:
"وَاعْلَمُوا أَنَّمَا غَنِمْتُم مِّن شَيْءٍ فَأَنَّ لِلَّهِ خُمُسَهُ وَلِلرَّسُولِ وَلِذِي الْقُرْبَىٰ وَالْيَتَامَىٰ وَالْمَسَاكِينِ وَابْنِ السَّبِيلِ"

كان في بقى من ضمن غنائم الخُمس ده جارية، أَمَة يعني،
فأخذها علي رضي الله عنه لنفسه ودخل عليها، جامعها يعني،
فلما خرج واغتسل اعترض عليه بعض الصحابة،
إزاي يأخذ لنفسه من الخُمس إللي المفروض يرجّعه لرسول الله ﷺ؟!
مع إن علي رضي الله عنه أخذها من الخُمس المخصص لذي القربى، وهو سيد ذي القربى، فهو ابن عم رسول الله ﷺ وكمان زوج ابنته،
لكن حصل الاعتراض والضيق😅
وكان من إللي اعترضوا صحابي اسمه بُرَيْدَة بن الحَصِيب الأَسْلَمِي،
رجع بُرَيْدَة قبل علي رضي الله عنه وتقابل مع رسول الله ﷺ وحكى له إللي حصل،
فمردش عليه رسول الله ﷺ ولا قال له أي حاجة👌
فبُرَيْدَة رجع تاني وحكى له إللي حصل، فمردش عليه رسول الله ﷺ تاني،
فكلمه بُرَيْدَة للمرة الثالثة، فهنا رسول الله ﷺ قال لبُرَيْدَة:
" يا بُرَيْدَةُ أتُبْغِضُ عَلِيًّا؟"
يعني انت بتكره علي؟
فقال بُرَيْدَة: نعم.
هو قال كده لأنه ظن إن علي رضي الله عنه أخذ حاجة مش من حقه، فاتضايق منه،
فهنا قال رسول الله ﷺ:
"لا تُبْغِضْهُ فإنَّ له في الخُمُسِ أكْثَرَ مِن ذلكَ"
يعني متضايقش منه ولا تكرهه، ده هو له في الخمس أكثر من الجارية إللي أخذها،
ففهم بريدة وزال الإشكال إللي كان عنده، وكان بيقول بعد كده:
"فمَا كان مِن النَّاسِ أحدٌ أَحَبَّ إليَّ مِن عَلِيٍّ"

ده كده كان الموقف الأول، موقف تاني حصل في طريق الرجوع من اليمن😬
علي رضي الله عنه تأخر عن القافلة إللي كانوا خارجين معاه للحج،
فجعل عليهم قائد وقال له محدش يركب على البعير بتاع الهَدْي ولا حد يلبس ثياب معينة من الغنائم،
فانطلقت القافلة وهو حصّلهم بعد كده،
فلما حصلهم بعدين لقاهم ركبوا البعير إللي نهاهم يركبوه، ولبسوا الثياب إللي نهاهم يلبسوها،
فغضب علي ونَهَرهم رضي الله عنه إزاي لا تطيعوا أمري؟
قلت لكم لا تركبوا، أنا قلت لكم لا تلبسوا، كيف تفعلون كذا؟! فتضايقوا من معاملة علي رضي الله عنه،
فلما تقابلوا مع رسول الله ﷺ اشتكوا له من علي إنه كان قاسي معاهم وفعل وفعل،
فقال لهم رسول الله ﷺ:
"إني علمتُ أنّ علي قد أحسن فلا تبغضُوا علي"
يعني كأنه بيقول لهم تستاهلوا إللي علي عمله فيكم، انتم مسمعتوش الكلام😅
فمحدش يزعل من علي، فسكت الناس.
فكده احنا عندنا شكوى داخلية من علي رضي الله عنه مع إنه لم يخطئ👌

فانتظر رسول الله ﷺ الوقت المناسب بعد انتهاء الحج عشان يبين مكانة علي رضي الله عنه ويوصي الصحابة بأهل بيته ﷺ💁‍♂️
لأنه ﷺ مكنش عايز يشغل عامة المسلمين بأمر داخلي، فبعد ما عدت نص المسافة تقريبا كان هو ده الوقت المناسب للكلام،
يعني أهل مكة قعدوا في مكة، وإللي من الطائف رجعوا للطائف وهكذا، ولم يبقَ غير بس الصحابة إللي عايشين مع رسول الله ﷺ في المدبنة،
فالموجودين دلوقتي هم أهل المدينة وإللي حواليها👌
فهنا وصى رسول الله ﷺ الصحابة بعلي رضي الله عنه وبأهل بيته.

ودي كده كانت قصة غَدِير خم باختصار😊

إن شاء الله المرة الجاية يوم الخميس هنشوف الأحداث إللي حصلت بعد ما رسول الله ﷺ رجع للمدينة👌

مصادر جزء النهاردة في التعليقات👇

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي😊


#Eman_Shalapy

لى أن يتولى الأمر معاذ بن جبل رضي الله عنه👌

امتى بقى كانت النهاية دي🤔
كانت قبل وفاة رسول الله ﷺ بيوم أو ليلة، جاءه الوحي فبشره بهلاك الأسود العنسي وأخبر رسول الله ﷺ الصحابة بالخبر ده،
وبعدين بقى جاء الخبر من اليمن بعد ما بُويع لأبي بكر رضي الله عنه بالخلافة بعد موت رسول الله ﷺ.

هنرجع بقى للمدينة ونشوف أهم الأحداث إللي حصلت في آخر حياة رسول الله ﷺ في السنة الحادية عشرة للهجرة من أول الحلقة الجاية إن شاء الله👌

مصادر جزء النهاردة في التعليقات👇

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي😊


#Eman_Shalapy

مَزْنَهَا أَزْوَاجُ النَّبِيِّ ﷺ وَأَبْصَرَهُنَّ رَسُولُ اللَّهِ ﷺ ، فَقَالَ: مَضْمِضْنَ.
يعني زوجات رسول الله ﷺ غمزوا لبعض بعد ما سمعوا كلمة صفية، قال يعني شوفوا بتقول إيه، يقصدوا يعني إنها بتمثل😅
لكن رسول الله ﷺ شافهم فقال لهم يتمضمضوا،
فقالت زوجات رسول الله ﷺ:
مِنْ أَيِّ شَيْءٍ يَا نَبِيَّ اللَّهِ ؟
يعني نتمضمض من إيه، فقال رسول الله ﷺ:
مِنْ تَغَامُزِكُنَّ بِصَاحِبَتِكُنَّ ، وَاللَّهِ إِنَّهَا لَصَادِقَةٌ👌
يعني رسول الله ﷺ هنا شهد للسيدة صفية بالصدق وإنها فعلا تتمنى إن رسول الله ﷺ يكون سليم مُعافى وتكون هي مريضة بداله،
وبيّن خطأ زوجاته إللي كان طبعا بسبب الغيرة😬
وده من ضمن المواقف إللي تعامل فيها رسول الله ﷺ مع أخطاء زوجاته بسبب غيرتهن، مع إنه كان مريض مرض شديد زي ما شفنا👌

هنكمل المرة الجاية إن شاء الله باقي الأحداث في آخر أيام رسول الله ﷺ في الدنيا😞

مصادر جزء النهاردة في التعليقات👇

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي😊


#Eman_Shalapy

يز حاجة ووصاهم بلسانه وقال:
"أَخْرِجُوا الْمُشْرِكِينَ مِنْ جَزِيرَةِ الْعَرَبِ، وأَجِيزُوا الْوَفْدَ بِنَحْوِ مَا كُنْتُ أُجِيزُهُمْ"
يعني أكرموا الوفود زي ما أنا كنت بكرمهم، وأخرجوا المشركين من جزيرة العرب واحنا اتكلمنا عن النقطة دي بالتفصيل واحنا بنتكلم عن آية القتال فمش هنعيد الكلام.

