Дәрет алу барысында мына дұғаларды айтып жүрейік.

Пайғамбарымыз (с.а.у.): «Жәннаттың кілті – намаз, намаздың кілті – дәрет», – деген (Тирмизи). Хазіреті Османнан (р.а.) жеткен хадисте Пайғамбарымыз (с.а.у.): «Кімде-кім дәрет алса және ол дәретін барынша жақсылап алуға ынта-ықылас танытса, оның өне-бойынан күнәлары төгіледі, тіпті тырнақтарының астынан да ағып кетеді», – дейді (Муслим). Ендеше әдебіне сай дәреттің дұғаларын да ұсынып отырмыз.
Дәретті «Әъузу билләһи минәш-шайтанир ражим», «бисмилләһир рахмәнир рахим» деп бастағанан кейін төмендегі дұғалар оқылады: 
Дәрет алып бастарда:
Арабшасы:  
اَلحَمْدُ لِلّٰهِ الَّذ۪ى جَعَلَ الْمَاءَ طَهُورًاوَجَعَلَ اْلاِسْلاَمَ نُورًا
Оқылуы:
Әлхамдулилляһил ләзии жәъәләл мәә-а таһууран уә жәъәләл исләәмә нуран
Мағынасы:
Суды тазалаушы, Исламды нұр қылған Аллаһ Тағалаға мақтау-мадақ болсын!
Ауыз шаярда:
Арабшасы:  
اَللّٰهُمَّ اَسْقِنِي مِنْ حَوْضِ نَبِيِّكَ كَاْساً لاَ أَظْمَأُ بَعْدَهُ أَبَداً
Оқылуы:
Аллаһумма әсқинии мин хәудый нәбиикә кә’сән лә әзмәу бәъдәһу әбәдән
Мағынасы:
Аллаһым! Маған Пайғамбардың (с.а.у.) хауызынан еш шөлдеместей бір кесе су ішкіз.
Мұрын шаярда:
Арабшасы:
اَللّٰهُمَّ لاَتَحْرِمْن۪ى رَائِحَةَ نَعِيمِكَ وَجِنَانِكَ
Оқылуы:
Аллаһумма лә тәхримни рааихәтә нәъиимикә уә жинәәникә
Мағынасы:
Аллаһым! Мені нығметтеріңнің және Жәннаттарыңның хош иісінен мақұрым етпе!
Жүз жуарда:
Арабшасы:
اَللّٰهُمَّ بَيِّضْ وَجْهِى بِنُورِكَ يَوْمَ تَبْيَضُّ وُجُوهٌ وَتَسْوَدُّ وُجُوهٌ
Оқылуы:
Аллаһумма бәийд уәжһи бинуурикә йәумә тәбиәдду ужууһун уә тәсуәдду ужууһун
Мағынасы:
Аллаһым! Қаншама жүздердің ағарып, жарқырап, қаншама жүздердің қарайып, түнеретін күні жүзімді нұрыңмен ағарт, нұрландыр!
Оң қолды жуарда:
Арабшасы:
اَللّٰهُمَّ أَعْطِنِى كِتَابِى بِيَمِينِى وَحَاسِبْنِى حِسَاباً يَسِيراً
Оқылуы:
Аллаһумма аътыйни китәәбии би йәмиинии уә хәәсибнии хисәәбән йәсиран
Мағынасы:
Аллаһым! Амал дәптерімді оң жағымнан бер, есебімді жеңіл ет!
Сол қолды жуарда:
Арабшасы:
اَللّٰهُمَّ لاَ تُعْطِن۪ى كِتَابِى بِشِمَالِى وَلَامِنْ وَرَاءِ ظَهْر۪ى وَلاَتُحَاسِبْنِى حِسَابًا شَدِيدًا
