Зумраддан ўрнак олиб
Мулойим сўз кўзлайин
Негатип жонга тегди
Позитивно сўзлайин..😉🙃

Тўймасларди кўзлаб ўт оч,
Тўрт томонга қарамай қоч.
Жонга тегди талон тарож,
Кимдир бўккан, кимлардир оч🙄

Бугун байрам эшик қоқар
Кўчаларни безатиб
Мустақиллик куни келди
Ўтганларни эслатиб...
Бугун кўплар эслашади
"Дода" лазги ўйнаган деб..
Ҳаёл қилинг сизга азиз
Инсонларни, ўлмаган деб
Бугун ҳеч ким ёмон гаплар
Гапирмасин тармоқда
Бугун ҳамма бизга қарар
Ўзбек байрам қилмоқда...
Бугун ҳеч ким тош отмасин
Бир бирига қарата
Бугун ҳамма инсон бўлсин
Парвардигор яратган..
Бугун ҳеч ким хўрсинмасин
Бораётган йўлида
Бугун кунни бошламасин
Оғриқ билан кўнглида
Бугун бир кун ҳаёл қилинг
Талон тарож бизда йўқ
Ҳамма уйда қозон қайнар
Арзончилик, кўнгил тўқ
Бугун бир кун ҳаёл қилинг
Тўймасларда виждон бор
Чет элларда давлат йиғмас
Юрагида ВАТАН бор
Бугун бир кун ҳаёл қилинг
Зўрлар жаннат ўйлаган
Кимдир кимнинг уйин бузиб
Қон йиғлатиб қўймаган
Бугун ўйланг яхшиликни,
Кўнгиллар эзилмасин
Бир кунгина ҳеч бўлмаса
Дарахтлар кесилмасин
Бугун хурсанд бўлиш учун
Айтадиган алёр бор
Бугун кимдир фарзанд қучди
Кўп кутилган дийдор бор..
Бугун байрам, яхши бир кун
Эшигимиз қоқмоқда
Бугун ҳамма бу айёмнинг
Ҳурматини қилмоқда...

Оллоҳимга шукур дегич бир миллат бор,
Ўз ризқини ўзи топар бир элат бор.

Ўксинганлар тақдиридан...

Кетаяпман тошимни териб
Тошлар ҳам кўп экан йўлимда
Ҳаётимни айтиб бергувчи
Ҳужжатларим билан қўлимда

Кетаяпман тошимни териб
Айбдор бўлиб, бошимни эгиб
Сен менга бир меҳр бермадинг
Кетдим сенга дунёни бериб..

Кетаяпман тошимни териб
Айтганингни қилганман доим
Фарқ қилмайди, билсанг барибир
Шу тош йўлдан, аввалги жойим

Кетаяпман тошимни териб
Қийин эмас эгилиб олиш...
Менга қийин эди аслида
Тош одамнинг ёнида қолиш

Кетаяпман тошимни териб
Тошлар ҳам кўп экан йўлимда
Қўтир тошлар сени эслатар
Ўхшатиш йўқ бошқа кўнглимда

Порахўрлар "қўшиқ" заказ қилганди..😉

Пора, пора, пора
Олганнингмас,
Олган вақти, ушланганнинг
юзи қора..

Пора, пора, пора..
Сенсиз ҳеч бир
иш битмайди
Сен бир чора..

Пора, пора, пора
Сени истар,
сени кутар
Мансабдаги нафси қора,. ..

Пора пора пора
Емай ичмай узатади
Бир бечора..
Эҳ начора

Пора, пора, пора..
Бизга мерос бўлиб келган
Мансаб сенга кўнгил берган
Сен деб, виждон ўлиб қолган
Ҳамма касал бўлиб қолган

Порагина, порамизей
Сени суйиб оламизей
Тезда бойиб қоламизей
Қаср уйлар соламизей

Онда сонда, ангда қолиб
Кучли тойиб қоламизей
Қамалсак ҳам, зумда чиқиб
Яна сени оламизей

Биз сен билан бўлиб жўра
Дўзах сари борамизей
Бу гапимдан қўрқма пора
Яшаш гўзал, ўзинг қара!

