“Ким зарра мисқоличалик яхшилик қилса...” ояти нозил бўлганида Абу Саид Худрий розияллоҳу анҳу сўради: 
– Ё Расулуллоҳ! Мен қиёмат куни ҳар битта амалимни кўраманми? 
– Ҳа. 
– Катталарини ҳам кўраманми? 
– Ҳа. 
– Кичикларини ҳам кўраманми? 
– Ҳа, (албатта кўрасан). 
– Унда ҳолимга вой!.. 
– Эй Абу Саид, хурсанд бўл! Зотан, (мўмин банданинг) савоблари ўн баравардан етти юз бараваргача кўпайтирилади. Аллоҳ хоҳлаган бандаси учун кўпайтириб беради. Гуноҳлар эса ўз мислича бўлади ёки Аллоҳ уларни авф этади. (Шуни унутма,) бирон киши ўз амали билан зинҳор нажот тополмайди! 
– Эй, Аллоҳнинг Пайғамбари! Сиз ҳамми?! 
– Ҳа, мен ҳам. Илло Аллоҳ мени Ўз раҳмати ила ярлақаса, (шундагина нажот топаман ) 

📚 "Қуръон - қалблар шифоси" китобидан.

http://T.me/qalb_sozim

ПАЙҒАМБАРИМИЗ АЛАЙҲИССАЛОМНИНГ УЙЛАРИДА
ЎЗЛАРИНИ ТУТИШЛАРИ ВА ТУРМУШДАГИ ХУСУСИЯТЛАРИ.

Инсоннинг уйи унинг хулқи, одоб камолоти, муомаласи ва ички дунёси қанчалик софлигини намоён қилувчи ҳақиқий макондир. Хоналар ичида, деворлар ортида, ҳеч ким кўрмайдиган жойда ўз хизматкори ёки аёли билан бўлган муомалаларида киши табиатидаги бошқаларга маълум бўлмаган барча хусусиятлар юзага чиқади. Биз бу умматнинг Пайғамбари Расулуллоҳ соллаллоҳу алайҳи васаллам шундай бир олий мақом ва даражада эканларига қарамай, ўз уйларида қандай ҳолатларда бўлганлари ҳақидаги сўзларга қулоқ тутайлик. Оиша розияллоҳу анҳодан Расулуллоҳ соллаллоҳу алайҳи васаллам уйда қандай ишлар қилганлари ҳақида сўралганида: “Одамлардан бири эдилар: кийимларини тозалар, эчки соғар ва ўзларига ўзлари хизмат қилар эдилар”, – деб жавоб берганлар. Имом Бухорий ривояти.
Дарҳақиқат, бу камтарлик, кибрга берилмаслик ва бошқаларга «юк» бўлмасликнинг олий намунасидир. Ўртоқлик ва ҳамкорликдаги олийжанобликдир. Қаранг, Одам болаларининг энг сараси ҳар қандай уй юмушларини ўзига ор билмаяпти!
Инсоннинг юриш-туриши ақлининг мезони ва қалбининг калитидир. Расулуллоҳ соллаллоҳу алайҳи васалламни бошқалардан кўра энг кўп билган, у зотнинг ҳолатларини аъло даражада сифатлаб берган зот – Оиша розияллоҳу анҳодирлар. Чунки у киши Расулуллоҳ соллаллоҳу алайҳи васалламга ҳамиша ҳамроҳ эдилар.
“Оиша розияллоҳу анҳо айтадилар: “Расулуллоҳ соллаллоҳу алайҳи васаллам ёмон ишларни қилувчи, ҳаёсиз сўзларни сўзловчи, бозорларда шовқин қилувчи эмас эдилар. Ёмонликка ёмонлик қайтармас, балки кенглик қилар ва кечирар эдилар”,- Имом Аҳмад ривояти.
Бутун оламга раҳмат қилиб юборилган у зоти шарифнинг хислатларидан яна баъзиларини бизга севимли набиралари Ҳусайн розияллоҳу анҳу сўзлаб берадилар: “Отамдан Пайғамбаримиз соллаллоҳу алайҳи васалламнинг суҳбатдошлари билан бўлган муносабатлари ҳақида сўраганимда бундай дедилар: “Пайғамбар соллаллоҳу алайҳи васаллам доимо қувноқ, мулойим ва гўзал ахлоқли зот эдилар.
Расулуллоҳ соллаллоҳу алайҳи васаллам ҳар қандай ҳолатда ҳам одамларга самимий муносабатда бўлар эдилар: бирон-бир кимсани айбламасдилар, мазаммат қилмасдилар ёки сирларини билишга интилмасдилар.
Расулуллоҳ соллаллоҳу алайҳи васаллам савобидан умид қилган сўзинигина сўзлар, гапирганларида саҳобалар бошларида қуш қўниб тургандек жим ўтиришар, Расулуллоҳ соллаллоҳу алайҳи васаллам сўзларини тугатганларидан кейингина гапирар эдилар.
Расулуллоҳ соллаллоҳу алайҳи васаллам биринчи бўлиб гапира бошлаган саҳоба сўзини тинглар, саҳобалар кулган нарсаларга кулар, ажабланган нарсаларидан ажабланар, бирор нотаниш одамнинг қўпол сўзлари ва ноўрин талабларига сабр қилар, буни кўрган саҳобалар нотаниш одамни чеккага олиб чиқиб кетишини хоҳлаб, қўлларидан ушласалар: “Эҳтиёжини сўраган одамни кўрсангиз, унга кўмакчи бўлинглар!” – дер эдилар.
Расулуллоҳ соллаллоҳу алайҳи васаллам муносиб одамлардангина мақтов қабул қилар, сўзини тугатмагунча ҳеч кимнинг гапини бўлмас, ҳаддидан ошсагина, унинг сўзини қайтариқ ёки ўринларидан туриб кетиш билан бўлар эдилар” Имом Термизий ривояти.
Расулуллоҳ соллаллоҳу алайҳи васалламнинг юқорида зикр этилган гўзал хулқ-атворлари ҳақида бирма-бир фикр юритиб кўрсангиз, ўзингиз учун ибрат, фойда оласиз, албатта. Чунки улар яхшиликлар мажмуасидир!

