「你會離開嗎？」上星期在機場送別一位朋友後，我向友人問道。這種對話在過去兩年時不時就會出現。你知道某某移民了嗎？那你呢？你會走嗎？有人覺得該走，有人覺得不該走，實際上每人有每人的背景和原因，所以也不存在該或不該。作為朋友，我只是單純想知道明年今日大家還能否相聚，或趁機給予祝福，僅此而言。
儘管如此，當被問及我個人選擇，我以往的立場都是肯定的。認識我的人都知道我很渴望離開，尤其當形勢一再變差，這個慾望只有變得越來越強烈。有一部分可能因為自身的原因離不開，所以才會那麼渴望逃離？但其實就算沒有案件在身，我也肯定會傾向去別的地方生活。看看香港多壓抑，政治紅線處處，留在香港可以有何抱負？連做人的氣力都沒有，更別說組織家庭生兒育女。就像上海年輕人的一句：「這是我們最後一代，謝謝。」是要這樣嗎？還是到別的地方呼吸自由空氣，享受別個國家的人權？又或許說穿了是逃避，是為了從日常去掉政治，不想再每天被政治搞得筋竭力疲。別誤會，逃跑並不可恥，就像突然一窩蜂的追星也是大時代產物，是大家試圖在現實的荒謬中喘喘氣。其實英國、澳洲、加拿大、台灣哪裡都不要緊，總之先找一艘救生艇，不是嗎？
「要是可以我一定會離開啊！」我原以為是這樣的。但最近再思考去留，我發覺也許我不一定要離開。我想起以前有段時間我很著迷大陸民謠，大概是丹東、北韓、北京那次旅程後。為何萬青寫得出《殺死那個石家莊人》，為何宋冬野《安和橋北》裏的歌如此真誠。我最近聽回才明白當初令我著迷的是什麼。大陸民謠有種獨特的人文情懷，那是與土地連結，在特定環境下長出來的音樂。這些音樂讓我窺看到體制以外的人文故事。那不是表面的控訴或抗爭，而是一種獨特的時地人寫出來的意象。那時我著迷的是窺看愛國主旋律以外，人們是如何表達自己，如何把不安、痛苦的情感寫出來。政治歸政治，人終究是人，有喜怒哀樂悲歡離合，有表達的需要。就算是文藝青年的無病呻吟，也是屬於他們的聲音。然後我又想起北韓，那時候感受最深的是平壤人日常的一面：他們上班、上學、在公園跳大媽舞、放學後打排球。我最好奇的是在封閉、共產、世襲、獨裁、專政這些標籤背後，人們是如何生活？就像拼圖一樣，一塊一塊湊合起來，嘗試從中看到些什麼。
以上其實全是一種窺探，那是一片灰色的領域，從牆縫中窺看不同環境、體制下人們對人性和生活的洞察。就像看米蘭昆德拉寫布拉格之春，看佐治奧威爾寫緬甸歲月，我們看的不只是一個地方、一段歷史，或政治、抗爭、極權社會、殖民主義、共產主義 — 這些標籤都不足以形容。我們真正沉浸的是在這些特定環境下人之所以為人的故事。人會歷經苦難，大至社會現實，小至一段逝去戀情，還有家庭、友情、生離死別，這些都是人生課題。透過這些作品，我們看見別人如何對抗苦難，如何超越苦難，如何面對種種現實與無奈，從而認識世界、反思自我。所以未來的香港會是怎樣？我覺得總有些故事是處於這個獨特環境下的香港人才寫得出來，只是我們還未發現，又或者此刻我們仍然活在恐懼之中。香港的未來彷彿已被寫定，留下來還可以做什麼？但是我們難道要永遠徘徊在悲哀慘情之中？除了「順民、移民、暴民」外，難道就沒有另一個生活方式？二元對立之中又蘊藏著什麼？
我們正處於一個獨特的時代，我會認為只有當我們真真正正把政治現實與苦痛內化後，才會造就新的思潮和人文價值。就算在最敏感的格局裡，人們還是會找到方法表達自我，歌手把想說的唱出來，畫家畫出來，作家寫出來。這些故事就是我們生活在這遍土地的痕跡。這才是真正的本土，真誠而且美。其實無論去或留，真正的命題是如何向前行。這不是妥協，或是遺忘，而是不讓往事無止境地喪志。這樣我們才能直視前路，重新獲取生命力，當一個自由的靈魂。
Auman
儘管如此，當被問及我個人選擇，我以往的立場都是肯定的。認識我的人都知道我很渴望離開，尤其當形勢一再變差，這個慾望只有變得越來越強烈。有一部分可能因為自身的原因離不開，所以才會那麼渴望逃離？但其實就算沒有案件在身，我也肯定會傾向去別的地方生活。看看香港多壓抑，政治紅線處處，留在香港可以有何抱負？連做人的氣力都沒有，更別說組織家庭生兒育女。就像上海年輕人的一句：「這是我們最後一代，謝謝。」是要這樣嗎？還是到別的地方呼吸自由空氣，享受別個國家的人權？又或許說穿了是逃避，是為了從日常去掉政治，不想再每天被政治搞得筋竭力疲。別誤會，逃跑並不可恥，就像突然一窩蜂的追星也是大時代產物，是大家試圖在現實的荒謬中喘喘氣。其實英國、澳洲、加拿大、台灣哪裡都不要緊，總之先找一艘救生艇，不是嗎？
「要是可以我一定會離開啊！」我原以為是這樣的。但最近再思考去留，我發覺也許我不一定要離開。我想起以前有段時間我很著迷大陸民謠，大概是丹東、北韓、北京那次旅程後。為何萬青寫得出《殺死那個石家莊人》，為何宋冬野《安和橋北》裏的歌如此真誠。我最近聽回才明白當初令我著迷的是什麼。大陸民謠有種獨特的人文情懷，那是與土地連結，在特定環境下長出來的音樂。這些音樂讓我窺看到體制以外的人文故事。那不是表面的控訴或抗爭，而是一種獨特的時地人寫出來的意象。那時我著迷的是窺看愛國主旋律以外，人們是如何表達自己，如何把不安、痛苦的情感寫出來。政治歸政治，人終究是人，有喜怒哀樂悲歡離合，有表達的需要。就算是文藝青年的無病呻吟，也是屬於他們的聲音。然後我又想起北韓，那時候感受最深的是平壤人日常的一面：他們上班、上學、在公園跳大媽舞、放學後打排球。我最好奇的是在封閉、共產、世襲、獨裁、專政這些標籤背後，人們是如何生活？就像拼圖一樣，一塊一塊湊合起來，嘗試從中看到些什麼。
以上其實全是一種窺探，那是一片灰色的領域，從牆縫中窺看不同環境、體制下人們對人性和生活的洞察。就像看米蘭昆德拉寫布拉格之春，看佐治奧威爾寫緬甸歲月，我們看的不只是一個地方、一段歷史，或政治、抗爭、極權社會、殖民主義、共產主義 — 這些標籤都不足以形容。我們真正沉浸的是在這些特定環境下人之所以為人的故事。人會歷經苦難，大至社會現實，小至一段逝去戀情，還有家庭、友情、生離死別，這些都是人生課題。透過這些作品，我們看見別人如何對抗苦難，如何超越苦難，如何面對種種現實與無奈，從而認識世界、反思自我。所以未來的香港會是怎樣？我覺得總有些故事是處於這個獨特環境下的香港人才寫得出來，只是我們還未發現，又或者此刻我們仍然活在恐懼之中。香港的未來彷彿已被寫定，留下來還可以做什麼？但是我們難道要永遠徘徊在悲哀慘情之中？除了「順民、移民、暴民」外，難道就沒有另一個生活方式？二元對立之中又蘊藏著什麼？
我們正處於一個獨特的時代，我會認為只有當我們真真正正把政治現實與苦痛內化後，才會造就新的思潮和人文價值。就算在最敏感的格局裡，人們還是會找到方法表達自我，歌手把想說的唱出來，畫家畫出來，作家寫出來。這些故事就是我們生活在這遍土地的痕跡。這才是真正的本土，真誠而且美。其實無論去或留，真正的命題是如何向前行。這不是妥協，或是遺忘，而是不讓往事無止境地喪志。這樣我們才能直視前路，重新獲取生命力，當一個自由的靈魂。
Auman
【傑仔大隻咗！】
早前，朋友又去探傑仔。
傑仔話而家喺依邊負責做清潔，主要都係掃地同埋拖地，自己算好彩，比起編排佢去做其他嘢。佢話呢邊啲伙食係好味過之前荔枝角，不過都係一時一時，早兩日食嘅白菜心都係煮唔熟，食落去條菜好乸喉，佢話另外一位手足問佢點解條菜食落個樣會咁樣，傑仔同佢講因為條菜未煮熟囉😆😆。
朋友叫傑仔唔好咁腌尖，將就吓啦。因為傑仔之前做廚房，所以一向對食都好有要求😅。傑仔話佢主要都係靠撈汁食飯，因為其實啲嘢普遍都係難食😖
傑仔話，佢得閒嘅時候都係同埋其他手足一齊操肌。朋友同佢講，話今次見到佢好明顯係大隻咗，見佢着住件囚衣都睇得出，佢就好開心😚，話其實喺入邊多數都唔着上身衫。
同埋佢話喺入邊有餅乾零食可以食都係一種奢侈，因為遇到好多手足，就算佢未有糧出都有零食可以食！！朋友都冇咁擔心佢！
如果大家想支持傑仔渡過呢個難關，歡迎訂閱他的patreon：
https://www.patreon.com/kitjaihker
kitjaihker
早前，朋友又去探傑仔。
傑仔話而家喺依邊負責做清潔，主要都係掃地同埋拖地，自己算好彩，比起編排佢去做其他嘢。佢話呢邊啲伙食係好味過之前荔枝角，不過都係一時一時，早兩日食嘅白菜心都係煮唔熟，食落去條菜好乸喉，佢話另外一位手足問佢點解條菜食落個樣會咁樣，傑仔同佢講因為條菜未煮熟囉😆😆。
朋友叫傑仔唔好咁腌尖，將就吓啦。因為傑仔之前做廚房，所以一向對食都好有要求😅。傑仔話佢主要都係靠撈汁食飯，因為其實啲嘢普遍都係難食😖
傑仔話，佢得閒嘅時候都係同埋其他手足一齊操肌。朋友同佢講，話今次見到佢好明顯係大隻咗，見佢着住件囚衣都睇得出，佢就好開心😚，話其實喺入邊多數都唔着上身衫。
同埋佢話喺入邊有餅乾零食可以食都係一種奢侈，因為遇到好多手足，就算佢未有糧出都有零食可以食！！朋友都冇咁擔心佢！
如果大家想支持傑仔渡過呢個難關，歡迎訂閱他的patreon：
https://www.patreon.com/kitjaihker
kitjaihker
31-5-2022（第一百五十三日）⭐️二
1. 是日返工，師傅（⬅️工場姑娘）拎咗我嚟過2次橋😒
一次係2個 囚友差啲鬧交，為咗pack箱問題，我就話我pack啦，就衝咗去拎膠紙返嚟pack。師傅：「你冷靜啲！唔好燥底！」我：❓😑❓「無喎，又唔關我事嘅」師傅繼續大聲地講：「今日已經好多人燥底㗎啦，冷靜啲！咁樣係處理唔到問題㗎……（下刪一百字佢超長氣）」根本就講比佢哋聽。
另一次係我pack箱方式一向同師傅唔同，佢係pack面先，我係pack底先，pack咗之後我話：「啊！sorry唔記得你要pack面，pack錯咗。」
佢又用宏偉嘅聲線向我後面pack箱嘅人講：「無所謂啊！你同我速度一樣快，我最鍾意做到嘢嘅人，個啲人慢嘅就有所謂啫！」😑決定返工遠離師傅，唔想咁樣得罪人。
2. 人無完人，邊有人係完美。收到啲小消息，未fc。不過想講幾句
我哋無光環，我哋只係一班普通人，同你一樣，一定有啲位唔係太好，值得改善，但我哋有良知。我哋付出嘅你未必敢承受，我哋經歷緊嘅你感受唔到。唔好係心中為我哋假設一個美好形象，然後一少點唔好，就完全推翻整個人格。
完。
Local Yeah本土野
1. 是日返工，師傅（⬅️工場姑娘）拎咗我嚟過2次橋😒
一次係2個 囚友差啲鬧交，為咗pack箱問題，我就話我pack啦，就衝咗去拎膠紙返嚟pack。師傅：「你冷靜啲！唔好燥底！」我：❓😑❓「無喎，又唔關我事嘅」師傅繼續大聲地講：「今日已經好多人燥底㗎啦，冷靜啲！咁樣係處理唔到問題㗎……（下刪一百字佢超長氣）」根本就講比佢哋聽。
另一次係我pack箱方式一向同師傅唔同，佢係pack面先，我係pack底先，pack咗之後我話：「啊！sorry唔記得你要pack面，pack錯咗。」
佢又用宏偉嘅聲線向我後面pack箱嘅人講：「無所謂啊！你同我速度一樣快，我最鍾意做到嘢嘅人，個啲人慢嘅就有所謂啫！」😑決定返工遠離師傅，唔想咁樣得罪人。
2. 人無完人，邊有人係完美。收到啲小消息，未fc。不過想講幾句
我哋無光環，我哋只係一班普通人，同你一樣，一定有啲位唔係太好，值得改善，但我哋有良知。我哋付出嘅你未必敢承受，我哋經歷緊嘅你感受唔到。唔好係心中為我哋假設一個美好形象，然後一少點唔好，就完全推翻整個人格。
完。
Local Yeah本土野
「又一個月Lu~疫情又開始蠢蠢欲動，但大家都攰Lu,我都攰啦，更何況自己都中埋，有種「唉～隨緣啦」
六月嘅天氣好反覆，有熱到懷疑人生，亦有好似我而家寫信嘅天氣咁，出面落緊雨所以涼涼地～但天氣反覆有個最大嘅問題～就係會瘋狂鼻敏感！喺牆外有隻讓我鼻敏感超嚴重時啪兩包就冇事，佢本身係沖劑，但唔知點解一接觸呢個「沖劑」，是下意識就覺得係直接啪落口再飲水，直到見到我大佬將兩包粉倒落杯，再加水攪拌使我先好似發現新大陸咁，但即使知道正確使用方法我都係就咁啪落口，懶洗杯😆
不過係牆內冇適合自己嘅鼻敏感藥，只可以食會眼瞓嘅「黃丸」，有嘢做時又唔覺特別眼瞓，但最近報讀咗erb合辦既「寵物美容」課程，上午上理論堂時….開住冷氣，有時要睇片燈光又會調暗，個頭不知不覺間就嚟枱面越嚟越近，視線又開始越嚟越模糊，意識亦慢慢失去節奏，一直死撐難撐到老師嗌放小息😩覺得自己好鬼冇用😆但呢啲溫度，濕度….真係唔可以怪我㗎！
繼「威威豬」同「金B」而家熱話應該係雲咸街槍擊事件，9/6已經從收音機聽到，但可能報紙已經切稿所以11/6先喺報紙睇到，嚇死我啊！幾驚關七一事，好彩政府直接了當講出同七一無關，如果唔係我絕對會懷疑係兩邊黑社會唔係為利益而係爭靚位睇升旗而大打出手囉！
加啲小插曲～教主首新歌MV一日就喺YouTube破百萬view，但我而家連首歌都未聽過，已經日日捕住903都未有機會聽到，連陣除都嗅唔到😩只係知道首歌叫「King Kong」，人生已經灰，連歌都聽唔到，神徒N號表示懷疑人生😔
最後，其實本來呢幾日心情都有啲低下，但寫下寫下呢封家書慢慢覺得…em… 剛剛呢個月都唔係過得好差姐～2022年亦又過咗一半，刑期又一直倒數住，心情又好似好返啲Lu~Love you ALL!
Alice JUN 2022」
VU Coffee
六月嘅天氣好反覆，有熱到懷疑人生，亦有好似我而家寫信嘅天氣咁，出面落緊雨所以涼涼地～但天氣反覆有個最大嘅問題～就係會瘋狂鼻敏感！喺牆外有隻讓我鼻敏感超嚴重時啪兩包就冇事，佢本身係沖劑，但唔知點解一接觸呢個「沖劑」，是下意識就覺得係直接啪落口再飲水，直到見到我大佬將兩包粉倒落杯，再加水攪拌使我先好似發現新大陸咁，但即使知道正確使用方法我都係就咁啪落口，懶洗杯😆
不過係牆內冇適合自己嘅鼻敏感藥，只可以食會眼瞓嘅「黃丸」，有嘢做時又唔覺特別眼瞓，但最近報讀咗erb合辦既「寵物美容」課程，上午上理論堂時….開住冷氣，有時要睇片燈光又會調暗，個頭不知不覺間就嚟枱面越嚟越近，視線又開始越嚟越模糊，意識亦慢慢失去節奏，一直死撐難撐到老師嗌放小息😩覺得自己好鬼冇用😆但呢啲溫度，濕度….真係唔可以怪我㗎！
繼「威威豬」同「金B」而家熱話應該係雲咸街槍擊事件，9/6已經從收音機聽到，但可能報紙已經切稿所以11/6先喺報紙睇到，嚇死我啊！幾驚關七一事，好彩政府直接了當講出同七一無關，如果唔係我絕對會懷疑係兩邊黑社會唔係為利益而係爭靚位睇升旗而大打出手囉！
加啲小插曲～教主首新歌MV一日就喺YouTube破百萬view，但我而家連首歌都未聽過，已經日日捕住903都未有機會聽到，連陣除都嗅唔到😩只係知道首歌叫「King Kong」，人生已經灰，連歌都聽唔到，神徒N號表示懷疑人生😔
最後，其實本來呢幾日心情都有啲低下，但寫下寫下呢封家書慢慢覺得…em… 剛剛呢個月都唔係過得好差姐～2022年亦又過咗一半，刑期又一直倒數住，心情又好似好返啲Lu~Love you ALL!
Alice JUN 2022」
VU Coffee
最後喺入邊寫一封信，而家親手post，終於唔係「XXX」，可以係「香港人」
To我愛的香港人：
聽日就出冊啦，久違嘅出差日子終於嚟，兩年八個月嘅監房生涯要落幕。其實一直以來，「出冊」依件事對小弟來講係好夢幻，係唔會發生。但原來，依個「幻想」真係會發生。今日係最後一次見朋友，認識咗好耐嘅朋友、守咗好耐嘅規矩、望咗好耐嘅風景，通通都係最後一次。出期數時我摸一摸張枱，準備講「再見」時，一騎提我，「唔係再見，係唔見」。係，唔見先係真。
呢兩年八個月好多嘢我估唔到，我點估到嗰日7月1號喺電視中見到揸住㗎電單車嘅人，會係我喺監房相處得最耐嘅人、會成為好兄弟，我點估到我從來未睇過任何一個手足出冊，自己就成為第一個。本來幻想嘅出冊依件事係啱啱入時會好興奮，依一刻竟然出奇地平靜。出冊冇特別開心、興奮，出冊⋯⋯都係咁姐。因為我知道個故事未完，如果係一部小說，一八至一九年係第一季、一九年至入嚟係第二季、間房係第三季。出冊之後就係第四季。故事未完，冒險未完，如果要有，都只係緊張。緊張第4季故事係點。兩年八個月嘅修行要見真章了，以為會有萬千感慨，樂不強乜都諗唔到。平靜，勝過千言萬語。監房中，見過真心，放棄過真心，相信善良，知道黑暗、理性、感性，埋下種子。最後只有一句，「都係咁啦，冇乜特別」。
諗住出冊嗰日會好天氣，可以講一句「今日嘅天氣最啱出冊」，可惜係落大雨，冇辦法啦。貴人出門招風雨嘛！唔使睇天氣都有暴風等緊。相信出冊後嘅日子一啲都唔容易啲，大把嘢做，可能去玩去食好西都冇真正開心度，可能每晚都諗起自己人生中最好嘅兄弟們仲未自由。ok……再睇吓點啦。行完荊棘海，就睇吓大日如來之日有冇葉落冰川，相信一切是最好的安排，再講一句「都係咁啦，冇乜特別」。
應該係最短最冇內容嘅信，因為，不發一語，成個千言萬語。
尚千赴戎 木何懼火
尚木
13-6-2022
words.beyond.wall
To我愛的香港人：
聽日就出冊啦，久違嘅出差日子終於嚟，兩年八個月嘅監房生涯要落幕。其實一直以來，「出冊」依件事對小弟來講係好夢幻，係唔會發生。但原來，依個「幻想」真係會發生。今日係最後一次見朋友，認識咗好耐嘅朋友、守咗好耐嘅規矩、望咗好耐嘅風景，通通都係最後一次。出期數時我摸一摸張枱，準備講「再見」時，一騎提我，「唔係再見，係唔見」。係，唔見先係真。
呢兩年八個月好多嘢我估唔到，我點估到嗰日7月1號喺電視中見到揸住㗎電單車嘅人，會係我喺監房相處得最耐嘅人、會成為好兄弟，我點估到我從來未睇過任何一個手足出冊，自己就成為第一個。本來幻想嘅出冊依件事係啱啱入時會好興奮，依一刻竟然出奇地平靜。出冊冇特別開心、興奮，出冊⋯⋯都係咁姐。因為我知道個故事未完，如果係一部小說，一八至一九年係第一季、一九年至入嚟係第二季、間房係第三季。出冊之後就係第四季。故事未完，冒險未完，如果要有，都只係緊張。緊張第4季故事係點。兩年八個月嘅修行要見真章了，以為會有萬千感慨，樂不強乜都諗唔到。平靜，勝過千言萬語。監房中，見過真心，放棄過真心，相信善良，知道黑暗、理性、感性，埋下種子。最後只有一句，「都係咁啦，冇乜特別」。
諗住出冊嗰日會好天氣，可以講一句「今日嘅天氣最啱出冊」，可惜係落大雨，冇辦法啦。貴人出門招風雨嘛！唔使睇天氣都有暴風等緊。相信出冊後嘅日子一啲都唔容易啲，大把嘢做，可能去玩去食好西都冇真正開心度，可能每晚都諗起自己人生中最好嘅兄弟們仲未自由。ok……再睇吓點啦。行完荊棘海，就睇吓大日如來之日有冇葉落冰川，相信一切是最好的安排，再講一句「都係咁啦，冇乜特別」。
應該係最短最冇內容嘅信，因為，不發一語，成個千言萬語。
尚千赴戎 木何懼火
尚木
13-6-2022
words.beyond.wall
6-6-2022（第一百五十九日）⭐️一
1. 對於家人入錯相已習以為常-v- 入幾張輕微郁動or入啲之前先入完嘅。今次又有新花樣～入人哋嘅合照比我-v-張相係一個4人嘅合照。我望住張相呆左：「係我咩？-_-」「似我咩-_-？？」係咪太少見唔認得我個樣（笑）最有趣係講咗5個月我要沙灘大合照，一直無出現，前排印咗2張144p嘅相問我啱唔啱，我話啱，但係今日拎相並無呢2張。
依家開始睇化咗～世事變幻莫測，唔好去計劃一啲嘢，咁就唔洗擔心有變數時感到失望。以平常心看待，幾好🙂
2. 收返上2句，完全比屋企人玩殘，「記得曬相4R size」收到啲相硬係覺得有啲大，「係咪4R Size嚟？」話係，我先買相簿😑頭先滿心歡喜入相……__！咩叫4R。
然後隔離Minion借佢屋企人入嘅相比我試，入到相簿😑我拎朋友寄比我嘅名信片試下入，都入到。😑用嚟裝名信片？🧎♀️好啦，每個月都有新驚喜。
3. 時事唔入得，MeMe唔入得。🙂咁多日無信收，諗住3日假有多啲，有3封家書～無lu～連姑娘都覺得我啲信被截曬～唉，連監通都收唔到🙂一個二個話有寄，我～見～唔～到～封～信～啊～😢
4. 聽到行雷，聽到雨聲，聞到落雨嘅味道，卻睇唔到，摸唔到。原來行雷落雨，會有好自然嘅身體反應：望窗。
你哋見到閃電令外面閃光嘅一擊，你哋睇到雨水嘅密與疏。
而係監獄入面，每隻窗都係白色不透明，我感受唔到傾盤大雨，感受唔到比雨水沾濕嘅涼快感，感到世界失真了。
覺得好似盲咗咁。
Local Yeah本土野
1. 對於家人入錯相已習以為常-v- 入幾張輕微郁動or入啲之前先入完嘅。今次又有新花樣～入人哋嘅合照比我-v-張相係一個4人嘅合照。我望住張相呆左：「係我咩？-_-」「似我咩-_-？？」係咪太少見唔認得我個樣（笑）最有趣係講咗5個月我要沙灘大合照，一直無出現，前排印咗2張144p嘅相問我啱唔啱，我話啱，但係今日拎相並無呢2張。
依家開始睇化咗～世事變幻莫測，唔好去計劃一啲嘢，咁就唔洗擔心有變數時感到失望。以平常心看待，幾好🙂
2. 收返上2句，完全比屋企人玩殘，「記得曬相4R size」收到啲相硬係覺得有啲大，「係咪4R Size嚟？」話係，我先買相簿😑頭先滿心歡喜入相……__！咩叫4R。
然後隔離Minion借佢屋企人入嘅相比我試，入到相簿😑我拎朋友寄比我嘅名信片試下入，都入到。😑用嚟裝名信片？🧎♀️好啦，每個月都有新驚喜。
3. 時事唔入得，MeMe唔入得。🙂咁多日無信收，諗住3日假有多啲，有3封家書～無lu～連姑娘都覺得我啲信被截曬～唉，連監通都收唔到🙂一個二個話有寄，我～見～唔～到～封～信～啊～😢
4. 聽到行雷，聽到雨聲，聞到落雨嘅味道，卻睇唔到，摸唔到。原來行雷落雨，會有好自然嘅身體反應：望窗。
你哋見到閃電令外面閃光嘅一擊，你哋睇到雨水嘅密與疏。
而係監獄入面，每隻窗都係白色不透明，我感受唔到傾盤大雨，感受唔到比雨水沾濕嘅涼快感，感到世界失真了。
覺得好似盲咗咁。
Local Yeah本土野
為細壁手足徵筆友
