بسم الله الرحمن الرحيم
"وَقُلِ اعمَلوا فَسَيَرَى اللَّهُ عَمَلَكُم وَرَسولُهُ وَالمُؤمِنونَ وَسَتُرَدّونَ إِلى عالِمِ الغَيبِ وَالشَّهادَةِ فَيُنَبِّئُكُم بِما كُنتُم تَعمَلونَ" [التوبة: ١٠٥]

📌 مذكره الهرمونات

👈🏻 محتويات المذكره
✔️عدد من الملاحظات التي تساعد الطالب علي الحل
✔️ صور توضيحيه لبعض الجزيئات لتعميق الفهم
✔️ فقرات بعنوان " خد بالك عزيزي الطالب"😂
✔️ فقرات أيضاً بعنوان "اضافه " لتسهيل الحل
✔️ مقارنات كتير وتجميعات عشان يكون مُلم بالفصل

👈🏻 اتمني لو استفدت حاجه بسيطه من المذكره تدعو لي ولأبي ولأمي
ولأستاذي وجدتي وعمي بالرحمه والمغفره

بالتوفيق ان شاء الله ❤️
#البيولوجي_بصوره_أبسط
#أحياء_تالته_ثانوي
#Mohamed_Elgareeb

بينما أنت تلهو 😂😂
احنا بنعملك مذكره بفضل الله هتريحك في المذكره باذن الله تعالى

👈🏻ادعي انت بس ربنا يرزقنا بركه في الوقت 🙂❤️

👈🏻 ومتنساش تدعي لموتانا بالرحمه والمغفره
#أحياء_أولي_ثانوي
#البيولوجي_بصوره_أبسط
#Mohamed_Elgareeb

عايز أفكركم بحديث عن النبي صلي الله عليه وسلم

( إِنْ قَامَتْ عَلَى أَحَدِكُمُ الْقِيَامَةُ، وَفِي يَدِهِ فَسِيلَةٌ فَلْيَغْرِسْهَا )

الحديث هنا غرضه إن أنت تحاول وتعافر لآخر لحظة وإن مفيش حاجة اسمها مفيش وقت ولا مش هلحق ولا هعمل كدا ليه

بدل ما بتضيع وقت استغل الوقت دا إنك تبدأ وتعمل اللي عليك لآخر لحظة وهات أخرك علشان متجيش بعد النتيجة تقول ياريت كنت عملت
عايزك ساعتها تقول لو كان فيه وقت كمان كنت هسعى أكتر وأكتر
كل ده علشان نفسك متحطش في دماغك نظرة وكلام الناس لأن أنت لما هتوصل كله هيدعمك لو لا قدر الله وقعت هتقع لوحدك وكله هيلومك

اتعب علشان تبقى فخور بتعبك و إنك وصلت بما يرضي الله لأن ده مستقبلك اللي واقف عليه باقي حياتك 👌🏻

ربنا يوفقكم ويكتبلكم الخير ♥️

#عافر_حلمك_يستاهل
#البيولوجي_بصوره_أبسط

السلام عليكم ورحمه الله وبركاته 👋
خلاص هانت كلها أيام و نستقبل شهر رمضان المبارك
- اللهم سلمه لنا وسلمنا له وتسلمه منا بصوره ترضيك وتغفر بها ذنوبنا -

أهم الحاجات لشهر رمضان المبارك

✅حاول تظبط دروسك قبل الفطار عشان لما تيجي من بعد صلاه التراويح تقعد تذاكر متخرجش
(حاول بقدر المُستطاع 😐)

✅أهم حاجه اياك ثم اياك ثم اياك ان تَترُك صلاه التراويح بحجه انك تذاكر ( انا أكبر غلطه عملتها ان في أيام ف رمضان سبت التراويح بحجه اني اذاكر ومكنتش بذاكر كنت بضيع وقت ولا مني ذاكرت و لا صليت والمثل بيقولك إسأل مجرب ولا تسال طبيب والحمد لله اجتمعت فيا الخصلتان 😂🙈 )

✅حاول تخلي مذاكرتك ف وقت رايق متكنش مكسل فيه أو تقلان من الفطار 😂 ونظم وقتك

✅رابع نصيحه ودي الأهم - بعد نصيحه صلاه التراويح - حاول تحدد مواد هتخلصها ف رمضان وكأنك هتروح تمتحن ف العيد
ازاي ؟!
انك تقول مثلا انك هتذاكر الأحياء والجيولوجيا ف ٣٠ يوم
المهم انك تخلص حل و مذاكره مثلا لمادتين جمب موادك العاديه والواجبات الدروس التانيه ( متأهملش حاجه)

✅الفتره دي هتنتشر فيديوهات طريقك ل ٩٩ والكلام الفارغ وتعالي شوف ازاي لميت المنهج ف شهر ..... الخ (وقتك الي هتضيعه ف الكلام ده كنت ذاكر فيه) ودا ما يمنعش انك تسمع ناس جميله برضه عشان ما ينقطعش الأمل زي الدكتور محمد أيمن و الدكتور أحمد الجوهري 🫡🫡 بس بقدر محدود

✅اياك وانك تفقد الأمل .... اياك صدقني لو لسه أسبوع عن الامتحان هتلحق وهتنجح ان شاء الله ❤️

✅أهم أهم حاجه هتسمعها مني هو أن اي نجاح ف دنيا هو لتعمير الأرض فقط أما النجاح الحقيقي هو الفوز بالجنه ونعيمها أوعي تنسي كده
" وَإِنَّما تُوَفَّونَ أُجورَكُم يَومَ القِيامَةِ فَمَن زُحزِحَ عَنِ النّارِ وَأُدخِلَ الجَنَّةَ فَقَد فازَ وَمَا الحَياةُ الدُّنيا إِلّا مَتاعُ الغُرورِ "
( آل عمران: ١٨٥ )

👈 لو احتجت أي حاجه كلمني ولا تتردد ابدا - اعتبرني زي أخوك الصغير 😂👀-
@mohamed_elgareeb

👈 وفي الأخر متنسناش من الدعاء لنا بالتوفيق والنجاح والسداد والدعاء لجدتي و أستاذي و عمي وموتي المسلمين بالرحمه والمغفره 🤲🌹


#البيولوجي_بصوره_أبسط
#عافر_حلمك_يستاهل
#Mohamed_Elgareeb