☆ملحوظة:
أَمْر رسول الله ﷺ للصحابة إنهم يأتوه بكتاب مكنش أمر إلزامي واجب التنفيذ،
والدليل على كده إنه لم يغضب منهم ﷺ بسبب إللي حصل،
ولم يُنكر على المجموعة إللي تباطأت عن إحضار الكتاب،
ولم يُنزّل الله تعالى فيهم آيات تُتلى كما هي عادة القرآن
بل سكت وأقرّهم،
ولم يُكرر رسول الله ﷺ طلبه بإحضار الكتاب، سواء في اللحظة دي أو خلال الأيام إللي عاشها بعد كده،
ومفيش حد يقدر يمنع رسول الله ﷺ يعمل أي حاجة هو عايزها أصلا،
فموضوع كتابة الكتاب ده كان حاجة اختيارية رسول الله ﷺ عايز يعملها ورجع فيها بسبب الخلاف إللي حصل بينهم،
فالخلاف إللي حصل بينهم ده كان زي الخلاف إللي حصل يوم الحديبية لما أمرهم رسول الله ﷺ بالتحلل فتأخروا رجاء نزول الوحي بإنهم يكملوا في العمرة لو تفتكروا،
وزي الخلاف إللي حصل في أسرى بدر يعملوا فيهم إيه وغيرها من الأمور إللي رسول الله ﷺ كان حاضرها وسكت عنها،
فالشاهد من الكلام إن الصحابة لم يعصوا أمر رسول الله ﷺ ولكن اجتهدوا في مسألة الأمر فيها اختياري👌

استمر وجع رسول الله ﷺ الشديد، فزوجات رسول الله ﷺ وبعض الصحابة ظنوا إن رسول الله ﷺ عنده مرض ذات الجَنَب،
وهو مرض يصيب الرئة، ومن أعراضه الحمى وضيق في التنفس،
فقرروا إنه يَلُدُّوه، و اللَّدود هو الدواء الذي يُصَب في أحد جانبي فم المريض ويُسْقاه،
شوفوا كده لما نكون عايزين نسقى طفل صغير دواء وهو تعبان وهمدان مش بنسقيه الدواء في جانب الفم عشان يعرف يبلعه من غير ما يشرق،
أهه زوجات رسول الله ﷺ كان عايزين يعملوا كده، والدواء إللي كانوا هيسقوه لرسول الله ﷺ كان مُر،
فلما رسول الله ﷺ عرف إنهم عايزين يسقوه الدواء بالطريقة دي وهو كان تعبان ومش قادر يتكلم أشار إليهم بإيده:
أن لا تَلُدُّوني.
ففكروا إن رسول الله ﷺ مش عايز ياخد الدواء زي المريض كده إللي بيرفض الدواء المر،
وكان رسول الله ﷺ بيغمى عليه كل شوية، فلما أفاق من الإغماء عرف إنهم سقوه الدواء بالطريقة دي،
فقال لهم رسول الله ﷺ:
"لا يبقى أحدٌّ إلا لُدَّ غيرُ العباس؛ فإنه لم يَشهَدكم"
《الحديث موجود في البخاري ومسلم》
يعني رسول الله ﷺ أمر كل الموجودين في الغرفة إنهم يشربوا من نفس الدواء إللي شرّبوه لرسول الله ﷺ بدون إذنه ما عدا العباس لأن العباس مكنش معاهم في الموضوع من البداية ولكنه موجود دلوقتي في الغرفة،
ففعلا كل إللي كان في الغرفة شربوا الدواء، رجال ونساء، حتى ميمونة زوجة رسول الله ﷺ، مع إنها كانت صائمة اليوم ده، لكنها شربته امتثال لأمر رسول الله ﷺ👌
ورسول الله ﷺ عمل كده عشان كل واحد منهم يذوق عاقبةَ تسرُّعه في شيء يؤذي المريض الذي لا يستطيع دفاعًا ولا منعًا،
فكان الهدف من فعل رسول الله ﷺ هو عقوبة لهم بغرض التأديب عشان ميعملوش كده تاني وخصوصا إنهم مسمعوش كلامهم وهو أمرهم إنهم ميعملوش كده،
والعقوبة كانت على إللي سقى رسول الله ﷺ الدواء وكمان إللي مسقاهوش ولكنه كان موافق على إللي بيحصل،
وده بيؤكد على شيء مهم،
وهي إن إللي بيشوف خطأ ولم ينكره فهو شريك في الإثم وبالتالي هو شريك في العقوبة،
فالموافق على الجِناية وإن لم يُباشِرها هو شريك الجاني، زي ما المُستمع للغِيبة شريك المُغتاب في الإثم،
واحنا اتكلمنا كتير عن النقطة دي في قصص الأنبياء وفي السيرة فمش هعيد عشان مطولش عليكم.

هنكمل إن شاء الله المرة الجاية الأحداث الأخيرة في حياة رسول الله ﷺ.

مصادر جزء النهاردة في التعليقات👇

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي.


#Eman_Shalapy

نهاردة في التعليقات👇

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي.


#Eman_Shalapy

وا على أنفسهم بعد ما تيقنوا إن خلاص رسول الله ﷺ مات،
أما عمر فاندهش من كلام أبي بكر ورجله سابت من بعضها ومبقاش قادر يقف فانهار وسقط على الأرض وعرف كده إن رسول الله ﷺ مات،
أبو بكر رضي الله عنه ربنا ثبت بيه أمة كادت أن تضل، وأوشكت أن تُفتن،
ولو لم يكن له من المواقف في الإسلام إلا هذا الموقف لكان كافياً👌
فاللي أخبر الصحابة بموت رسول الله ﷺ هو أبو بكر الصديق رضي الله عنه وليس السيدة عائشة زي ما هو منتشر بين الناس إن لما سول الله ﷺ مات السيدة عائشة فتحت الستارة إللي بتطل على المسجد وقالت لهم إن رسول الله ﷺ مات،
الكلام ده غير صحيح نهائي، أبو بكر رضي الله عنه هو إللي أخبر الصحابة بموت رسول الله ﷺ👌
وارتفع البكاء في المدينة، لدرجة إن واحد من المسلمين اسمه
أبو ذؤيب الهذلي رضي الله عنه قال:
قَدِمتُ المدينة ولأهلها ضجيج بالبكاء، كضجيج الحجيج أهلّوا جميعاً بالإحرام،
يعني هو جاء للمدينة في يوم موت رسول الله ﷺ فسمع أصوات بكاء أهل المدينة زي ما الحجاج لهم صوت وهم بيهلّوا للإحرام،
فسأل: ماذا حصل؟ فقالوا له:
قُبض رسول الله ﷺ.

وفاة رسول الله ﷺ كانت فتنة ومصيبة عظيمة، لكن مكنتش دي هي الفتنة الوحيدة إللي واجهت الصحابة،
يا ترى إيه الفتن إللي هيواجهوها تاني؟
ده إللي هنعرفه الجزء الجاي إن شاء الله.

مصادر جزء النهاردة في التعليقات👇

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي.


#Eman_Shalapy

بالخيانة والكيد والتآمر،
واشتهروا في وقت ضعفهم بالذلة والمسكنة والخنوع والنفاق،
واشتهروا في وقت قوتهم بالإفساد في الأرض والتدمير والتخريب،
وانتم شايفين اليهود بيعملوا إيه في زماننا دلوقتي من تخريب وإفساد وتدمير👌

وضيفوا فوق كل ده إن رسول الله ﷺ كان أمر إن جيش أسامة يخرج للمكان إللي كان أمره به،
يعني حتى القوة الوحيدة المستعدة للقتال والدفاع عن المدينة دلوقتي رسول الله ﷺ أمر إنها تخرج وتروح تقاتل في مكان تاني،
كل الأحداث دي الصحابة كانوا بيفكروا فيها مع ألمهم وحزنهم على موت رسول الله ﷺ،
الموقف كان صعب ومعقد ومُحزن جدا بعد موت رسول الله ﷺ،
والله يا جماعة الواحد دماغه لفت من مجرد التفكير بس في الأحداث دي كلها، أمال هم بقى إللي كانوا عايشين فيها يعملوا إيه ويخرجوا منها إزاي😞

خلونا كده نلخص الفتن دي في عشر نقط سريعة:
◇أولاً:
مات أحب الخلق إلى قلوب الصحابة، وفراقه مصيبة.

◇ثانياً:
انقطع الوحي بالكلية إلى يوم القيامة.

◇ثالثاً:
ليس هناك من يُقارب رسول الله ﷺ في الفضل حتى يستبدله الناس به.

◇رابعاً:
الأسماء المطروحة لخلافة رسول الله ﷺ كثيرة وكلها عظيمة.

◇خامساً:
وجود أعداد كبيرة جداً من الناس لم تدخل الإسلام إلا منذ سنوات أو شهور قليلة، وكثير منهم من المؤلفة قلوبهم وضعيفي الإيمان.

◇سادساً:
الرّدة الخطيرة الموجودة في بني حنيفة بقيادة مسيلمة الكذاب.

◇سابعاً:
كثرة المنافقين بالمدينة وتربصهم الدوائر بالمسلمين.

◇ثامناً:
دولة الفرس المُعادية تلتصق حدودها بالدولة الإسلامية من جهة الشرق وممكن تغزوها.

◇تاسعاً:
دولة الروم المُعادية هي كمان تلتصق حدودها بالدولة الإسلامية من جهة الشمال، والأحداث إللي قبل كده توحي بلقاء حربي قريب.

◇عاشراً:
اليهود في خيبر تغلي قلوبهم من الحقد على المسلمين وخيانتهم وشيكة.

كل واحدة من الفتن العشرة دول ممكن لوحدها تعصف بدولة الإسلام، فما بالكم بيهم كلهم مجتمعين؟
ومتنسوش إن أمة بني إسرائيل إللي هي شبيهة بأمة الإسلام عبدوا العجل لمجرد إن موسى عليه السلام غاب عنهم أربعين ليلة وكان معاهم هارون عليه السلام،
فدلوقتي الكل هيعلم إن رسول الله ﷺ خلاص مات، فيا ترى كم واحد هيقلد بني إسرائيل في فعلتهم الشنيعة؟
يا ترى الصحابة هيتعاملوا مع الفتن دي إزاي، وإيه أول خطوة هيعملوها عشان يقدروا يحلوا المشاكل دي؟

ده إللي هنعرفه الجزء الجاي إن شاء الله.

مصادر جزء النهاردة في التعليقات👇

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي.


#Eman_Shalapy

بادوا إذا اجتمعت ضدهم قبائل العرب😬

فعشان الأسباب دي وغيرها اعتقد الأنصار إنه من المنطقي أن يكون الخليفة من بينهم وليس من المهاجرين،
وده مش تقليل من شأن المهاجرين في نظرهم أبداً، ولا إهمالاً لهم، ولكن لأنهم كانوا مفكرين إن ده حق لا ينازعهم فيه أحد👌
فاحنا كل ده بنشرح الأمر من وجهة نظر الأنصار، بغض النظر هل وجهة النظر دي صحيحة ولّا لأ💁‍♂️

☆ممكن حد يسأل ويقول:
طيب هو مش كان الأحسن إن الأنصار يخبروا المهاجرين باللي هم ناويين يعملوه والأسباب إللي عندهم،
عشان محدش يشك فيهم أصلا 🤔
أيوة فعلا، كان الأحسن إنهم يعملوا كده،
ولكن في احتمال إنهم ظنوا إن المهاجرين مش هيفكروا أصلا في الخلافة؛ لأنهم مفكرين إن ده حقهم الكامل فليه يقولوا أصلا،
وممكن إنهم كانوا عايزين يقفلوا باب الفتنة ومنع الجدال بإنهم يحسموا الموضوع،
أو ممكن لأنهم شافوا إن المهاجرين كانوا مشغولين بتغسيل وتكفين رسول الله ﷺ ومكنوش عايزين يشغلوهم بحاجة متخصهمش حاليا،
يعني كل واحد له دوره المعين والمحدد في اللحظة دي يعمله وخلاص بدون ما يزعج التاني، وخصوصا إن الأمرين مهمين جدا فمحتاجين تركيز 👌

فخلاصة الكلام دلوقتي إن عدد كبير من قادة الأنصار من الأوس والخزرج اجتمعوا في سقيفة بني ساعدة،
وفي الوقت ده تحديدا كان كبار المهاجرين زي أبو بكر وعمر وغيرهم حول رسول الله ﷺ مشغولين بيه وبقضية الغسل والتكفين ثم الدفن،
هنغسله إزاي، وهنكفنه في إيه، وندفنه فين،
هل في البقيع ولّا مع شهداء أُحد ولّا في مكة بلده ولّا في مكان خاص به؟
وهم مشغولين كده جاء رجل لبيت رسول الله ﷺ ونادى من وراء الجداء وقال:
اخرُجْ إليَّ يا ابنَ الخطَّابِ.
فقال له عمر: إليك عنِّي فإنَّا مشاغيلُ.
يعني روح دلوقتي احنا مش فاضيين،
لكن الرجل أصرّ على عمر إنه يخرج له، فلما خرج عمر قال له الرجل :
"إنَّه قد حدَث أمرٌ لا بدَّ منك فيه، إنَّ الأنصارَ قد اجتمَعوا في سَقيفةِ بني ساعدةَ فأدرِكوهم قبْلَ أنْ يُحدِثوا أمرًا فيكونَ بينَكم وبينهم فيه حربٌ"
يعني بيقول له إن في حاجة حصلت ولازم تعرفها عشان تعرف تتصرف،
الأنصار اجتمعوا في سقيفة بني ساعدة وشكلهم ناويين على
حاجة، فالحقوهم قبل ما ياخدوا قرار وتحصل حرب بسبب القرار ده،
والرجل كلامه منطقي،
ماهو لو الأنصار أخذوا قرار البيعة واختاروا خليفة لا يرضى عنه المهاجرون فإما أن يبايعوا على ما لا يرضون، وإما أن يرفضوا البيعة وكده هتحصل أزمة،
فهنا عمر رضي الله عنه نادى على أبي بكر وقال له:
انطلِقْ بنا إلى إخوانِنا هؤلاء مِن الأنصارِ.
يعني تعال نروح للأنصار ونشوف اجتمعوا ليه وناويين على إيه، فأسرع أبو بكر وعمر لسقيفة بني ساعدة،
وهمّ ماشيين قابلوا رجلين صالحين من الأنصار القُدامى من إللي شهدوا بيعة العقبة الثانية وحضروا كل معارك رسول الله ﷺ،
وهما: عُوَيم بن ساعدة ومَعِن بن عَدِي رضي الله عنهما،
فلما شافوا إن أبا بكر وعمر رايحين للثقيفة نصحوهم بإنهم ميقربوش منها وإنهم كمهاجرين يصرفوا أمورهم بينهم وبين نفسهم وميتدخلوش في اجتماع الأنصار،
واضح طبعا إنها كانوا خايفين تحصل فتنة بين المهاجرين والأنصار فكانوا عايزينهم يمشوا وميتقابلوش مع الأنصار،
لكن أبو بكر وعمر أصروا على الذهاب إلى السقيفة،
في الطريق قابل أبو بكر وعمر أمين الأمة أبو عبيدة عامر بن الجراح، وهو من أعظم المهاجرين رضي الله عنهم أجمعين فأخذاه معهما إلى سقيفة بني ساعدة👌

