شغف عايزة تقول ليكم الأيام البتكونو فيها مخنوقين ومتضايقين،
واللحظات البتحسو فيها إنه الدنيا ضاقت عليكم وتتمنو فيها الموت الف مرة مصيرها تعدي وتبقى مجرد ذكريات💙..
صدقوني ح تعدي زي ما عدت الأزمات القبلها..

#ما_تشيل_هم💚

#فاطمة(#شغف)

ربما لم تكن الأمور تسري كما نخطط لها لكننا فرحين بما اتانا الله من فضله!
ربما تسري سفينتنا بما لا تهواه نفوسنا لكنا نقسم بأننا سننال كل ما تمنته قلوبنا يوماً!
وعهد علي سأصنع عاصفة من اصراري لتحول مسار سفينة حياتي كما أهوى
وما خلقت إلا لاحقق مع كل صباح انتصارا جديداً في رهاني مع الحياة!


#صباح_الخير


#فاطمة♥✨
(#شغف)

كل عام وانتن طمأنينة وسلام💜..
كل عام وانتن مصدر أمل وايجابية✨..
كل عام وانتن مدرسة ، وسند، ومأوى، وحبب❤️، ووئام، وقوة، وإلهام🤎..

كل عام وانتن كل شيء وبدونكن لا يكتمل شيء!
كل عام وانتن سند وعون كل عام وبصمة ابداعكن تلامس كل نجاح يقوم به آدم🖤..
كل عام وانتي الأم🤎..والاخت💓..والزوجة💜..والرفيقة🦋..والطبيبة♥..
والحبيبة🖇..والمربية💕..والمعلمة🔖

كل عام وانتي شغوفة وحالمة وطموحة ومبدعة وملهمة🤍..

إلى كل حواء..
جميلة انتي💕..جميلة بلونك الأسمر أو الأبيض ، جميلة بشعرك الناعم أو المجعد، طويلا كان أم قصير انتي جميلة♥
جميلة انتي بأنفك المعتدل أو الكبير ، جميلة بوجهك الصافي أو الملئ بالبثور، جميلة بصوتك الأنثوي أو الفوضوي انتي جميلة♥..جميلة بكل تفاصيلك لأنك انتي💚..وكل ما خلقه الله جميل💟
كوني نفسك ♥
انتي لست بحاجة لتغيير لون بشرتك أو إنقاص وزنك أو تعديل انفك ولستي بحاجة كذلك إلى وضع مساحيق التجميل انتي جميلة على طبيعتك ♥
ولتعلمي أن الأنثى التي تكون على طبيعتها أكثر جاذبية من اللاتي يسرفن في استخدام مساحيق التجميل ويخضعن للعمليات الجراحية ..الطابع الرباني أكثر سحرا وجاذبية لذا كوني على طبيعتك حفظك الله🤎..
كل أنثى تطمح لأن تغدو الأجمل وهذا شئ فطري لكن كوني جميلة في اخلاقك واجعلي زبنتك هي عقلك💞..تعلمي اطلعي اقرأي طوري نفسك وابدعي في كل مجالات الحياة ،..
كوني مع الله ♥واحبيه فهو السند الذي لا يميل🤎
احفظي القرءان ورتليه فهو الصاحب والانيس ولا يتعافى المرء إلا بالقرءان❣..
أحبي نفسك ودلليها اعشقي تفاصيلك مظهرك، وضحكتك، وصوتك، ووزنك، ثقي بنفسك فالثقة نصف الجمال🤎
لا تظلمي نفسك😔لا تنادي بالمساواة مع ادم💔..
من خلقنا لم يساوي بيننا وصرح بذلك في نص القرءان ألا ترضين بحكم الله؟ ..
أحمدي الله على نعمة الاسلام أولا ثم ثانياً اعلمي أن الإسلام أعطانا من الحقوق مالم يرد في أي ديانة أخرى! الإسلام حفظنا وكرمنا وأعلى من شأننا ولم ينقص من قدرنا شيئاً ..
الإسلام عظمنا ووصى علينا ودللنا فلما تظلمن انفسكن وتنادين بالمساواة؟؟!

كل عام وشعارنا
#وراء_كل_رجل_عظيم_امرأة_عظيمة
فلتفخري يا حواء 🔥
كل عام وانتن بخير ✨💜
...

#فاطمة✨🪄(#شغف)

السلام عليكم ❤️

قبل ما تحكم على نفسك بالفشل اتذكر انك ما وصلت للمكان الانت فيه دة بالساهل حتى لو كان دة مالمكان النفسك تكون فيه
وقبل ما تبدأ تعجز نفسك وتحتقر انجازاتك اتذكر انك يوم من الايام كنت في نقطةة البدايةة وهسي لازم تكون فخور بإنجازك حتى ولو اتحركت خطوة وحدة من نقطةة البدايةة!!
انا ما عايزاك تبطل محاولة! لانك لما تبطل ح تحكم على نفسك بالفشل!!
عايزاك تستمر وتحاول لحدي ما تصل🤍 واتذكر انه دايما ممكن تبدأ من جديد
ممكن مخططاتك ماتمشي حسب تخطيطك، وممكن الظروف دايما تكون ضدك لكن ما ممكن تتحرم من حاجة انت تعبت عشانها🤍✨
وصدقني ح تصل طالما انك مؤمن بالوصول❤️❤️❤️

#فاطمة(#شغف)

عايزاك تعاهد نفسك بأنك ح تبقى زي ما بتحلم♡، ح تحقق ذاتك💕، وتخلق اسطورتك الشخصية🔥..
عايزاك تكون صنديد وما تلين وتكون مؤمن بوصولك لمراد قلبك💚..
عايزاك تثق في نفسك وتحسن الظن بالله💛..
عايزاك تستفيد من كبواتك وعثراتك وتحول نقاط ضعفك لنقاط قوة🤍..
عايزاك تعرف أنه اللحظات الصعبة مهما طالت مصيرها تعدي وتنتهي💜😴..
عايزاك ترفع سقف طموحك وما ترضى بالقليل♡..
عايزاك ترفض فكرة انك تعيش حياة عادية وتختار حياة عظيمة تليق بيك💙..
عايزة اقول ليك الدنيا قاسية والظروف غدارة لكن الفرص ما بتنتهي طالما اننا احياء نرزق♡..
الحياة دي ما بتقيف إلا لما يتوقف قلبنا❤️..غير كدة ما في حاجة بتوقفها! ، لا فشلنا، ولا عثراتنا، ولا انكسارنا !
لملم شتات روحك وحاول تاني🧡..


#امضي_قدما

#فاطمة (#شغف)

السلام عليكم اولاً
وبسم الله على قلوبكم حتى تطمئن ثانياً
بتمنى تكونو كلكم بخير وعافيةة😔🤍
#علاقتي_بيكم ما مجرد علاقةة كاتب محتوى وقارئ! البينا أعمق من كدة بكتيييير انتو مُلهميني وأُسرتي الشغوفةة
وعشان انا بحبكم ومصلحتكم تهمني عايزة اشارككم نصيحةة ح تغير من حياتكم و ح تطوركم جداً🔥
حسب الأوضاع البتمر بيها البلاد كلنا مؤجزين وفاضيين 24 ساعةة كل نشاطاتنا اتوقفت بسبب الحرب 💔
وماعارفين الوضع دة ح يستمر كدة لمتين لكن عارفين انه الوقت دة خصماً من عمرنا💔 وعمرو ما ح يرجع ولا ح يتعوض😔
عشان كدة لاازم نستغلو صح ونستفيد منو🙃..تعالو اوريكم كيف👇
طبعاً اكيد كلكم زهجانين وحاسين بالملل😓 وعايزين اي حاجةة تملو بيها فراغكم
خصصو وقت للقراءة📖 حتى لو ما بتحبوها، ماشرط تقرو كتيير صفحةة وحدة في اليوم كافيةة اذا ما بتقدرو او ما بتحبو القراءة، القراءة مفيدة بتوسع فكرك وتطور ادراكك وتثقفك حاول على قدر الإمكان ماتنوم بنفس العقل الصحيت بيه حتى لو تقرأ سطر واحد! صدقني كل سطر تقراه بفرق كتيير وبأثر في شخصيتك وحياتك مستقبلاً
خصص وقت لحفظ القراءان أعمل جدول حفظ او احفظ بطريقةة عشوائيةة، ممكن تبدأ بالسور البتحبها❤️ او السور الصغيرة او ممكن تحفظ آيتين بس بعد كل صلاة ومع الوقت ح تحفظ القرءان كاامل🤍
-طور نفسك في مجالك الدراسي أقرأ عن تخصصك احضر فيديوهات اتثقف وذاااكر لانه ح ترجع للجامعةة تااني لما الازمةة دي تعدي و يستحسن تنزل جااهز ومخلص🙃
- ادرس المهارات الطبيةة حتى لو كنت طالب هندسةة🙃 #ليه_ياشغف؟🙂
ياعيون شغف انت اتعلمها عشان لا قدر الله ممكن تتخت في موقف يتطلب منك تكون بتعرف الاسعافات الطبيةة والتعامل مع حالات الطوارئ!، اتعلمها عشان تزيد مهاراتك لانه كل مازادت مهاراتك قلّت حاجتك للناس وزادت حاجةة الناس إليك🙃 طيب ياشغف اتعلمها كيف؟؟ المنصات الطبيةة قصرت معاك في حاجةة؟؟
-آخر حاجةة خصص وقت لتعلم لغةة جديدة🤍 في تطبيقات لغات كتييرة  استخدمها اصلا انت فاضي وما وراك حاجةة طوّر من نفسك وبالمناسبةة تعلم لغةة جديدة ما صعب انا ابتديت اتعلم الصينيةة والعبريةة😂 في البدايةة كنت شايفةة انها حاجةة بعييييدة وصعبةة اكن لما بديت شويةة شويةة بديت احس انه الموضوع سهل ومسلي كمان  وبقيت مؤمنةة بفكرة اني ممكن أتكلم الصينيةة والعبريةة بطلاقةة واتحمست لزيادة رصيدي اللغوي اكترر🔥
واذا عندكم هوايات تانيةة زي الرسم والتصميم أو رياضةة معينةة حاولو تطورها في الفترة دي استغلو الزمن لانه خصماً من عمركم🙃
ربنا يحفظكم ويسدد خطاكم ويوفقكم
دمتم سالمين 🤍

