نعم اخاف..
أخاف على حلمي من الانتظار اذا شقّ على المسير وطال الطريق
أخاف عليه من الأب،والأخ والعابرين على ساحل قلبي🩶
أخافُ على حُلمي من نفسي ومن يأسي ومن الأيام التي تقرع طبول المستحيل

أنا ابنةة الطرقات عادتي هي المضي قدماً دون إلتفات
أصدّق أحلامي🩶 وأكذب أيامي
فأيامي لم تنصفني
لدي حلمٌ واحد..
أن أجدني 🩶

#فاطمةة_شغف

لو رأيت حلمك صار غيمة حزن في السماء لا تنكسر قد تنشق الغيوم ومن ثم ستأتي أفراحك كالمطر فابشر واصطبر .

لا تخافي فالطرق الطويلة الشاقة تنتهي بوجهات عظيمة هذا ما تعلمته منك
تخافين على حلمك من الاب، والأخ،والعابر على ساحل قلبك ، فماذا على المقيمِ بربوع قلبك؟
تخافين من نفسك ومن يأسك ومن الأيام؟ يا ابنة الطرقات؟ اليست عادتك المضي قدماً دون التفات؟ فلما الخوف إذاً؟
تصدقين أحلامك وتكذبين ايامك لأن ايامك لم تنصفك؟ ومتى كانت الأيام منصفة؟
لديكِ حلمٌ واحد هو أن تجدي نفسك وأنا مثلك لدي حلم واحد فقط
أحلم بأن أمتلك الشغف

تذكير بقراءة سورة الكهف 🤍..🍃

#عارف؟؟؟
انت ما محتاج زول يكملك لأنك ما نص🙃..انت كامل بذاتك وصفاتك وانجازاتك🌸💕..
ما محتاج زول يكمل معاك السكة ويسندك لأنك قادر تكتفي بنفسك وتكمل مشوارك براااك وسندك ربك♡..
انت ما محتاج زول تشكي ليهو وتبكي عندو انت محتاج تشكي وتبكي لي ربك هو الوحيد الي ح يسمعك دايما وفي كل وقت ح يسمعك من غير ما يقاطعك♡
ح يفضل معاك وجنبك دايما طالما انت قريب❤️ وهو الوحيد القادر يساعدك ويحبر بخاطرك ويبدل خوفك أمن وعسرك يسر♡♡♡..
#الاكتفاء دة أجمل إحساس ممكن تحسو💛☺️..
اكتفي بنفسك وبطل تعيش دور الضحية، بطل تفكيرك السلبي اوكي؟🙃
الدنيا دي حلوة شديييييد💜🦋✨
وابسط مما تتخيل بكتيييييير بس للاسف ما بتتكرر 💔💔💔..
بستغرب جدا من الشخصيات السلبية والنكدية وأي انسان سلبي ونكدي انا بعتبرو ما بحب نفسه💔
لأنك وببساطة لو بتحب نفسك ما ح ترضى تعيش حزين !
ايوة انا عارفة انك عندك مشاكل وهموم فعايزة اقول ليك انك ما براك مافي زول في الدنيا دي رأسه فاضي من الهموم بس في ناس عايزة تعيش مبسوطة رغما عن أنف الحياة ومتوكلة على ربنا ومؤمنين انه ربنا ما بينسى زول♡..
عندي صحبتي عندها مشاكل لما اجي اواسيها وأقول ليها مافي حاجة بتستاهل بتقول لي فطومة انتي عشان ما عندك مشاكل ما حاسة بي! ..انا عشان انسانة إيجابية ودايما متفائلة كل البعرفوني مفتكرين اني ما عندي هموم وبالي مرتاح !..انا فعلا بالي مرتااح لكن عندي مشاكلي الخاصة، عندي هموم ومسؤوليات لكن كل المشاكل والمعاناة دي ما بتسوى شي قصاد الأيام المفترض أعيشها بسلام💕💕..
هل ضروري اكتئب و ازعل لما يكون عندي مشكلة؟ ..ليه ازعل؟ وانا مؤمنة اني ح اتجاوز المشكلة دي بغض النظر عن أنها ح تنتهي بخير أو بشر في النهاية ح تبقى ذكرى ليس إلا!..
#احكي ليكم قصة؟؟
زمان كان في ملك قال لي حكيم اكتب لي عبارة كل ما أكون حزين واشوفها ابتسم فكتب ليهو"هذا الوقت سيمضي"..
يعني مافي داعي تخلي ضحكتك الحلوة دي تزول🙃🙃
انا عايزاك تكون انسان قوي وتضحك رغما عن أنف الحياة! وتبتسم في وجه المشاكل وتحول كل عثراتك لي انتصارات🔥🔥🔥🔥..