背景/興趣如下：
🔅下年應該會報考DSE
🔅對中史、M2有興趣
🔅鍾意打機，如LOL、HOI4 、Witcher 3
🔅鍾意睇書，特別係外國翻譯小說
🔅鍾意鑽硏歷史
Pls DM @fung1seon3zi2
封信子
背景/興趣如下：
🔅下年應該會報考DSE
🔅對中史、M2有興趣
🔅鍾意打機，如LOL、HOI4 、Witcher 3
🔅鍾意睇書，特別係外國翻譯小說
🔅鍾意鑽硏歷史
Pls DM @fung1seon3zi2
封信子
7-6-2022（第一百六十日）⭐️二
1. 是日休息，堅持咗好耐唔打針，今日「自願」打咗。所以依家坐咗係工場更衣室 寫呢一封信（笑）
打針為咩？為咗之後有額外探訪，等牽腸掛肚嘅啊媽可以見多啲我，唔洗眼濕濕（寫完上面3句嘢就瞓死咗，哈哈哈！）
2. 無諗過去打針都遇到minions。😆💕又係喪吹水嘅時間。
開心見到佢哋，開心佢哋聽到我啲點唱（鳴謝家人幫我處理點唱，非常成功！ ）
傾得太得意忘形，無留意到大粒嘢嚟咗，被訓話～
3. 大腩同LoWu收同對方第一次嘅監房通訊唔同嘅地方係前者簽完「認識對方，肯收信」就即刻比封信你，而後者就簽完要等1-4日先有。
早幾日簽咗一名稀客嘅監通，未收到信就諗：「佢竟然寫信嚟？係咪有咩事？」非常擔心。今日終於見到封信盧山真面目，原來！係投訴我無回信。（笑）
話說新年個陣畫咗新年賀卡寄比🥕們，佢係其中一個有回我嘅🥕，但封信得幾行字，我以為係感謝信only。佢字裡行間無想通信嘅意思XD我就無寄信比佢，哈哈哈！
Local Yeah本土野
1. 是日休息，堅持咗好耐唔打針，今日「自願」打咗。所以依家坐咗係工場更衣室 寫呢一封信（笑）
打針為咩？為咗之後有額外探訪，等牽腸掛肚嘅啊媽可以見多啲我，唔洗眼濕濕（寫完上面3句嘢就瞓死咗，哈哈哈！）
2. 無諗過去打針都遇到minions。😆💕又係喪吹水嘅時間。
開心見到佢哋，開心佢哋聽到我啲點唱（鳴謝家人幫我處理點唱，非常成功！ ）
傾得太得意忘形，無留意到大粒嘢嚟咗，被訓話～
3. 大腩同LoWu收同對方第一次嘅監房通訊唔同嘅地方係前者簽完「認識對方，肯收信」就即刻比封信你，而後者就簽完要等1-4日先有。
早幾日簽咗一名稀客嘅監通，未收到信就諗：「佢竟然寫信嚟？係咪有咩事？」非常擔心。今日終於見到封信盧山真面目，原來！係投訴我無回信。（笑）
話說新年個陣畫咗新年賀卡寄比🥕們，佢係其中一個有回我嘅🥕，但封信得幾行字，我以為係感謝信only。佢字裡行間無想通信嘅意思XD我就無寄信比佢，哈哈哈！
Local Yeah本土野
Day 264 | 2022-4-3 | 節錄
《否極泰來》（算唔算呢?)
//Wuuu! 不見天日失去重心嘅生活真係好難捱。
過去兩個月真係活得不好，覺得自己係被圈養等屠宰嘅動物多過作為有dignity嘅人。太耐冇同人傾計，嗰15mins探訪都唔知自己想講咩，有啲失語嘅狀態，但與其滔滔不絕講自己有幾慘，我更想親耳聽下你哋講自己嘅近況，講啲外面嘅嘢，重新建立我同世界嘅聯繫。我見你哋啲信提到要「堅挺」，中招會變「新人類」，係咪新嘅潮語嚟㗎？Diu，覺得自己好似個啊婆同soon仔傾計噉🥲
⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀
我睇下日曆，原來已經喺度8個月，即係坐多8個月就可以走了^v^ 條監坐咗一半，又要review下自己活得點樣，所謂吾日三省吾身，有反思嘅人生先係有活過嘅人生，時間不斷向前推移，惟有反思沉澱先可以將重要嘅嘢留低。
其實頭嗰6個月都過得好快好充實，平靜安穩，每隔一段時間都有新嘅目標，一開頭係適應、然後捉棋、車衣追數、讀書…… 到近呢2個月，所有routine都暫停，生活冇咗重心，唔再充實，時間嘅流逝亦慢咗落嚟，日子唔再有意義…… 多咗嘅時間用嚟放空、睇書、睇電視、寫信，好用腦，諗多咗嘢……
呢2個月，身心都好煎熬，真係有坐緊監、好無力嘅感覺，喺呢場天災人禍入面，人嘅力量係好渺小，小至想見下陽光、見下親友都好難，缺乏情感支援，人就變得特別脆弱，小事都足以令人崩潰。為咗保持正面，要諗下自己得到啲咩，唔好諗自己失去啲咩，然後我發現，係冇嘅😂 HAHA，冇乜靈感，組織唔到啊，做乜要扮正面啫，冇就冇㗎啦🤣 可以檢討嘅係點樣保持心靈強大，唔好咁易被環境改變而擊倒，就係睇多啲書&電視，吸收多啲唔同嘅資訊，保持思考，思考會痛，但唔思考會鈍；痛完之後就會有快樂，苦盡甘來嘅意思。//
⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀
//最近啲電視都好好睇，10AM J2做鋼鍊FA (但冇單丸唱主題曲)，1145AM 81做封神榜(陳浩民版)。一即係全，全即係一；我就係世界，世界就係我。細個睇唔明，大個睇返就發現好多哲理，關於戰事嘅醜惡，而家都適用。封神榜就童年回憶，雖然啲CG係好9流流，但好有親切感。//
⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀
//今日明報副刊有一頁講啲正念禪修嘅嘢🧘🏻，佢話禪修唔代表唔可以有負面情緒，反而要引導佢出嚟，抱擁佢、正視佢，我都覺得係嘅，埋藏佢忍咗佢只會越滾越大，及時攞出嚟解決佢係最好嘅，所以唔好笑我早排好脆弱😆 寫完呻完就會好好多～睇嚟我嘅活著就係修行，有禪味^v^//
⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀
//食完2個星期雞翼飯再食返平時啲飯，哇，甘之如飴🤩 諗完自己喺黑暗入面嘅痛苦，再迎接光明，特別耀眼，一切都係比較，沒有比較沒有傷害。
🍚 好耐冇評過飯，對於早前嘅雞翼飯 ——
一律係1/5分，0.5 @each雞翼。
評語：
為咗生存落去必須食，雞翼有滿滿嘅鹽份，撈飯食就啱啱好，好似太極噉陰陽調和，充滿中華文化5000年嘅智慧。
建議：
煮飯試味係重要嘅一環，如果唔係就唔會知，啲奶係假㗎！
⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀
見過地獄之後更珍惜正常飯，加上廚房妹都係食嗰啲雞翼飯，更加有動力煮返好啲，啲汁嘅味道豐富咗，青椒汁都竟然有椒&微辣味，比以前更出色，相信佢哋應該冇long-covid味覺喪失。
啲肉碎醃得更入味，用嚟撈飯好正，碎牛濃郁嘅牛味好開胃，真係寧願食碎好過食肉片，又少又唔好味；啲炸魚炸到金黃色炸粉又唔太厚，好似喺英國食緊Fish & Chips噉^3^
-1分係啲菜，煮到好老，本身都老，唔得😒
報復式寫完食評了～ 係咁多啦，love you guys😙//
➡️ Find us on Patreon ~
manlinthanks
《否極泰來》（算唔算呢?)