http://T.me/qalb_sozim

#Сунний_ақийдалар

052 - Аллоҳни кўриш масаласи

Шайх Муҳаммад Содиқ Муҳаммад Юсуф раҳимаҳуллоҳ

T.me/qalb_sozim

ҚАБР АЗОБИДАН САҚЛОВЧИ СУРА

Ибн Масъуд розияллоҳу анҳу ривоят қилишича, Расулуллоҳ соллаллоҳу алайҳи ва саллам: ““Таборак” сураси қабр азобидан сақловчидир”, деганлар . “Таборак” сураси Аллоҳнинг изни билан мўмин бандани гўр азобидан ҳимоя қилади. Кези келганда муҳим бир нарсани эслатиб ўтамиз: шу маънода айтилган ҳадисларга ишониб, “Истаганча яшаб, вафотидан кейин бир марта Таборакни ўқиб қўйса, жаннатий бўларкан”, деб ўйлаш тўғри эмас. Аслида бундай ҳадислар қалбимизга қувонч бағишлайди. Уларни ўқиб кўнглимиз бироз бўлсаям таскин топади. Аммо бошқа муҳим вазифаларни унутиб, бор эътиборимиз маййит ҳузурида “Ёсин” сурасини қироат қилишга, марҳум дафн этилгандан сўнг “Таборак”ни ўқишга қаратилмайди. Муҳими – ҳақиқий мусулмон бўлиб яшаш. Агар Аллоҳ рози бўладиган тарзда ҳаёт кечирсак, У Зот бизни қабрда ҳам, охиратда ҳам азоб-уқубатдан асрайди. Ибн Аббос розияллоҳу анҳудан ривоят қилинади: “Саҳобалардан бири қабр устига чодир тикди. Лекин ўша ерда қабр борлигини билмасди. Шунда гўр ичида бир одам “Таборак” сурасини охиригача ўқиганини эшитди. Кейин Набий соллаллоҳу алайҳи ва саллам олдиларига бориб: “Эй Расулуллоҳ, чодиримни қабр устига қурдим. Лекин у ерда қабр борлигини билмабман. Ўша жойда бир одам “Мулк” сурасини охиригача ўқиганини эшитдим”, деди. Расулуллоҳ соллаллоҳу алайҳи ва саллам: “У тўсувчидир, қутқарувчидир. Ўша (сура бандани) қабр азобидан сақлайди”, деб марҳамат қилдилар ”. Абдуллоҳ ибн Масъуд розияллоҳу анҳу айтади: “Банда қабрга қўйилгач, унинг олдига оёқ томонидан келинади. Шунда оёқлари: “Сиз учун мен томонга йўл йўқ, чунки у мен билан туриб “Мулк” сурасини ўқирди”, дейди. Шундан сўнг кўкрак (ёки қорин) томонидан келинади. У: “Сизлар учун мен томонга йўл йўқ, чунки у мен билан “Мулк” сурасини ўқирди” дейди. Кейин бош томонидан келинади. Боши ҳам: “Сизлар учун мен томонга йўл йўқ, сабаби у мен билан “Мулк” сурасини ўқирди”, дейди. (“Таборак” сураси) тўсувчидир, бандани қабр азобидан сақлайди. У Тавротда ҳам “Мулк” сурасидир. Ким уни кечаси ўқиса, кўп ва хўп (иш) қилибди ”.
Бу ривоятдан қуйидаги хулосалар чиқади:

1. Қабр азоби – ҳақ.

