لما تكون الشغله لافته انتباه الكل
راح تشوفوني اني "الوحيد الي ما اشوفها"🌝

المقوله الي تكول ( الطيور على اشكالها تقع ) مقوله خاطئه نوبات الظروف او الاقدار تخليك تتعامل ويه اشخاص مو نفس افكارك ومبادئك . اشخاص كل ما تسويلهم جميل يردونه عليك ب اساءة يدورون على عيوبك حتى يستغلونها ..ينسون بيك كل جميل سويته الهم ... يفكرون بمصلحتهم فقط بدون مشاعر وقتها انت لازم تبتعد . ابتعد عن كلشي يهين نفسك ويأذي روحك دور على الاشخاص الي ينطوك الف فرصه علمود تبقه وياهم . اشخاص تتصرف وياهم بعفويه .. وينسون اخطائك وره ثواني لا تستهلك نفسك بعلاقات تتعب روحك ..
#تره_العمر_مره_وحده ...🖤

محد بينا أختار غلط كل الناس بالبدايات تفرشلك الارض ورد بس مع مرور الوقت تعرف كل شخص على حقيقته يبين الك معدن كل شخص وتعرف تميز الزين من الشين تحس الي يصير بينكم مو مواقف لا غربال يغربل الناس الي بحياتك ويبدون يوكعون من عينك ويطلعون من حياتك واحد ورا الثاني لحد ما يبقى منهم عدد كلش قليل ..... راح تعرف بمرور الوكت هيه مو بكثرة الناس الي داير مدايرك هيه بمعدنهم وأصلهم الطيب ونظافة قلوبهم🖤

#الغياب مؤلم بس اکو جانب ايجابي اله وهو ... ! الغياب يخليك تشوف مكانة كل شخص بحياتك ومدى تأثيره عليك لان ماممكن تعرف هالشي طول ماهو وياك اکو اشخاص نرتاح بوجودهم واكو اشخاص نرتاح بغيابهم حسب مواقف وذكريات كل شخص اذا جانت سلبية او أيجابية كل شخص يكدر يخلي غيابه محسوس وملموس على حسب الأثر الي راح يتركه بحياة الآخرين
باخلاقك وتعاملك مع الناس وكلامك واسلوبك وبساطتك راح تخلي الناس تفتقدك وتشوف فراغ كبير بغيابك ...❤

اكبر ٣ أوبئة بالعالم
#الطاعون
#والسرطان
#واليحجي على شخص كبالك وثاني يوم تشوفه كاعد وياه!!

يجفيكم الشر..

أياك ان تتجاهل أحساسك #الداخلي ، ثق به ياصديقي❤

مبدئياً مستحيل تكدر ترضي الناس لو مهما سويت ماراح يرضون عنك ... وحرفيا محاولاتك انو ترضي الناس راح تاخذ من صحتك وعافيتك وتخليك تتخذ قرارات أنت نفسك مامقتنع بيها خلي عينك بعين الله ، وسوي الي يريحك والي أنت تشوفه صح ومو مهم الناس شنو راح تشوف مع الوقت راح تعرف انو ارضاء الناس #غاية_لاتدرك وانو حتى الانبياء الناس حاربوهم تتوقع ماراح يحاربوك الك ... !!

#اكو_ناس
يمرون بحياتك
يخلوك متلوم طرزان
من عاش ويه الحيوانات..👌

ﺗـقـريبـاً لـمده 3 ساعات متواصله بقـيت اتصفـح بالـ Tik Tok ,
شـفت أمور جدًا محـرجه وكلش منحطـه هذا العراق وين واصل لاي مرحله ! من التطـور
لمـتى نبقى مضحكـه وحـس فكـاهي لـدول الغرب والدول المجاوره !
بـدل ﻣٰــاا نكون نموذج او قدوه الكُل يفتخر بيـها ،
صايرين مضـحكه للـيجي ويروح ،!
جدًا وضعهم مخزي ومن المعيب انو هيج طاقة الشباب دتروح بهيج امور ، ياريت الاب ينتبه لـ ابنه
والام تنتبه لـ بنتها ، والاخ ينتبه لـ اخوه
ولا تتركوهم وحدهم كونوا وياهم خطوه بـ خطوه واحتووهم بدل ﻣٰــاا تتصرفون بـ عصبيه وتهور
اٌنـــَـتَ من تشوفه مسوي فد امر خطا لا تتعصب عليه وضح بصوره مبسطه انو شنو سلبيات هذا الخطا وشنو الايجابيات القوه بـ عمرها ﻣٰــاا جابت نتيجه
واخيرا ﻣٰــاا احب اطول عليكم فـد معلومه اكتشفتها
#انو_احنا_نتقدم_للخلف!!💔