Эшити-и-б қўшиғини
Излагани кетяппан
Юлдуздинг мушугини🙃

ВАТАНПАРВАР, ХАЛҚПАРВАР ИЧКИ ИШЛАР ОРГАНИ ХОДИМЛАРИНИ КАСБ БАЙРАМИ БИЛАН ТАБРИКЛАЙМИЗ!!!

ВАЛИХОН УКАМИЗНИ ХОТИРЛАБ...

Билганмидим иним сизга
марсиялар ёзишим....
Эшитишим борлигини
жигарингиз нолишин
Яратганга бериб сизни
ғамга ботиб қолишим
Сизга ҳаво етмаганда
тўйиб нафас олишим..

Раҳмдил ва меҳрибоним
Эгам нима бўлмоқда?!
Билагида кучи тўла
Алпомишлар ўлмоқда...
Қалби тўла орзу ният
қўйни тўла фарзанди
Ўттиздан сал ошган эди
ҳали нима кўрганди...
Ҳар дақиқа сени эслаб
зикр қилиб юрганди

Ўйлаб ўйга етолмайман
кўнгил жуда оғринган
Балки уни жаннатдаги
онажони соғинган...

Турк элати қардошим деб,
Ўзбек халқи дуо қилар
Турким бўлгин бардошли деб

Ўтириппан онқайииб
Совуқ уйда чўнқайиб
Шомаллаппан, гапирдим
Бурунларим монқайиб🥴

Нима бўсам бўларман,
Жаримага тортсанглар
5600 тўларман🥴

Мендан узр сўратишганда😁😁

НИШОН ТУМАНИ ТИББИЁТ БИРЛАШМАСИ, ТУҒРУҚ КОМПЛЕКСИ ШИФОКОРЛАРИ!
ОЛТИН ҚЎЛЛАРИНГИЗ ДАРД КЎРМАСИН!
ОҚ ХАЛАТИНГИЗГА ГАРД ЮҚМАСИН!

Кеч соат 11 да ҳомиладор тўнғич келинимни туманимиз шифохонасига олиб келдик.. 10 йиллик танаффусдан кейин катта набирам укачали бўлиш арафасида...

Тонг отгунча кутдик, бу орада яна бир нечта аёлни қабул қилишди.
Тонгача янгилик йўқ..Эрталаб врачлар кесарево қилиш эҳтимоли хақида гап очишди..

Ваҳимага тушдим. Қудам билан маслаҳатимизни эшитган бир киши:- "Булар мол дўхтир сал нерсага пичаққа ёпишади" деб қолди. Ва бошланиб кетди... Қайси врач қандай бўмағур одам, ким қай бирини ютубда кўрган...🧐

Бу гаплардан баттар ваҳима босди мени. Ўзим яхши танимайдиган врачлардан кўнглим қора бўлди...

Ва кўнмадим кесаревога.... Врачлар қанчалик тушунтиришга уринишса ҳам бизни кўндиролмади..

Мен ҳам ташқарига чиқиб роддом рўпарасидаги скамейкага ўтирдим. Келинимнинг онасига врачлар хақида эшитганларимни айтиб ёзғирдим. Вилоятга обкетсакмикан деб ўйлаб қўйдим.🤔

Вақт ўтяпти..Миш мишчилар алмашяпти. Хурсанд бўлиб , туғилган невара, жиян, фарзандларни олиб кетишяпти.
🥰
Тушдан кейин бўлимга кирдим, икки врач Тошева Марям билан Шопўлатова Гулноз лар менга тушунтира кетишди. Рози бўлмасангиз бўлмайди деб. Майли яна кутинглар озроқ, биз ҳам керакли муолажаларни қиламиз деб, шошилинч операц. хонага кириб кетишди. Мен ичкарида бўлимда қолдим.

