ياما گتلج
لا تضيعني
مُن أيديج
وياما گتلج
ديربالج عَ گلبي
روحه بيج
وچنت اذا اتأذه
مُن إنسان اجيج
هَسه مُن عندج
أذيتي ياهو الأشكيله
عَليج ؟

كَلبت الرسايل وأختنك صّدري ،
چَنتي تگليلي أحِبج قبِل الشلونج
وهَسه شلوني مَا تدرين .

بعَد ما أحلف بعينج
ولا اميزج بعَد عَ الناس
حالج حالهم
ما يختلف طينَج .

تناقض بيه ما ينگال
أكرهج
والتفت وأشتاك
أشكن صورتج وانِدم
وارد لطيفچ أتعذر .

شنهي گلبج ؟
حتى عَ العافوج حَن !
وشنهي صبرج ؟
كاعده اتاني المواعيد الجزَن !
روحي عيشي ..
المنتضُترهم عايشين
احسب جروحج گضَن
يا غريبه أرضي بقسمتج
عيشي وحَدج ، لا تدوريلج وطَن .

ايدي چانت تنتظر أيدج تضمني
وسگته منج سگته مني
وهيج قصتنه أنگضت
لا گدرنه نحجي البينه
ولا سوالفنه نحچت
جنه نعرفها إنتهت
ردت أگلج وحشه دربج
وادري بي لمَن مشينه
ورت أگلج حيل أحِبج .

لا ترجعين بعَد
صدگيني وكتج فات
وسر موضوع حبج
لا تعيدي !
وعلى گلبي ؟
بعَد لتحاولين ويا
قافل گلبي بعَد
كلشي م يفيده
ولدك عالحديد
يخونك البسمار
مثل ما خان گلبج
دم وريده
وأعذريني لان ماكملت إلابيات!
ماتسوى عليج إكتب قصيدة .

صوته ،
والسنطه
وغُرفتي
من أنام وأرجع
أسهَر
من أغاني تجُر
أغاني
ومن شهر
يطبُك شهر
من أكول الهُم
نسيته؟
وأضحك بعز
القهَر
من أدورهه
وماكو حَسه َ.

تره التنشدَ جثيِر ، بهل وكَت تنمل .

مالي قسمه بـ كُلشي چا ظلَت عليج؟

هيَ التنشف دموعه اعله خده
وكاعده مگابلهه صورتج تنترك ؟

‏هذيجَ أنه
الونينه يدلي المتيهين لو ضيعوا عنوانهَ.

چيمنه البلم والشبجه والناعور

وخضر بالنهر عاكول يمتى اتثور َ؟

4:40

- انتيَ بسُ نضࢪة عينـجٰ تسوهه نسوانَ 😔💓.

حرگني إسلوبج الرسمي
وأبَرد گلبي بالگوه
لَچن ما يستقر دمي !
وتگليلي شقدَمتي ليه ؟
هذيج أنا الـ بقيت وياج
وگت الـ خربطتيَ بأسمي .

وچَان تنسى التواسيه
ودارت ظَهره ومشت بدربه
نست الچانت تمسح دموعه
بَس الصوچ مو بيه الصوچ بيه أنه
الچنت اعذرهه بظرفه .