Жума куни ғусл қилиш вожибми суннатми?
Имом Молик Пайғамбаримиз соллаллоҳу алайҳи васалламнинг «Ким жумага борса ғусл қилиб олсин» қабилидаги ҳадисларига асосланиб «Жума куни ғусл қилиш вожиб» деганлар. Салаф ва халаф уламолар жума куни ғусл қилишни афзал деганлар. Фуқаҳолар эса уни вожиб эмас, суннат дейишган.
Бу борадаги(мазкур) ҳадис мансух ёки«Иллат тугаса ҳукм ҳам тугайди» бобига киради. Чунки ўша даврда инсонлар жунли кийимлар кийишган, масжидлари ҳам тор бўлган. Мусулмонлар жам бўлганда, издиҳом бўлганда ёнидагиларга тер ҳиди туфайли азият етган. Шу боис суннат қилинган.
Уламолар жума кунининг ғусли "шу куннинг намоз учунми ёки шу кун учун хосми?" борасида ихтилоф қилишган. Имом Абу Юсуф намоз учун деганлар (тўғриси ҳам шу), Ҳасан ибн Зиёд эса шу куннинг ўзи учун хос деганлар.
Имом Абу Юсуфга кўра аёл киши жума куни ғусл қилиши фазилат эмас, Ҳасан ибн Зиёд кўра эса фазилат ҳисобаланади.

© Муҳаммад Сулаймон Ҳиндий, «Мухтасари Қудурий маъ шарҳиҳил Мўътасари Зарурий» 31-бет
Abdulloh Rahim

@Ilmu_Irfon

​​Ушбу расм ер сатҳининг энг қуйи қисми ҳисобланади.

Айнан шу ерда Рим ҳамда Форс империяси ўртасида жанг бўлиб ўткан.

Аллоҳ таоло Қуръони Каримда ушбу жанг ва ундан кейинги башорат ҳақида маълумот бера туриб, жанг бўлган ер Ер юзининг энг қуйи қатлами эканини ҳам маълум қилган:
Рум сураси:
1. Алиф лам мим.
2. Рум мағлуб бўлди.
3. Яқин ерда. Ва улар мағлубиятларидан кейин тезда ғолиб бўлажаклар.
4. Саноқли йилларда. Ундан олдин ҳам, кейин ҳам барча иш Аллоҳдандир. Ўша кунда мўминлар шодланурлар…

Ўзбек тилига "яқин" деб таржима қилинган иборанинг араб тилида бир неча муқобил таржималаридан бири — бу "қуйи".

Рим империяси қўшини жангда катта талофот билан мағлуб бўлгач, форсларга қайта уруш эълон қилишга қодир ҳам бўлмай қолганди. Аммо Аллоҳ таоло саноқли йилларда римликларга форслар устида ғалаба бериши ҳақида башорат қилди ва бу амалга ошди.

Геологлар учун эса катта очилиш — бу айнан уруш бўлган ер — Ўлик денгиз ернинг энг қуйи қисми экани борасидаги тафсилотлар бўлди. Маълум бўлишича Ўлик денгиз денгиз сатҳидан 390м қуйи қисмда жойлашган экан.

Фан яқин чорак асрларда англаган бу хабарни Аллоҳ Муҳаммад соллаллоҳу алайҳи васалламга XIV аср муқаддам маълум қилган эди.

adolat kuychisi

@Ilmu_Irfon🌾🌾🌾

Barchani qalbini larzaga solgan
ibratli hikoya 😥☝️🏻

O'tkazib yubormang albatta ko'ring. 🎥

Yaqinlarga ham ulashing 🕊

@Ilmu_Irfon🌾🌾🌾

https://t.me/+T4I3oyf7rZsxNWZi

Янги олинган китобни ўқимай туриб китоб жавонига қўйиш ва бошқа китобларга аралаштириш жоиз эмас. Зеро, ўқилмаган китоб ўқилган китобларга маҳрам ҳисобланмайди, номаҳрам бўлади.