بمناسبة اليوم العالمي للمرأة.
كُل عام وكل ام شهيد عراقي رمز للصبر والتحمل والعطاء والقوة بألف خير رحم الله ابطالكن..
#كل_عام_وانتن_رمز_التضحية

العتاب هم اله حدود ، ميخالف تحجي مرتين وثلاثة بكل صبر وهدوء ووضوح ، بس بعد هيج الموضوع تروح قيمته ، ويصير تافه العتب ع كد المحبه ، عمره ماجان ع كد الزعل بس فعلا مثل محجيت العتاب مرة ، مرتين بس بعدها خلص اكلك اوكف .. العتاب إنخلق علمود الي يقصر بحقك " يراجع نفسه " بس إللي يعرف وواعي شديسوي ، يتحول العتاب وياه لقلة قيمة ووجع قلب ع الفاضي ، ! عود نفسك على هيج ، إحنه بشر هم النه طاقة #تحمل❤

#شوکت_تصير_بخير
من توكف تعيش حتى ترضي الناس من توكف تنطي فرص للناس الي مايستحقون منك فرصه من ماتنطي كلام الناس بلبسك شكلك تفكيرك تصرفاتك افعالك أكبر من حجمها الطبيعي ولاتعتبرها حقايق عنك انت بخير من تبتعد عن كلشي يعكر مزاجك ويضوجك اذا كان شخص او مکان انت بخير من تسند نفسك بنفسك لان مراح تلكه احد يسندك او يوكف وياك انت بخير اذا أنت قررت بينك وبين نفسك تكون بخير ❤

مشكلة البشر ومجتمعنا خصوصا

حاطين نفسهم بضغط لازم 24 ساعه يبقون زينين كدام الناس ويخاف ينهار ويحجي كلشي!

#متى_نتغير ؟
‏ بعد أن يصفعنا أحدُ الذين أعطيناهم مكانةً خاصة ومساحة آمنة .. لا نتغير وحسب بل نكبر مئة عام ..!

‏لا تحاول الإنتصار في كل الإختلافات،
فأحياناً كسب القلوب،
أولى من كسب المواقف..🤍

ياأخي لا تخلي بلمواقع الانترنت يقشمروك
• اكو ناس تحصل 3-9 لايكات بس عدها كومة اصدقاء وناس عدها ميات اللايكات ومعدها ولا صديق
• اكو عشاق ماينزلون صورهم سوى وعايشين حياة بقمة السعاده
• اكو ناس طامسه #بالديون وعلى انستكرام يبينون #مليونيرية

مواقع تواصل مو الحياة الحقيقية ..

"الانستا والفيس والسناب مضاهر و غالبيتها جذابة ". ❤️

اني ماعندي مشكلة مع الشخص الي مايحبني بالنهاية هاي #المشاعر_من_الله بس عندي مشكلة كلش جبيرة مع الي يحجي بظهري ويضحك ويتلون كدامي مثل #الحية هیچ نوع من الاشخاص عدهم نقص بنفسهم وهالنقص تحول لمرض ويعتقدون هالنقص راح يكمل لما ينتقدون هذا ويحجون على ذاك واصلين مرحلة يفكرون شلون يأذون الي داير مدايرهم اكثر مما يفكرون بنفسهم ومستقبلهم وافضل طريقه تحمي نفسك منهم هيه انو تكطع علاقتك بيهم بشكل نهائي❤

مرات تعيش مع شخص سنين طويلة وماتتذكر من عنده كلشي!!
ومرات شخص يمر بحياتك مرور الكرام ويمكن صدفه ويترك أثر كلش جبير #المواقف هيه الي تبقى مهما يمر عليها سنين أما بالنسبة #للوقت؟
اني أشوفه مجرد رقم🖤

كل علاقاتك مع الناس تحتاج سوء فهم او مشكلة لو غلطه حتى تميز #الزين من الي #مو_زين وتكدر تقيم كل علاقه تربطك بهالشخص بشكل صحيح يعني لاتنطي أكثر ولا أقل مرات تبقی مخدوع فترة طويلة يمكن شهور او سنين بس لان علاقتك مع شخص معین مامرت بفد #مشكلة لو #سوء_فهم تكدر من خلاله تعرف مدى صلابة هاي العلاقه وشكد هو متمسك بيك ..
لاتحكمون على اي علاقة بحياتكم لحد ماتمرون بمواقف صعبة ومشاكل وغلطات❤