الحمد لله ع نعمه الصحه
والأهل الزينين والصحبه الحلوه وشويه من الناس الي يحبونه من گلبهم وكافي 💚💚💚

وانت تعبان من #هموم_الدنيا لا تنسه هي مجرد مرحلة وممكن تنتهي بأي لحظة .. لا تكبر الدنيا هواي بگلبك وركز بالهدف .. النبي محمد صلى الله عليه واله وسلم گال
( ما لي وما للدنيا ، ما أنا في الدنيا إلا كراكب استظل تحت شجرة ثم راح وتركها ).

قریت اقتباس یگول " لیست كل العواصف تأتي لعرقلة الحياة ، بعضها يأتي لتنظيف الطريق "
وهذا حقيقي 100 % ، مو كل عاصفة او فوضى تصير بحياتك تكون سلبية ، احياناً تصير فوضى بحياتك حتى تمهد لحدوث شي إيجابي او حتى تصحح وضع انت ما گادر تغيره بسبب ضعفك گدامه..🙂

كل ؏َـام ﯡٱڼټم بالف خير ي٘ـٱࢪپ وانشاء الله الموفقيه والنجاح والله يحقق البالكم يارب افرحوا بلعيد ومعليكم بليكول العيد مات ومابيه حماس ولا كانو ﭑࢦـېـﯡ۾ عيد وعايدو اصدقائكم واهلكم وانطو عيديه للأطفال ترا العيد مۘـﺂ بكليجه ولا بملابس ولا بطلعات
العيد عيد رب العالمين ومن شعائر الله ورب العالمين يكول {"ومن يُعظّم شعائر الله فإنها من تقوى القلوب"}
وعسَاكم من عواده 💭🌸

اكو شخص من تنطي استكان چاي يكلك شكرا عاشت ايدك ع الجاي هذا وواحد ثاني يكلك : ليش ناقصه شکر لیش هیچ بارد ؟
وشخص تجيبله هدیه ساعه : يكلك شكرا لانك تذكرتني وواحد ثاني يكلك : عندي ساعات هواي واحلى من هاي بهواي!
وشخص بكل مشكلة يكلك : ولايهمك راح نحل الموضوع لخاطر العشرة الي بينه وماريد اخسرك وواحد ثاني بكل مشكله يكلك : بعمري ماشفت يوم حلو وياك!!

الناس نوعين نوع ماينكر زينك وبكل موقف يقدر ظروفك وناس لو تشعله اصابعك العشرة شمع راح يبقى يشوفك مقصر وعيونه متشوف غير بس المو زين بكل موقف يصير . 👍

اتمنى البشر من جام..💔

باليومين الراحن جنت كاعد ويه صديق ،اكثر صورّة بالفيس بهجة وفرح وونسة وسفر ، من شفت الصور كلت هيج انسان بعد ماعنده شي ثاني يفكر بي ،
المفاجأة من يحجيلي #كلي ذيج الايام جنت افكر بالانتحار ،
عنده مشاكل شخصية ماالها حل ، وكل هالونسة العايشها محاولة يشوش على تفكيرة ،
قبل جنت مااصدك بهالقصص ، واحد متوفرله كل شي بالحياة شلون مايعيش سعيد ومستقر .!
وراها عرفت كل شي بالحياة نسبي من #ضمنها_السعادة
اكثر البشر يفكر بالناقصة هسه مو بالعنده ، هذه مينفي اكو ناس اغبياء وعقلهم صغير ميعرفون قيمة العدهم ،
اذا فكرت راح تشوف اَي شي تملكه راح تخاف علّي بالبداية
وره فتره تمل منه ويصير حاله اَي قميص مشتري وشامره
بس الشي الناقصك راح تبقى طول عمرك تتخيله هو مصدر السعادة

الهذا السبب الله سبحانه وتعالى خلق بنفوسنا
( مفهوم الرضا ) ❤

لا تُقاتل يا صغيري سـتكبرُ ويخطفها منكَ القدر…
سـيخذلگ الوطن في تأمين مُسـتقبلك ويسـرقها منك الأغنياء…
لن يبقى لكُما إلّا بقايا ذكرياتٍ وألم وأوجاعٍ ؟

لَم تُخلق لِـتعْيش على هامِش هذه الحَياة . .
كُن شَخصاً مؤثِراً ❤

حبيبي العظيم متى اراك سالماً منعماً 💚

جئنا الى الحياة لنصبح ذوي قيمة معينة ..لا كي نعيش بأي ثمن !!

‏اختفى التافهين ومطربي المهرجانات والاغاني والملاهي ومهرجي السوشيل ميديا !!

‏وبقى للوطن !🇮🇶❤
‏• معلم يسهر ليتواصل مع طلابه
‏• طبيب لا يخاف العدوى ويعالج مرضاه
‏• عسكري يسهر مرابطاً لحمايته
‏• عالماً يسابق الزمن ليجد علاجاً للوباء

‏أعيدوا ترتيب المجتمع الذي أصبح مقلوباً بكل المقاييس.!

#حياتنا_عبارة_عن_أجزاء ..

