- قبل سنتين جنت اتناقش ويه واحد بموضوع وبنهايه الكلام كلي : امنيتي افهم الناس مثلك هسه " وكتها صفنت حوالي نص دقيقة وضليت ساكت وبيني وبين نفسي كلت: "نيالك انته لحد هسه مفتهمت الناس ولا شفتهم على حقيقتهُم".

تروح السنين وتجي واشوف نفس الشخص هذا قبل كم يوم اجاني يكلي: "اني كلش ندمان بعد ما فهمت الناس وشفتهم على حقيقتهُم شفت حقد من القريب قبل الغريب شفت الاذيه من الناس الي اسويلهم معروف واقدملهم الخير شفت النفاق بالناس الي تضحك بوجهي شفت الحقارة والغل من الناس الي اتمنالهم الخير ومن وكتها اني ممرتاح ولا اعرف اتعامل ويه اي احد بسبب فهمه وإدراكه لكُلشي يصير داير مدايره "

أحيانًا فهمك الزايد عن اللزوم يضرك إنتَ بس يوعيك 🤍.

لما تعرف نفسك مأذي شخص وهالشخص يكُلك الله لا يسامحك لأنك اذيتني، فتأكد انت حتى لو جنت راضي ربك وتصلي ليل ونهار وجان بينك وبين الجنه خطوة ما راح تفوتها، راح يكُلك رب العالمين "لن تدخل الجنة حتى يسامحك من ظلمته ، أو تسببت بآذيته"
تذكرو أن الله يغفر لكم ذنوبكم مهما عظمت، ولا يغفر لكم ظلمكم لأحد، فاحذروا أن تكونوا من الظالمين.

هذا المقطع سيبقى ذكرى خالدة لأكبر فرحة للشعب العراقي في هذا العام #كأس_خليجي_25 هو اكبر انجاز اصبح للشعب العراقي وبفضل الله وجميع الكوادر التنظيمية والجماهير وشهداء العراق ولولاهم لما فرح العراق اليوم هنيئاً للشعب العراقي 🫶❤️😍

مَرات تحترم شخص من بعيد وبمعرفة قليلة احسن بهواي مما تتقرب منه وتعرفه وتكتشف شغلات واشياء تغير صورته بعينك وتخلي هالاحترام يروح ويتبدل، اكو ناس الله خالقهم احسن ناس بشرط ماتعرفهم على حقيقتهم خليك بعيد منهم ..

كل شخص يعكس اخلاقة مو تربيته، التربية ابد مالها علاقة باخلاق الشخص كل انسان ويحكمه ضميره واخلاقة لان لو فعلا التربية هي الي تتحكم باخلاق الشخص نشوف العوائل كلهم نفس الاخلاق ونفس التصرفات لان اهلهم ربوهم ع شي مشوا عليه بس دنشوف احنة بكل عائلة بيها الزين وبيها الموزين اخوان ومختلفين اختلاف جذري بتصرفاتهم وباخلاقهم فالتربية مو مقياس نقيس بي اخلاق المقابل ..👍

‏رغم بشاعة أغلب المواقف إلا إنني شاهدت بكل ثبات طريقة تحول الأشخاص المفضلين إلى غُرباء..!

اليوم شفتو بعينكم الزلازل اللي ضربت سوريا وتركيا
واللي حاليا ضربت تايوان واحتمال بعض مناطق الصين 🇨🇳 وحتى من الممكن ان تضرب ايران وشمال العراق
هاي كلها والناس اللي راحت
معقوله يالسياسين ماراجعتو شوي انفسكم
معقوله لحد الآن ولا واحد رجع لله سبحانه وتعالى
وصحح غلطه وعاين لهذا الشعب اللي دمرتو حتى نفسيته
ماخليتو شي ماسلبتو منه ماخليتو حتى يفكر شغلته بالحروب
والركض وره العيشه انشغلتو بالبوگ والملذات والملاهي
اللهي شكو سياسي ظلم هذا الشعب تخلصنا منه ومن شره بحق الحسين عليه السلام 💔

عندما تضغط على كلمة " مُتابعة " لحسابَ ما ..،
او لشخصيةً ما ،
ف انت قد وضعتها واجهة لمجتمع بأكمله و بمختلف اذواقه و وجهاته و أصنافه ..!

نحنُ من نضع قيمةًٌ للفرد و نرفع من شأنه #أنا_وانتم..،
-فإن صادفك حساب لِمتحول جنسي او محتوى هابط متابعيّه على مستوى كبير وباعداد خيالية ،

-وكاتب او شاعر او موسيقي او ذو موهبة او فائدة مجتمعية بِلا متابعين ،
ف الخلل يعود علينا ..

ف نحنُ مجتمع يلهث وراء غرائزه ولا يسقي عقله بالأشياء المفيدة .

انت مسؤول عن من تتابع ، فلا تعطي قيمة لمن لا قِيمةٌ له .

من النعم العظيمة هي أنُ الله سبحانه وتعالى يبعد عنك طبع الفضول!!
انُ أنت مالك علاقه بحياة الناس وتفاصيل عيشتهم،
ولا مهتم بالجديد عنهم ولا أسرارهم
ما تركض وره القال والقيل،
ولا عندك رغبه تعرف شغله عن أحد
والنعمة الاكبر أنُ يكون كل همك شلون تخلي نفسك أرقى وأفضل كل يوم .
مركز ع نفسك وعايف حال غيرك لخالقهم

أيامنا تمضي ويمضي معها العمر بتقادير مكتوبة ، لا يعلمها إلا الله .. 🤍

- أنطوائي أو أجتماعي ؟

ألاثنين، إنا انطوائي جدًا ، بس بالدائرة مالتي اجتماعي جدًا ، إنزل اشاقه ويه هذا واضرب هذا والعب ويه هذا وكل الناس تحبّني وأعرفهم ونشاقة، وراها انسى اني طلعت وتلكاني أنطوائي .. إني أجتماعي لدرجة أعرف كل أسرارهم وكل اليحبوه واليكرهوه ، وانطوائي لدرجة محد يعرف عني شي.