وصل الثلاثة لسقيفة بني ساعدة ودخلوها،
إيه الحوار إللي حصل بينهم؟
وإيه كان نتيجة الاجتماع ده؟
ده إللي هنعرفه الجزء الجاي إن شاء الله 😊

لو في أي سؤال عن موصوع النهاردة ممكن تسألوا في التعليقات 👇وهجاوب عليه في بداية الجزء الجاي إن شاء الله.

مصادر جزء النهاردة في التعليقات👇

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي.



#Eman_Shalapy

ه الواقع، فالواقع يُملي شروطه، والخليفة يجب أن يكون من قريش وبالذات في ذلك الزمن،
وغير كده، هو مفيش حد من المهاجرين يساوي سعد بن عبادة في الفضل أو حتى يفوقه ويفوق كل الصحابة؟
أكيد طائفة المهاجرين مليانة بأصحاب الفضل والرأي والحكمة والتقوى💁‍♂️
يبقى الرأي إللي قدمه أبو بكر رضي الله عنه إن الخليفة يكون من قريش هو رأي منطقي ومعقول وله أبعاده الواقعية👌

هندخل بقى في المرحلة الثالثة من كلام أبو بكر وهي:
◇عرض المرشحين للخلافة.
أخذ أبو بكر بيد عمر وبيد أبي عبيدة وقال للأنصار:
"وقد رضيتُ لكم أحدَ هذينِ الرَّجلينِ فبايِعوا أيَّهما شِئْتُم"
يعني الاتنين دول شخصين مناسبين جدا وأنا موافق عليهم فاختاروا واحد منهم،
وهنا كلام أبو بكر ده دليل عملي واضح أمام الأنصار إنه لم يعرض فكرة إن الخليفة يكون من قريش عشان هو طمعان في الخلافة، بالعكس،
ده مع إنه هو أفضل المهاجرين وأفضل الناس على الإطلاق بعد رسول الله ﷺ إلا إنه اختار حد تاني خالص غير نفسه لأنه زاهد فيها ومش عايزها،
وهو مش بيقول الكلام ده من باب السياسة ولا الورع الكاذب زي ما بنشوف🙄
من خلال حياة الصديق رضي الله عنه يظهر لنا إنه كان صادق فعلا في كلامه وإن عمره ما كان عايز الإمارة ولا حتى عنده رغبة فيها👌

☆حتى يا جماعة لما أبو بكر هيمسك الخلافة بعدين خلال فترة حكمه لم يظهر عليه شيء يُشير إلى إنه كان عايز الإمارة، بالعكس ده كان عابد زاهد مجاهد، وكان كثير التفكير، كثير السهر، كثير العمل، ولم يستمتع بدنيا ولا بسلطة ولا بقيادة👌

يبقى دلوقتي أبو بكر رشح للأنصار عمر وأبو عبيدة، طول ما كان أبو بكر بيتكلم كان عمر مبسوط بالكلام إللي بيقوله وكان مؤيد لكل كلام أبو بكر،
لحد ما أبو بكر أخذ يد عمر وقال إنه بيرشحه هنا عمر بيقول عن نفسه:
"فلم أكرَهْ شيئًا مِن مقالتِه غيرَها، واللهِ لَأنْ أُقدَّمَ فتُضرَبَ عنقي في أمرٍ لا يُقرِّبُني ذلك إلى إثمٍ أحَبَّ إليَّ مِن أنْ أُؤمَّرَ على قومٍ فيهم أبو بكرٍ"
يعني دي الحاجة الوحيدة إللي كرهها عمر من كلام أبي بكر،
فهو عنده القتل في غير معصية أحب إليه من إنه يكون أمير على قوم فيهم أبو بكر رضي الله عنه.

كده بقى عندنا رأيين،
رأي بيؤيد مرشح من الأنصار ويقف وراءه معظم رؤساء الأنصار في المدينة،
ورأي تاني بيؤيد مرشح من قريش ويقف وراءه ثلاثة فقط من المهاجرين وكل واحد له حجته ومنطقه،
وده مش خلاف بسيط عابر، ده خلاف على مُلك ورئاسة وسلطان، فيا ترى بقى هيطلعوا من الخلاف ده إزاي؟

ده إللي هنعرفه الجزء الجاي إن شاء الله 👌

مصادر جزء النهاردة في التعليقات👇

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي.


#Eman_Shalapy

كفاءتهم القيادية أو الإدارية أو الأخلاقية أو الروحية أكبر من كفاءة الأنصار، أبداً👌
كل إللي عايزين يثبتوه هو صدق الواقع، والواقع سواء كان حلو أو مر يقضي بأن العرب لن تطيع إلا لقريش لأنهم أهل البيت الحرام وخُدامه وسدنته،
فالعرب ستطيع قريش الآن، وبعد عشر سنين ستطيع قريش، وبعد مائة سنة ستطيع قريش، وما دام الواقع لم يُحل حراماً أو يحرم حلالاً فلابد من مراعاته🤷‍♂️
وزي ما قلنا قبل كده، إن المسلمين يجتمعوا على رجل مرجوح أو أقل صلاحاً أحسن من إنهم يفترقوا على رجل راجح أو أكثر صلاحاً👌

فخُلاصة الكلام إنهم كانوا بيجتهدوا في أمر جديد أول مرة يحصل أمامهم، فكان الاختلاف طبيعي جدا، والعبرة بالنهاية والنتيجة وهي اجتماع القلوب مهما اختلفت الآراء💁‍♂️