//Wuuu! 不見天日失去重心嘅生活真係好難捱。
過去兩個月真係活得不好，覺得自己係被圈養等屠宰嘅動物多過作為有dignity嘅人。太耐冇同人傾計，嗰15mins探訪都唔知自己想講咩，有啲失語嘅狀態，但與其滔滔不絕講自己有幾慘，我更想親耳聽下你哋講自己嘅近況，講啲外面嘅嘢，重新建立我同世界嘅聯繫。我見你哋啲信提到要「堅挺」，中招會變「新人類」，係咪新嘅潮語嚟㗎？Diu，覺得自己好似個啊婆同soon仔傾計噉🥲
⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀
我睇下日曆，原來已經喺度8個月，即係坐多8個月就可以走了^v^ 條監坐咗一半，又要review下自己活得點樣，所謂吾日三省吾身，有反思嘅人生先係有活過嘅人生，時間不斷向前推移，惟有反思沉澱先可以將重要嘅嘢留低。
其實頭嗰6個月都過得好快好充實，平靜安穩，每隔一段時間都有新嘅目標，一開頭係適應、然後捉棋、車衣追數、讀書…… 到近呢2個月，所有routine都暫停，生活冇咗重心，唔再充實，時間嘅流逝亦慢咗落嚟，日子唔再有意義…… 多咗嘅時間用嚟放空、睇書、睇電視、寫信，好用腦，諗多咗嘢……
呢2個月，身心都好煎熬，真係有坐緊監、好無力嘅感覺，喺呢場天災人禍入面，人嘅力量係好渺小，小至想見下陽光、見下親友都好難，缺乏情感支援，人就變得特別脆弱，小事都足以令人崩潰。為咗保持正面，要諗下自己得到啲咩，唔好諗自己失去啲咩，然後我發現，係冇嘅😂 HAHA，冇乜靈感，組織唔到啊，做乜要扮正面啫，冇就冇㗎啦🤣 可以檢討嘅係點樣保持心靈強大，唔好咁易被環境改變而擊倒，就係睇多啲書&電視，吸收多啲唔同嘅資訊，保持思考，思考會痛，但唔思考會鈍；痛完之後就會有快樂，苦盡甘來嘅意思。//
⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀
//最近啲電視都好好睇，10AM J2做鋼鍊FA (但冇單丸唱主題曲)，1145AM 81做封神榜(陳浩民版)。一即係全，全即係一；我就係世界，世界就係我。細個睇唔明，大個睇返就發現好多哲理，關於戰事嘅醜惡，而家都適用。封神榜就童年回憶，雖然啲CG係好9流流，但好有親切感。//
⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀
//今日明報副刊有一頁講啲正念禪修嘅嘢🧘🏻，佢話禪修唔代表唔可以有負面情緒，反而要引導佢出嚟，抱擁佢、正視佢，我都覺得係嘅，埋藏佢忍咗佢只會越滾越大，及時攞出嚟解決佢係最好嘅，所以唔好笑我早排好脆弱😆 寫完呻完就會好好多～睇嚟我嘅活著就係修行，有禪味^v^//
⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀
//食完2個星期雞翼飯再食返平時啲飯，哇，甘之如飴🤩 諗完自己喺黑暗入面嘅痛苦，再迎接光明，特別耀眼，一切都係比較，沒有比較沒有傷害。
🍚 好耐冇評過飯，對於早前嘅雞翼飯 ——
一律係1/5分，0.5 @each雞翼。
評語：
為咗生存落去必須食，雞翼有滿滿嘅鹽份，撈飯食就啱啱好，好似太極噉陰陽調和，充滿中華文化5000年嘅智慧。
建議：
煮飯試味係重要嘅一環，如果唔係就唔會知，啲奶係假㗎！
⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀
見過地獄之後更珍惜正常飯，加上廚房妹都係食嗰啲雞翼飯，更加有動力煮返好啲，啲汁嘅味道豐富咗，青椒汁都竟然有椒&微辣味，比以前更出色，相信佢哋應該冇long-covid味覺喪失。
啲肉碎醃得更入味，用嚟撈飯好正，碎牛濃郁嘅牛味好開胃，真係寧願食碎好過食肉片，又少又唔好味；啲炸魚炸到金黃色炸粉又唔太厚，好似喺英國食緊Fish & Chips噉^3^
-1分係啲菜，煮到好老，本身都老，唔得😒
報復式寫完食評了～ 係咁多啦，love you guys😙//
➡️ Find us on Patreon ~
manlinthanks
To我愛的XXX：
唔知一間屋企你最重視係乜嘢呢？係放工返到屋企就可以食餐溫暖住家飯嘅飯枱？係可以舒適一覺訓到天光嘅床？對於小弟而言，最重要嘅靈魂係廁所，小弟細個對屋企嘅廁所已經好多要求，喺細個搬屋時知道屋企人討論裝修，小弟加把口入去·，拎住本裝修書講得最多嘅係廁所。拎埋屋企人去裝修街睇嘅係廁所嘅設備。點解廁所咁重要？因為全屋，只有廁所係可以畀自己有喘息嘅地方。飯枱可以係做嘢，訓上床可以都要N件事諗，隨時彈起身覆Email。但係廁所唔得。坐喺馬桶上擺堆，喺浴缸沖涼時，有乜做都要等等先。唔好意思，擺緊堆，冇得立刻衝去電腦前覆嘢，唔好意思，沖緊涼，聽唔到電話住。喺廁所，可以有無可避免嘅休息。而廁所係全屋必定要去嘅地方。可以唔喺床訓，可以唔喺飯枱食飯，可以有廚房唔用，但係廁所冇可能唔用，所以廁所一定要靚，要乾淨，至少係其他地方面對住壓力，喺馬桶上都可以享受一下放鬆。
廁所對一個地方，家國黎講都非常重要，成日話睇一個地方嘅文化就去餐廳，第一個地方有冇文化就去廁所。廁所係可以代表該地方嘅人嘅質素嘅主標。所以相信香港人去日本旅行去當地嘅廁所都會放心一啲。一切都係見徵知著，睇一個人間房就知個人係點，睇一間屋嘅廁所，就知間屋係點。小弟入房就知啦。小弟睇過一本講日本監獄嘅書，日本監獄好有規則，規則多到壓死人，所以啲嘢按部就班。行路有地下嘅路線跟住，有任何要求小至去廁所都要舉手。可以想像到日本人對四周「空氣」嘅閱讀，由職場濃縮代監獄就係咁。所以入面我地成日都會講「XXX嘅監獄有得上網」、「邊度嗰監獄有X屌」。正所謂冇比較就貓傷害。香港係點？相信坐喺入面一段時間嘅我地比住喺香港一世嘅你更清楚。依到係香港縮影嘛。所以監獄嘅廁所正係一個地方嘅縮影嘅縮影。小弟喺出面唔鍾意去公廁，寧願忍。小弟試過有個堆由返學8點忍到放學返屋企5點。入冊第一個反應係「仆街！要用監房個公廁幾年！？」老實講，第一次去，真係寧願忍，只可惜冇可能忍到幾年唔擺堆。監房嗰廁所，都係一個放風嘅地方，係廿四小時嘅群體之中，係廁所擺堆一刻，至少可以靜一靜。我地幫晨堆改咗個名叫「男人的祈禱」。都幾啱，要喺一個嚴峻之中再嚴峻嘅地方有一絲寧靜，真係一個祈禱。
尚千赴戎
木何懼火
09-03-2021
—————————————
Patreon: https://www.patreon.com/wood_wordbeyondwall
Facebook: 尚千赴戎 木何懼火
Instagram: Word.beyond.wall
MeWe: wood_wordbeyondwall
請大家多多支持🙏🏼💪🏻❤️
words.beyond.wall
