Ўзбек журналистикаси ҳақида

Хуллас бундан 10 кунларча олдин Корреспондент.уз деган сайтдан менга Хусния Алимова исмли журналист қиз алоқага чиқди. Улар Coffee Break деб номланган дастурни суратга олишаркан. Бу интервью формат эди.

Мени шунга таклиф қилишди. Бу сайтнинг фаолиятини аввалдан кузатганим учун, уларнинг яхши ижтимоий лойиҳалари, сўровномалари топлиги ва духли сайт эканлигини билганим учун интервью беришга рози бўлдим.

Тошкентдаги ресторанлардан бирида кўришдик, 2 соатча яхши суҳбат қурдик. Томошабинларга совға ҳам қолдирган эдим "Сиз учун тарихдаги энг ажойиб воқеа қайси эди?" деган саволга энг зўр коммент ёзган подписчик учун. Аммо интервью айтилган вақтда уларнинг ютюб каналида чиқмади. Орадан бир ҳафта ўтиб ҳам йўқ.

Бугун сабабини сўрасам бошлиқлари рухсат беришмапти😁 Персона нон грата эрмушман мен.

Яхши, базара нет. Бу сизларнинг хоҳишингиз, танловингиз ва мен буни хурмат қилишга мажбурман. Аммо рўза кунда одамни оввора қилиш керак эмасди. Тем более тинмай гапириб оғзим қуриб ўша куни зўрға ифторга етиб олгандим.

Шунча аппаратура, шунча ходимни ҳам овворагарчилиги, чиқармасанг одамларни оввора қилиб нима қиласан? Корреспонтент.уз сайтининг бошлиқлари, энди бундай қилманглар. Чақирадиган одамингиз билан олдиндан келишиб олинглар унда нима деб интервью беришни. Кетган вақтимга эса розимасман, қиёматда ёқангиздан оламан😂

@nurbekalimov

​​Андижонда хонадонида ижарада яшаётган аёлнинг 3 ёшли фарзанди устига қайноқ сув қуйиб, боланинг ўлимига сабабчи бўлган эркак 8 йилга қамалди

Жиноят ишлари бўйича Булоқбоши туман суди хонадонида ижарада яшаётган аёлнинг уч ёшли фарзанди устидан қайноқ сув қуйиб, болани куйдирган эркакка ҳукм ўқиди, дея хабар берди «Дарё» мухбири.

Суд раиси Иномжон Норматовнинг маълум қилишича, 2021 йилнинг 11 январь куни соат 02:00 да З.Б. уйида спиртли ичимлик истеъмол қилиб, маст ҳолда хонадонида ижарада яшаб келаётган Г. исмли аёлга жинсий алоқа қилишни таклиф қилган. Аёл ушбу таклифни рад этгани учун печка устида қайнаб турган сувни олиб, унинг ёнида ётган 3 ёшли Д.нинг устига қуйиб, унга оғир тан жароҳати етказган.

Маълум бўлишича, судланувчи хонадонида яшовчи аёл билан 2020 йилнинг декабрь ойида танишган ва шундан сўнг телефон орқали гаплашиб юрган. 2021 йил 6 январь куни аёл судланувчига қўнғироқ қилиб, ижарада яшаётган уйидан ҳайдаб юборилганини, борадиган манзили йўқлигини айтиб, ижарага жой сўраган. Таниши унинг илтимосига рози бўлиб, ижарага ойлик тўлов тўламасдан, фақат электр ва табиий газ истеъмоли учун ҳар ойда 300 минг сўмдан бериб туриши лозимлигини билдирган. Шундан сўнг Г. фарзанди билан танишиникига келиб, яшай бошлаган. Судланувчи онасининг соғлиғи ёмонлашгани туфайли даволаниш мақсадида опасиникига кетганидан фойдаланиб, 2021 йил 9 январь куни уйидаги таниш аёлга эр-хотин бўлишни таклиф қилган. Г. унга рад жавобини бериб, касал эканлигини билдирганидан кейин ўз хонасига кириб кетган.

Ярим тунда эркак танишига боласи кўп йиғлаб шовқин кўтаргани, ўзи ҳам ҳар куни соат 03:00—04:00 ларга қадар телефонида гаплашиб, уйқу бермаётгани учун бошқа ижарага уй топиб чиқиб кетишини айтган. Бироқ таниши бир кун уйида туриб туришини, кейин ижарага уй топиб, олиб чиқиб кетишини айтган.