2. Қабрда азоб фаришталари банданинг оёқ, кўкрак, бош томонидан келиб азоблайди.

3. “Таборак” сураси бандани гўр азобидан сақлайди.

4. Кимда-ким “Таборак” сурасини ўқиб юрса, унинг аъзолари қабрда тилга киради, ҳаётлик чоғида қилган савобли ишларини эслаб, бандани азобдан ҳимоя қилади.

5. “Таборак” сурасини кечаси, айниқса таҳажжуд намозларида ўқишнинг фазилати улуғ.
Яна Абдуллоҳ ибн Масъуд розияллоҳу анҳудан ривоят қилинади: “Ким “Таборак” сурасини ҳар кечада ўқиса, Аллоҳ азза ва жалла уни қабр азобидан сақлайди. Биз Расулуллоҳ соллаллоҳу алайҳи ва саллам даврларида “Таборак” сурасини (қабр азобидан) тўсувчи, деб атардик. Чиндан ҳам, Аллоҳнинг Китобида шундай сура бор. Ким уни ҳар кеча ўқиса, кўп яхшилик қозонибди ”.

📚"Қуръон - қалблар шифоси" китобидан

http://T.me/qalb_sozim

🔺 Биласизми, Қуръонни тинглаш инсон жисмида саратон таёқчаларининг тарқалишини камайтиради, ҳатто уларни йўқ қилади.

🔺 Саждани узоқроқ қилиш хотирани кучайтириб, томирларда қон қолдиғи (тромб) пайдо бўлишининг олдини олади.

🔺 Ташаҳудда ишораи саббоба қилиш юракни бақувват бўлишига ёрдам бериш учун қоннинг оқимини, ҳаракатини зиёда қилади.

🔺 Кўп сажда қилиш танадан манфий зарядни кетказади. Чунки, ернинг заряди мусбат бўлиб, сажда пайтида танадаги манфий заряд ерга ўтади.

«Умумий насиҳатлар»дан
✅Яқинларингизга ҳам улашинг

http://T.me/qalb_sozim

Аллоҳ баракот бериб ишларингизга,
Машхарда соя бўлсин бошларингизга.
Дўстим тун хам тушди, яхши дам олинг,
Рaсулуллоҳ кирсин тушларингизга.

ТУНИНГИЗ ОСУДА ЎТСИН! 🌙

T.me/qalb_sozim

🌹 АССАЛАМУ АЛАЙКУМ!

🍃 Роббимиз - Аллоҳ
🍃 Динимиз - Ислом
🍃 Қибламиз - Каъба
🍃 Айёмимиз - Жума
🍃 Фарзимиз - Намоз
🍃 Қарзимиз - Закот
🍃 Орзуимиз - Ҳаж
🍃 Амалимиз - Савоб
🍃 Тилимиз - Тақво
🍃 Нафратимиз - Зино
🍃 Севганимиз - Ҳайит
🍃 Сўзимиз - Алҳамдулиллаҳ
🍃 Энг катта орзуимиз - Жаннат ва Аллоҳнинг васли иншааллоҳ!

ХАЙРЛИ ТОНГ!

☀️КУНИНГИЗ ХАЙРЛИ ЎТСИН!

T.me/qalb_sozim

АССАЛОМУ АЛАЙКУМ!

ҲАЁТИНГИЗ ДАВОМИДА СИЗГА-
💐• КАЪБА ЗИЁРАТИ,
💐• ҚУРЪОН ТИЛОВАТИ,
💐• ДУО ИЖОБАТИ,
💐• ИЙМОН Ҳаловати,
💐• ТИЛ САЛОВАТИ,
💐• АҚЛ ШИЖОАТИ,
💐• ОХИРАТ ФАРОҒАТИ,
💐• САБР ҚАНОАТИ,
💐• БАХТ САОДАТИ,
💐• ТАН САЛОМАТЛИГИ -
Доимо ҳамроҳингиз бўлсин.

💐🌞XАЙРЛИ КУН!😊💐

T.me/qalb_sozim

КИШИ БИРОДАРИНИ ЯХШИ КЎРСА, УНГА БИЛДИРИШИ

Миқдом ибн Маъдийкарибдан ривоят қилинади:
«Набий соллаллоҳу алайҳи васаллам: «Бирингиз биродарини яхши кўрса, унга яхши кўришини билдириб қўйсин», дедилар».