唔知一間屋企你最重視係乜嘢呢？係放工返到屋企就可以食餐溫暖住家飯嘅飯枱？係可以舒適一覺訓到天光嘅床？對於小弟而言，最重要嘅靈魂係廁所，小弟細個對屋企嘅廁所已經好多要求，喺細個搬屋時知道屋企人討論裝修，小弟加把口入去·，拎住本裝修書講得最多嘅係廁所。拎埋屋企人去裝修街睇嘅係廁所嘅設備。點解廁所咁重要？因為全屋，只有廁所係可以畀自己有喘息嘅地方。飯枱可以係做嘢，訓上床可以都要N件事諗，隨時彈起身覆Email。但係廁所唔得。坐喺馬桶上擺堆，喺浴缸沖涼時，有乜做都要等等先。唔好意思，擺緊堆，冇得立刻衝去電腦前覆嘢，唔好意思，沖緊涼，聽唔到電話住。喺廁所，可以有無可避免嘅休息。而廁所係全屋必定要去嘅地方。可以唔喺床訓，可以唔喺飯枱食飯，可以有廚房唔用，但係廁所冇可能唔用，所以廁所一定要靚，要乾淨，至少係其他地方面對住壓力，喺馬桶上都可以享受一下放鬆。
廁所對一個地方，家國黎講都非常重要，成日話睇一個地方嘅文化就去餐廳，第一個地方有冇文化就去廁所。廁所係可以代表該地方嘅人嘅質素嘅主標。所以相信香港人去日本旅行去當地嘅廁所都會放心一啲。一切都係見徵知著，睇一個人間房就知個人係點，睇一間屋嘅廁所，就知間屋係點。小弟入房就知啦。小弟睇過一本講日本監獄嘅書，日本監獄好有規則，規則多到壓死人，所以啲嘢按部就班。行路有地下嘅路線跟住，有任何要求小至去廁所都要舉手。可以想像到日本人對四周「空氣」嘅閱讀，由職場濃縮代監獄就係咁。所以入面我地成日都會講「XXX嘅監獄有得上網」、「邊度嗰監獄有X屌」。正所謂冇比較就貓傷害。香港係點？相信坐喺入面一段時間嘅我地比住喺香港一世嘅你更清楚。依到係香港縮影嘛。所以監獄嘅廁所正係一個地方嘅縮影嘅縮影。小弟喺出面唔鍾意去公廁，寧願忍。小弟試過有個堆由返學8點忍到放學返屋企5點。入冊第一個反應係「仆街！要用監房個公廁幾年！？」老實講，第一次去，真係寧願忍，只可惜冇可能忍到幾年唔擺堆。監房嗰廁所，都係一個放風嘅地方，係廿四小時嘅群體之中，係廁所擺堆一刻，至少可以靜一靜。我地幫晨堆改咗個名叫「男人的祈禱」。都幾啱，要喺一個嚴峻之中再嚴峻嘅地方有一絲寧靜，真係一個祈禱。
尚千赴戎
木何懼火
09-03-2021
—————————————
Patreon: https://www.patreon.com/wood_wordbeyondwall
Facebook: 尚千赴戎 木何懼火
Instagram: Word.beyond.wall
MeWe: wood_wordbeyondwall
請大家多多支持🙏🏼💪🏻❤️
words.beyond.wall
💪奮鬥📗✏️👨💻
✍ 致親愛的家人、朋友與弟兄姊妹們︰
大家好嗎？唔驚唔覺又過咗一個月，牆外嘅您哋過得如何？我終於都渡過咗最繁忙嘅5月，兩科大學功課同考試都終於攻略完畢，對於依兩科都大課程我會建議牆內嘅朋友真係要考慮清楚先好報讀，因為Tutor好嚴格（亦可以講佢哋嘅要求好令人摸不著頭腦），而因疫情關係，Tutor係唔會係考試之前入嚟同學生溫習，所以所有嘢都要靠自己自學同理解，明就明，唔明就唔明，依兩科都會大學學科︰一科係FIN B280 Introduction to Financial Management；另一科係MGT B398 Business Strategy，各位牆內嘅朋友要注意喇！
上個月5月20日，我突然過界去壁屋，嚟唔切同朋友道別就要離開，人生就好似蒲公英一樣，好多時都唔會知道幾時同埋會飄去邊度，好多嘢都唔可以掌握係自己身上，過界當日，我擔挑住4袋總共約50 kgs嘅行李（因為多書，所以好重），左手拎住結他，就係咁上路，好好釆，壁屋監獄嘅生活同環境都比石壁監獄好。而我亦好快跟依度嘅囚友打成一片，我依家嘅倉入面有好多外藉人士，而因為時間多咗，開始努力學習日語同越南話，現時進度︰日文已背好平假名；越南話已識讀1至99，發仔（魚蛋時期手足）講得好啱，監房係學外語嘅好地方，出返去，相信會無咁多時間去學習同埋休息，Too many plans, too little time，要珍惜光陰，不要拖延，抵達成功，來自堅持同紀律，係注重速度同效率嘅現代社會，好多人會認為“選擇比努力更重要”，但係點解轉職者多，成功者寡？因為「成就」彷彿物理學上嘅臨界點，物質要到達一定嘅溫度同壓力先會變質；人則要經過磨練，先得以成長同蛻變。所以各位朋友亦唔需要停留係「無力感」，依種太浪漫化失敗事實嘅情懷之中，請保守好您嘅心，令我哋能不斷係社會中散播祝福，使更多嘅生命遭遇正向嘅改變，而快樂亦可以好簡單，日子過得可能好平凡，但試下感謝每日以為“理所當然”嘅事，我哋會從中搵到越嚟越多嘅幸福，因為一個人透過感恩建立正面嘅心情，腦神經迴路都會強化，繼而加強對快樂感覺嘅連結。
謝謝我嘅家人、朋友、教會弟兄姊妹和筆友們，現在嘅我唔能夠為您哋做啲乜，但係過去嘅27個月，一直有你哋嘅支持同關心，令我覺得好溫暖，亦感到之前嘅勞苦同犧牲都係值得。最奇妙係2017年所見到嘅異象，依家已經一一咁發生咗，事情嘅結局，勝過事情嘅發生同過程，所以喺患難中嘅同道亦要振作，因為患難生忍耐、忍耐生老練、老練生盼望。
🙆♂️衍龍 上
2022年6月13日
💁♂️ 閱覽更多精彩內容，請登入Patreon專頁：
https://www.patreon.com/hinlung
❤️多謝大家支持🙏🙇
hinlungwilliam
✍ 致親愛的家人、朋友與弟兄姊妹們︰
大家好嗎？唔驚唔覺又過咗一個月，牆外嘅您哋過得如何？我終於都渡過咗最繁忙嘅5月，兩科大學功課同考試都終於攻略完畢，對於依兩科都大課程我會建議牆內嘅朋友真係要考慮清楚先好報讀，因為Tutor好嚴格（亦可以講佢哋嘅要求好令人摸不著頭腦），而因疫情關係，Tutor係唔會係考試之前入嚟同學生溫習，所以所有嘢都要靠自己自學同理解，明就明，唔明就唔明，依兩科都會大學學科︰一科係FIN B280 Introduction to Financial Management；另一科係MGT B398 Business Strategy，各位牆內嘅朋友要注意喇！
上個月5月20日，我突然過界去壁屋，嚟唔切同朋友道別就要離開，人生就好似蒲公英一樣，好多時都唔會知道幾時同埋會飄去邊度，好多嘢都唔可以掌握係自己身上，過界當日，我擔挑住4袋總共約50 kgs嘅行李（因為多書，所以好重），左手拎住結他，就係咁上路，好好釆，壁屋監獄嘅生活同環境都比石壁監獄好。而我亦好快跟依度嘅囚友打成一片，我依家嘅倉入面有好多外藉人士，而因為時間多咗，開始努力學習日語同越南話，現時進度︰日文已背好平假名；越南話已識讀1至99，發仔（魚蛋時期手足）講得好啱，監房係學外語嘅好地方，出返去，相信會無咁多時間去學習同埋休息，Too many plans, too little time，要珍惜光陰，不要拖延，抵達成功，來自堅持同紀律，係注重速度同效率嘅現代社會，好多人會認為“選擇比努力更重要”，但係點解轉職者多，成功者寡？因為「成就」彷彿物理學上嘅臨界點，物質要到達一定嘅溫度同壓力先會變質；人則要經過磨練，先得以成長同蛻變。所以各位朋友亦唔需要停留係「無力感」，依種太浪漫化失敗事實嘅情懷之中，請保守好您嘅心，令我哋能不斷係社會中散播祝福，使更多嘅生命遭遇正向嘅改變，而快樂亦可以好簡單，日子過得可能好平凡，但試下感謝每日以為“理所當然”嘅事，我哋會從中搵到越嚟越多嘅幸福，因為一個人透過感恩建立正面嘅心情，腦神經迴路都會強化，繼而加強對快樂感覺嘅連結。