#فاطمة_شغف

22 دولة عربية و57 دولة مسلمة وفلس*طين تقاتل وحيدة💔
القدس ما قضيةة الشعب الفلسط**ني فقط القدس قضيةة كل الشعوب العربيةة والمسلمةة
ولو القيادات العربيةة سكتت وباعت القضيةة واخدت موقف محايد فنحن كشعوب أعزّها الله بالاسلام لن نسكت!
ما في يدنا حاجةة ندعم بيها الشعب الفلسط*يني وننصر بيها الإسلام لكن ما ح نوقف دعاء، ولا ح نسكت عن تخاذل قادات العرب وخيانتهم ، ح نفضل نتكلم عن القضيةة قطع الانترنت من غزة وتقييد حساباتننا وحظرنا دليل على خوفكم وايمانكم بأنه الق*دس عربيةة ومعرفتكم بأنكم تقاتلون على باطل
الق*دس عربيةة وستبقى 🩶

*لَقَدْ صَدَقَ اللَّهُ رَسُولَهُ الرُّؤْيَا بِالْحَقِّ لَتَدْخُلُنَّ الْمَسْجِدَ الْحَرَامَ إِنْ شَاءَ اللَّهُ آمِنِينَ مُحَلِّقِينَ رُءُوسَكُمْ وَمُقَصِّرِينَ لَا تَخَافُونَ فَعَلِمَ مَا لَمْ تَعْلَمُوا فَجَعَلَ مِنْ دُونِ ذَلِكَ فَتْحًا قَرِيبًا*
وعدكم بلفور ووعدنا الله وإن وعد الله حق🩶

#فاطمةة

#starlinkforgaza
#غزة_تنزف
#القدس_عربيةة
#مايحدث_في_غزة_جريمة_حرب

السلام عليكم 🩶
سمعتو بقانون ال15 دقيقةة؟؟؟
تعالو احكي ليكم عنه تابعو معاي🙃
قبل ما ندخل في موضوع ال15 دقيقةة عايزة اضرب ليكم مثل خفيف نقطةة المويةة لو وقعت في الصخرة ما بتأثر فيها خالص لكن لو استمرت في السقوط مع الزمن ح تعمل ثقب في الصخرة ! قادرين تتخيلو؟
يلا ال15 دقيقةة البسيطةة دي لو انت قررت تنفقها فيما يفيد مع الزمن ح تحقق نتائج عظيمةة🔥 ، لو خصصت 15 دقيقةة في تعلم لغةة جديدة ح تتقنها في أقل من سنةة لوعملت بجد، لو خصصت 15 دقيقةة للقراءة ح تفيدك جداً وتزيد رصيدك الثقافي، وتزيد مستوى الفهم والاستيعاب عندك،15 دقيقةة لقراءة القرءان ح تختم في شهر🩶 ،15 دقيقةة للحفظ يومياً ح تحفظ القرءان كاملا في 6 شهور، لو خصصت من يومك 15 دقيقةة في هوايةة انت بتحبها سواء كانت رياضةة معينةة او الرسم او الكتابةة او أي حاجةة تانيةة انت ح تصل لمستوى الإبداع في الهوايةة دي🩶🔥
لو خصصت من يومك 15 دقيقةة عشان تكتسب عادة معينةة او تتخلص من عادة معينةة ح تحقق مرادك في أقل من شهر!!
وأخيراً15 دقيقةة يومياً في تحسين ذاتك وتطويرها نفسيا ً او أكاديمياً، أو اجتماعياً، أو حتى دينياً ح تلاحظ التغيير الملحوظ في نفسك🩶 في وقت وجيز
قانون ال15 دقيقةة مفعوله مفعول السحر✨ مجهود قليل في وقت أقل مقابل نتائج عظيمةة🔥
منتظر شنو يلا قوم طبق قانون ال15 دقيقةة 🔥 ما تتكاسل يومك فيه 1440 دقيقةة ماتبخل على نفسك ب15 منها🙃



