БУЛÆМÆРГЬ ÆМÆ УÆРЦЦ.

Булæмæргъ загъта уæрццæн:
—Хорз кæй зарын, уый тыххæй
Мæн ахæсты фæдарынц.
Телтæй быд чыргъæдæй
Мæн ракæсын нæ уадзынц.
— Ехх! — загъта бынæй уæрцц,
Дæ зарæджы аххос у,
Дæ бырынкъыл хæц.
Маргæ дæ кæй нæ кæнынц, уый хорз,
Ахæстоныл хъæц.

Хатт зарæг дæр бæззы,
хатт зæгъынæй дæр тæрс,
Фадат дын куы уа дзурынæн,
уæд зæгъынæн дæр бæзз.

#гӕдиатысекъа
#ӕмбисонд

Фото @mikhoshka
#ӕмбисонд

Чеджемты Ахсар
ХÆЛÆГ

Ис царды уæззау низ,
Уый хонынц хæлæг.
Хæлæгнизæй садис
Æнамонд хæрæг.

Йæхицæй хуыздæрмæ
Фырмæстæй тыдта.
Бæхы къæхты хъæрмæ
Уый кодта æрра.

Хылмондаг, тæлтæгæй
Йæ комы фынк калд.
Йæ гыццыл сæфтæгæй
Уыд алчи хъыгдард.

Уæд федта фырхъалæй
Бæх кафгæ куыд цыд,—
Зæххы цъар дæндагæй
Хæрынмæ æрцыд.

Ныууасыд, ныззылди,
Стæй райхъуыст хъæрзын:
«Ох, мæнæ цы зын у
Æфсургъмæ кæсын».

Æрлæмæгъ, æрхауди,
Æруагъта йæ сæр.
Йæ хъустыл ма уади
Бæхы къæхты хъæр.

Уæззау низ æнахуыр
Йæ хурхыл хæцыд,
Йæ йу цæст ныдздзагъыр,
Йæ иннæ æрцъынд.

Гъе уый дын йæ хъуыддаг,
Гъе уый дын йæ цард.
Æвзæр фосы мыггаг
Æвзæрæй ныммард.

Ӕмдзӕвгӕ кӕсы РЦИ-Аланийы адӕмон артист Колыты Владислав.
#ӕмдзӕвгӕ
#чеджемтыахсар

Дыгургом.