المهم لما الحُباب رضي الله عنه قال الكلمة إللي قالها دي الأصوات عليت والموقف بقى متأزم أكثر،
فهنا أبو عبيدة بن الجراح رضي الله عنه قال:
"يا معشر الأنصار! إنكم أول من نَصَر وآزَر فلا تكونوا أول من بَدّل وغيَّر"
هو قال الكلمة دي وساد الصمت في المكان،
الكلمة زلزلت قلوب الأنصار وهزت مشاعرهم،
الأنصار الذين آووا ونصروا، وإللي كانوا قالوا قبل كده:
يا رسول الله! اقسم بيننا وبين إخواننا النخيل،
وإللي ربنا قال فيهم:
"يُؤْثِرُونَ عَلَى أَنْفُسِهِمْ وَلَوْ كَانَ بِهِمْ خَصَاصَةٌ"
الأنصار إللي رضيوا إن ميكنش لهم أي جزاء على بذلهم في الدنيا ورضوا بالجنة،
الأنصار إللي قالوا:
"بايَعَنا علَى السَّمْعِ والطَّاعَةِ، في مَنْشَطِنا ومَكْرَهِنا، وعُسْرِنا ويُسْرِنا وأَثَرَةً عَلَيْنا، وأَنْ لا نُنازِعَ الأمْرَ أهْلَهُ، إلَّا أنْ تَرَوْا كُفْرًا بَواحًا، عِنْدَكُمْ مِنَ اللَّهِ فيه بُرْهانٌ"
كلمات أبو عبيدة خلتهم يفتكروا البيعة الخالدة، والهجرة، والنُّصرَة،
وتذكروا الجهاد والشهادة، وتذكروا إخوانهم إللي قدموا أرواحهم وسبقوهم وما بدلوا وما غيروا،
تذكروا سعد بن معاذ ، وتذكروا أسعد بن زرارة ، وتذكروا سعد بن الربيع ، وتذكروا أنصاراً عاشوا أنصاراً وماتوا أنصاراً،
وتذكروا رسول الله ﷺ الحبيب الذي لم يفارقوه إلا من وقت بسيط ولسه نائم على سريره لم يُدفن،
يا ترى الأنصار عملوا إيه بعد ما سمعوا كلام أبو عبيدة رضي الله عنه؟

ده إللي هنعرفه الجزء الجاي إن شاء الله👌

♡ملحوظة:
في الغالب باقي لنا حلقتين ونخلص السيرة إن شاء الله 🙈❤

مصادر جزء النهاردة في التعليقات👇

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي.


#Eman_Shalapy

خليفة👌
وهو ده إللي استند عليه العثمانيون في خلافتهم للمسلمين💁‍♂️
انتم عارفين إن العثمانيين مكنوش من قريش ومع ذلك كانت لهم القوة، وكانت لهم الغَلَبة، وكان لهم السمع والطاعة، وهو ده المقصود من الخلافة،
يعني ما داموا بيحكموا بكتاب الله عز وجل وجمعوا الأمة على ذلك فلماذا لا يكونون هم الخلفاء؟
وبالذات إن في زمن العثمانيين لم يكن لقريش شَوْكة ولا قوة، فجمع العثمانيون الأمة تحت راية كتاب الله وسنة رسوله ﷺ👌

☆طبعا يا جماعة موضوع الخلافة والإمامة ده موضوع فقهي طوييييل 😅
أنا قلت لكم فيه الخطوط العريضة إللي تهمنا واحنا بنتكلم عشان نعرف بس الأمور كانت ماشية إزاي مع الصحابة،
وهتلاقوا في التعليقات مواقع فيها الموضوع بالتفصيل الممل😁👇

يبقى خلاصة الموضوع دلوقتي إن الصحابة جميعاً انقادوا وسلّموا تماماً لحديث أبي بكر الصديق رضي الله عنه ؛ لأنه تشريع، وسكنت السقيفة، وذهب الخلاف، واستقر الناس على قريش👌

مين بقى إللي يختاروه من قريش😅
ده إللي هنعرفه الجزء الجاي إن شاء الله 👌

مصادر جزء النهاردة في التعليقات👇

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي.


#Eman_Shalapy

هت على النقطتين دول بالذات؛ لأن في خطباء بيقولوهم، وأنا سمعت الكلام ده بنفسي، ولما بحثت لقيت إن الكلام ده غير صحيح، والمصادر هتلاقوها في التعليقات👇

طبعا بسبب إن أهل المدينة كلهم صلوا على رسول الله ﷺ فالموضوع أخد وقت،
وبقينا في ليلة الأربعاء الرابع عشر من شهر ربيع الأول للسنة الحادية عشرة للهجرة،
دلوقتي جاء وقت دفن رسول الله ﷺ،
اختلف الصحابة في مكان دفن رسول الله ﷺ، هل يدفنوه في البقيع مع باقي المسلمين، أم يدفنوه في المسجد؟
فأخبرهم أبو بكر رضي الله عنه أن رسول الله ﷺ قال:
"ما قبَضَ اللهُ نَبيًّا إلَّا في المَوضِعِ الذي يُحِبُّ أنْ يُدفَنَ فيه. ادفِنوه في مَوضِعِ فِراشِه"
يعني من خصائص الأنبياء إن المكان إللي بيموتوا فيه هو ده مكان دفنهم،
ورسول الله ﷺ كان مات على فراشه، فرفع الصحابة الفراش وبدأوا يحفروا لقبر رسول الله ﷺ.

لكن اختلفوا هل يُشَق لرسول الله ﷺ في قبره أم يُلَحّد؟
فقد كان رجلان في المدينة واحد منهم يَلحَدُ والثاني يَشُقُّ،
فقالوا:
نستخيرُ ربَّنا، ونبعثُ إليْهما، فأيُّهما سبقَ ترَكناه، فأُرسلَ إليْهما، فسبقَ صاحبُ اللَّحدِ فلحدوا للنَّبيِّ ﷺ.
يعني هم استخاروا في الشق أو اللحد، فقالوا احنا نبعت لهم وإللي ييجي الأول هو إللي هنستعمل طريقته، فجاء الرجل إللي بيَلحَد، فلحَد لرسول الله ﷺ.

☆إيه موضوع اللحد والشق ده🤔

◇صفة الشَّق:
هو أن يُحفَر في وسَط القبر حفرة على قَدْر الميت، ويُبنى جانباها بالطوب اللَّبِن حتى لا تنضم على الميت،
ويُوضع فيها الميت على جنبه الأيمن مُستقبلاً القبلة،
يعني يا جماعة بيتحفر حفرة كبيرة عادي، وفي نص الحفرة تحت بيتحفر حفرة تانية على أد الميت،
وبعدين يتبنى بالطوب على الجانبين،
فكده الجانبين هيكونوا مرفوعين والميت في النص، وبعد كده يتعمل زي سقف للحفرة دي بأحجار أو غيرها، بحيث إنها تبقى مرفوعة عن الميت ولا تمسه،
وبعدين يوضع التراب فوقها.

◇صفة اللَّحْد:
بيتحفر برده حفرة كبيرة، وفي جدار الحفرة الأقرب إلى القبلة بيتم حفر فيه مكان على أد الميت، ويُوضع فيه الميت على جنبه الأيمن مستقبل القبلة،
يعني وجهه يكون للداخل، ثم تُسد هذه الحفرة بالطوب اللِّبن خلف ظهر الميت، ثم يوضع عليه التراب ويتم ردم القبر.

هتلاقوا صورتين في التعليقات بتوضح الفرق بين اللحد والشق👇 أو ممكن تبحثوا عنها على النت وهتعرفوا الفرق.

واللحد والشق جائزان بإجماع العلماء، لكن اللحد أفضل؛ لأنه هو الذي فُعل بقبر رسول الله ﷺ.