«Эртасига танишим шаҳардан ижарага уй топиб беришимни илтимос қилди. Шундан сўнг шаҳарлик танишим М.га қўнғироқ қилиб, ҳолатни тушунтирдим. Соат 11:00 да Г. хона совиб кетаётганини айтгани учун ўзим турган хонага вақтинча ўтказиб қўйдим. Кечга яқин М. келиб, Г. билан гаплашиб, эрталаб кетишга келишиб олишди. М.га келишида ароқ олиб келишини илтимос қилгандим, олиб келибди. У қуйиб турди, мен ичдим. Соат 20:00 да биринчи каравотда у, ёнимдаги каравотда М. ётиб дам олдик. Соат 02:00 да уйғониб кетдим. Бу вақтда ‘свет’ йўқ экан, ҳамма жой қоронғи эди. Чанқаб кетганим учун чой ичиш мақсадида Г. ётган хонага кирдим. Эшикдан ярим метрча масофада жойлашган печка олдига келиб, чойнакни олиб чиқиб кетаётганимда пастда турган оташкуракни босиб, ён тарафига оғиб йиқилиб тушдим. Г.нинг қорин қисмига тегиб кетди, бола йиғлаб юборди. Г. боласини куйдирганлигимни айтиб бақирди. Тўғриси, ўша пайтда ўзимни йўқотиб қўйдим. М. бақир-чақирни эшитиб, боланинг кийимларини ечишга ёрдамлашди. Тез ёрдам чақирдик. Мен Г. айтгандек, унга жинсий алоқа қилишни таклиф қилмаганман. Болага ҳам атай сув қуйиб юбормаганман», — дейди судланувчи.

Суд ҳукмига кўра, айбланувчи Жиноят кодексининг 104-моддаси 3-қисми «д» банди (қасддан баданга оғир шикаст етказиш жабрланувчининг ўлишига сабаб бўлса) билан айбли деб топилиб, 8 йил муддатга озодликдан маҳрум қилинди.

https://t.me/Jurnalist_kotib

Ўзбекистон масжидларида якунланган Қуръон хатми — суратларда
Ўзбекистоннинг деярли барча масжидларида 8 май куни таровиҳ намозларида Қуръон хатми якунланди. Хатмонада қатнашиш мақсадида масжидга келган мусулмонлар ҳар доимгидан ҳам кўп бўлди. Республика махсус комиссияси ва Дин ишлари бўйича қўмитанинг тавсияси асосида хатмоналар очиқ ҳавода ўтказилди.

Хатмона учун масжидларда алоҳида тайёргарлик кўрилди. Қуръон хатми якунлангач, узундан-узоқ дуолар қилинди ва қориларга эсдалик совғалари топширилди.

Эътиборингизга ушбу хатмонага бағишланган фотогалереяни тақдим этамиз.
Ушбу фотогалереядан Андижон вилояти Жалақудуқ туманидаги «Софиқишлоқ» жоме масжидида ўтказилган хатмонадан ҳам лавҳалар ўрин олган.
Каналга уланиш учун:
https://t.me/Jurnalist_kotib

Андижонда ақли заиф боланинг махсус мактаб ходими томонидан калтаклангани ТВ журналисти орқали инкор этилди. Ҳолбуки тиббий экспертиза боланинг калтакланганини тасдиқлади
Андижон шаҳрида яшовчи фуқаро Зуҳра Қаюмова ҳудуддаги 13-сонли ақли заиф болалар учун ихтисослаштирилган мактаб-интернатида фарзанди муассаса тарбиячиси томонидан калтакланганини маълум қилганди. «Дарё» мухбири ҳолатга аниқлик киритгач, бу ҳақда журналистик суриштирув ҳам эълон қилинганди.

Мақолада мурожаатчи фарзандининг туғма ногирон эканлигини, ўқитувчи ва тарбиячилари фарзанди устидан доимий шикоят қилиб келиши, шу кунга қадар кунора фарзандининг турли жойлари кўкариб борган бўлса-да, ҳеч кимга эътироз қилмагани, лекин сўнгги маротаба мактабдан олиб кетганида боласининг иккала қўли ва баданининг айрим қисмлари кўкариб кетгани, бу бўйича профилактика инспектори ва мактаб маъмуриятига чора кўришини сўраб мурожаат қилгани, бироқ ҳеч ким бу масала бўйича жиддий шуғулланмаганлигини таъкидлаганди.

Мазкур суриштирув ортидан 2021 йилнинг 19 апрель куни «Севимли» каналининг «Замон» информацион дастури орқали «Даъво тасдиқланмади» дея телелавҳа эфирга узатилди.

