من ينكال عنك غلطان أحسن مما ينكال عنك ضعيف ،
لان اذا نكال عنك غلطان انت تكدر تثبت انه انت مو غلطان ،
شلون !
- بصمودك لان انت الي دتتصرفة صح .
بس اذا تراجعت والله لان فلان أنتقد ، والله لان فلان حجة هنا صرت ضعيف والضعيف بهلزمن ميعيش أبداً .
وانت بكيفك ...♡•

#يصادف_اليوم 1 تشرين الأول

الذكرى السنوية الثالثة لإندلاع ثورة تشرين في عام 2019، في بغداد وبقية محافظات جنوب العراق؛ احتجاجاً على تردّي الأوضاع الاقتصادية للبلد، وانتشار الفساد الإداري والبطالة.

وندّد المتظاهرون أيضاً بالتدخل الخارجي في العراق، وواجهت قوات مختلفه هذه المظاهرات بعنف شديد واستعملت صنف القناصة واستُهدِف المتظاهرين بالرصاص الحي.

وبلغ عدد الشهداء من المتظاهرين حوالي 740 شخصاً منذ بدء المظاهرات، وأُصيب أكثر من 17 ألف بجروح خلال المظاهرات ومن بينهم 3 آلاف "إعاقة" جسدية.

فضلاً عن اعتقال العديد من المحتجين وأيضاً قطع شبكة الإنترنت.!

🥲💔🇮🇶

مشكلتي الأبدية هو اني دائماً اكطع علاقاتي بالأشخاص القريبين مني بدون مايحسون ومو من بعد غلطة وحدة، لا بسبب التراكمات ..

اغلاط هواي متكررة وما تنغفر بس لإني شخص صعب وما احب احد بسهولة جنت انطي فرص هواي بشكل مفرط بس بعدين استوعبت أن الفرصة الأولى مثل الفرصه الأخيرة ماكو فرق الناس مستحيل تتغير والناقص راح يضل ناقص لو شكد ما الدنيا افترت بي !

ماندمان، لإن انطيت هواي فرص ولا راح أبرر ولا أعاتب ولا أكره شخص جان قريب مني بيوم من الايام
اتمنى للناس الي طلعوا من حياتي حياة سعيدة بس بعيد عن حياتي

اكو ناس تعرفها بحياتك فجأة يغيرون مفهومك عل العشرة
يخلوك #تدرك_الحب_والتقدير مو بالسنين .
ولا كل واحد تسمي صديق
ذني امور تجي بالصدفة . ♥️

في حياة كل إنسان شمس بشرية صغيرة تضيء حياته، مثلما تضيء شمس الدنيا العالم.🤍

ماراح تكدر تغير أنسان مؤذي حتى لو قدمتله سنين من #الحب_والأحترام.!

اذكر مره جنت كاعد يم رجال جبير كلي هاي الحجايه

الأنسان مثل المعدن، أكو معدنه تنك رخيص الي يخيس ويصدأ من أول مطرة، واكو معدنه ذهب، ويبقى ذهب لو هسة مطرت عليه الف سنة!

#القصد_من_الحجي أكو بشر اذا تصادقه هو خوش أنسان ونبيل وعنده خلق طيب، واذا صار بيناتكم خصام لو خلاف هم رح يبقى عنده هذا النبل والخلق الطيب بخصامه وياك.. ❤️

اقسى انواع الالم اللي ممكن يتذوقة الانسان بحياتة هو #الم_الفقدان
كل انواع الالام ممكن تتعالج وتتعايش وياها بمرور الوقت الا هذا النوع، الفقد يترك فجوة كبيرة بداخل الانسان
الشعور الوحيد اللي ماينتهي وما يموت ، يتغلغل بداخلك ويدخل سبات طويل ممكن يمتد لسنين
وبلحظة سريعة وبدون قصد تصير كدامك ذكرى قديمة ويصحى هالشعور ويصحى وياه كل الوجع والدموع والحسرة،
شيء كلش صعب و ثقيل على الانسان ، ولهذا الله رازقنا بنعمة النسيان والصبر

كلنا في يوم من هاي الايام راح ينتهي عمرنا الافتراضي وراح نزول ونختفي من هاي الدنيا وراح نصير مجرد ذكرى ينحزن عليها
جميعنا راح ننفقد مثل ما نفقد
اللي راح يبقى عايش بعدنة هو الاثر الطيب والذكريات الحلوة اللي عشناها وي اهلنه وناسنه
وماطول انت بعدك عايش
#كوم_اصنعلك_ذكريات_حلوة
كوم احضن امك وابوك واخوتك
صالح صديقك الزعلان منك
امسح دمعة من عين انسان
العمر اقصر من ما متوقع
الحياة مَرة لا تجعلها مُرة
وكونوا بخير اصدقائي 💙

اذا الغلطه تتعدى عديها . واذا المشكلة متستاهل لتكبرها. لو الي كدامك اعترف بغلطه واعتذر لتضل متمسك بزعلك . هون تهون عليك الحياة اخذ وعطا والروتين والضغوطات معايفين احد بحاله . فه متسوه واحد يدوس على الثاني .
#اكو_جملة_عظيمه_تكول
لتخلي الغلطه تمحي المحبة خلي المحبة تمحي الغلطه💚

نصيحة لوجه الله :

لتنطي مجال لشخص " يتفيك براسك ♥️

هي نصائح لنفسي قبل ما تكون للمتابعين...

