وقفة صراحه واعتراف لنفسي ...
جنت أتذمر من كل أطباع أمي واگول مستحيل اكبر واصير مثلها وكلشي هي جانت تسويه أني راح اسويه عكسه
لحد ماكبرت وشفت نفسي داصير مثلها
بتوتري وخبصتي إذا تأخروا اخواني برا البيت ، بسوالفي والشغلات الي اجفص بيها ، بضحكتي ، برزالاتي ، بتهديداتي تصوّروا انُ من اريد اهدد شخص اگله "والله راح يجي يوم امشي واعوفك" ،
وتأكدت اكثر لمن اكتشفت نفسي صرت انطي للكل بدون ما اخذ أي شي حتى بعد ما مالگي تقدير هم انطي
هذا اكثر طبع جنت اعصب عليها بي واگللها محد يستحق والكل راح ينكر مساعدتج وكلشي تقدميه
ولگيت روحي نفس الشي جاي تسوي ،
مادري بس اعتذرلها هواي لأن عصبت عليها بسبب اشياء هسه أني لا ارادياً داسويها ..

يارب الأيام اللي يكون بها
قلبي راضي وروحي مستقرة ..

تنفجر بعدها براكين وشلال من الدموع اله اول واخره بس الله يعلم شوكت ينسد:)

على بالي بطلعه تنسيني روحي ،
على بالي اترك تلفوني وانسى كل الدنيا وكل الناس وارجع حره ماعندي أي اللتزامات لو أنجازات لازم مخلصتها واذكرها نهاية اليوم ،
اتمشى واللعب ونسمات الهوى تلعب بشعري وتردلي نفسيتي
وبيدي نفاخات اطيرهن واباوع للسما وأني خاليه من أي هَم وأي غصه وأي ندبة بروحي ،
على بالي اركض بهالليل بدون خطه وماببالي أي مكان غير انو اركض بين الشوارع واباوع للنجوم وضواهم يضرب بعيني ،
على بالي هوايه
وكلهن بسيطات بس تحقيقهم صعب ..

♥️.

من لاگيتني
وعيوني مدري شسألن عيونك
لگيتك مشتهي تحبني
گلت لگلبي هنيالك
بوكتها عيوني
مدري شراون عيونك
وضحكنلي ..
لگيتك مشتهي تلمني
گلت خل انچفي گبالك

-زيد الهاجري🖤 .

عجيب شون نحس مرات أنُ الدنيا كلها بكبرها وعظمتها ضاقت علينه وداتخنكنا! ..

الواحد صار حاذف كلمة زعل ومكبر دماغة مو لخاطر احد انما لخاطر نفسة.

كيف اكدر اخليك والقلب وياك؟

لاتتركني مع صرعات عقلي وافكاره
طمني وانطيني أجوبه مريحة لا أكثر ..

بكتها من منه 🤡💔 حقوق منه

فدوه الج حبيبي💙

أحنا نگول عادي وماتسوى ومن هالكلام
ويبقى نركض لأقرب مكان يكون لوحدنا حتى نكدر نبجي براحتنا
لأن نعرف انو ماينفع نبينها أبد ..

نجي للصَح؟
كل الغلط جان من عدنا ..

هذا يذكرني بمنة

للهِ ماتركناهُ رغماً عنَّا
للهِ ما ودعناهُ بحُزن
للهِ ماغصّتْ بهِ الحناجر
للهِ نحنُ"

-أدهم شرقاوي.

فكرة انو الشتا جاي
وليالي البرد وريحة المطر
والصوبات
وجمعاتي ويه أهلي
وأي مشروب دافي من أيد أمي ،
يزرع بداخلي طاقة وشعور حلو يخليني استمر رغم عني هسه حتى أوصل لهالأيام ..

أشتاقييت💙

بما انو باجر اول امتحان للدور الثاني
فـ حبيت اگوللكم شغله
ماعندي نصايح وماعندي شي اكعد اتفلسف بي
بس شغله صغيره وكلش فادتني
بوقت الامتحان بس گولوا هالدعاء وهالأيه
"اللهم اني اتوجه اليك بنبيك نبي الرحمه الذين اخترتهم على علم على العالمين
اللهم لين لي صعوبتها وحزونتها واكفني شرها
فأنك الكافي المعافي والغالب القاهر"
ولمن تعصون بجواب رددوا "كهيعص"
بشكل منفصل يعني "كاف هاء ياء عين صاد"
ابقوا رددوها والله العظيم جنت بامتحان الأسلاميه والفيزياء عندي فرع يعني لو يجي الحمزه ماجنت راح اكدر احله لو اتذكره لأن درسته مو مضبوط بس جديات بقيت اردد هالدعاء وهالأية وأني ببالي أگول اي راح اتذكره وجديات حليته وبس طلعت لگيتهم صح ،
وخلوا املكم بالله وأن شاء الله تنهون هالسنه وانتو مخلصين وبالتوفيق يارب ..

حبيت اللطف ويه اخويه ودزيتله أغنيه حلوه
هو: