№ 15 сайлау округінен бірмандатты жүйе бойынша сайланған Шымкент қалалық мәслихатының депутаты, «Ақ жол» партиясы депутаттық фракциясының мүшесі Дулат Саттарұлы Куашбаев өзі сайланған округтың аймағына 1000 ағаш көшеттерін отырғызуды жоспар етіп, бір күнде 100 түп ағаш отырғызды. Қасиетті Рамазан айында халық қалаулысы осындай сауапты істі қолға алып, қаламыздың көркеюіне, көгаландыруға өз үлесін қосуда.
«Алайда біздің мақсат — тек тал егіп қана қоймай, оларды уақытылы күтіп-ұстау» — деді Дулат Куашбаев.

Бүгін волейболдан паралимпиадалық Қазақстан құрамасымен бірге ауыз аштық. Бұл спорттан Қазақстан командасы өткен жылы әлем чемпионатында “қола” медальге қол жеткізіп, дүниежүзілік рейтингте 7-ші орныға шықты.

Құрама командада Атырау, Жаңаөзен, Кұлсары, Жетысай, Тараз, Талдықорған т.б. аймақтардың азаматтары бар. Бас бапкері Бауыржан Тахаувпен қоса, барлығы “Ақ жол” Демпартиясы мүшелері. Олар Астанаға биылғы әлем чемпионатына дайындыққа келген екен.
Мәжіліс депутаттары Қазыбек Иса, Ержан Бейсенбаев әріптестер мен спортшылармен бірге паралимпиадалық спорт пен федерациясының ағымды мәселелерін талқылап, Мәжілістегі фракциямыздың жұмысы жөнінде ақпарат бердік.
Жастарға олардың ерлігі мен қайсар мінездері үшін алғыс білдіріп, спорт аренасында да, өмір жолында да жеңістен жеңіске жетулерін тіледік. Расында, осы жігіттерден рух түсірмеуді, кез келген қиыншылықтан бас имей өтудің үлгісін алған абзал.

Ораза қабыл болсын, ағайын!