#فاطمة(#شغف)

#عارف؟؟؟
انت ما محتاج زول يكملك لأنك ما نص🙃..انت كامل بذاتك وصفاتك وانجازاتك🌸💕..
ما محتاج زول يكمل معاك السكة ويسندك لأنك قادر تكتفي بنفسك وتكمل مشوارك براااك وسندك ربك♡..
انت ما محتاج زول تشكي ليهو وتبكي عندو انت محتاج تشكي وتبكي لي ربك هو الوحيد الي ح يسمعك دايما وفي كل وقت ح يسمعك من غير ما يقاطعك♡
ح يفضل معاك وجنبك دايما طالما انت قريب❤️ وهو الوحيد القادر يساعدك ويحبر بخاطرك ويبدل خوفك أمن وعسرك يسر♡♡♡..
#الاكتفاء دة أجمل إحساس ممكن تحسو💛☺️..
اكتفي بنفسك وبطل تعيش دور الضحية، بطل تفكيرك السلبي اوكي؟🙃
الدنيا دي حلوة شديييييد💜🦋✨
وابسط مما تتخيل بكتيييييير بس للاسف ما بتتكرر 💔💔💔..
بستغرب جدا من الشخصيات السلبية والنكدية وأي انسان سلبي ونكدي انا بعتبرو ما بحب نفسه💔
لأنك وببساطة لو بتحب نفسك ما ح ترضى تعيش حزين !
ايوة انا عارفة انك عندك مشاكل وهموم فعايزة اقول ليك انك ما براك مافي زول في الدنيا دي رأسه فاضي من الهموم بس في ناس عايزة تعيش مبسوطة رغما عن أنف الحياة ومتوكلة على ربنا ومؤمنين انه ربنا ما بينسى زول♡..
عندي صحبتي عندها مشاكل لما اجي اواسيها وأقول ليها مافي حاجة بتستاهل بتقول لي فطومة انتي عشان ما عندك مشاكل ما حاسة بي! ..انا عشان انسانة إيجابية ودايما متفائلة كل البعرفوني مفتكرين اني ما عندي هموم وبالي مرتاح !..انا فعلا بالي مرتااح لكن عندي مشاكلي الخاصة، عندي هموم ومسؤوليات لكن كل المشاكل والمعاناة دي ما بتسوى شي قصاد الأيام المفترض أعيشها بسلام💕💕..
هل ضروري اكتئب و ازعل لما يكون عندي مشكلة؟ ..ليه ازعل؟ وانا مؤمنة اني ح اتجاوز المشكلة دي بغض النظر عن أنها ح تنتهي بخير أو بشر في النهاية ح تبقى ذكرى ليس إلا!..
#احكي ليكم قصة؟؟
زمان كان في ملك قال لي حكيم اكتب لي عبارة كل ما أكون حزين واشوفها ابتسم فكتب ليهو"هذا الوقت سيمضي"..
يعني مافي داعي تخلي ضحكتك الحلوة دي تزول🙃🙃
انا عايزاك تكون انسان قوي وتضحك رغما عن أنف الحياة! وتبتسم في وجه المشاكل وتحول كل عثراتك لي انتصارات🔥🔥🔥🔥..