بعد ما حفروا القبر على هيئة اللحد وضعوا فيه رسول الله ﷺ وأهالوا عليه التراب😢
وبكده تم غلق أهم صفحة من صفحات تاريخ البشرية😞

يقول أنس بن مالك رضي الله عنه:
"وما نفَضنا عنِ النَّبيِّ ﷺ الأيديَ حتَّى أنْكَرْنا قلوبَنا"
يعني إزاي هيقدروا يعيشوا في الحياة بدون رسول الله ﷺ،
وإزاي هم هيمشوا على الأرض ورسول الله ﷺ يرقد تحت الأرض،
مش لاقيين الصَّفاءِ والرِّقَّةِ والأُلفَةِ إللي كانت في قلوبهم لما كان رسول الله ﷺ بينهم،
القلوب وكأنها ليست القلوب، كان رسول الله ﷺ يمدها بنور وهدى وأمان وراحة واطمئنان،
أما الآن فقلوبنا ليست هي القلوب التي كانت يوم كان رسول الله ﷺ حياً بين أَظُهرِنا،
السيدة فاطمة بعد دفن رسول الله ﷺ قالت لأنس:
"أطابت أنفسكم أن تحثوا على رسول الله ﷺ التراب؟!"
هان عليكم تحطوا تراب على رسول الله ﷺ!!
أكيد لأ طبعا، لكن هيعملوا إيه😞
ده قدر كتبه الله عز وجل على كل عباده، ولا راد لقضائه،
ولعل الشيء الوحيد إللي كان بيصبّر الصحابة على فراق رسول الله ﷺ ويصبرنا احنا كمان إنهم على موعد معه يوم القيامة عند الحوض،
فقد كان رسول الله ﷺ يقول لهم:
"موعدَكم الحوضُ"
وهو موعدنا مع رسول الله ﷺ يوم القيامة، ولعل الله أن يجمعنا به في الجنة مع صحابته الكرام رضي الله عنهم أجمعين بحبنا لهم؛
فقد قال رسول الله ﷺ لرجل سأله عن الساعة:
وماذا أعددت لها؟
فقال الرجل لرسول الله ﷺ:
لا شيء إلا أني أحب الله ورسوله، فقال ﷺ:
《أنت مع من أحببت》
فنحن نحب رسول الله ﷺ ونحب أبا بكر وعمر وعثمان وعلي وحمزة ومصعب وياسر وعمار وسمية وأنس بن النضر وسعد بن معاذ،
وسلمة بن الأكوع ومحمد بن مسلمة وعبد الله بن أُنيس وأسيد بن حضير وسعد بن عبادة وأبو هريرة و......
نحن نحب المهاجرين والأنصار ونحب كل الصحابة ونرجوا أن نكون معهم بحبنا لهم وإن لم نعمل بمثل أعمالهم.

نسأل الله عز وجل كما آمنا برسولنا ﷺ ولم نره أن يحيينا على سنته ويُميتَنا عليها ويحشرنا معه ويجعلنا من رفقائه في الجنة🤲


مصادر جزء النهاردة في التعليقات👇

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي.


#Eman_Shalapy

ة الصحيحة فقط عن رسول الله ﷺ وإني كنت ببعد عن كل الأحاديث الضعيفة وبوضحها لكم،
وحتى لو المعلومة أنا عارفاها كنت ببحث عنها تاني وأكثر من مرة وفي مواقع مختلفة عشان أتأكد من صحتها قبل ما أنقلها،
لكن انتم عارفين إن احنا بشر، ممكن نقع في خطأ أو سهو أو نسيان، فلو كنت فعلا وقعت في حاجة منها فمني ومن الشيطان والله ورسوله منه بَراء،
وما كان من خير فمن فضل الله وكرمه،
وأعوذ أن أذكركم به وأنساه.

♡أختم بأبيات شعرية بسيطة وسهلة، الأبيات دي سمعتها أول مرة لما كان عمري ١١ سنة، لكن محستش بمعناها العميق في قلبي غير بعد ما خلصت السيرة،
تقدروا تقولوا إنها بتعبر عن حياة كل واحد من الصحابة، وإللي المفروض احنا كمان نكون عليها:

أنا المسلمُ دستورِي ومِنْهاجِي كتابُ الله

وقائدُ دَربيَ الهادِي محمدُنَا رسول الله

ودارِي موطنُ الإسلامِ ما دَوَّى نداءُ الله

وأهلِي أمةُ الإسلامِ همْ حِزْبي وحزبُ الله

وزَادِي بعدَ توحيدِي ونِعمَ الزَّاد تقوَى الله

أنا المسلمُ قلبِي خافقٌ دومًا بحبِّ الله

وأقْوَالِي وأعمَالِي أُعطِّرُها بذِكر الله

فبسمِ اللهِ أَبْدؤُها وأَختِمُها بحمدِ الله

وهمِّي في الحياةِ هدايةُ الدنيا لدينِ الله

فَعَيْشِي إنْ أَعِش لله وموتِي في سبيل الله

أنا المسلمُ لا أَرجو ولا أَخْشى سِوَى ربِي

عزيزُ النفس لا أَحْنى لغير الله من صُلْبِي

ّسليمُ القلبِ لا أحملُ للناسِ سِوَى الحُبِّ

ِغزيرُ الدّمْعِ في المِحرابِ لَيْثُ الغَابِ في الحَربِ

ِأنا درعٌ لأوطاني أنا حامِي حِمَى الشَّعبِ

ُأنا بالعدلِ والإحسانِ مأمُورٌ وأَمَّارُ

ُأنا نبعٌ لكلِّ الناسِ بالخيراتِ فَوَّارُ

ُرحيمُ القلبِ لكني على الطَّاغِينَ جَبَّارُ

ُأنا كالماءِ رقراقٌ أنا كالسيفِ بَتَّارُ

ُأنا نَجمٌ أنا رَجْمٌ أنا نُورٌ أنا نارُ

أنا المسلمُ دستورِي ومِنْهاجِي كتابُ الله

وقائدُ دَربيَ الهادِي محمدُنَا رسول الله

ودارِي موطنُ الإسلامِ ما دَوَّى نداءُ الله

وأهلِي أمةُ الإسلامِ همْ حِزْبي وحزبُ الله

وزَادِي بعدَ توحيدِي ونِعمَ الزَّاد تقوَى الله

نلتقي على خير إن شاء الله في السلسة القادمة سلسلة الخلفاء الراشدين😁

لكن اسمحولي محتاجة آخد وقت مُستقطع قبل ما أبدأ فيها عشان أرتب أموري وحالي وخصوصا إن الدراسة داخلة والعيال محتاجين متابعة في زمن الكورونا😅
أول ما أموري تتظبط إن شاء الله وأكتبها هعلن عنها وأنزلها لكم👌

♡دمتم سالمين مُعافين في الدين والدنيا😊
#Eman_Shalapy

الملائكة كانت بتشوف مراحل خلق المخلوق العجيب ده😮
وكانوا خايفين منه وكانوا مستغربينه لأنه ملوش شبيه،
وكان إبليس أكتر خوف من الملائكة من آدم👌

◇طيب وهو إيه إللي طلع إبليس في السماء مع إنه من الجن إللي مكانهم الأرض😳
إبليس كان موجود مع الملائكة في السماء؛ لأنه كان عنده علم وكان عابد لله،
ده غير إنه قاتل مع الملائكة الجن المفسدين،
فربنا كرّمه ورفعه مع الملائكة،
فكان بيقول للملائكة متخافوش المخلوق ده أجوف،
ولو ربنا سلطني عليه يعني سابني عليه سأهلكه👌