١.السوشل ميديا أذا ما تستثمرها صح بشغلك أو بمردود أيجابي يطور من مهاراتك وذاتك فراح تكون جانب مؤذي ويسببلك ضرر كبير.
٢.السياسة بالعراق مجرد التفكير بيها يسببلك أزمات نفسية وضغط نفسي وبدون نتيجة لأن اللعب دولي ولعب كبار وما أنت إلا مجرد رقم ممكن الاستغناء عنك بأي وقت.
٣. اختار محيطك وأصدقائك بعناية ويفضل تختارهم على أساس التشابه بالأهداف والعمل والتقدم للأمام.
٤. شغلك ثم شغلك ثم شغلك شغل عقلك واستفاد من وقتك وحاول وأن فشلت لازم يجي يوم وتنجح بي بسبب تراكم الخبرة والتجارب والمحاولات.
٥. لا تكون مكشوف والناس تعرف كل شي عنك وعن قراراتك بالمستقبل لأن جزء كبير منها راح يتعرقل.
٦. أستقر حتى ترتبط أو تتزوج مو ترتبط وتتزوج حتى تستقر سواء كنت رجل أم امرأة زيد نقاطك من خلال عملك ومهاراتك وشهادتك وكفائتك وكون ند للآخر.

الوقت كفيل بتشخيص أخطائك ومعالجتها
وحتى توصل و تكون إنسان أفضل لازم عندك خسارات وأخطاء و شوائب بالماضي وهي جزء من تكوين ذاتك اليوم بهذه الصورة الأفضل...🤍

من أجمل الجمل الي قريتها بحياتي "كلمن يشوف الناس بعين طبعه

بمعنى انت تلاكي بحياتك الي يشوفك احسن الناس، وتلاكي الي يشوفك أسوء الناس .
تقابل ناس تنسالك خمسين موقف حلو علمود بس قصرت وياهم مرة وحدة . وناس تدورلك على أعذار حتى يجملون صورتك كدام الناس !
تشوف ناس ماتبطل بس تنتقدك، وناس خلصوا كل الكلام الجميل بوصفك.
تشوف ناس تكرهك بدون سبب، وناس تخترع أسباب حتى تحببها بيك !

بالنهاية أنت نفس الشخص
بس كل عين تشوفك على قدر محبتها الك
وكلمن يشوفك من الزاوية الي تعجبه🤍

مطلوب منك تبقى محترم وتدير بالك من حجايتك للغير حتى لايزعل وياخذ منك موقف لأن هو بشر وانت مخدة طبية 🚶

كان يوسف مدللاً في حضن أبيه ولكنه
مع البلاء صار عزيز مصر

إن الله لا يبتليك بشئ إلا وبه خيرٌ لك🤍

العلاقات المابيها اخذ وعطاء محكوم عليها بالفشل ، اكو ناس جانت قريبة من گلبي بلحظة صاروا غربة بدون ماتصير بيناتنا اي مشكلة او خلاف
من تشوف نفسك تنطي مشاعر واهتمام وماكو اي مقابل ،من غير ماتحس راح تشوف الشخصيات نفسها قيمتهم تقل بداخلك
ف لتصير واثق بمكانتك العالية عند الناس وتبقى بخيل بالسؤال والتواصل لأن بيوم تشوف نفسك غريب بالنسبة اله..!

من البداية آني طبعي هيج وهيج ، وعيبي فلان وفلان ، وأحب ٣،٢،١
حجاية شكد تبين تافهة وماتنفهم بس لو هالشي يصير #قبل_أي_علاقة راح ترتاح هواية وتختصر وكت وطاقة وتفكير .🤍

‏قال تعالى : ﴿ فَإنِّي قَرِيبٌ ﴾ أقصر جُملة تحسسك بالأمان . سُبحان من جَعلَ في ذكرهِ راحةً تسكن بها القُلوبُ وتطمئن الانفس.🙏

اعتبر التفاهم اليجي ورة الزواج اكبر خدعة اخترعها البشر لمجرد استقرارة وبس، لمجرد ربما خيبة سابقة انتهت بالفشل

التفاهم ورة الزواج هو اقناع نفسك ان تتقبل شريك حياتك ومتتقبلة
الانسان اذا انفرض علّي شي غير اختيارة مايتقبل حتى اذا جان المختار ملاك نازل من السماء

اختيار قرار عقل بدون گلب راح يختار مصلحتة
اختيار گلب بدون عقل راح يختار عاطفتة
اتركوا اولادكم يختارون بعقلهم وگلبهم،
لتخلوهم يعيشون دور الخاين والمظلوم
لتخلوهم يصيرون ضحية وجلاد بأآن واحد

الاستقرار مو بس زفة وعرس وبيوت
الاستقرار تفاهم أسمة احبك انت وماريد غيرك
اسمة اباوع عليك وابتسم تعرف عيوني شتريد❤️