцовыя звычаі працы і святкаванняў, легенды і казкі, словы і фразеалагізмы.

#літаратура #Гродна #Свіслач #Ваўкавыск #Бераставіца #Масты #Шчучын #Зэльва #Слонім #Дзятлава #Навагрудак #Карэлічы #Ліда #Воранава #Іўе #Ашмяны #Смаргонь #Астравец

Як вы ўжо маглі заўважыць, мы трошкі змянілі фармат некаторых пастоў і пачалі дадаваць геалакацыі📍 ў якасці галоўных хэштэгаў.

Зрабілі мы гэта дзеля ладнейшай навігацыі🧭 на канале. Цяпер каб адшукаць словы, выразы, і любую іншую інфармацыю па тым ці іншым раёне або мясцовасці вам усяго трэба клікнуць на # які вас цікавіць.

NB! Ранейшыя пасты гэтая змена, на жаль, не кране.

Прыклады хэштэгаў ніжэй:

Па месцах:

#Гродна #Маларыта #Пінск #Торбінка #Якубава #Камарова і г. д.

Па тэмах:

#ТрапныВыраз #СловоДняПолісскою #НароднаяЛексіка і г. д.

Збыва́ч - вельмі стары чалавек.

Прыклад ужывання: е ў нас на ху́торы одзíн збыва́ч, дак ему без двух сто год.

#СловоДняПолісскою #Лунінец #Дварэц

Дакуля́рніца - шчырая, добрая працаўніца.

#НароднаяЛексіка #Чачэрск #Палессе