Шарҳ: Мусулмон киши биродарига муносабатини «Биродар, мен сизни яхши кўраман», деб билдириб қўйиши керак экан.
Бу иш ўша иккинчи одамни ҳам эътиборсиз қолдирмай, улар ўртасида ўзаро муносабатларнинг яхшиланишига сабаб бўлади. Натижада бутун жамият аъзолари ўртасида ўзаро меҳр-муҳаббат алоқалари мустаҳкамлаб, кенг тарқалади.
Индамай юрса, муомала ҳам шунга яраша бўлади, ҳатто аста-секин муҳаббат қўйган одамнинг ҳам биродаридан кўнгли совиб қолиши мумкин экан. Аммо кўнглидаги меҳрини изҳор қилса, бу муносабатлар икки томонлама мустаҳкамланиб, алоқалари ривожланиб кетади.
Каналга аъзо бўлиш: 👇

http://T.me/qalb_sozim

👆👆👆Аллоҳнинг 99 та исми ва сифатлари
36. АШ-ШАКУР
🌸🌸🌸
Аллоҳнинг тўқсон тўққизта исми бор. Ким уларни ёд олса, жаннатга киради.
http://T.me/qalb_sozim

📌 ДОНИШМАНДНИНГ ЎГИТИ

Донишмандлардан бири ўз дўстларига шундай насиҳат қилди:

🌷 Жахл ўтини чидам;

🌷Бардош суви билан ўчиринг;

🌷Қаҳру ғазаб тиканларини сабр-тўзим ўти билан ёндиринг;

🌷Сийнангиз ҳасад дуди билан хиралашмасин;

🌷Кўнглингиз лавҳида адоват нақшлари ўрин олмасин;

🌷Жон оғритар воқеалар юз берганда телба-девоналардек ҳаракат қилишдан;

🌷Бошингизга қаттиқ мусибат тушганда умидсизлик гирдобидан сакланинг.

🌷Ҳар ишингиз ўз андозасидан ташқари чиқмасин, ҳисобли иш тутинг;

🌷Ҳаражатингиз даромадингиз чегарасидан ошмасин;

🌷Чиқимингиз киримингизга қараб булсин.

Одамга сабр гар кўрингай заҳар,
Чидам ниҳояти жонга бўлгай шакар.

"Ғам-қайғусиз яшай десангиз II" китобидан.
Каналга уланиш:👇

http://T.me/qalb_sozim

Анас ибн Молик разияллоҳу анҳудан ривоят қилинади: «Расулуллоҳ саллаллоҳу алайҳи васаллам инсонларнинг энг яхшиси, инсонларнинг энг саховатлиси, инсонларнинг энг шижоатлиси эдилар».

📚Имом Бухорий ривояти.

http://T.me/qalb_sozim

Абу Ҳурайра разияллоҳу анҳудан ривоят қилинади. У зот айтдилар: «Расулуллоҳ саллаллоҳу алайҳи васалламдан кўра гўзалроқ бирор нарса кўрмадим. Гўё қуёш У зотнинг юзларида сузиб юргандек эди».

📚Имом Термизий ривоят қилган.

http://T.me/qalb_sozim

ЎЙЛАБ КЎРДИНГИЗМИ?

✔️ Мол-дунёйимиз ортди, аммо ҳузур-ҳаловатимиз йўқолди.

✔️ Қулайликлар ортди, аммо вақтимиз камайди.

✔️ Дорилар кўпайди, касалликлар озаймади.

✔️ Кеч ётиб, эрталаб чарчоқ билан уйғонамиз.

✔️ Кам китоб ўқиймиз, кўп телевизор кўрамиз.

✔️ Кўп гапирамиз-у, кам эътибор берамиз.

✔️ Пул топишни ўргандик, сарфлашни эплолмадик.

✔️ Ойга учиб-қайтишни биламиз, лекин қўшнимиз билан кўришишга икки қадам босолмаймиз.

✔️ Фазода нималар бўлаётганини биламиз-у, ички кечинмаларимиздан хабаримиз йўқ.

✔️ Ҳавони тозалаймиз, лекин руҳларимиз кир.

✔️ Режалар тузамиз-у, натижалар кўринмайди.

✔️ Шошилишни ўргандик, сабрни ёддан чиқардик.

✔️ Танишларимиз кўп, ҳақиқий дўстларимиз кам.

✔️ Ютуқларимиз кўп, негадир қувончимиз оз!

http://T.me/qalb_sozim