#فاطمة_شغف

السلام عليكم 🩶
سمعتو بقانون ال15 دقيقةة؟؟؟
تعالو احكي ليكم عنه تابعو معاي🙃
قبل ما ندخل في موضوع ال15 دقيقةة عايزة اضرب ليكم مثل خفيف نقطةة المويةة لو وقعت في الصخرة ما بتأثر فيها خالص لكن لو استمرت في السقوط مع الزمن ح تعمل ثقب في الصخرة ! قادرين تتخيلو؟
يلا ال15 دقيقةة البسيطةة دي لو انت قررت تنفقها فيما يفيد مع الزمن ح تحقق نتائج عظيمةة🔥 ، لو خصصت 15 دقيقةة في تعلم لغةة جديدة ح تتقنها في أقل من سنةة لوعملت بجد، لو خصصت 15 دقيقةة للقراءة ح تفيدك جداً وتزيد رصيدك الثقافي، وتزيد مستوى الفهم والاستيعاب عندك،15 دقيقةة لقراءة القرءان ح تختم في شهر🩶 ،15 دقيقةة للحفظ يومياً ح تحفظ القرءان كاملا في 6 شهور، لو خصصت من يومك 15 دقيقةة في هوايةة انت بتحبها سواء كانت رياضةة معينةة او الرسم او الكتابةة او أي حاجةة تانيةة انت ح تصل لمستوى الإبداع في الهوايةة دي🩶🔥
لو خصصت من يومك 15 دقيقةة عشان تكتسب عادة معينةة او تتخلص من عادة معينةة ح تحقق مرادك في أقل من شهر!!
وأخيراً15 دقيقةة يومياً في تحسين ذاتك وتطويرها نفسيا ً او أكاديمياً، أو اجتماعياً، أو حتى دينياً ح تلاحظ التغيير الملحوظ في نفسك🩶 في وقت وجيز
قانون ال15 دقيقةة مفعوله مفعول السحر✨ مجهود قليل في وقت أقل مقابل نتائج عظيمةة🔥
منتظر شنو يلا قوم طبق قانون ال15 دقيقةة 🔥 ما تتكاسل يومك فيه 1440 دقيقةة ماتبخل على نفسك ب15 منها🙃



#فاطمة_شغف

الأول من نوفمبر!!
يقولون أنّ نوفمبر هو شهر الوقوع في الحب!
ليس في وطني 💔
نوفمبر هو شهر وقوع أوراق شجرة الأمل التي كانت صامدة لستةة أشهر🍂
نوفمبر هو شهر وقوع المزيد من الضحايا، والكثير من الأسقف التي كانت حصناً لمن لم يسعفهم الخروج من الخرطوم،،
في موطني نوفمبر هو شهر وقوع مطر الخيبات على كل من كان يصبر نفسه قائلاً:"ستنتهي الحرب"
نوفمبر في موطني هو شهر وقوع   المزيد من الدانات على من لا علاقةة لهم بالحرب؛ أُناس بُسطاء لا يريدون سوى أن يبقو على قيد الحياة، شهر وقوع  القذائف  بقسوة تنتزع الأمان بقوة من قلب طفل كاد يموت ذعراً وأمه تهزي ألماً،،،
في وطني نوفمبر هو شهر وقوع الرصاص كوقوع قطرات المطر! إعتاد الجميع الأمر بعد نصف عام من تواصل سقوط الرصاص !! أصبح الخوف هو الواقع والأمان مجرد لذة عابرة لا تلبث أن تسكن قلوبهم لدقائق معدودة حتى يطردها إستشعار قرب الأجل عند إشتداد الحرب!
نوفمبر هو شهر وقوع أقنعةة النزاهةة من قادات وطني، شهر الوقوع جوعاً، الوقوع ألماً، الوقوع قهراً وظلماً، وقوع الكثير من الأبطال والكثير جداً من الدموع ولكن ليس الوقوع في الحب
في وطني لا وجود للحب،فقط توجد الخيانةة، ينزف وطني مرتين،مرة بسبب الحرب ومرة أخرى بخيانةة أبناءه له حين أشعلو نار الحرب..
نوفمبر فلتمضي سريعاً لن نحتمل المزيد من الوقوع..🍁