لا يليق بالعلاقات المسمومة إلا #البتر
مجاملة الأفاعي جريمة.!

راح تضل مفكر إن الشكل كلشي ..
لحد ما تعاشر شخص شكله حلو واخلاقه تعبانه

راح تضل مفكر إن الفلوس كلشي ..
لحد ما تعيش ويه واحد عنده فلوس ونفسيته سودة

راح تضل مفكر إن المتديّن هو أحسن شخص.. لحد ما تجرب تتقرب من واحد حافظ الدين وتكتشف ماكو اي رحمه بقلبه

راح تضل مفكر إن ألطف إنسان هو اكثر شخص محبوب.. لحد ما تعرف واحد محبوب بس تشوف نفاقه

وبعد ما تتقرب من كل أنواع البشر هاي ..
راح تعرف ان أحسن إنسان بالدنيا هاي هو الي قلبه نضيف

اكو ناس تعرف الله وتصلي ومتعمقة بالدين بس هذا خارج نطاق العمل ، بالشغل تلكاه ظالم ومو حقاني ولا گلبه عالشغل بس مايعوف اي فرض
هيج ناس تسيء لنفسها قبل لايسيء لربه
اليعرف الله يعرفه بشغله وببيته وبالشارع ، يعرفه طول الوكت وبكل مكان
الناس تعرف الله من خلالك بأعمالك مو بفروضك التأديها

"لو كانوا يعرفونك حقاً ،
لعرفوا ان تغيّرك هذا لم يأتي من فراغ !
لعلِموا انك متعب جداً .
وانك تعلمت دروساً قهريه كان ثمنها غالياً من نفسك .
ولكنهم يعرفون فقط :
انك اصبحت إنساناً آخر .
ويعرفون ،
كيف يستنكرون ذلك منك ويلومونك عليه بإحتراف .

#هذا_ما_يعرفونه_فقط !

ما بالك اذ الموت قَد حل بواديكَ
ترجو الفخامةَ وما بالذهن يُرضيكَ
عليل الصبح والليلُ اذا جُن لا يؤويكَ
لاتعلم الدار والباب اذا سُد لا يُعطيكَ
تعلم الخُلق فالله من قَلبِكَ يُناديكَ
ما بال بالك ينحني فالله لايُنسيكَ
ان السهادة في ليل للعشاق تُعليكَ
وما للنوم من خطٍ لخطٍ سوف تُخطيكَ
وما القلب الا ليرضخُ لله لا ليُشقيكَ
فسكن وتوجه فَ عل الموت يُبريكَ
اردتُ من الاسحار نجمةً تلمعُ تُعنيني
فاكتب بالقلب صدقً فالله سَيرويني
ان سكتُ فالحُب لله يُنطِقَني
والاحترام لمراسالهُ للخلق يُقريني
تندمت ايامي بما فات اتراه يُعطيني
بلى فالله يسمع وبصوتهُ يُسميني
فطمئن قلبي بذكرهُ اياي يُفنيني
تغمغم جفني وتَرَقرُق الصبح يُغويني
الخط يعتلي الصفحات يكتبُ يهجيني
واترك حبرَ روحي فلله عودتي وطُمئنيني
#قلمي

‏كل الذين أحبوني وأحببتهم، كنت أنا دائمًا الطرف الأكثر حبًا لهم، أقصد أن ورغم قدرتي الضعيفة على التعبير لكنني أقدم أشياء صادقة، أقدم أشياء ربما لا يعرفون قيمتها إلا بعد نهاية علاقتنا، هم رائعون في البداية كالجميع كلهم رائعون في البدايات، الونس، الأمان، الردود الطيبة والشغف..أما عني فكنت دائما أبحث عن ما هو بعد هذة الخطوة، فقط البدايات رائعة في كل شيء، لكن الوقت يبرد مشاعرهم، الوقت يكشف أن اقترابهم مني كان بدافع الفضول أو مجرد نوبات احتياج فتعثروا بي لأعوضهم عن الفراغات التي يشعرون بها، لم يحدث يوما ووجدت من تغير لأجلي، من حاول وضحى ليبقى بجانبي.

#وحدة_مِن_الجمل_الصادقة_كلش "الإنسان الي يختار ناسه صح راح يعيش مسنود طول العمر"

جملة كلش صادقة وواقعية لأن حقيقة الي مسنود من ناس تحبه صدك بحياته مايوكع بس الحقيقة إن ماكو احد يختار ناسه !

احنه منعرف نختار، احنه نغامر، ولو اي لو لا ، ماكو أي ضمان لأي اختيار مهما جان الإنسان حريص بالاختيار هذا !
الموضوع عمره ماجان ذكاء ولا حرص وتأني بالإختيارات، الموضوع عبارة عن رزق وتوفيق، رزق من ربنا، الي عنده حظ هو الي رب العالمين يوكع بطريقه ناس صح، وهنا راح يعيش مسنود طول العمر.

خليها على رب العالمين لان هو الي يرزقنا بناس حنينة وصادقة وتقدر ، ويعوضنا بالاحسن والاضمن❤️