Оқылуы:
Аллаһумма лә туътыйнии китәәбии шимәәлии уә лә мин уәрааи заһри уә лә тухәәсибнии хисәәбән шәдиидән
Мағынасы:
Аллаһым! Амал дәптерімді сол жағымнан берме, есебімді қиындатпа!
Басқа мәсіх тартарда:
Арабшасы:
اَللّٰهُمَّ غَشِّنِى بِرَحْمَتِكَ وَاَنْزِلْ عَلَىَّ مِنْ بَرَكَاتِكَ
Оқылуы:
Аллаһумма ғашшинии би рахматика уә әнзил ъәләийә  мин бәракәәтикә
Мағынасы:
Аллаһым! Мені рахметіңе бөле! Берекетіңді жаудыр!
Құлаққа мәсіх тартарда:
Арабшасы:
اَللّٰهُمَّ اجْعَلْنِى مِنَ الَّذ۪ينَ يَسْتَمِعُونَ الْقَوْلَ فَيَتَّبِعُونَ اَحْسَنَهُ
Оқылуы:
Аллаһумма жъәлни минәлләзиинә йәстәмиъуун-әл-қаулә фә йәттәбиъуунә әхсәнәһу
Мағынасы:
Аллаһым! Мені сөз тыңдап оған ең жақсы түрде бойсұнғандардан ет!
Мойынға мәсіх тартарда:
Арабшасы:
اَللّٰهُمَّ أَعْتِقْ رَقَبَتِى مِنَ النَّارِ
Оқылуы:
Аллаһумма әътиқ рақабәтии минәннәәр
Мағынасы:
Аллаһым! Мойнымды оттан азат ет!
Аяқ жуарда:
Арабшасы:
اَللّٰهُمَّ ثَبِّتْ قَدَمَىَّ عَلٰى الصِّرَاطِ يَوْمَ تَزُولُ ف۪يهِ اْلأَقْدَامُ
Оқылуы:
Аллаһумма сәббит қадамәийә ъәләс-сыйратый йәумә тәзуулу фииһил-әқдәәму
Мағынасы:
Аллаһым! Қаншама аяқтардың таятын күні аяғымды сират көпірінде берік ет!
Дәрет алып біткен соң:
Арабшасы:
أَشْهَدُ أَنْ لاَ إِلٰهَ إِلاَّ اللّٰهُ وَحْدَهُ لاَ شَرِيكَ لَهُ وَأَشْهَدُ أنَّ مُحَمَّدًا عَبْدُهُ وَرَسُولُهُ
اَللّٰهُمَّ اجْعَلْن۪ي مِنَ التَوَّابِينَ وَاجْعَلْن۪ي مِنَ المُتَطَهِّرِينَ
سُبْحَانَكَ اللّٰهُمَّ وبِحَمْدِكَ أَشْهَدُ أَنْ لاَ إِلٰهَ إِلاَّ أَنْتَ أسْتَغْفِرُكَ وأتُوبُ إِلَيْكَ‏
Оқылуы:
Әшһәду әллә иләәһә иллә Аллаһу уәхдәһу лә шәриикә ләһу уә әшһәду әннә Мухаммадан ъәбдуһу уә расуулуһу
Аллаһуммә жъәлни минәттәууәбиинә уә жъәлни минәл-мутәтаһһириина
Субхәнәкә Аллаһумма уә бихәмдикә әшһәду әллә иләһә иллә әнтә әстағфирукә уә әтуубу иләйк
Мағынасы:
Аллаһ Тағадан басқа тәңір жоқтығына, Оның жалғыз әрі ортағы, серігі жоқ екендігіне және Мұхаммед оның құлы әрі елшісі екендігіне куәлік етемін.
Аллаһым! Мені тәубе еткендерден және таза болғандардан ет!
Аллаһым! Сені барлық кемшілік атаулыдан пәктеймін. Аллаһым! Сенен басқа тәңір жоқтығына куәлік етемін. Сенен