#فاطمة_شغف 🖋

مابين اشتعال الشغف وانطفائه🍂!
ومابين عثرات الماضي، وإصرار اليوم، وآمال المستقبل ✨
يتوقف بي الزمن لحظة لاطرح على نفسي سؤالا! ..ماذا تريدين؟!
وانشغل مع ضجيج أفكاري وتستمر ذاتي في طرح السؤال على ذاتي!
..لعلي أجد جوابا!
تُلّح ذاتي بالسؤال على ذاتي قائلةة ثمّ ماذا؟!
فتُجيبها:ثم إني لا أريد شيئاً سوى أن أجد نفسي بعيداً عن هذا التيه!..
أن اصغي لقلبي من جديد واكف عن اعتراض رغباته خشية الانكسار! ..أن تهدأ العاصفة التي في داخلي واحظى بلحظات من السلام! ..أن استعيد قدرتي على الإحساس مجدداً! ..أن يذوب جليد قلبي وتشرق شمس الشغف مجدداً..
لا أريد سوى أن أجد ذاتي واعانقها واعاهدها على ألا اضيعها مجدداً!
أريد فقط أن أشعر  بأني على قيد الحلم♡
وأن يدفعني الشغف مجدداً لملاحقةة تلك الأماني التي علقتها في عنق السماء
أن أنسج من خيوط العمر قصةة عنوانها الأمل، بطلها الشغف ونهايتها تحقيق الذات ♡

#فاطمة_شغف

صباح الخير ♡
ما كل الأمور بتمشي زي ما نحن متوقعنها! ..دايما في مشاكل بتواجهنا، وعثرات بتقابلنا، ..
دايما في سقوط، ويأس، وفشل، وخيبة،
اتوقع أي حاجة لكن اياك تفقد الشغف!
اياك تستسلم انت اقوى من كل الظروف!
..واصل مسيرتك ولما تصل ح تشكر نفسك لأنك ما استسلمت!..
اياك تيأس وأتذكر انه كلما كان الهدف عظيم ذادت العوائق البتحول بينك وبين تحقيقه..
امضي قدماً🔥واتذكر حاجتين:
-لا مستحيل مع الله❤️
-إن الله لا يضيع أجر العاملين❤️
بإمكانك تخلي كل أحلامك واقع اذا كانت رغبتك صادقة❤️


من أراد استطاع!..

#فاطمة_شغف 🪄

الوقت لا يعالج شيئاً ، ولا يهدم شيئاً هو فقط يجعلنا ندرك حقيقة الأمور!..
مع الوقت تتضح الرؤية،ويتلاشى الضباب الذي كان يحجب ابصارنا ، مع الوقت نصل إلى الزاوية الصحيحة وننظر لكل شيء كما ينبغي أن يكون!
مع الوقت يتغير كل شيء أفكارنا، اراءنا، معتقداتنا وحتى مبادئنا؛نولد مراراً وتكراراً مع مرور الوقت وفي كل مرة تُصقل منّا شخصيات جديدة أكثر نضجاً،أكثر حُزناً وأقلُ إقبالاً على الحياة.
مع الوقت أدركت ان الغاية الحقيقية هي الرحلة وليست الوجهة، وأن العلاقات لا ينبغي أن تكون مثالية بل حقيقية، وأن العزيز يظل عزيزاً دائماً حتى وإن إنقطعت حبال الوصل، وأن الحب ليس ضعفاً والصداقة هي أسمى درجاته،والإعتذار وجه آخر له ، وأن الأحلام قد تظل أحلاماً، وأن الدروب الصعبة لا تؤدي إلى وجهات جميلة دائماً.
مع الوقت أدركت أن الحياة ليست إلا مَمر قصير قد يخطفنا منه الموت في أي لحظة، و أن الموت مُرعب بالقدر الذي يجعلني أرتجف عند سماع إسمه ،وأن الخوف منه سمة فطرية لجميع الأحياء.
أدركت أني  لست بالشخص المثالي، ولست إستثناءاً؛ فالاستثناء الوحيد في هذه الحياة هو أنه لا وُجود للاستثناءات.
غادرت عالمي الافتراضي إلى الواقع  الحقيقي  فعرفت أن الشر موجود  وأن السيئين لم يولدو كذلك بل أرغمتهم الظروف،وأنهم في حقيقة أمرهم ليسو سوى ضحايا! ، وأن الخير لا ينتصر في جميع المعارك  ،  وأن الحقيقة لا تظهر دائماً في النهاية وقد تظل حبيسة إلى الأبد ، وأن النهايات لا تكون سعيدة دائما ولكن يمكننا استشعار السعادة في النهايات التعيسة إن تزودنا بالرضا♡
نظرت إلى العالم من الزاوية الصحيحة فوجدته ليس وردياً كما كنت أراه دائماً بل رمادي كلوني المفضّل تماماً ،ليس مُشرقاً لكنّه جميل؛جميل للحد الذي يجعلنا نتشبث به حتى وإن هو أبدى ناجذيه وأعلن رفضه لنا.


#فاطمة_شغف