يعني بالعامية كده هودّيه في داهية😅

فكان يدخل من فمه ويخرج من دُبُره، وكان بيضربه فكان بيعمل صوت وكأن الجسد بيصرخ،
زي لما بنضرب على العجين وبيعمل صوت،
أهه حاجة شبيهة بكده،

بعد ما عدت أربعين سنة ربنا قال للملائكة لما أنفخ فيه الروح وآدم يقوم الكل يسجد له،
"فَإِذَا سَوَّيْتُهُ وَنَفَخْتُ فِيهِ مِن رُّوحِي فَقَعُوا لَهُ سَاجِدِينَ "

والسجود هنا سجود تحية وتكريم مش سجود عبادة،
لأن سجود العبادة لغير الله شرك👌
وسجود التحية والتكريم كان عادي في الشرائع إللي كانت قبل الإسلام لكن في الإسلام مينفعش حتى سجود التحية،

فأول ما الروح وصلت لأنف آدم عليه السلام عطس،
فالملائكة قالت لآدم قل الحمد لله،
فقال آدم : الحمد لله
فقال الله عز وجل: يرحمك ربك
ولما الروح دخلت في عينه ...آدم شاف ثمار الجنة،
ولما وصلت الروح لجوفه،
بقى نفسه ياكل منها،
فراح ناطط عشان ياكل منها والروح لسه مكنتش وصلت لرجله، مستعجل عايز ياكل منها عليه السلام،
ربنا يرزقنا وإياكم الجنة🤲

فلما اكتمل نفخ الروح في آدم سجدت الملائكة كوووولهم👌
"وَإِذْ قُلْنَا لِلْمَلَائِكَةِ اسْجُدُوا لِآدَمَ فَسَجَدُوا"

انتم متخيلين الموقف المهِيب ده🙊
◇خلينا نقرب المعنى لعقولنا كده،
أكيد مر عليكم ولو مرة واحدة وشفتم سواء في الحقيقة أو في أي مقطع في التليفزيون أو حتى عالفيس حد عامل لحد مفاجأة ،
زي الأصحاب مثلا لما يعملوا لصاحبهم مفاجأة جماعية،
في حفلة تكريم مثلا ولاحاجة،
وبيغنوا كلهم في نفس واحد،
تخيلوا إحساس الشخص إللي حصل معاه المفاجأة دي؟

أنا عايزاكم تتخيلوا بقى موقف آدم إللي لسه فاتح عينه وقام عشان يأكل من ثمر الجنة فجأة لقى خلق عظيييم بمعنى الكلمة ساجدين له بيحيوه😮
مخلوقات من نور ليها أجنحة ممكن الملك الواحد توصل عدد أجنحته ل ٦٠٠جناح زي جبريل عليه السلام👌

في وسط الموقف المهيب ده في حد واقف لم يسجد وباصص على الملائكة أعظم الخلق وهم ساجدين ومع ذلك لم يسجد😶

مين ده إللي تجرأ على معصية أمر ربنا المباشر بالسجود😱
وليه عصى أمر ربنا 🤨
وإيه إللي حصله بعد كده🤔

ده إللي هنعرفه في الجزء الجاي إن شاء الله👌

◇هتلاقوا في التعليقات المصادر إللي جبت منها قصة آدم عليه السلام 👇


#Eman_Shalapy

فيش عليه أي دليل من القرآن أو السنة👌
كان إيه رد فعل آدم عليه السلام لما إبليس أقسم له بالله ؟
هل آدم عليه السلام سمع كلام إبليس؟
هل فعلا أكل من الشجرة وعصى أمر ربنا؟

ده إللي هنعرفه في الجزء الجاي إن شاء الله😁


#Eman_Shalapy

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي😊

عترف بذنبه فربنا فتاب الله عليه ورزقه العمل بطاعته، وده دليل على إنه اصطفاه.
" ثُمَّ اجْتَبَاهُ رَبُّهُ فَتَابَ عَلَيْهِ وَهَدَى"

واحنا كذرية لآدم لازم نتبعه ...عملنا ذنب... على طول نتوب ونستغفر ونعمل صالحات
"إِنَّ الْحَسَنَاتِ يُذْهِبْنَ السَّيِّئَاتِ"
ورسول الله ﷺ يقول:
" أتبِع السيئةَ الحسنةَ تمحُها"
منعملش زي إبليس نتكبر على الحق ونقعد نبرر ...
أصل الناس كلها كده....
أصل الناس هتقول عليّ إيه....
أصل أنا مش مقتنعة...ماهو في شيوخ قالوا....

يبقى نتوب ونستغفر على طول مهما كررنا الذنب أو مهما كان الذنب عظيم👌

لما عصى آدم عليه السلام... ربنا أخرجه من الجنة وأنزله هو وحواء وإبليس للأرض.

♡طيب دلوقتي ممكن حد يقول:
أااااه 😒 يعني احنا نزلنا الأرض بسبب معصية أبونا آدم طب احنا ذنبنا إيه دلوقتي😞
والكلام ده فعلا قاله موسى لآدم عليه السلام👌
قال موسى :
أنت أبونا خيّبتنا!!
أخرجتنا ونفسك من الجنة!!"
فقال له آدم:
"أتلومني على شيء قد كتبه الله علي قبل أن يخلقني؟"
يعني إنت بتلومني إن ربنا كان كاتب عليّ إني هخرج من الجنة وأنزل الأرض من قبل ما اتخلق أصلا🤷‍♂️

فاكرين لما قلنا إن ربنا قال للملائكة إنه هيخلق خليفة في الأرض؟!
"وَإِذْ قَالَ رَبُّكَ لِلْمَلَائِكَةِ إِنِّي جَاعِلٌ فِي الْأَرْضِ خَلِيفَةً"
فمن الأول أصلا ربنا مقدّر إن آدم عليه السلام هينزل الأرض عشان يعمرها،
سواء كان السبب لخروجه من الجنة ونزوله للأرض معصية أو أي سبب تاني كده كده هو كان نازل الأرض👌

◇طيب في ناس سألت هل الجنة إللي خرج منها آدم عليه السلام دي هي جنة الخلد إللي إحنا عارفينها ولا جنة في الأرض كانت معمولة لآدم مخصوص🤔

المقصود فعلا هي جنة الخلد إللي اتوصفت لنا في القرآن ومش جنة على الأرض👌
قال شيخ الإسلام ابن تيمية رحمه الله :
" الْجَنَّةُ الَّتِي أَسْكَنَهَا آدَمَ وَزَوْجَتَهُ ، عِنْدَ سَلَفِ الْأُمَّةِ وَأَهْلِ السُّنَّةِ وَالْجَمَاعَةِ : هِيَ جَنَّةُ الْخُلْدِ"
وقال الشيخ ابن عثيمين رحمه الله :
" الصواب أن الجنة التي أسكنها الله- تعالى - آدم وزوجه هي الجنة التي وعد المتقون ؛
لأن الله - تعالى - يقول لآدم : "اسْكُنْ أَنْتَ وَزَوْجُكَ الْجَنَّةَ " ، والجنة عند الإطلاق هي جنة الخلد التي في السماء " .

