ЖУМА АЙЁМИНГИЗ МУБОРАК БЎЛСИН! ✨

🌹Дуога қўл очинг, Толмасин билак,
🌹Бугун сўрайверинг, Хар неки тилак.
🌹Файзи билан берур, Аллоҳ таборак.
🌹Тавба сохибига, ЖУМА муборак...

🌹Хамиша саждага эгилиб бошлар,
🌹Аллоҳдан тилангиз энг эзгу тилак
🌹Шундай улуғ кунда дуода бўлинг
🌹Тақводор диндошим ЖУМА Муборак!!!

🤲 АЛЛОҲИМ, ЖУМА кунида, бизларни, ота-оналаримизни, биз яхши кўрган кишиларни гуноҳларини авф этилганларингдан, улардан рози бўлганларингдан, гуноҳларини кечирганларингдан, Дўзахга ҳаром қилганларингдан, Жаннатий деб ёзганларингдан қилгин! АМИЙН!🤲

ЖУМА МУБОРАК! 😊

@Sensiz 💥
https://t.me/joinchat/AAAAAESXWsAvkU3vDOF1qQ

#жума

Жума куни ва кечаси Расулуллоҳ соллаллоҳу алайҳи васалламга кўп салавот айтиш суннатдир.
Имом Табароний келтирган ривоятда Расулуллоҳ соллаллоҳу алайҳи васаллам шундай дедилар:

"Кимки менга бир бора салавот айтса, Аллоҳ унга ўнта салавот айтади. Кимки менга ўнта салавот айтса, Аллоҳ унга юзта салавот айтади. Кимки менга юзта салавот айтса, Аллоҳ уни нифоқ ва дўзахдан озод деб ёзиб қўяди ва қиёмат кунида шаҳидлар билан бирга қилади."

Аллоҳумма солли ва саллим ва баарик ъала Муҳаммад ва ъала олиҳи ва асҳабиҳи ажмаъийн!

@Sensiz 💥
https://t.me/joinchat/AAAAAESXWsAvkU3vDOF1qQ

АКСА УРГАНДА НИМА ДЕЙИЛАДИ?

Ибн Аббос розияллоҳу анҳудан ривоят қилинади:

«Бир киши акса уриб, «АЛҲАМДУЛИЛЛАҲ» деса,
унинг ҳузуридаги фаришталар «РОББИЛ ОЛАМИЙН» дейди.
Банда ҳам «РОББИЛ ОЛАМИЙН» деса,
Фаришта «АЛЛОҲ СЕНГА РАҲМ ҚИЛСИН» дейди».

Шарҳ: Демак, акса уриб, «АЛҲАМДУЛИЛЛАҲ» деган кишига фақат атрофда эшитиб турган кишилар эмас, балки кўзимизга кўринмайдиган, бироқ доим ёнимизда бўладиган фаришталар ҳам жавоб беришга шай туришар экан. Акса уриб, Аллоҳга ҳамд айтмаган киши бундан маҳрум бўлиб қолар экан.

Абу Ҳурайра розияллоҳу анҳудан ривоят қилинади
«Расулуллоҳ соллаллоҳу алайҳи васаллам:

«Бир киши акса урса, «АЛҲАМДУЛИЛЛАҲ» десин.
Буни эшитган биродари унга ЯРҲАМУКАЛЛОҲ» (Аллоҳ сенга раҳм қилсин) десин.
Буни эшитган акса урган киши «ЯҲДИЙКАЛЛОҲ ВА ЙУСЛИҲУ БААЛАКА (Аллоҳ сени ҳидоят қилсин ва сени ишингни ислоҳ қилсин)» десин», дедилар».

Шарҳ: Демак, акса урган ва буни эшитган икки мусулмон ўртасида ана шундай ўзаро дуо бўлиши керак экан. Ислом аҳлоқи, суннати, маданияти ана шундай экан. Буни ҳар бир мўмин-мусулмон билиши, билмаганларга ўргатиб бориши керак экан.