© Муҳаммад Солим Шинқитий

Сиз бу “фиқҳий қоида”ни биласизми? )

#Табассум
©Kitaabun

@Ilmu_Irfon🌾🌾🌾

Росулуллоҳ соллаллоҳу алайҳи ва саллам шундай дедилар:
«Қайси бир қавм ичида фоҳишалик ошкора тарқалиб кеса, ўша қавм ичида вабо ва ота-боболари кўрмаган дард тарқалади». Ибн Можа роҳимаҳуллоҳ ривояти.

Агар вабо тарқалиб кетганини кўрсанг, демак билки зино тарқалиб кетибди.

Ибн Нуайм, «Ҳилятул авлиё»

- Зино қилмаганларнинг айби нимада?!
- Уларнинг айби зинодан қайтармаганида!


@Ilmu_Irfon🌾

Усмонийлар давлати даврида:

– Дераза олдида сариқ гул турган бўлса, бу уйда касал киши бор. Уй олдида ва ҳаттоки бу кўчада шовқин-сурон қилма деган маънони билдирган...
– Дераза олдида қизил гул турган бўлса, бу уйда турмушга чиқиш ёшига етган, бокира қиз бор. Уй олдидан ўтаётганингда гап-сўзингга эътиборли бўл, ҳақорат сўзларни гапирма деган маънони билдирган...
– Қизга совчи бўлиб келган йигитнинг намозхон эканлигини ёки бенамоз эканлигини билиш учун шимининг тиззасига эътибор беришган...
– Меҳмонга қаҳванинг ёнида сув ҳам келтирилар эди... Агар меҳмон тўқ бўлса, аввал қаҳвани, аксинча оч бўлса, аввал сувни оларди. Шунга қараб меҳмонга дастурхон ёзиб таом тайёрланарди ёки мева келтириларди...
– Эшик устида иккита тўқмоқ бўларди. Бири йўғон, иккинчиси ингичка. Келган киши аёл бўлса, эшикни ингичка тўқмоқ билан
тақиллатарди. Шундан келиб чиқиб, хонадон соҳибаси эшикни очарди.
Агар эркак киши бўлса, йўғон тўқмоқ билан тақиллатарди. Хонадон соҳибаси эшикни парда билан тўсиб очарди ёки бирор маҳрами (эри ва ҳ.к.) очарди.
– Расулуллоҳ соллаллоҳу алайҳи ва салламнинг 63 ёшда вафот этганлари эътиборидан 63 ёшдан ошган улуғларимиздан ёшлари сўралганда: “Ҳаддан ошдик”,
дейишарди...
– Йўлда кичиклар катталарнинг олдига тушиб юрмас эди...
– Фитр садақаси, Закот моллари Рамазондан аввал – Шаъбон ойида бериларди, “Фақиру фуқаро Рамазонга тўқлик билан кирсин”, дейишарди.

МаШааАллоҳ бу маълумотларни билмас эканман. Қани энди ҳозир ҳам одамлар шундай бўлишса...

Канал обуначисидан (Аллоҳ рози бўлсин)

@Ilmu_Irfon🌾🌾🌾

Нега аёллар бева?
Нега болалар етим?
Нимага қизлар юпун?
Сендай кўзи бузуқлар,
Хирсга қуллиги учун!

© Эркин Бозоров

Ўтказиб юборманг😑
Албатта кўринг🎥

@Ilmu_Irfon
@Ilmu_Irfon
@Ilmu_Irfon🌾🌾🌾

МаШааАллоҳ ҳозирги кундаги айни муоммолар ёритилган видео ролик. Арзимаган нарсаларни важ қилиб ажрашиш, Инстаграм, номуссизлик барчаси чиройли очиб берилибди. Тавсия қиламан🌾

Xotamul A'som aytadilar: "Bir kuni men jamoat namoziga ulgurmay qoldim, shunda Abu Isʼhoq Buxoriy menga kelib ta'ziya bildirgandi. Agar mening farzandim vafot etganida, oʻn mingdan ziyod odam menga ta'ziya bildirar edi.
Odamlarning nazarida din musibati dunyo musibatidan yengilroqdir".

📚 "Mukaashafatul Qulub"

Мен Одам билан Ҳаввонинг фарзандиман. Одам билан Одамнинг эмас!