فآدم عليه السلام أُنزل إلى الأرض مع حواء ومعهم إبليس،
آدم وحواء ليعمروا الأرض مع ذريته،
وإبليس مع ذريته يكونوا الإختبار لبني آدم👌

¤في هنا نقطة مهمة في وسط التقدم العلمي وكل شوية حد يتكلم عن الحياة على كواكب تانية¤
هل فعلا ممكن يكون في كوكب تاني البشر يقدروا يعيشوا عليه غير كوكب الأرض🤔
◇لا يمكن👌
لأن ربنا قال:
" فِيهَا تَحْيَوْنَ وَفِيهَا تَمُوتُونَ وَمِنْهَا تُخْرَجُونَ "
وقال:
"وَلَكُمْ فِي الْأَرْضِ مُسْتَقَرٌّ"
يعني كل الحياة والاستقرار في الأرض مش في أي مكان تاني.
ممكن الإنسان تطأ رجله كوكب تاني؟
ممكن...لكن الإستقرار لأ ..بمعنى إن الناس يتوالدون ويكون الكوكب ده لهم وطن يعيشوا فيه زي الأرض كده،
مفيش الإستقرار ده غير في الأرض
وده الفرق بين المسلم وغير المسلم،
عرفنا إن حاجة مستحيل تحصل فنصرف فيها الأموال ليه🤷‍♂️

نزل آدم عليه السلام إلى الأرض ومعه حواء،
المفسرون قالوا إن آدم نزل في الهند وحواء نزلت في جدة وهم الإتنين إلتقوا على جبل عرفات،
لكن مفيش حديث صحيح بكده،هو اجتهاد من المفسرين.

طبعا آدم كان يعلم كل حاجة مش زي ما الملحدين بيقولوا إن الإنسان أصله قرد وبعدين تطور وإن الإنسان الأول كان بدائي ميعرفش حتى الكلام😬

فآدم كان يعلم كل العلوم الزراعة مثلا وكل حاجة ليها اسم
" وَعَلَّمَ آدَمَ الْأَسْمَاءَ كُلَّهَا"
فمن البداية خالص كان الإنسان عنده المعرفة،
وآدم عليه السلام علم أبناؤه العلوم دي.

إزاي بدأت ذرية آدم وإزاي تناسلوا بعد كده؟
وإيه إللي حصل مع قابيل وهابيل ؟
وهل نجح إبليس تاني في غواية ذرية آدم؟

ده إللي هنعرفه الجزء الجاي إن شاء الله.


#Eman_Shalapy


☆ملحوظة:
أي حد عايز يأخذ القصص وينشرها يتفضل أنا معنديش مانع نهائي😊

ابيل،
كل واحد يفكر بينه وبين نفسه هل أنا زي قابيل ولا زي هابيل؟

إيه إللي حصل بعد كده وهل الأرض فضلت على التوحيد ؟
وهل في أنبياء بين نوح وآدم ...وهل لإبليس دور بعد موت آدم ؟
ده إللي هنعرفه الجزء الجاي إن شاء الله.

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي😊


#Eman_Shalapy

ول رسول على وجه الأرض وإيه قصته؟

ده إللي هنعرفه في الجزء الجاي إن شاء الله.

◇هتلاقوا المصادر إللي كتبت منها القصة في التعليقات للي عايز يرجعلها👇

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي😊



#Eman_Shalapy

طردتهم مين ينجيني من غضب ربنا عليّ لأني أسات لعباده الصالحين😞
"ومَا أنا بِطاردِ المؤمنينَ"
" وَيَا قَوْمِ مَنْ يَنْصُرُنِي مِنَ اللَّهِ إِنْ طَرَدْتُهُمْ أَفَلَا تَذَكَّرُونَ"

ياترى قوم نوح اقتنعوا واستجابوا لعبادة ربنا ولّا استمروا في العناد والكبر؟

ده إللي هنعرفه في الجزء الجاي إن شاء الله.

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي😊


#Eman_Shalapy

ت إللي هيركب فيه السفينة،
والعلامة دي كانت أول ما يفور التنور يبدأ نوح عليه السلام يطلع السفينة هو والمؤمنين وأزواج الحيوانات إللي معاه ،
"حَتَّىٰ إِذَا جَاءَ أَمْرُنَا وَفَارَ التَّنُّورُ "
والتنور فيه تفسيرات كتيرة منها إنه هو الفرن إللي بيخبزوا فيه،
فأول ما يفور منه ماء يركب السفينة هو وإللي آمنوا معه،
"قُلْنَا احْمِلْ فِيهَا مِن كُلٍّ زَوْجَيْنِ اثْنَيْنِ وَأَهْلَكَ إِلَّا مَن سَبَقَ عَلَيْهِ الْقَوْلُ وَمَنْ آمَنَ"
فلما نوح عليه السلام شاف العلامة كلهم ركبوا السفينة ،
"وَقَالَ ارْكَبُوا فِيهَا بِسْمِ اللَّهِ مَجْرَاهَا وَمُرْسَاهَا"
وبدأ المطر الشديد ينزل من السماء🌧
والأرض تطلع مية بكميات كبيرة، وطبعا الناس بدأت تصرخ مش عارفين إيه إللي بيحصل،
المية مغرقة كل حاجة الزرع والبيوت وبدأت المية تعلى وتعلى والناس تغرق
ونوح عليه السلام في السفينة مع المؤمنين،
"وَهِيَ تَجْرِي بِهِمْ فِي مَوْجٍ كَالْجِبَالِ"
وفي وسط الأهوال دي كلها نوح عليه السلام شاف مين🙊
شاف ابنه وهو بيتسلق جبل وكانت المية لسه موصلتش للإرتفاع ده،
فنادى عليه نوح عليه السلام يا بني اركب معنا ولا تكن مع الكافرين😥
"وَنَادَىٰ نُوحٌ ابْنَهُ وَكَانَ فِي مَعْزِلٍ يَا بُنَيَّ ارْكَب مَّعَنَا وَلَا تَكُن مَّعَ الْكَافِرِينَ "
فابنه قال له:
لأ، أنا هطلع على الجبل وهو هينقذني من المية😤
"قَالَ سَآوِي إِلَىٰ جَبَلٍ يَعْصِمُنِي مِنَ الْمَاءِ"
لحد اللحظة دي مش قادر يستوعب إن نوح عليه السلام كان على حق لإن الكِبر عامي قلبه😞

نوح عليه السلام نادى عليه قاله مفيش حد هينجو النهاردة من العذاب إلا إللي ربنا يرحمه، فجه موج عالي 🌊وفصل بين الأب وابنه وغرق الابن مع الكافرين،
" قَالَ لَا عَاصِمَ الْيَوْمَ مِنْ أَمْرِ اللَّهِ إِلَّا مَن رَّحِمَ ۚ وَحَالَ بَيْنَهُمَا الْمَوْجُ فَكَانَ مِنَ الْمُغْرَقِينَ "
فضلت السماء تمطر والأرض تطلع مية لحد ما غطت المية كل رؤوس الجبال ،
الأرض كلها غرقت، وكأن الله يريد إنه يغسل الأرض من الفساد ويعيد للأرض نبتة التوحيد مُزهرة مرة تانية،
فمات كل من كان حيا على الأرض إلا من كان على السفينة
على الراجح من أقوال العلماء.

إيه إللي حصل بعد الطوفان ؟

ده إللي هنعرفه الجزء الجاي إن شاء الله.

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي😊


#Eman_Shalapy