#فاطمة_شغف

الأول من نوفمبر!!
يقولون أنّ نوفمبر هو شهر الوقوع في الحب!
ليس في وطني 💔
نوفمبر هو شهر وقوع أوراق شجرة الأمل التي كانت صامدة لستةة أشهر🍂
نوفمبر هو شهر وقوع المزيد من الضحايا، والكثير من الأسقف التي كانت حصناً لمن لم يسعفهم الخروج من الخرطوم،،
في موطني نوفمبر هو شهر وقوع مطر الخيبات على كل من كان يصبر نفسه قائلاً:"ستنتهي الحرب"
نوفمبر في موطني هو شهر وقوع   المزيد من الدانات على من لا علاقةة لهم بالحرب؛ أُناس بُسطاء لا يريدون سوى أن يبقو على قيد الحياة، شهر وقوع  القذائف  بقسوة تنتزع الأمان بقوة من قلب طفل كاد يموت ذعراً وأمه تهزي ألماً،،،
في وطني نوفمبر هو شهر وقوع الرصاص كوقوع قطرات المطر! إعتاد الجميع الأمر بعد نصف عام من تواصل سقوط الرصاص !! أصبح الخوف هو الواقع والأمان مجرد لذة عابرة لا تلبث أن تسكن قلوبهم لدقائق معدودة حتى يطردها إستشعار قرب الأجل عند إشتداد الحرب!
نوفمبر هو شهر وقوع أقنعةة النزاهةة من قادات وطني، شهر الوقوع جوعاً، الوقوع ألماً، الوقوع قهراً وظلماً، وقوع الكثير من الأبطال والكثير جداً من الدموع ولكن ليس الوقوع في الحب
في وطني لا وجود للحب،فقط توجد الخيانةة، ينزف وطني مرتين،مرة بسبب الحرب ومرة أخرى بخيانةة أبناءه له حين أشعلو نار الحرب..
نوفمبر فلتمضي سريعاً لن نحتمل المزيد من الوقوع..🍁

#فاطمة_شغف 🖋

أُمي وإن هجر الجميعُ مرابعي
‏بقيت لتزرع في الهشيم رُفاتي

تذكير بقراءة سورة الكهف 🤍..🍃

ما يجري في غزة وفلسطين لا يُحتمل أن يُروى و يُحكى فكيف بأن يُرى والعجيب كيف لما يحدث أن يعاش ؟ واقع مؤلم للفلسطينين بحسبنتهم (حسبي الله ونعم الوكيل ) على أولئك الذين كانوا سبب في فقد احبابهم وعائلاتهم على اسرائيل التى لا تزال تمحي البهجة من وجوه الأطفال وتبكيهم ثم تبكي أمهم الحبيبة غزة بشلالات دماء ودموع؛ و مهما طال المر ستذوق غزة من بعدها حلو وسيحكي التاريخ عن النضال والشجاعة والإقدام من أبناء فلسطين الابية والتضحيات وسيخسر رأس الطغيان وبائع الأحزان و نقولها بملء صوت حنجرتنا :
حتما ستنتصر غزة وسيتحرر المسجد الاقصى.