Кечгача шу бўлимда ўтириб, шифокорларга раҳмим кела бошлади. Операциядан чиқиб, род. залга чопиб кириб кимнидир туғиздиришади. Яна операцияга. Ана шу жараённи кузатиб кунни кеч қилдим. 😒
Шу куннинг ўзида кечгача икки аёл врач акушер гинекологлар ўз бригадаси билан 12 та аёлнинг туғруқ жараёнини эсон омон ўтказиб олиши учун хизмат қилишди. Шулардан 5 таси жарроҳлик яъни кесарево йўли билан амалга ошди. Ярим соат ҳам тин олмай. Тушлик қилишга вақт ажратолмай...

Буни кўриб, улар хақида ўйлаган хунук ўйларимдан уялдим тўғриси..
Врачларга айтдим, нимани тўғри деб билсангиз шуни қилинглар, биз розимиз деб.

Ва ўзимга ўзим дедим, яратган эгам бизни суюнтирсин илоҳим. Ва ниманики менга раво кўрмасин мен мана шу қўли қўлига тегмай хизмат қилаётган врачларга бир оғиз қаттиқ гапирмайман деб..

Келганимизга деярли 1 сутка бўлишига оз қолганда жарроҳхонадан менинг набирачамни мушукчани ўраб олгандай бағрига босиб, истараси иссиқана бўлган педиатр йигит Холматов Абдурашид чиқиб, хола табриклайман қизча билан деб, чақалоқлар хонасига обкириб кетди неварачамни..

Яратганга беҳисоб шукурлар бўлсин. 🙏 Мен ҳам бугунги шифохонадан хурсанд бўлиб кетган кўпчилик сонига қўшилдим😊.
Ҳурматли шифокорларимиз, ўз касбининг фидокорлари ТОШЕВА МАРЯМ ТЕМИРОВНА, ШОПЎЛАТОВА ГУЛНОЗ ХОЛТОЖИЕВНА, устоз - шифокор ДАУТОВА АНОРА ГРИГОРЬЕВНА, педиатрлар ХОЛМАТОВ АБДУРАШИД, СУЛТОНОВА ГУЛНОРА анестезиолог ШОЙМУРОДОВ ДАВЛАТ, доя РАХМОНОВА БИБИХОЛ, ҲАМШИРА ВА САНИТАРКАЛАР барчангизга каттадан катта рахмат.

Вужудимда бир қизча
байрам талаб қилмоқда🎄
Ташкен ситиға оппор
деб ҳарҳаша қилмоқда🙄

Ривоят ФБ дан олинди...🤔
____________________
Қадим замонда ҳасис бойнинг адолатсизлигидан камбағал қавм чарчабди. Бир куни , бойнинг қўли узун келиб, норози бўлганларни дорга осиб юбориш фармонига эришибди. Бундан хабар топган камбағал қавм, осилишидан эмас, арқон ўзларининг ҳисобидан бўлганига норози бўлибди. "НЕГА ОСИШГА АРҚОН ОСИЛАДИГАНЛАР ХИСОБИДАН БЎЛИШ КЕРАК, ҚАНИ АДОЛАТ!" деб намойишга чиқибди. Орадан бир неча кун ўтибди. "Арқон кимни хисобидан бўлса, бола- чақасига қолади" деган фармон келибди. Шундай қилиб ҳамма хурсанд, мурод- мақсадига етибди..

Бир куни бир алвон замон бўлади
Замин узра омон омон бўлади
Адирларда тўплар буғдой ўради
Далаларда танклар пахта теради...
(қўшиқдан)

Бир куни бир алвон замон бўлади
Элатнинг ҳурматин калиш кўради.
Лениннинг ўрнига тип тика бўлиб
Ўрислар келтирган калиш туради.
Бир куни бир ажиб замон бўлади
Калишни олқишлаб байрам қилганда
Ахмоқлар зўрлигин борлиқ билади..
Калишин ҳурматин қилган эл дея
Кўрганлар бизларга ёрлиқ илади
Бир куни бир алвон замон бўлади...
Келажакда калиш мағрур туради
- келажакка ишонганлар нима бўлади...?
Уларми? Калишни ҳурмат қилади....
Мусиқа янгратиб доира уради
Замин узра омон омон бўлади...