Лавҳада «Севимли» мухбири ҳолатни ўрганиш мақсадида мактабга борганлигини, ўша кунги ҳолат юзасидан мактаб маъмурияти билан суҳбатлашилганлиги, тарбиячига чора кўрилганлиги таъкидланади.

Батафсил:
Каналга уланиш учун:
https://t.me/Jurnalist_kotib

Бугун ишга чиққан ҳамма ходимлар 1 соат вақтли кетиши керак!

Меҳнат кодекси 121-моддасига биноан, байрам (ишланмайдиган) кунлари арафасида кундалик иш (смена) муддати барча ходимлар учун камида бир соатга қисқартирилади.

Эртага Рамазон Ҳайитининг илк куни, яъни ишланмайдиган байрам куни, бугун эса арафа. Демак, бугун барча ходимлар ишдан 1 соат вақтлироқ кетишига қонуний ҳаққи бор.

Каналга уланиш учун:
https://t.me/Jurnalist_kotib

Арафа кунини нотўғри талқин қилмайлик!

Барчамизга маълумки, бугун муборак Рамазон ойининг охирги куни. Эртага эса Рамазон ҳайити нишонланади.
Айнан бугун кўплаб ижтимоий тармоқларда, ўзаро суҳбатларда, хатто илмлилар ўртасида ҳам арафа куни деб эътироф этилмоқда.
Одамлар бир-бирларини арафа куни билан табриклаб, ҳақиқий арафа кунига тегишли бўлган далилларни келтириб ўтмоқда. Энди табиий бир савол туғилади: бугун арафа куними? Арафа куни ўзи аслида қайси кун?
Албатта, мусулмонлар бир-бирларини жумъа ва икки ҳайит кунларида табриклашлари қадим-қадимдан одат бўлиб келган. Бу кунларда қавму-қариндошлар ҳолидан хабар олинади, мискинлар йўқланади, эҳсонлар чиқарилади, дастурхонлар тузатилади. Бир сўз билан айтганда, хурсандчилик, шодлик, қувонч кунидир. Шунинг учун бу кунларда рўза тутиш тақиқланган. Рамазон ҳайити куни, Қурбон ҳайити куни ва Қурбон ҳайитидан кейин уч кун рўза тутган киши суннатга хилоф иш тутиши билан бир қаторда, қаттиқ гуноҳкор бўлиб қолади.
Шулар қатори арафа куни алоҳида фазл ва хусусиятларга эга кун. Унинг бундай деб номланишига бир қанча сабаблар бор.
«Арафа» сўзи таниш, билиш каби маъноларни англатади. Манбаларда бу ҳақда етарлича маълумотлар берилган. Биз эса уларнинг айримларини келтириб ўтмоқчимиз:
Арафа куни – динимиз комил этилган, неъмат тугал қилинган кун;
Арафа куни – Одам алайҳиссалом билан Момо Ҳаво онамиз жаннатдан ер юзига туширилгач, бир-бирларини топиб, танишган кун;
Арафа куни – Аллоҳ таоло руҳларни яратганида руҳлар бир-бирини таниган кун;
Арафа куни – қурбонлик аниқ бўлган кун;
Арафа куни – гуноҳлар кечириладиган ва жонлар дўзахдан озод этиладиган кун.
Бу кун ҳақида кўплаб ҳадислар ворид бўлган. Биз эса улардан биттаси билан кифояланамиз холос.
Оиша розияллоҳу анҳодан ривоят қилинади: «Расулуллоҳ соллаллоҳу алайҳи васаллам: «Аллоҳ таоло бирор кун арафа куничалик кўп бандани дўзахдан озод этмайди. У яқинлашиб, сўнг дўзахдан озод қилган бандалари билан фаришталар олдида фахрланади ва: «Улар нима исташади?» деб сўрайди», дедилар» (Муслим ривояти).
Ана шу далиллардан келиб чиқиб айтамизки, қурбон ҳайитидан олдинги кун, яъни, Зулҳижжа ойининг 9-куни ҳақиқий арафа куни ҳисобланади.
Лекин биз инсоф билан айтадиган бўлсак, пайшанба кунини ҳеч қачон сешанба демаймиз. Ёки Ражаб ойини Сафар ойи демаймиз.
Шундай экан ҳақиқий арафа кунига тегишли бўлган маълумотларни айнан шу бугунга тегишли қилиб ўзлаштириб олишдан ўта-ўта эҳтиёт бўлмоғимиз зарур. Чунки бу шариат, дин. Шариат ва дин борасида гапирганда, одам ўта ҳушёр бўлмоғи талаб этилади. Ҳадисларни мисол келтиришда ҳам шу томонини ўйламоқ керак. Акс ҳолда, покиза, шаффоф, тиниқ, асрлар оша жозибасини, оҳанрабосини йўқотмай келган муқаддас динимизнинг аҳкомларига нуқсон етказиб қўйишимиз мумкин.