#الدرداء

‏"طلعَ الصباحُ وأمّي أجملُ ما بهِ
‏طوبَى لِصبحٍ أمّي فيه جواري
🤍

اليوم حصل معاي موقف غريب جداً وفي نفس الوقت جميل جداً❤
بعد دوام مرهق في المستشفى رجعت البيت ونمت نومةة طويييلةة وحرفياً حسيت بأنه كل خليةة من جسمي نالت نصيبها من الراحة🩶
لما صحيت فجأة من غير ما أشعر لقيت نفسي قعدت وإبتديت أمرر إبهامي على حلقات اصابع يدي اليمين وتلقائياً لقيت نفسي بقول:"سبحان الله،سبحان الله!"
بعد شويةة استوعبت الحصل وقلت يافطومةة انتي جنيتي؟
استغربت لانه مافي سبب واحد يخليني اصحى من النوم وابدأ اسبح التسبيح البعد الصلاة!
ضحكت في نفسي ورجعت رقدت وسرحت أفكر في الحصل
بعد تفكير اتذكرت اني بعد الصلاة برقد رقدة طويييلةة في الصلايةة بدعي فيها كتيير و بعد انتهي من الدعاء بقول الاذكار البعد الصلاة بدءاً بالتسبيح!
فإكتشفت اني في رقدة الدعاء برتااح بنفس الطريقة الارتحت بيها في النومةة دي!
ومخي مُبرمج على التسبيح بعد الراحة دي!
انا لسةة ماقادرة استوعب الموقف الغريب دة وماا قادرة القى تعابير مناسبةة عشان اشرح ليكم بس بتمنى تكونو فهمتو 🩵
منو قال الدنيا مافيها راحةة؟؟ الدنيا فيها راحةة والراحةة دي بنلقاها ونحن قريبين من ربنا🤎
ياجماعة الصلاة دي كل حاجة حافظو عليها وسعادتكم، وتوفيقكم وراحتكم بالتقرب لي ربنا❤‍🩹
سبحان الله💓💓

#فاطمةة_شغف

تذكير بقراءة سورة الكهف 🤍..🍃

لتذهب بنا الحياة على دروب الإبداع بمهل وبقافلة بطيئة السير للتنقل في محطات التعلم وللتعرف على المبدعين بشحذ مهاراتنا وتنمية قدراتنا فلا نتلقى فوات قافلة عنا الا بسرور وسنكون نحن دوما مستعدين للرحيل بيسر سنبقى إن فاتنا الآخرون فإن بقينا هنا بين تلك المحطات وأودية الأقلام والفنون فنحن حتما نسير على دروب الإبداع ولكن هل الحياة تمنحنا كل ما نريد ؟إن كنت تملك الإرادة وتتسم بالحماس فجوابك على الغالب نعم.
#الدرداء