@Sensiz 💥
https://t.me/joinchat/AAAAAESXWsAvkU3vDOF1qQ

ТАҲОРАТДАГИ МАКРУҲ АМАЛЛАР.

—Таҳоратда қайси амаллар макруҳдир?
—Улар саккизтадир:
1. Сувни кўп ишлатиб, исроф қилмоқ.
2. Бурунни ўнг қўл билан ювмоқ.
3. Ювилаётган аъзоларни уч мартадан кўп ёки кам ювмоқ.
4. Бошга икки марта масҳ тормоқ.
5. Юзга сувни қаттиқ чапламоқ.
6. Таҳорат қилганда бошқа кишини ишга солмоқ.
7. Таҳорат чоғи дунёвий сўзларни сўзламоқ.
8. Таҳорат чоғи сувга туфламоқ, унга бурунни қоқмоқ.


ТАҲОРАТНИ БУЗУВЧИ АМАЛЛАР.

— Нималар таҳоратни бузади?
— Уларнинг сони ўн биттадир:
1. Орқа авратдан ел келиши.
2. Нажас чиқиши.
3. Бадандан қон, йиринг ёки сариқ сув оқиши.
4. Бурун ёки тишнинг қонаши.
5. Касаллиги сабабли кўздан қон ё йиринг ёш келиши.
6. Қон қусиш.
7. Оғиз тўлдириб таом қусиш.
8. Ётиб ёки суяниб уҳлаш.
9. Девона бўлиш ёки ҳушдан кетиш.
10. Намоз чоғи овоз чиқариб кулиш.
11. Эр-ҳотин қўшилиши.


ТАҲОРАТСИЗ КИШИ.

—Таҳоратсиз киши Қуръони каримни ёки Аллоҳ таоло сўзлари ёзилган қоғозни ушлаши жоизми?
— Йўқ. Аммо муқовасини ушлаши мумкин.
— Таҳоратсиз киши Қуръони карим оятларини ўзича ўқиши мумкинми?
— Мумкин, лекин таяммум билан ўқиш ундан яҳшироқдир.
— Таҳоратсиз кишининг масжидга кириши, қабристонни зиёрат этиши мумкинми?
— Мумкин.


АВРАТ АЪЗОЛАРИ.

— Намоз пайти қандай кийимда бўлиш лозим?
— Намоз пайти аврат аъзолари либосда бўлмоғи фарз. Аврат жойларга эркак кишининг тиззасидан то киндигигача киради. Бу жойлар берк бўлмаса, намозга туриш яхши эмас.
— Аёл кишининг қай ерлари аврат ҳисобланади?
— Агар аёл бировнинг чўриси бўлмаса, икки қўл кафти, икки оёқ кафти ва юзидан бошқа ҳамма жойи намоз пайтида беркитилмоғи лозим. Агар аёл чўри бўлса, киндигидан то тиззасигача аврат жойи ҳисобланади. Лекин у қорни ва белини ҳам беркитса, яхши бўлади.
— Аврат жойларнинг қанчаси очилса, намоз ўқилмас?
— Аврат жойларнинг тўртдан бири очилса, намоз ўқиш яхши эмас.
— Либослар ифлос бўлса, ювмоққа сув бўлмаса, намоз мумкинми?
— Либос ифлос бўлса ҳам, ўқилади, бироқ либос бўлса туриб яланғоч намоз ўқилмайди.
— Либос топилмаса, қандай қилиб намоз ўқилади?
— Ул вақтда ўтириб, аврат ва ғализасини қўл билан беркитиб, имо - ишора билан ибодат қилмоқ мустаҳабдир. Баъзан туриб ўқиш ҳам жоиз.

«ИБОДАТИ ИСЛОМИЯ» китобидан олинди.

@Sensiz 💥
https://t.me/joinchat/AAAAAESXWsAvkU3vDOF1qQ