‏أنا ابن آدم وحواء ليس ابن آدم وآدم

Abdulloh Rahim

@Ilmu_Irfon🌾

Undan ko'ra uxlaganing yaxshi edi...

©Hasanxon Yahyo Abdulmajid

@Ilmu_Irfon🌾🌾🌾

Hasan Basriy rohimahulloh aytadilar:"Toʻrt narsa baxtsizlik alomatlaridandir:
- Qalbning qattiqligi
- Koʻzning yoshlanmasligi
- Uzun orzu
- Dunyoga boʻlgan hirs".

📌 @ilmu_irfon

Расулуллоҳ саллоллоҳу алайҳи ва саллам бир куни саҳобаларни садақа қилишга даъват қилганларида ҳамма қўлидан келгунича садақа қилди. Улба ибн Зайд розиёллоҳу анҳу фақир ва йўқсил киши эди. У шундай деди: “Эй Аллоҳим! Менда ичига пўстлоқ тўлдирилган ёстиқ ва сув ичадиган идишдан бошқа нарса йўқ. Эй Аллоҳим! Мен бандаларингга ўз обрўйимни садақа қиламан!”.
Бу билан кишилар менинг обрўйимга тажовуз қилишса мен улардан розиман, демоқчи эди.
Набий саллоллоҳу алайҳи ва саллам жарчи қўйдилар. Жарчи: “Обрўсини садақа қилган киши қани?”, деб жар солди.
Улба ибн Зайд розиёллоҳу анҳу келди. Набий саллоллоҳу алайҳи ва саллам унга: “Аллоҳ сенинг садақангни қабул қилди!”, дедилар.

Абдулқодир Полвонов

@Ilmu_Irfon🌾🌾🌾

Bir olimdan "Bu yurt qachon rivojlanadi" deb so'rashdi. Olim aytdiki, "Juma namoziga kelgan jamoat, bomdod namoziga ham kelganda" .

Juma muborak ahli islom

Bugun xonadoningiz ayollariga gul va shirinliklar berish esdan chiqmasin🥰🌝

@Ilmu_Irfon🌾🌾🌾

Пайғамбаримиз соллаллоҳу алайҳи васаллам марҳамат қиладилар:

«Аллоҳ таоло Қиёмат куни инсонларни қайта тирилтиради. Кейин уларнинг орасидан уламоларни ажратади ва уларга хитоб қилиб шундай дейди:

«Эй уламолар жамоаси! Мен илмни сизларни азоблаш учун бермадим. Сизларни мағфират қилдим, боринглар жаннатга киринглар!»

© Имом Табароний, «Ал-Мўъжамул Авсот», 4264-ҳадис

@AbdullohRahim

@Ilmu_Irfon🌾🌾🌾

Саид ибн Мусаййиб роҳимаҳуллоҳнинг куёвлари у кишини қизларини олдига киргач, куёвлари у кишини талабаларидан бири эдилар.

Қачонки тонг отгач ридосини олиб (дарсга) чиқишликни ирода қилган-да, аёли унга қарата: «Қаерга кетишликка ирода қиляпсиз?», деди. Эри: «Саид ибн Мусаййибнинг мажлисига илм ўрганишлигим учун» дея жавоб берди. Аёли унга қарата: «Ўтиринг! Саид ибн Мусаййибнинг илмини мен сизга ўргатаман», деди.

Манба: Ҳилятул авлиё.

@ilmu_irfon

​​Болалигимизда бекинмачоқ ўйнаркан, «Ўнгача санайман!» дердик, аммо «тўққиз»дан кейин албатта «тўққиз ярим» ҳам айтиларди. «Тўққиз ярим» дегандан кейин ҳам маълум фурсат кўзларимизни очмасдан жим турардик: яна фурсат берардик дўстларимизга. Шу қадар виждонли эдик!..
Дўстларимизнинг қаерга яширинганини тахминан билсак ҳам, атайин у ерларга қарамасдик: кўпроқ завқланишини истардик дўстларимизнинг. Шу қадар самимий эдик!..
Катта одам бўлишнинг одамзотга қанчалик қимматга тушишини энди англаяпман...

