لَم تُخلق لِـتعْيش على هامِش هذه الحَياة . .
كُن شَخصاً مؤثِراً ❤

حبيبي العظيم متى اراك سالماً منعماً 💚

جئنا الى الحياة لنصبح ذوي قيمة معينة ..لا كي نعيش بأي ثمن !!

‏اختفى التافهين ومطربي المهرجانات والاغاني والملاهي ومهرجي السوشيل ميديا !!

‏وبقى للوطن !🇮🇶❤
‏• معلم يسهر ليتواصل مع طلابه
‏• طبيب لا يخاف العدوى ويعالج مرضاه
‏• عسكري يسهر مرابطاً لحمايته
‏• عالماً يسابق الزمن ليجد علاجاً للوباء

‏أعيدوا ترتيب المجتمع الذي أصبح مقلوباً بكل المقاييس.!

#حياتنا_عبارة_عن_أجزاء ..

وقت للأصدقاء وقت مع الأهل وقت للدراسة او الشغل وقت للحُب وقت للسوشال ميديا وقت للتفكير وهذا الوقت يلي ياخد اكتر من حياتنا ..

هو التفكير .. قليل لناخد قسط من الراحة ..
لناخد شوي هدوء بيومنا لنحس شوي بالفراغ ..

وقتنا مليان مشاغل ، وما عدنا الوقت الكافي .. لناخد وقت ونستوعب حياتنا كيف عايشيها ولوين رايحين ،، ع أيّ تفكير ، وبأيّ قصة عم نسرد !؟.

يا ترى سردة حُب او خيبة عمر او وجع ماضي مرافقنا ..

هالحياة منعيشها صح لما منركز بشو جاي نفكر وبأيّ طريق جاي نمشي ..

خلينا نركز بالحُب .. بالعاطفة .. بالأيام الحلوة قبل المرة .. نفكر بالإيجابي قبل السلبي .. بالراحة قبل التعب .. خلينا نعكس حياتنا للأفضل " 🤍

اکو مبدأ بالصيدلة يكول انو الدوه بجرعة عالية ممكن يتحول من علاج لسم وبجرعة قليلة مراح ينطيك التأثير العلاجي ..
وهذا المبدأ فعلياً ينطبق على كلشي بالدنيا .. مشاعرك بغض النظر عن نوعها ( حب ، کره ، حزن ، ... ) اذا بالغت بيها راح تدمرك ، ردة فعلك اتجاه أي ابتلاء اذا جانت فوك الحد الطبيعي لفترة طويلة ممكن تعبك .. توقعاتك وثقتك المبالغ بيها بالناس راح تخليك تنصدم بواحد وره الثاني بالواقع ، ندمك على أخطاءك وخوفك المستمر راح يخليك توكع بخطأ أكبر بحق نفسك ، وببساطة هو مجرد درس الك وعقوبة أي شي بالحياة سر نجاحه الإعتدال .. لتبالغ لأنك راح تتضرر ، ولتستهتر بكلشي لأنك راح تفقد معنى الحياة ..

السر الي يخليك انسان قوي وانسان ضعيف شي كلش بسيط ، عليك بس تحسب الجرعة صح !🙂

‏معنى الراحة النفسية، إنك تاخذ كل واحد على گد عقله .🌚

بحياتي ماعرفت اباوع على احد واني ماخذ على خاطري منه ، ولا عرفت أضحك بوجه احد ثكيل على قلبي ! اني إنسان وجهي مراية قلبي ، ومرتاح بهذا الشي ما اعرف اصير انسان ثاني واغير من نفسي ودائما اسوي بس الي يخليني راضي على نفسي رغم هالشي يزعل هواي ناس ..! ماأجي اتصنع لو اصير مثالي ولا احس اني محتاج امثل علمود أرضي احد ، البساطة تشدني ، والطيبة والحنية ياخذوني ، اضحك بوجه الغريب ، واحب أحاوط نفسي بناس ما أضطر واني وياهم أبرر كلشي اسوي ... ناس يعذروني اذا غلطت ويقدرون ظرفي ، يرجعوني اذا ضليت بالطريق ، احب النوايا الصافية ومااعرف احسب حساب لسوء الظن ،
#أهلي_وناسي همه أكبر نعمة بحياتي ، ولو جانوا همه رزقي من الدنيا فاني أكثر من راضي والله 🤍

الحمد لله على نعمة الناس النظيفه بحياتنه❤

الشخص الي حجه عليه بالمو زين هو مو جذاب فعلا اني جنت مو زين لإنه هو اساسا مو زين وياي واجه الوكت الي اوكفه عند حده

، والشخص الي حجه عليه وكال مؤذي هو مو جذاب اني فعلا أذيته بعد ما هو أذاني الف مرة !

