القلب فعلا ملوش سلطان متقدرش تجبره يحب شخص مهما كان الشخص ده كويس وكله مميزات، ولا تقدر تجبره يشيل شخص من جواه مهما كان الشخص ده مؤذي سبحان الله القبول وعدم القبول شيء رباني مهما عملت مش هتقدر تتحكم فيهم.

- ‏أشَعر أنه لم يعد يهمنيَ وصول رسالة او مكالمه، ولم أعد أنتظر حدوثُ شئ، لقد أصبحت مختلفًا جدًا لم أعد كما كنتَ سابقآ.

قررت أتعود أعدي أوقاتي الصعبة لوحدي ، أكيد وجود حد جمبي يشيل عني و يعديها معايا هيفرق ، بس مضمنش الحد دا هيفضل موجود على طول ولا
هيختفي فجأه ! ، علشان كدا لازم تتعود تعديها لوحدك.

وكان مفروض محبكش💔

‏سوشيال ميديا برعايه تدمير النفسيه اكتر ماهي مدمره.

بصراحه مفيش لحظات تستحق الندم ف العالم غير اللحظات الي بندرك فيها اننا ادينا حاجه اكبر من حجمها واستنزفنا نفسنا وتعبناها وارهقناها وهيا مكنتش تستاهل دا كله..وبصراحه اعطاء الامور اكبر من حجمها دا شئ سئ خصوصا لو كان الINCOME الي هيرجعلك ف الآخر لن يعوضك ابدا عن انطفاء روحك وحزنك.

ياريت زي ما (حقوق المرأة) طلعو اخيرا و دافعو عن المرأة ف مصر يطلعو ويساعدو امال ماهر اللي لحد دلوقتي محدش يعرف عنها حاجه واللي اكيد مخطوفة من (تركي الشيخ ) ف ياريت اي حد يقدر يساعد حتي لو بهشتاج يعمل كدا لعل نقدر نساعدها ..

#انقذوا_امال_ماهر

عارفين أسوء مرحله ممكن نمر بيها ايه؟ إنك تنطفي، تفقد الشغف ، روحك تبهت، إنك تفضل ساکت رغم إنهياراتك،إنك تحس بتقل الأيام، إنك تبقي قاعد بس حاسس إن العالم كله فوق قلبك.

العتاب محبة لكن كتره مزلة، عشان كدا أنا ضد انك تعاتب الشخص على نفس الحاجة أكتر من مرة، لان مفيش حد مش واخد باله طول الوقت، هما واخدين بالهم وعارفين بيعملو إيه، وبما إن زعلنا مش مهم عندهم وبيكرروا الحاجة اللي بتضايقنا، وزي ما العتاب محبة للي قدامك الانسحاب برضو محبة لنفسك.

‏متصاحبش لمجرد إنه معندكش صحاب، متتعرفش على حد لمجرد إنك عايز تتعرف على ناس جديدة، ومتدخلش فى أي علاقة لمجرد إنك مش عايز تكون لوحدك
الوحدة أرحم وأحسن وألطف ألف مرة من إنك تدخل فى علاقة مع حد يسد بيك أوقات فراغه، ‏أحسن لك مليون مرة من إنك تلاقي نفسك فى علاقة أنت لوحدك اللى خايف عليها تنتهي وطول الوقت بتفكر وبتعمل اللى يقويها...
عيش لوحدك مية سنة ولا تعيش ساعة واحدة مع حد مش فارق معاه يخسرك.

شعور مرعب إن الناس اللي في حياتنا مش دايمين وانهم عباره عن محطات كده كده هيفارقونا سواء بإرادتهم او الظروف و الدنيا هتبعدهم ، حقيقه مرعبه ومؤلمة ان الرحالة فردية تماما..

‏كلام
كتير
ملوش
داعي
أحفر
حفره
وادفن
اوجعاعي

عُمري ما كُنت من الناس اللي بتخدعها المظاهر؛ يعني النفخة الكدابة والناس اللي بتحرج غيرها عشان تبان جامدة والتناكة على خلق الله والمنظرة وكُل التفاهات دي مُستحيل تلفت انتباهي بالعكس أنا بشوفها نقص، أنا شخص بيحب البساطة جدًا ودايمًا الحاجات اللي بتخطفني بسيطة، زي الحنية في المُعاملة، والذوق في الكلام، وإن اللي قُدامي يحسسني بغلاوتي وإنّه حاططني في مكانة لوحدي بعيد عن أي حد، وحقيقي التفاصيل البسيطة دي عندي بالدُنيا كُلها والله.

- أنا لا أعرف الخصام.. أنا أعرف كيف أعيد الناس كما كانو، غرباء.. سأبتسم لك لأني أبتسم للغريب.. سأتحدث معك إن احتجت كوني أتحدث مع الغرباء.. لكني لن أميّزك من بين العالم.. لن أسأل عن حالك مهما ثارت أحوالك ولن نخوض أحاديثنا الوديّة بعد ذلك.. سأسمعك بعقلي كل يوم، ولن أسمعك بقلبي لألف عام.