謝謝我嘅家人、朋友、教會弟兄姊妹和筆友們，現在嘅我唔能夠為您哋做啲乜，但係過去嘅27個月，一直有你哋嘅支持同關心，令我覺得好溫暖，亦感到之前嘅勞苦同犧牲都係值得。最奇妙係2017年所見到嘅異象，依家已經一一咁發生咗，事情嘅結局，勝過事情嘅發生同過程，所以喺患難中嘅同道亦要振作，因為患難生忍耐、忍耐生老練、老練生盼望。
🙆♂️衍龍 上
2022年6月13日
💁♂️ 閱覽更多精彩內容，請登入Patreon專頁：
https://www.patreon.com/hinlung
❤️多謝大家支持🙏🙇
hinlungwilliam
【羅湖私飯一週食評 —— 六月號】12/6
呢一篇係找數嘅，之前拖咗好耐食評，所以必須要找咗先😆
早幾日水彩粉彩都返咗，本身諗住用水彩畫插圖，但都係冇噉嘅勇氣，我磨練下先～
🌕 // 星期一//
早：4/5
煎蛋素墨丸公仔麵+花生醬包+凍啡多奶
花生醬包係厚搽嘅方包，好濃郁嘅花生醬包。
素墨丸同真墨丸個味都好相似，唔出奇嘅，真墨丸應該都冇幾個%係墨魚，正如龍蝦丸冇龍蝦噉；公仔麵淋咗少少，但湯底加埋辣椒油就補救返；咖啡偏酸，可能佢冇多奶。
午：3.5/5
椒鹽雞球飯+凍檸茶
椒鹽雞球更新咗煮法，少咗啲不知名紅色醬，多返啲好fresh嘅蔥同洋蔥，冇咁膩，但炸粉多咗少少，雞球尚算juicy。
晚：3/5
雜菌叉燒炆伊麵+凍檸樂
晚餐好令人失望，成兜都係菇，冇炒勻，所以有啲人係成兜叉燒 :( 我得啲叉燒粒粒同2片叉燒，叉燒又冇叉燒味，瘦，似普通肉片，都係金菇肥牛好啲。
杯凍檸樂我自己篤檸檬篤過龍，7咗。
➡️Find us on Patreon ~
manlinthanks
呢一篇係找數嘅，之前拖咗好耐食評，所以必須要找咗先😆
早幾日水彩粉彩都返咗，本身諗住用水彩畫插圖，但都係冇噉嘅勇氣，我磨練下先～
🌕 // 星期一//
早：4/5
煎蛋素墨丸公仔麵+花生醬包+凍啡多奶
花生醬包係厚搽嘅方包，好濃郁嘅花生醬包。
素墨丸同真墨丸個味都好相似，唔出奇嘅，真墨丸應該都冇幾個%係墨魚，正如龍蝦丸冇龍蝦噉；公仔麵淋咗少少，但湯底加埋辣椒油就補救返；咖啡偏酸，可能佢冇多奶。
午：3.5/5
椒鹽雞球飯+凍檸茶
椒鹽雞球更新咗煮法，少咗啲不知名紅色醬，多返啲好fresh嘅蔥同洋蔥，冇咁膩，但炸粉多咗少少，雞球尚算juicy。
晚：3/5
雜菌叉燒炆伊麵+凍檸樂
晚餐好令人失望，成兜都係菇，冇炒勻，所以有啲人係成兜叉燒 :( 我得啲叉燒粒粒同2片叉燒，叉燒又冇叉燒味，瘦，似普通肉片，都係金菇肥牛好啲。
杯凍檸樂我自己篤檸檬篤過龍，7咗。
➡️Find us on Patreon ~
manlinthanks
9-6-2022（第一百六十二日）⭐️四
1. 咁就3年，3年前你係邊？3年前我係港島某個地方，個到好多人。
好多天真嘅人，係故事嘅開章，我當日又點估到3年後我會係監獄入面。😆
2. 咁係咪代表當日係錯？我認為每一日都係讓我成長兼有得着。
繼續我一貫作風：極自我中心，所以我認為每一個我做嘅決定，我自己行嘅路，都是啱der。
3. 某日聽收音機幾鍾意呢首歌《壞與更壞》：
無論多麼壞 好心態
若早知最壞 尚能更壞
凡事都很壞 仍能愉快 才是崇高境界
4. 是日日常：見到其中一條🥕，佢對住我做手勢，我點頭。
比老細扮咗我5分鐘兼問我係咪食咗fing頭丸。>_<（淆底）
直至我話：「我知錯啦>_<」佢先放過我。
（呢條🥕又真係玩我嘅，正莊老細更先玩啲咁嘅嘢）
Local Yeah本土野
1. 咁就3年，3年前你係邊？3年前我係港島某個地方，個到好多人。
好多天真嘅人，係故事嘅開章，我當日又點估到3年後我會係監獄入面。😆
2. 咁係咪代表當日係錯？我認為每一日都係讓我成長兼有得着。
繼續我一貫作風：極自我中心，所以我認為每一個我做嘅決定，我自己行嘅路，都是啱der。
3. 某日聽收音機幾鍾意呢首歌《壞與更壞》：
無論多麼壞 好心態
若早知最壞 尚能更壞
凡事都很壞 仍能愉快 才是崇高境界
4. 是日日常：見到其中一條🥕，佢對住我做手勢，我點頭。
比老細扮咗我5分鐘兼問我係咪食咗fing頭丸。>_<（淆底）
直至我話：「我知錯啦>_<」佢先放過我。
（呢條🥕又真係玩我嘅，正莊老細更先玩啲咁嘅嘢）
Local Yeah本土野
【羅湖私飯一週食評 —— 六月號】12/6
🔥 //星期二//
早：3.5/5
牛腩生麵+菠蘿包+凍鴛鴦
早餐最出色係個包，好鬆軟，係個皮焗耐咗唔夠脆。牛腩偏瘦嘅，又好柴，啲肉絲攝晒牙罅🦷。杯嘢飲其實我唔係好sure係咪鴛鴦，好似有咖啡酸味但又冇尋日咁酸。
午：3.5/5
豆腐火腩飯+凍檸賓
豆腐唔係細粒嗰啲，係大大粒嘅炸豆腐，用嚟整臭豆腐嗰種，麻麻，都係支竹入味啲；火腩肥瘦均勻嘅，啲皮索晒汁好好味。利賓納加檸檬中和咗個甜味，飲落去唔會太滯，飲落喉嚨好舒服。
晚：3/5
洋蔥汁雞扒飯+煎雙蛋+凍檸茶
晚餐係典型嘅茶記螢光汁碟頭飯⚡️，又失望，我以為會係西餐嗰種，太天真了。🧅洋蔥汁係茄膏底，閃爍着詭異嘅紅色，雖然有幾條炒過嘅洋蔥絲，但係冇乜洋蔥味。
嗰兩隻蛋極重油煎，爆曬冇流心，大棚飯隻煎蛋仲香。雞扒煎到好乾好柴，好彩佢有切定一楷楷，唔係咬都咬唔開。
➡️ Find us on Patreon~
manlinthanks
🔥 //星期二//
早：3.5/5
牛腩生麵+菠蘿包+凍鴛鴦
早餐最出色係個包，好鬆軟，係個皮焗耐咗唔夠脆。牛腩偏瘦嘅，又好柴，啲肉絲攝晒牙罅🦷。杯嘢飲其實我唔係好sure係咪鴛鴦，好似有咖啡酸味但又冇尋日咁酸。
午：3.5/5
豆腐火腩飯+凍檸賓
豆腐唔係細粒嗰啲，係大大粒嘅炸豆腐，用嚟整臭豆腐嗰種，麻麻，都係支竹入味啲；火腩肥瘦均勻嘅，啲皮索晒汁好好味。利賓納加檸檬中和咗個甜味，飲落去唔會太滯，飲落喉嚨好舒服。
晚：3/5
洋蔥汁雞扒飯+煎雙蛋+凍檸茶
晚餐係典型嘅茶記螢光汁碟頭飯⚡️，又失望，我以為會係西餐嗰種，太天真了。🧅洋蔥汁係茄膏底，閃爍着詭異嘅紅色，雖然有幾條炒過嘅洋蔥絲，但係冇乜洋蔥味。
嗰兩隻蛋極重油煎，爆曬冇流心，大棚飯隻煎蛋仲香。雞扒煎到好乾好柴，好彩佢有切定一楷楷，唔係咬都咬唔開。
➡️ Find us on Patreon~
manlinthanks
為一眾細壁/沙咀手足徵筆友
*寫信時務必清楚該院所信件要求*
1. 彈結他 行山 打籃球 釣魚 玩遊戲 有養貓
2. 一名音樂人 彈結他 打籃球 玩健身
（就快出嚟 但想收下信 未必覆到）
監尾特別難捱(我覺得🙈唔知其他手足點睇?!)
唔好因為佢就出嚟而放棄唔寫
3. 彈結他 行山 做運動 玩手球 打籃球 玩健身 釣魚 有養狗
4. 睇連登故
5. 彈結他
6. 哲學
7. 玩遊戲 心理學
8. 唔清楚佢嘅興趣/喜好 歡迎隨心寫俾佢💛
PLS DM @FUNG1SEON3Z12
請注明想同邊位寫信 我地會俾DETAILS你～
同埋最好自行CAP呢個STORY🙈🫶🏻
封信子
*寫信時務必清楚該院所信件要求*
1. 彈結他 行山 打籃球 釣魚 玩遊戲 有養貓
2. 一名音樂人 彈結他 打籃球 玩健身
（就快出嚟 但想收下信 未必覆到）
監尾特別難捱(我覺得🙈唔知其他手足點睇?!)