وقت للأصدقاء وقت مع الأهل وقت للدراسة او الشغل وقت للحُب وقت للسوشال ميديا وقت للتفكير وهذا الوقت يلي ياخد اكتر من حياتنا ..

هو التفكير .. قليل لناخد قسط من الراحة ..
لناخد شوي هدوء بيومنا لنحس شوي بالفراغ ..

وقتنا مليان مشاغل ، وما عدنا الوقت الكافي .. لناخد وقت ونستوعب حياتنا كيف عايشيها ولوين رايحين ،، ع أيّ تفكير ، وبأيّ قصة عم نسرد !؟.

يا ترى سردة حُب او خيبة عمر او وجع ماضي مرافقنا ..

هالحياة منعيشها صح لما منركز بشو جاي نفكر وبأيّ طريق جاي نمشي ..

خلينا نركز بالحُب .. بالعاطفة .. بالأيام الحلوة قبل المرة .. نفكر بالإيجابي قبل السلبي .. بالراحة قبل التعب .. خلينا نعكس حياتنا للأفضل " 🤍

اکو مبدأ بالصيدلة يكول انو الدوه بجرعة عالية ممكن يتحول من علاج لسم وبجرعة قليلة مراح ينطيك التأثير العلاجي ..
وهذا المبدأ فعلياً ينطبق على كلشي بالدنيا .. مشاعرك بغض النظر عن نوعها ( حب ، کره ، حزن ، ... ) اذا بالغت بيها راح تدمرك ، ردة فعلك اتجاه أي ابتلاء اذا جانت فوك الحد الطبيعي لفترة طويلة ممكن تعبك .. توقعاتك وثقتك المبالغ بيها بالناس راح تخليك تنصدم بواحد وره الثاني بالواقع ، ندمك على أخطاءك وخوفك المستمر راح يخليك توكع بخطأ أكبر بحق نفسك ، وببساطة هو مجرد درس الك وعقوبة أي شي بالحياة سر نجاحه الإعتدال .. لتبالغ لأنك راح تتضرر ، ولتستهتر بكلشي لأنك راح تفقد معنى الحياة ..

السر الي يخليك انسان قوي وانسان ضعيف شي كلش بسيط ، عليك بس تحسب الجرعة صح !🙂

‏معنى الراحة النفسية، إنك تاخذ كل واحد على گد عقله .🌚

بحياتي ماعرفت اباوع على احد واني ماخذ على خاطري منه ، ولا عرفت أضحك بوجه احد ثكيل على قلبي ! اني إنسان وجهي مراية قلبي ، ومرتاح بهذا الشي ما اعرف اصير انسان ثاني واغير من نفسي ودائما اسوي بس الي يخليني راضي على نفسي رغم هالشي يزعل هواي ناس ..! ماأجي اتصنع لو اصير مثالي ولا احس اني محتاج امثل علمود أرضي احد ، البساطة تشدني ، والطيبة والحنية ياخذوني ، اضحك بوجه الغريب ، واحب أحاوط نفسي بناس ما أضطر واني وياهم أبرر كلشي اسوي ... ناس يعذروني اذا غلطت ويقدرون ظرفي ، يرجعوني اذا ضليت بالطريق ، احب النوايا الصافية ومااعرف احسب حساب لسوء الظن ،
#أهلي_وناسي همه أكبر نعمة بحياتي ، ولو جانوا همه رزقي من الدنيا فاني أكثر من راضي والله 🤍

الحمد لله على نعمة الناس النظيفه بحياتنه❤

الشخص الي حجه عليه بالمو زين هو مو جذاب فعلا اني جنت مو زين لإنه هو اساسا مو زين وياي واجه الوكت الي اوكفه عند حده

، والشخص الي حجه عليه وكال مؤذي هو مو جذاب اني فعلا أذيته بعد ما هو أذاني الف مرة !

والشخص الي شايفني اتلون لو مخادع بس لمجرد هو حاول يوصلني للشي الي ميعجبني علمود يسمع الكلمتين الي منتظرهم يسمعهم مني ، هو حر ..

والي كال عليه شخصية طيبة هو مو جذاب لإن اني شفته هو شخص طيب وميستاهل مني غير بس الخير ..

بالنهاية إنت مراية نفسك تتعامل على اساس اخلاقك وتربيتك ، المقابل إلي يختار الطريقة الي تتعامل وياه بيها .💙

تخنكك العبره من تگلب بمنشورات ٢٠١٩ و بدايات ٢٠٢٠
تخنكك العبره من تدخل لحسابات الشهداء، تشوف هذا العنده حبيبه وهذا العنده حلم وذاك العنده أم وهذا العنده اغنيه ناشرها ومعتبرها صديقته.
تشوف حساباتهم حزينة وصامتة، بالمقابل تشوف ماضيهم الحلو، هذا الناشر سفرته، وذاك الناشر كعدته بالمطعم، وهذا الناشر اصدقائه، وهذا الخطيه الناشر شهيد اخر مات قبله ويترحم عليه، تتمنى لو جنت تعرفهم، لو جنت صديق احد منهم، تباوع على جمالهم وتنقهر .. تنقهر لأن ما موجودين ولان مستحيل يكونون موجودين...💔