#بتعرفو_الحب؟؟
هو انا ليه بسأل السؤال الغبي دا؟ اكيد كلكم بتعرفوه♡
#بما_انك بتعرف الاحساس دا تعال نتخيل مع بعض شويةة
اتخيل انك بتحب شخص حد الجنون🩶 ووصلت اقصى مراحل الهيام وبقيت متيم بيه♡
وكرست كل حياتك ليه وعشانه🩶.
بقى محور حياتك وكل تفاصيلك متعلقةة بيه🩶
بتجتهد عشانه،بتسعى عشانه،بتقوِّم نفسك عشانه،بتحاول تحقق ذاتك عشانه،عايز تبقى عظيم عشانه.
بتحاول رغم الفشل، وبتطمن نفسك انه الجاي احلى، وبتصبر رغم تعبك، ومعاناتك، وبتواجه كل الظروف وتخوض المستحيل لانك رهنت كل حياتك عشانه♡
وفجأة وبدون سابق انذار تفقد الشخص دا💔، ح تفضل زي ما انت؟؟؟
#اكيد_لا! ؛ ح تنطفي،وتنكسر،وتفقد الرغبةة في الاستمرار وتبطل تسعى، دا لو مافقدت الرغبةة في الحياة 💔
ودا نفس الحصل لي تماماً..
فبطلو تقولو لي :"بقيتي سلبيةة_بقيتي هشةة_ ولم نعهدك كذلك"
الحرب طفتني💔 انا بحب البلد دي اكتر من نفسي وفي عروقي بيجري حب البلد دي بدل الدم!
متيمةة بيها من وانا طفلةة ولما اقول :"اني مصابةة بعشق هذه البلاد" فدي ما مجرد جملةة عميقةة والسلام! انا فعلاً مصابةة بحب هذه البلاد بكل ما تحمله العبارة من معنى!
من وانا صغيرة في تفاصيل كتيرة بتخص السودان قاهراني وبتألم منها وقررت أعدلها ♡
لما كنا في الأساس الكل كان بيحلم يبقى دكتور أو مهندس أو اي حاجةة لها شأن انا كنت بحلم السودان يتغير للافضل🩶، لما وصلنا الثانوي الكل كان بخطط يجيب نسبةة كويسةة ويدخل مجال يقدر يعيش من وراه،انا كنت بخطط وبفكر كيف احدث تغيير في البلد دي وكيف انهض بيها؟ لما دخلنا الجامعةة الكل عايز يتخرج ويستلم شهادته ويهاجر ويسيب البلد انا كنت بخطط اجتهد واحقق ذاتي وابقى حاجةة عظيمةة وعندي نفوذ وسلطةة عشان اقدر احقق التغيير الكنت بحلم بيه منذ نعومةة اظافري🩶.
انا كنت شاطرة في المدرسةة عشان السودان 🩶، تعبت واجتهدت وعانيت في الثانوي عشان السودان، ووصلت الجامعةة عشانه وكنت بستحمل كل معاناتي عشانه، كنت بصبر نفسي، وبتفائل ومليانةة طاقةة ايجابيةة وحماس عشانه.
حتى الكتابةة البحبها والمحتوى التحفيزي البقدمه عشانه، عايزة احمس شباب السودان، واواسيهم،واخفف عليهم، وادعمهم معنوياً وأمهد ليهم الطريق عشان يحققو ذواتهم عشانه لانهم هم الي ح ينهضو بالبلد دي♡ ؛ اتسميت شغف عشانه، ولقبوني ب"queen of positive" عشانه♡.
هو كل حاجةة بالنسبةة لي وحالياً هو في اسوأ حالاته تفتكرو ح اكون شغف الانتو عرفتوها؟ طبيعي الانطفاء الانا فيه، والسلبيةة البدت تتسلل لروحي لانه حبي للبلد دي هو الكان بحركني وليس الشغف!
صعب جداً اقدر اكمل وعزة بتتألم لكن ح افضل أحاول رغم الانطفاء عشان خاطر الحب الجاري في عروقي، وعن قريب ح ترجع شغف الانتو عهدتوها♡ سواءً رجعت عزة أو مارجعت ح اسعى عشان اكون فخر حقيقي ليها♡
#اللهم_وطني_ومادونه_هيِّن🩶😔
#شغف

- التطوّع غيّر في "شغف" شنو؟

التطوّع خلانّي جاهزة دائما لتقديم المساعدة في أي وقت وتحت أي ظروف، اتعلمت من التطوع أهميةة اتقان عدد من المهارات إليّ ممكن تكون طوق نجاة لشخص محتاج،التطوّع علمني مفاتيح النجاح وهي الانضباط، والاستمرارية،وإدارة الوقت.


- رسالة تحب توجهها "شغف" للعالم في اليوم العالمي للتطوع...

في قضاء حوائج الآخرين ومساعدتهم لذة لا يعرفها إلا من جرّبها♡ أنا كشغف زارتني السعادة على هيئةة عمل طوعي♡


#رسالة_شغف
#اليوم_العالمي_للتطوع
#رسائل_اليوم_العالمي_للتطوع

بدأ الصباحُ ببسمةة من ثغرها
ياليت امي كل صبح تبتسم♡

#صباح_الخير