2.Сабақ.

ҒҰСЫЛ - ТОЛЫҚ

ҒҰСЫЛ
Құрғақ жер қалдырмастан түгел денені жуу, яғни шомылу “ғұсыл” деп аталады.
Ғұсыл алынуы қажет жағдайлар:
1) Жүніптік жағдайында:
а) Балиғат шағына толған ер мен әйелдің жыныстық қатынаста болуы;
б) Ұйқыда немесе ояу кезінде әйел немесе еркектің жыныстық мүшелерінен белгілі сұйықтықтың шығуы.
2) Әр ай белгілі уақыттарда әйелдердегі хайыз күндер біткенде.
3) Босанған әйелдің нифастық мерзімі біткенде.
Осы жағдайда болғандардың ғұсыл алуы парыз. Бұлар ғұсыл алмайынша:
а) Намаз оқи алмайды;
ә) Құран оқи алмайды;
б) Қағбаны тауап ете алмайды;
в) Қажеттілік болмаса мешітке кіре алмайды;
г) Құранды ұстауға болмайды.
Әйелдер етеккір келгенде және босанғаннан кейінгі нифас кездерінде ораза ұстамайды.
Бұған қоса, ғұсыл алу қажет болмаған жағдайлардан тыс жұма және айт намаздары үшін ғұсыл алу – сүннет.
ҒҰСЫЛДЫҢ ПАРЫЗДАРЫ
Ғұсылдың үш парызы бар:
1) Ауызға су алып, тамаққа дейін шаю;
2) Мұрынға су алып жуу;
3) Барлық денені (иненің жасуындай құрғақ жер қалдырмай) жуу.
ҒҰСЫЛДЫҢ СҮННЕТТЕРІ
Ғұсылдың ең басты сүннеттері мыналар:
1) Ғұсылды “Бисмилләмен” бастау;
2) Ғұсылға ниет ету;
3) Алдымен дененің белгілі жерлерінде бар болса кірді жуып та-залау;
4) Әурет жерлерді жуу;
5) Ғұсыл алмай тұрып дәрет алу;
6) Дәреттен кейін әуелі үш рет басқа, содан кейін үш рет оң иыққа, үш рет сол иыққа су құя отырып жуыну және суды әр құйған кезде дененің барлық жеріне жеткізу;
7) Су құйған кезде денені ысқылау.
8) Аяқ тұрған жерге су жиылатын болса, дәрет алғанда аяқтың жуылуын ең соңына қалдыру.
ҒҰСЫЛ ҚАЛАЙ АЛЫНАДЫ?
Ғұсыл алатын кісі алдымен “Бисмилләны” айтады және жуынуға ниет етеді. Қолдарын білегіне дейін жуып, содан соң әурет жерлерін тазартады. Содан кейін оң қолымен үш рет су алып, тамағына дейін аузының ішін жақсылап шаяды. Егер ауыз бекіткен болса, тамағына су жібермей шаяды. Содан кейін оң қолымен үш рет мұрынға су алып, сол қолымен сіңбіріп тазалайды.
Содан кейін жоғарыда айтылғандай дәрет алынады. Дәрет біткен кезде, әуелі үш рет басына, содан соң үш рет оң иығына, үш рет сол иығына су құя отырып жуынады. Суды әр құйған сайын денені қол жеткенше ысқалап жуады. Иненің жасуындай құрғақ жер тастамай дененің барлық жерін үш рет жақсылап жуады.
Жуынып жатқан кезде:
Кіндік, құлақтың ішкі жағы, сырғаның тесіктері, тіс аралары, сақал, мұрт және шаштың түптеріне су тиюіне мұқият болу керек. Ғұсылда дұға оқылмайды. Үстінде жамылғы болмаса, құбылаға қарауға және керексіз жағдайда сөйлесуге болмайды. Парыз бен сүннеттерге сай ғұсыл осылай алынады.
Ғұсыл алатын адам ауыз бен мұрынды жақсылап шайғаннан кейін ағып жатқан суға, теңізге немесе үлкен хауызға (бассейн) шомылып, дененің барлық жеріне су тигізсе, ғұсыл алған болып есептеледі.

3.Сабақ.

Намаз оқу үлгісі.

Видео от Лаззат

[24.02, 20:15] Лаззат: 4.Сабақ.
[24.02, 20:15] Лаззат: Намаздың парыздары.

НАМАЗДЫҢ ПАРЫЗДАРЫ
Намазда 12 парыз бар. Олардың алтауы намаздың сыртында. Олар “намаздың шарттары” деп аталады. Ал алтауы ішінде. Олар “намаздың рүкіндері” деп аталады.
Намаз дұрыс болуы үшін он екі парыз толығымен орындалуы керек.
Намаздың шарттары:
1) Хадастан (рухани) тазару – рухани кірдің кетуі үшін дәрет алу, қажет болған жағдайда ғұсыл алу.
2) Нәжістен тазару: Намаз оқитын адамның денесінде, үстіндегі киімінде және намаз оқитын жерінде лас, нәжіс болса, оларды тазарту.
3) Әурет жерін жабу: Намаз оқитын адамның денесіндегі жабылуы керек болған жерлердің жабық болуы.
Әурет ер адамдар үшін: Кіндік пен тізе арасы (тізесі қоса жабылады).
Ал әйел кісілер үшін: Жүзі, білектің төменгі бөлігі және аяқтың қызыл асықтан төменгі бөлігінен басқа жерінің жабылуы.
4) Құбылаға қарау: Намазды құбылаға қарап оқу. Құбыла Мекке қаласында жер жүзінде Аллаға ғибадат ету мақсатымен жасалған алғашқы киелі үй (Қағба). Қағбаны Хазірет Ибраһим мен Исмайыл
салған.
5) Уақыт: Намаздарды өз уақыттарында оқу. Уақыт кірмей намаз оқуға болмайды.
6) Ниет: Қандай намазды оқитынын біліп, көңілінен, яғни ішінен еске түсіру. Ниеттің тілмен айтылуы сүннет.
Намаздың рүкіндері:
1) Ифтитах тәкбірі: Намазды бастағанда тәкбір айту.
2) Қиям: Намазда тік тұру деген сөз.
3) Қирағат: Намазда кемі үш қысқа аят оқу.
4) Рүкуғ: Намазда қолды тізеге тіреп, иілу.
5) Сәжде: Рукуғдан кейін аяқтың ұшы, тізе және қолмен бірге маңдайды жерге тигізу (қою).
6) Қағдаи ахир: Намаз соңында “әттәхиятуді” оқитындай уақыт отыру.

[24.02, 21:29] Лаззат: https://youtu.be/X0CxcbCySHo
[24.02, 21:30] Лаззат: https://youtu.be/ibsuLs0RTTg

Бұл бесін намазы

Ақшам намазы