والشخص الي شايفني اتلون لو مخادع بس لمجرد هو حاول يوصلني للشي الي ميعجبني علمود يسمع الكلمتين الي منتظرهم يسمعهم مني ، هو حر ..

والي كال عليه شخصية طيبة هو مو جذاب لإن اني شفته هو شخص طيب وميستاهل مني غير بس الخير ..

بالنهاية إنت مراية نفسك تتعامل على اساس اخلاقك وتربيتك ، المقابل إلي يختار الطريقة الي تتعامل وياه بيها .💙

تخنكك العبره من تگلب بمنشورات ٢٠١٩ و بدايات ٢٠٢٠
تخنكك العبره من تدخل لحسابات الشهداء، تشوف هذا العنده حبيبه وهذا العنده حلم وذاك العنده أم وهذا العنده اغنيه ناشرها ومعتبرها صديقته.
تشوف حساباتهم حزينة وصامتة، بالمقابل تشوف ماضيهم الحلو، هذا الناشر سفرته، وذاك الناشر كعدته بالمطعم، وهذا الناشر اصدقائه، وهذا الخطيه الناشر شهيد اخر مات قبله ويترحم عليه، تتمنى لو جنت تعرفهم، لو جنت صديق احد منهم، تباوع على جمالهم وتنقهر .. تنقهر لأن ما موجودين ولان مستحيل يكونون موجودين...💔

احب اعايد الناس الوكفت ويانه وماخذلونه
احب اعاید شکو واحد ضل يحبنه وماغيرته سوالف الناس
الناس التحب الخير لاي شخص حتى لو متعرفه ، احب اعايد الموجودين ويانه بفرحنه وحزنه ، الناس الي ماملوا منه بوكت برودنه وعصبيتنه ، الناس الي ويانه عالحلوه وعالمره ، الناس الي تجبر بخاطرنه كل لحظه ويوم وسنه الناس الي تحب جمال وجوهر الروح وميغرها الشكل ، الناس الي تذكرنه بابسط الاشياء

كل عام وانتو بخير . 💙

كل المخلوقات الموجوده بالعالم يجمعها الحس الاخلاقي الي احنه مستحوذين علّي ونسمّي الدافع الانساني
البشر اذا جان #ملحد او #مؤمن بطبيعته يحب يساعد ويرحم ويتصدق ،الاناث تمتلك صفة الرحمة والأمومة والذكور يمتلكون دافع المسؤولية وهذا الشي تشاركنا بي الحيوانات بكل انواعها ، اعترافك بالدين هو مسألة شخصية وعدم اعترافك بي هو معتقد شخصي
لاتضر غيرك ولاتنفعه
فالمفروض مانتعامل ويه البشر على دينهم ومذاهبهم
الافعال فقط هي التي تحدد من انت! وليست صلاتك او عدم اعترافك بالله ..

ياترتبط بالشخص الصح ، یا تعيش عمرك لنفسك واهلك وتتونس بي ويه عائلتك وناسك . الدنيا مو بس ارتباط وزواج ، وعائله ومسؤوليات . الاختيار الخطأ راح يسبب الهم والمغثه طول العمر . كل الي تكدر تسوي انو تنجح ، تنجح بشغلك بشغفك بسعادتك وبحياتك .
#ماأنكر_اهميه المشاركة والاستقرار بس ما الها اي طعم لو جانت ويه #انسان ميعرف يقدر قيمتك...!