Бухоро шаҳар Мир Араб ўрта
махсус ислом билим юрти мударриси
Эркин ҚУДРАТОВ

https://t.me/Jurnalist_kotib

​Ассалому алайкум!

Сизни муқаддас айём бўлмиш Рамазон ҳайити– Ийд ал-фитр билан чин қалбдан табриклайман.

Бир ой давомида тутган рўзаларингиз ва қилган ибодатларингизри Аллох ўз даргоҳида қабул бўлсин. Хонадонингиздан ҳамиша қут-барака ва тинчлик аримасин.

Қалбингизга хотиржамлик ва қаноат, эзгу амалларингизга самара ва дуоларингизга ижобат тилайман.

Байрамингиз яна бир бор муборак бўлсин.
Ҳурмат билан Умиджон Мамарасулов.
Уланиш учун:
@Jurnalist_kotib

Ҳафта мўжароси (1-қисм)
Халқ депутатлари Андижон шаҳар кенгашининг 17 май куни ўтказилган навбатдаги сессиясида депутатлар тинтувдан ўтказилгани, ушбу сессияда Андижонда ер сотувчиларнинг кирдикорларини фош қилиб юрган депутатни прокурор тақдимномасига кўра дахлсизлик ҳуқуқидан маҳрум қилингани ҳақида хабар берилган эди. Мазкур ҳолат Олий Мажлис Сенатининг Маҳаллий ҳокимият вакиллик органлари фаолиятига кўмаклашувчи комиссияси томонидан назоратга олинганлиги маълум қилганди.
“Дарё” мухбири вазиятга ойдинлик киритиш мақсадида журналистик суриштирув ўтказиб, депутат дахлсизлигидан маҳрум бўлган Шуҳратбек Каримов, мазкур мажлисда иштирок этган депутат Жаҳонгир Жиянов ҳамда Андижон шаҳар ҳокими Баҳромжон Ҳайдаровлардан изоҳ олди.
Шуҳратбек Каримовнинг маълум қилишича, у халқ депутатлари Андижон шаҳар кенгашига 9-Саъдий сайлов округидан сайланган депутат сифатида Қонун ва қонуности ҳужжатлар ижросини халққа етказиш ва ижросини назорат қилишга ҳаракат қилган. Шу сабабли бир қатор ташкилотларга тегишли тартибда депутатлик сўровларини юборган. Бу эса мутасаддиларга ёқмаган.
Батафсил қуйидаги ҳавола орқали танишишингиз мумкин:
https://www.youtube.com/watch?v=j1wINOFJeP8
Каналга уланиш учун:
https://t.me/Jurnalist_kotib

Ҳафта мўжароси (2-қисм)
Андижон шаҳар ҳокими Баҳромжон Ҳайдаровнинг айтишича, депутат Шуҳрат Каримовнинг ўзига ажратилган 4 гектар ер майдони атрофидаги қўшимча 6 гектарни ноқонуний равишда қўшиб олган. Каримов ўзига бириктирилган ерда кўп қаватли уйлар, коттеджлар, маиший хизмат бинолари қуриш керак бўлган бўлсада, белгиланган ишлар амалга оширилмаган.
Ҳоким журналист ва блогерларнинг сессияга киргизилмаганлигини депутатга ҳали айблов қўйилмасдан, даҳлсизлиги ечилмасдан туриб оммага тарқалиб кетишини олдини олиш ва обрўсини сақлаш мақсадида қилинганлиги билан изоҳлади.
Воқеалар ривожи билан батафсил қуйидаги ҳавола орқали танишишингиз мумкин:
https://www.youtube.com/watch?v=a66Rrb_ZB7A
Каналга уланиш учун:
https://t.me/Jurnalist_kotib

Daryo: Бокс тушаётган, шахмат ўйнаётган, велопойгачи, футболчи ва курашчи ҳокимлар — Андижондаги «Ёшлар форуми»дан фоторепортаж — https://daryo.uz/k/2021/05/21/boks-tushayotgan-shaxmat-oynayotgan-velopoygachi-futbolchi-va-kurashchi-hokimlar-andijondagi-yoshlar-forumidan-fotoreportaj/