唔好因為佢就出嚟而放棄唔寫
3. 彈結他 行山 做運動 玩手球 打籃球 玩健身 釣魚 有養狗
4. 睇連登故
5. 彈結他
6. 哲學
7. 玩遊戲 心理學
8. 唔清楚佢嘅興趣/喜好 歡迎隨心寫俾佢💛
PLS DM @FUNG1SEON3Z12
請注明想同邊位寫信 我地會俾DETAILS你～
同埋最好自行CAP呢個STORY🙈🫶🏻
封信子
To我愛的XXX：
唔知你相唔相信世上月有幾多外星人呢？小弟相信世上有外星人，因為宇宙之浩瀚，又點會只係得人類？不過多數人係只相信眼前嘅事物或係已發生嘅事。好似依兩年成日會聽到人講「冇㗎啦」、「冇可能啦，唔好諗咁多」小弟第一個反應係「吓？仲有好多嘢可以做喎」。一個問題嘅解決方法係在乎解決者嘅想像力。例如有一舊巨石喺山路上，可以爬過去，可以繞路，但亦可以製造工具推郁佢，掘地洞穿過佢。想像力，決定咗可能性。如果只係過於專注在意眼前嘅事實，可能性會減少，世上有幾多。
「冇㗎啦，係因為唔夠想像力？假若認為電話一定要有鍵盤就唔會出現Iphone，冇地冇樓就做唔到酒店就冇Airbnb。小弟之前認識一位投資高手，當時只有18歲嘅我幻想唔到用54蚊可以變100萬出嚟。佢講咗一件事，「人冇辦法幻想到一道自己未食過嘅菜式有幾好食，但唔代表佢唔存在」
一句驚醒左小弟，喺之後商會中出入嘅日子，發現我地口中嘅有錢人發達，係因為佢哋知道好多我地唔知，亦相信唔到嘅發達大計。不過真正體會依句，係小弟迫入BDSM圈之後。小弟有時會同自己好friend嘅人分享下主奴嘅事，我嘅朋友均表示不能明白。我就講「世上其實有好多種不同嘅關係，我地唔知，唔代表唔存在」好似中國 梭族嘅走婚，唔聽過都幻想唔到啦。想像力，決定咗我地嘅世界，亦決定我地面對任何事嘅態度。我曾同一騎講「可能我慣咗調教依件事，所以想像力非常好」首先唔講每次調教都要有新意，要創造partner幻想唔到嘅編排，仲要編排各種原因去保障partner嘅生活，遇上唔同意外都要有答案去解決。就係咁，每日都要訓練小宇宙。慢慢，小弟深信，冇做唔到，只有諗唔到。
清華大學學院教授許章潤係《政體與文明》就政制改革有一句好正「理念嘅創新源自想像力，理念的流佈徵著想像力，它們並肩合力，又可能催導出新的想像力。」理念喺我地心中無法堅持可能係想像力唔夠，本能去創造一些「理念」。而創造後，又缺乏去實踐嘅想像力卻步，當自己認定其理念不能成功，自然退而求其次。最後係淨返「冇㗎啦」3字。冇法，香港嘅教育本來就缺少想像嘅訓練，睇下依家，學生連文章都唔洗思考，只係背範文就可以，若喺日常中冇訓練想像力，之後面對世界就只有一兩個方法。上封信話人類本身善於創造奇蹟，但奇蹟要靠想像力，去幻想人類可以手摘星辰。
「冇㗎啦」依3隻字何其地認命。冇想像，冇理念，就認命。之前喺明報有一篇文章《Titame—在警世駭俗外的野餐式挑興》，筆者何應權最後一段「神話的野蠻感係因為那個世界誕生於文明之前，那裏沒有所謂的警世駭俗，一切皆自然般存在與發生。可惜，當中各種可能性已被現代社會馴服，歸類，安置在不同的安全區」多悲哀的一句。可惜，聽過無數身邊人講出「冇㗎啦」3字後，證明咗依一句係真。
下次如果再想講「冇㗎啦」3字前，教你一個方法，開電話，google下「100蚊蚊一百萬 方法」唔係叫你賺錢，天馬行空嘅想法，或者係存在。
尚千赴戎
木何懼火
16-03-2021
—————————————
Patreon: https://www.patreon.com/wood_wordbeyondwall
Facebook: 尚千赴戎 木何懼火
Instagram: Word.beyond.wall
MeWe: wood_wordbeyondwall
請大家多多支持🙏🏼💪🏻❤️
words.beyond.wall
唔知你相唔相信世上月有幾多外星人呢？小弟相信世上有外星人，因為宇宙之浩瀚，又點會只係得人類？不過多數人係只相信眼前嘅事物或係已發生嘅事。好似依兩年成日會聽到人講「冇㗎啦」、「冇可能啦，唔好諗咁多」小弟第一個反應係「吓？仲有好多嘢可以做喎」。一個問題嘅解決方法係在乎解決者嘅想像力。例如有一舊巨石喺山路上，可以爬過去，可以繞路，但亦可以製造工具推郁佢，掘地洞穿過佢。想像力，決定咗可能性。如果只係過於專注在意眼前嘅事實，可能性會減少，世上有幾多。
「冇㗎啦，係因為唔夠想像力？假若認為電話一定要有鍵盤就唔會出現Iphone，冇地冇樓就做唔到酒店就冇Airbnb。小弟之前認識一位投資高手，當時只有18歲嘅我幻想唔到用54蚊可以變100萬出嚟。佢講咗一件事，「人冇辦法幻想到一道自己未食過嘅菜式有幾好食，但唔代表佢唔存在」
一句驚醒左小弟，喺之後商會中出入嘅日子，發現我地口中嘅有錢人發達，係因為佢哋知道好多我地唔知，亦相信唔到嘅發達大計。不過真正體會依句，係小弟迫入BDSM圈之後。小弟有時會同自己好friend嘅人分享下主奴嘅事，我嘅朋友均表示不能明白。我就講「世上其實有好多種不同嘅關係，我地唔知，唔代表唔存在」好似中國 梭族嘅走婚，唔聽過都幻想唔到啦。想像力，決定咗我地嘅世界，亦決定我地面對任何事嘅態度。我曾同一騎講「可能我慣咗調教依件事，所以想像力非常好」首先唔講每次調教都要有新意，要創造partner幻想唔到嘅編排，仲要編排各種原因去保障partner嘅生活，遇上唔同意外都要有答案去解決。就係咁，每日都要訓練小宇宙。慢慢，小弟深信，冇做唔到，只有諗唔到。
清華大學學院教授許章潤係《政體與文明》就政制改革有一句好正「理念嘅創新源自想像力，理念的流佈徵著想像力，它們並肩合力，又可能催導出新的想像力。」理念喺我地心中無法堅持可能係想像力唔夠，本能去創造一些「理念」。而創造後，又缺乏去實踐嘅想像力卻步，當自己認定其理念不能成功，自然退而求其次。最後係淨返「冇㗎啦」3字。冇法，香港嘅教育本來就缺少想像嘅訓練，睇下依家，學生連文章都唔洗思考，只係背範文就可以，若喺日常中冇訓練想像力，之後面對世界就只有一兩個方法。上封信話人類本身善於創造奇蹟，但奇蹟要靠想像力，去幻想人類可以手摘星辰。
「冇㗎啦」依3隻字何其地認命。冇想像，冇理念，就認命。之前喺明報有一篇文章《Titame—在警世駭俗外的野餐式挑興》，筆者何應權最後一段「神話的野蠻感係因為那個世界誕生於文明之前，那裏沒有所謂的警世駭俗，一切皆自然般存在與發生。可惜，當中各種可能性已被現代社會馴服，歸類，安置在不同的安全區」多悲哀的一句。可惜，聽過無數身邊人講出「冇㗎啦」3字後，證明咗依一句係真。
下次如果再想講「冇㗎啦」3字前，教你一個方法，開電話，google下「100蚊蚊一百萬 方法」唔係叫你賺錢，天馬行空嘅想法，或者係存在。
尚千赴戎
木何懼火
16-03-2021
—————————————
Patreon: https://www.patreon.com/wood_wordbeyondwall
Facebook: 尚千赴戎 木何懼火
Instagram: Word.beyond.wall
MeWe: wood_wordbeyondwall
請大家多多支持🙏🏼💪🏻❤️
words.beyond.wall