#الكبر بالعقل مو بالعمر
#والمحبه بالقلب مو بالشكل
#والصحبه بالقدر مو بالمصلحه
🌝🤍

مرات استغرب من نهاية علاقات المفروض متنتهي
استغرب شلون حالات طلاق تصير وره عشر سنين لو اكثر
اكول ليش انفصلوا هسه مو من البداية ؟!
لو اصدقاء العمر بلحظة واحد ميحجي ويه الثاني بعد ومحد يكدر يرجع علاقتهم ، لوعلى مستوى الكرايب والجيران وحتى الأهل تشوف اخ ميحجي ويه اخوه لو اخت متحجي ويه اختها سنين ،
بقيت استغرب الحد ماوصلت لحقيقة وهيّ اكو شي بالعلاقات اسمة "الرصيد"
علاقتك بأي انسان يحددها رصيد مرتبط بمعزة الشخص وسلوكة وياك كل ما التعامل يبقى بيه احترام كلما يزيد هذه الرصيد والعكس صحيح،
كل ما التعامل يبقى بلا تفاهم وسوء سلوك ينقص الرصيد
الشخص المتأكد منك من يتمادى ويجرح ميدري لا إراديًا ينقص من رصيد محبته بداخلك ، يتصورك فاتورة تمتد بلا نهاية وطبعا العلاقة تستمر الحد ما الرصيد يصير صفر

حافظوا على علاقاتكم ويه الناس التغفر وتسامح ،ولتتصور طول العلاقة سبب كافي لأستمرارها ،

زيدوا رصيدكم بالرحمة والأحترام والتفاهم
وتذكر .. اليشوفك بعين الجبيرة
يكدر بلحظة ايحجمك

المشكلة الجبيرة المصدكين بيها اغلب العراقيين هو تغيير العراق يصير بيد رئيس الوزراء الجديد .
اي رئيس وزراء يجي يمثل سياسة الحزب التابع اله مو مثل الامام علي انتخبوا اغلب المسلمين وامتنعوا عنه اهل الشام
التغيير يجي من تغيير الاحزاب مو من شخص يمثل الاحزاب نفسها الحكمت العراق مدري شجم سنة
ماكو شخصيات مستقلة بالعراق تنتخبها كلها احزاب تمثل ميولها وعقائدها ومصالحها
هي الغرفة نفسها يجيبلك قوطية بنتلايت غير لون ويصبغها كل سنة فوك خرابها وعفنها
هاي مو نظرة تشاؤمية مثل مايعّرف شوبنهاور السعادة بالحياة
يكول ماكو سعادة بالحياة ، والفرح التحس بي هذا الالم من يقل تحس بي سعادة!
فلتتأمل بسعادة مزيفة ، بهذا الوطن شغلتين ماترهم بعد
وطن مستقر ، وتشريب الكص
#اثنينهن_فوضى

شوف المنتخب صارله سنين من الاخفاق ومحد كدر يغير عناصره وفساده ، يجيبلك كفاءة يحاربه ويكعده مسصطبة، شوف الفن ، نفس الوجوه والمواضيع المستهلكة والرثاثة المستمرة ،
شوف الاعلام، ماكو اعلامي منصف اله اذا مايتحارب ويتهم بالعمالة
هذا الوضع يريدوه يبقى نفسه ، بس يصير تغيير حقيقي يجر لحد مايوصل مفاصل الدولة
هي هاي سياسة الفوضى بالبلدان...

#الله_بالخير.

"احيانًا" المشاهد والاحداث اليومية الصارت واللي دتصير ضمن واقعنا بدت تخلينا نفقد التعاطف وي الاشخاص للأسف، وحتى واقع الاحداث المأساوية والمؤلمة بدا يصير اقل حدة وثأثير.
والموضوع صار مجرد scrolling، سواء النا كعراقيين او حتى لبقية الاشخاص من شعوب اخرى.

حريق مستشفى او سرقة مال عام او تردي الصحة والخدمات وغيرها في بلدنا صارت تعتبر مجرد نتائج لشعب امتلئ بالجهل والتخلف والصراعات، فقبل ما ترفع اصابع الاتهام على الحكومة وتحرض الشباب على الانتفاضة عليها بسذاجة وتهور حتى يكونون مجرد ضحايا اضافيين وتزيد مواجِعنا، تذكر بلدك بعشائره وصدرييه وعبيد رجال الدين والمراجع وأحزاب الميليشيات وبطريقة التفكير الصحراوية عند اغلب مواطنيه، وشلون هالامور بحد ذاتها تمثل عائق جبير اتجاه تطوره وتحسنَه،
فمن المستحيل يجتمع مصطلح حكومة جيدة مع شعب سيء.

جورج أورويل يگول "شعب يختار فاسدون، محتالون، لصوص وخونة، انه ليس ضحية بل شريك"

متندم ع كل ليله تغطيت بيها بالشتا..🙂

من بين كل هاي الأحداث
اكثر فئة كاسرين خاطري بالعراق همه الملحدين
لا همه مرتاحين بهل بلد
ولا همه راح يرتاحون بالآخرة
تحس وجودهم اغنية حزينة