يا اول عطشان
عالم أطمئنان ...بخيامك

يا آخر احساس
يبقة بكلب الناس ...خدامك

حبيتك باول نضرة
من شفتك باب وحضرة… بخيامك
____
باليقضه عشت وياي ومعايشني بحلامي
اسمك خصّر بكل ماي اشرب وأذكر الضامي

جنحي مكسور ويدورهن أديك
اشبه الطير وأمانه شافه بيك
حاظر ومستقبل وماضي السنين
من اضيع ادموعي تاخذني عليك

اقراك بكل ليل
بس ما اذكر خيل ... مالچمك

بحروفك عنوان
بسملة الوجدان .. من اسمك

كبلك تايه بصحره ....من شفتك باب وحضرة … بخيامك
____
ابكلبي بس اسولف بيك واگله حسين كل حبي
واذا واحد شريچ وياه منك ابره ياگلبي

خلصت احروف اللغة ابوصف الغرام
واختمت كل العشگ وي الكلام
جمله وحدة احچيها واسكت بأختصار
بس حُسين واقره عالدنيا السلام

من الحاء للنون
ميت بيهن كون ... بحروفك

لائك رفعت دين
واسرار التكوين .... بطفوفك

حبك مو فقط فكرة .. من شفتك باب وحضره … بخيامك
____
كل ماشوفلك صوره عيونك بية كلشي اتجر
رسم هيه وخذت روحي الله يساعدك يالحر

انتشلته ابرحمتك  من الذنوب
جاي نادم تاركا كل الدروب
الحر رجع لله وكأن انطاه خطاب
صاحب حسين واقبلك من تتوب

يا اغرب مذبوح
جرحك يحيي الروح ... يانسمة

طينك من يا نور
ماتكفي المشكور ...عالخدمه

ياكوثر ردت قطرة ...من شفتك باب وحضره .. بخيامك
____

حسين أچفوفهمماتت وعاش الخنصر الگطعوه
يل نورك يدلي الليل عجيب هناك ما شافوه

انا مخلوق اعالمودك بالحياة
انتَ مايي شلّي بيه ماي الفرات
تبتدي من حيث ما انت انتهيت
عالرمح راسك واديت الصلاة

من گالو مسلوب
گلتلهم مهيوب ... با فعاله

انته اتدلي اعليك
عونه اليوصل ليك .. دلاله

وبكلبي الك مسرة ... من شفتك باب وحضره .. بخيامك
___
الگعده البيها ماينجاب اسمك خير مابيها
والمجلس البسمك صار عباده وانته راعيها

امروتك ارضه اشيربح اليخسر رضاك
قبح الله كلشي ما رق وبچاك
اصطنعني الجرحك وعيشني انوح
ما اريدن كل نفس مابي هواك

حنيتك مولاي
رايد كطرة ماي ...للضامي

رحلة عمري وياك
اگضيها وانعاك .. ايامي

وي حزنك صارت عِشره ...من شفتك باب وحضرة .. بخيامك


يامولاتي يا أم البنين

عـباس علاوي الـبهادلي

لطلب اللحن : @A_AM0

يالمهدي امنيات...... فاطم الي الحياة
بس هلحلم يصير.... بالحضره ليلة ابات

هيه من خمسة حروف وتملك الوجدان
هيبة الله وكل جماله كوثر القراءن
بالعرش مخطوط اسمها مصدر الكل الامان
تشرق الجنه بضواها مقتبس للحنان


بالشده من تگول يافاطمه البتول
اتلبيلك النداء اتسخّرلك الحلول

____

سر الهي من خلقها واضح ابمعناه
بيها يعرف ياهو ضده وياهو جان وياه
من اجت للدنيا فاطم بيها نور الله
العاده اسمها بالقيامه ياهو يتلگاه


يا اعظم النساء... بالارض و السماء
دار اليضد هلاك ...حب فاطمه البقاء

_
للضريح ماكو مكان الحضره نص گلبي
كل طريق الدنيا عفته أنتي كل دربي
عالخدامه والمجالس انه متربي
ياتعب مابيه خساره باللطم تعبي

ياملجئ المُريد ... حبي الج يزيد
كلمة خدم قليل صرنالچ العبيد
__

لن تنالو البر حتى تنصروا الزهره
والمحايد عالمصيبه واجب اتخسره
باجر ايقابل محمد بس،شنو عذره
التهمه مابيها تنازل ناكر السطره

ايد الدفع سهام ... بالباب اثر خيام
بنفس الحرگ والاخ. للقائم أنتقام


___

ننتظر احنه الاشاره المهدي من يظهر
اعالسيقفه كلنا نلتم نصلب المنكرر
والقبر حتما مكانه ايعلنه عالمنبر
ينمحون من الوجود الحضره من تكبر


للذابل انت ماي....والحق صرتله راي
ننتظرك وللموت والينتظر وفاي


خادم أم البنين

عباس علاوي البهادلي

#_قُــل_أعُـوذُ

اداء: #_الرادود سيف الحسيني

كـلمات: عـباس علاوي البهادلي

للمشاهدة والتحميل :https://youtu.be/tRHzo-e_6-A?si=IQdyz7jVEHxd2VgD

هيئة شباب علي الاكبر - النجف - الحيدرية

#_آخر_غريب

#اداء: علي عباس اللامي
#الشاعر : عباس علاوي البهادلي

https://youtu.be/oLXF0u542cE?si=jflby0DCoLxu3uH-

عزاء هدم قبور أئمة البقيع عليهم السلام

سَلَامَ مَنْ لَوْ كَانَ مَعَكَ بِالطُّفُوفِ لَوَقَاكَ بِنَفْسِهِ حَدَّ السُّيُوفِ، وَبَذَلَ حُشَاشَتَهُ‏دُونَكَ لِلْحُتُوفِ‏،‏وَجَاهَدَ بَيْنَ يَدَيْكَ، وَنَصَرَكَ عَلَى مَنْ بَغَى عَلَيْكَ، وَفَدَاكَ بِرُوحِهِ وَجَسَدِهِ، وَمَالِهِ وَوُلْدِهِ، وَرُوحُهُ لِرُوحِكَ فِدَاءٌ، وَأَهْلُهُ لِأَهْلِكَ وِقَاءٌ.