✅“Ғалаба боғи”да илк бор мудофаа соҳасида инновацион технологиялар фестивали ўтказилмоқда

🔰Пойтахтимиздаги “Ғалаба боғи” ёдгорлик мажмуасида мудофаа соҳасида инновацион технологиялар фестивали бўлиб ўтмоқда. Унда Қуролли Кучларга зарур бўлган замонавий технологиялар, металлургия, кимё саноати ҳамда текстил соҳасида икки мақсадга мўлжалланган 20 га яқин ишлаб чиқарувчи йирик корхоналар, 50 та ташкилот, 30 дан ортиқ ишлаб чиқарувчи жисмоний шахслар ва ихтирочилар ўзларининг маҳсулотлари билан иштирок этмоқда.

🎥 https://youtu.be/sRur3Ffc2sc

Mudofaa.uz

☘️ “Ёш чегарачилар” ҳарбий-ватанпарварлик мусобақаси

💠Мамлакатимизнинг чегараолди ҳудудларида жойлашган умумтаълим мактабларида таҳсил олаётган чақириққача тайёргарлик ёшидаги ўқувчиларни Ватанга муҳаббат, ҳарбий бурчга садоқат руҳида тарбиялаш, уларни чегара хизматига қизиқтириш ва босқичма-босқич тайёрлаб бориш мақсадида, ўтказиб келинаётган “Ёш чегарачилар” ҳарбий-ватанпарварлик мусобақасининг 2-босқичи ўз якунига етди.

🔹Жумладан, мусобақанинг Қорақалпоғистон Республикаси босқичи ҳам кўтаринки руҳда ўтказилиб, унда жами 6 та жамоа 16 та шарт бўйича ўзаро баҳс олиб борди. Якуний натижаларга кўра, Шуманай туманининг “Турон” жамоаси фахрли биринчи ўринни эгаллаб, ҳал қилувчи босқичга йўлланмани қўлга киритди. Ғолиб жамоаларга ҳарбий қисм қўмондонлиги ва ҳамкорликдаги ташкилотлар томонидан диплом ҳамда эсдалик совғалари топширилди.⤵️

☑️Навоий вилоятининг чегараолди ҳудудларидаги мактабларда фаолият олиб бораётган “Ёш чегарачилар” клублари аъзолари ҳам мусобақанинг финал босқичига йўлланмани қўлга киритиш учун ҳудуддаги ДХХ Чегара қўшинларига қарашли ҳарбий қисмлардан бирида жам бўлдилар.

❇️Беллашувнинг ҳарбийлаштирилган спорт шартлари иштирокчиларнинг чаққонлиги, зеҳни ва жисмонан тобланганлик ҳолатини синовдан ўтказди. Ҳакамлар ҳайъати томонидан кун давомида бажарилган шартлар
ва эришилган натижалар сарҳисоб қилиниб, ғолиб жамоа финалга йўл олди.

t.me/sarhad_uz