Ассалому алайкум азизларим, наманган шахридан алангали салом. 😍😍

Севиб қолсам...

Севиб қолсам бир куни,
Самоларга учаман.
Бағрим очиб қулочлаб
Юлдузларни қучаман.

Севиб қолсам бир куни,
Қаламимга жон кирар.
Юрагимга кирганни
Бўсаларим олқишлар.

Ёлғизликдан батамом
Видолашиб қоламан
Энди севги касрини
Юрагимга қураман!

Севиб қолсам бир куни,
Ердан мехр оламан,
Чучмомани дўст айлаб
Бахт уйига чопаман,
Севиб қолсам...
✍️Лола Собирова 2015

Кимдир мени суйди,кимлар суймади
Кимдир қалбга озор бериб тўймади.
Ким ортимдан ғийбат қилиб қўймади,
Оллохим, барини тақдирга йўйдим,
Индамай қўл силтаб бир кулиб қўйдим.

Йиғласам ортимдан кулган кўп бўлди,
Нишини юракка сайган ҳам бўлди.
Баъзида аламдан паймонам тўлди,
Шунда ҳам, барини тақдирга йўйдим,
Қўл силтаб индамай бир кулиб қўйдим.

Ёлғончи дунёда, ёлғондан тугун,
Сохта мехрларга буркандим бугун.
Факат Яратгандан ўтиндим бу тун,
Гувохсан, барини тақдирга йўйдим,
Қўл силтаб индамай бир кулиб қўйдим.

Дилим ғаш, қўлимда титрайди қалам,
Нечун бўлолмадим, суюкли санам.
Тухматга кўмилиб, лойланди танам,
Ё Роббим, барини тақдирга йўйдим,
Индамай қўл силтаб бир кулиб қўйдим. ..
✍️Лола Собирова..2019

Сўнги бор.

Севдим, хатто ўзимдан тондим,
Олов бўлиб баъзида ёндим.
Мухаббатга илк бор ишондим,
Севаман деб айтинг сўнги бор.

Хижрон қучоғида турибман,
Тунлар бедор бўлиб юрибман.
Ишқингизга асир бўлибман,
Севаман деб айтинг сўнги бор.

Биламан бу хаёт бешавқат,
Сабримда хам қолмади тоқат.
Сўнги хохиш, тилагим фақат,
Севаман деб айтинг сўнги бор.

Висолга биз эришолмадик,
Бахт қасрида кўришолмадик.
Орзуларга етишолмадик,
Севаман деб айтинг сўнги бор.

Кундан кунга сўниб боряпман,
Юрагимни алдам боряпман.
Ёлғонга хам тобе бўляпман,
Севаман деб айтинг сўнги бор.

Мен кўняпман майли барига,
Нетай кўнглим кўнмас дардига.
Етиб мухаббатнинг қадрига,
Севаман деб айтинг сўнги бор...
✍️ Лола Собирова .2018

Бугунги ижодий учрашувдан лавхалар

Наманган вилояти чортоқ тумани 43 мактаб ўқувчилари билан ижодий учрашувдан лавхалар

Наманган вилояти чортоқ тумани 43 мактаб ўқувчилари билан ижодий учрашувдан лавхалар.