Dilfuza Komil

@Ilmu_Irfon🌾🌾🌾

Abu Zarr Gʻiforiy

«Islom qissalari» multserialining 1-qismi

MaShaaAlloh Islom naqadar go'zal din! Juda ajoyib multfilm ishlashibdi. Ko'rib juda mazza qildim. Sizga ham tavsiya qilaman🌝 Albatta ko'rin, o'tkazib yubormang🌾🌾🌾


Manba: @islomuz

@Ilmu_Irfon🌾🌾🌾🌾

Ahmad ibn Hanbal

Islomiy qissalar multserialining 3-qismi
SubhanAlloh shunday multfilmlar ishlasa ham bo'lar ekanda. Juda ta'sirli. Etim jimirlab ketti.
Albatta ko'ring. Ibrat oling. Qattiq tavsiya qilaman🍃🍃🍃

Manba: @islomuz

@Ilmu_Irfon🌾🌾🌾

Ҳазрат Умарнинг қизлари Ҳафса бинти Умар илгари Расулуллоҳ соллаллоҳу алайҳи ва салламнинг саҳобаларидан Ханийс ибн Хузофа Саҳмийга турмушга чиққанди. Бу киши Бадр ғазоти қатнашчиларидан эди. Ханийс Мадинада вафот этиб, Ҳафса тул қолди. Шунда ҳазрат Умар қизларини муносиброқ бир кишини топиб, унга турмушга беришни хоҳладилар. Қизларига дўстлари Абу Бакр Сиддиқ ва Усмон ибн Аффондан бошқа яна ким муносиб эр бўлиши мумкин? Ана шу хаёл билан ҳазрат Усмоннинг ҳузурларига бордилар.

– Эй Усмон, қизим Ҳафса тул қолган, хоҳласангиз, уни сизга никоҳлаб қўяман, шуни хотинликка олмайсизми? – дедилар.

– Мен бир оз ўйлаб кўрайин, кейин жавобини айтарман, – дедилар ҳазрат Усмон. 

Орадан бир-икки кун ўтди, лекин ҳазрат Усмондан хабар бўлмади. Кейин у киши Умар ибн Хаттобга учраб: 

– Шу кунларда уйлана олмайдиган кўринаман, – деб жавоб қилдилар. 

Шундан сўнг ҳазрат Умар Абу Бакр Сиддиқни топиб, у кишига таклифларини изҳор қилдилар: 

– Агар истасангиз, тул қолган қизим Ҳафсани сизга никоҳлаб қўяман. Абу Бакр Сиддиқ розияллоҳу анҳу бунга жавобан лом-мим демадилар. Бунга ҳазрат Умарнинг жаҳллари чиқди, Абу Бакрдан ўпкаландилар: “Усмон-ку узрларини айтиб кетдилар, Абу Бакр эса ҳатто жавоб қилиб қўйишни ҳам эп кўрмадилар-а!” 

Орадан бир неча кун ўтиб, Расулуллоҳ соллаллоҳу алайҳи ва саллам Ҳафсани ўзларига сўраттириб, Умар ибн Хаттобникига совчи жўнатдилар. Ҳазрат Умар катта хурсандчилик ва мамнуният билан қизларини Аллоҳнинг Расулига никоҳлаб бердилар. 

Кейинчалик бир куни Абу Бакр ҳазрат Умарни учратиб: – Ҳафсани менга завжаликка таклиф қилганингизда лом-мим демаганим учун мендан хафа бўлганмисиз? 

 Ҳа, – дедилар ҳазрат Умар. 

– Менга қилган таклифингизга жавоб беролмаганимга Расулуллоҳ ўз суҳбатларида Ҳафса хусусида сўз очиб, унга уйланмоқчи бўлганларидан хабардорлигим монелик қилган эди. Бу нарса у зотнинг сирлари эди, мен уни ошкор қила олмасдим. Агар Расулуллоҳ уни олмаганларида мен уйланган бўлар эдим, – дедилар Абу Бакр Сиддиқ розияллоҳу анҳу.

Аҳмад Муҳаммаднинг «Ашараи мубашшара» китобидан олинди.