#_غربة_مولاي_الحسين

حـــــسين آه .....    حـــــسين آه

الصعبه عليه..محد أليه
..كل العساكر ..فزعت سويه

لاعابس وجون...كلكم تطيحون
...يولون الحسين ..لمن تموتون

همّه اهواي وانا ابوحدي وابقه اتنطر
بالخمسين اليعثر عالوگومه يتعذر
اتلفت بس ما الگه الينصرني بهيمه
هدّو من كل جانب عالخيمة وعالخدّر

نار..عالخيمة تركض لومتت
نار..أصحابي لحگولي صحت
نار..گمت وعلى وجهي طحت

حـــــسين آه .....    حـــــسين آه
____
يبن مظاهِر....بالغربة حاير...
ضهري انحنى ومال..احسينك يناطر

شيخ الطوايف..ضل ريجي ناشف
..ذبلان الحسين بالگوه واگف

انا حسين التحلف هالدنيا بشيباته
انا حسين ابن الزهره الحرگو خيماته
انا الموت ايتعبني ومابيه اي راحه
يغفى شلون الركضت بالبر ابنياته

موت ..الماضله اي صاحب اله
موت.. الگدامه ركضو كل هله
موت..اليبقى وحيد ابكربلا

حـــــسين آه .....    حـــــسين آه
__

واحد على اهواي...وماشارب الماي..
يا ابا الفضل گوم .. ياعازتك هاي

هابوالفظل مات... صاحولي شمات.
اتّجه عل سيف ..خطواتي عثرات

أكعد اكعد ياماناديتك تدركني
هو انا شضل بيه حتى انت اتعبني
من اصفن بعيونك يرجعلي كل الحيل
ياعباس وهسه عيونك ماتعرفني

ماي..اشينفع اذا هدّ العدو
ماي.. ماريده رايدلي أخو
ماي.. حاطوني خويه المو كفو

حـــــسين آه .....    حـــــسين آه

------------------------------------
عالخيمه فكري.اشلون احمي خدري
اثلاثين الف سيف..طالبته نحري

ماضلي واحد..ابهاي الله شاهد..
باگتني الاخيول.باخر مشاهد

مافكرت ابجسمي بالرمله ضل مطروح
بس زينب مسبيه ماترهم من تروح
مو مذبوح الگطعو راسه وگطعو نحره
التحدي ابضعنه الغربه هذا هو المذبوح

شام..يذبح شكو ضحكة طفل
شام..معناته ترچيه وحبل
شام.. ضعن المحنه اعلى الهزل

حـــــسين آه .....    حـــــسين آه


خادمهم: عباس علاوي البهادلي

لطلب اللحن. @A_AM0

أعمال شهر رجب 1443هـ.pdf

أرجو الأطلاع على هذا الكتاب

لما فية من أجر عظيم (شهر رجب)

#_حلم_زيارة_مولاتي_زيـنب💔

مولاتي الحنينة....السرة يمته يجينه

هذا العام الحلم اتأجل
انزور الراحت فوگ الهزل

باب الاخظر بينه اشخله
اليمتى وبالصوره انباوعله

يمتى انرزق غربة وسفر فات العمر وانتظر للزياره
كلها مشت وانا انحرم حزني كبر وانكسر عالمناره

رايد اعيشن الم طــبت القصر
وآخذ جروحي وعلى بابه انكسر
سائل واطلب فقط هذا الحلم
ادخل قصرهم قبل جيت الگبر

مولاتي الحنينة....السرة يمته يجينه

_
بحسينيات  أحيي الذكره
ابوحدي و ربعي يم الحظره

يم باب الساعات وصاحو
يازينب وين اهلچ راحو

الغربه الصدگ لليعتني وگلبه يعيش الالم  عالخرابه
هاي التريد فزعة أخو وطفلة غفت عالرمل بالترابه


بالحظره تفرق اذا عيونك بچن
اتخيلها زينب سبيه ويالضعن
عثرة طفل عالجمر اصرخ الچ
ناوي يزينب اذا طب للصحن

مولاتي الحنينة....السرة يمته يجينه
__

مقرر لو اوصل يم بابچ
موبالحضره اغفه اعالتابچ

للسوگ أمشي الهاظم زينب
وبگد ماتعبت انا اتعب

كون أبهزل للشام أطب حتـى شوف المستحه البالسبايه
گبال العرب زينب مشت هب يا دمع وانفجع للرزايه

كاسرني گبرچ بقه بنص الغرب
محترگة روحي الج مو بس گلب
بالراحة لمن اجي بهذا السفر
وانتي بسبي  من گضيتيه هالدرب

مولاتي الحنينة....السرة يمته يجينه
_

بيني وبينچ شوگ وخنگه
اه يم أخيام المحترگة

للشباچ اللهفه البيه
من اتدور حسين اُرقيه

وكت الظلام اشعل شمع واصرخ يزينب بعد موغريبه
العاشر گضه وزينب بدت اتماشي الرمح والغرب يامصيبه

اغفه ابضريحچ گرب هذا الامل
واتركهم أهلي وتصيريلي اهل
رزق الدمع بالصحن اجمل رزق
بچي الزلم عالخدر مابيه خجل

مولاتي الحنينة....السرة يمته يجينه

خادم ام البنين ; عباس علاوي البهادلي

A_AM0

الله يزيد توفيقك

اللهم صل على محمد وال محمد

أرجو الاطلاع ولو بالقليل عن هذا الكتاب

قبس عن حياة الامام الحسن عليه السلام

isdar_book94.pdf

لا تحسب لهلال العاشر. وانته أمظيع دروبك
راقب نفسك شوف الهسه أشگد جارح محبوبك
طهر نيتك نظف گلبك واهدم حيل أذنوبك

خاف منزل دمعت خادم
خاف مشوه سمعة وادم
خاف اسمك نساك خيامه
وبغير ظعون الحب هايم.

دنيه. _ ما بيهه امان ويهلك الشاريهه
دنيه _ غبره وتلثگ ياهو الي ماشيهه
دنيه _ تريد النجاه لازم. ظهر تنطيهه

فّالَدِنِيا ګنِزِّ الزائلين
أّركظّ بِقِلبك للحٌسين
________
لا تحسب لهلال العاشر وانته مخاصم رحمك
حسين يحبك من تتواظع. وأتقبل چف أمك
تآدب حته تعيش افعالك. خادم يصبح اسمك

غادر كلشي إيهون دمعك
غادر ناس ذنوب اتشبعك
غادر روحك لو ما تنحب
وچفوفك ماتلطم ظلعك

فرصه _ ربك يحبنه وعرفانه اب آله
فرصه _ والچلب أبذاك الضعن هنياله
فرصه _ بايع امامك وابرء من چتاله

لاتنَِّس مَقِطّوِع الوتين
أّركظّ بِقِلبك للحٌسين
________
حسين يريدك تعرف دينه. وما تنكر تظحيته
مرتاح انته أتنام ابيتك. ولجلك حرگوا بيته
هواي نطاك ومارد چفك. بس انته شجازيته

ضحه رماح الشالت راسه
ضحه لآجلك بهله أوناسه
ضحه ولازم تبچيه عمرك
گلب حسينك تدري شداسه

غربة _ شايف امامك لا تزود ضييمه
غربة _ گدام عينه الناس حرگت خيمه
غربة _ ألينطر محرم لازم أيهب شيمه


جِرحٌآ عٌلَى مر أّلَسنين
أّركظّ بِقِلبك للحٌسين
_____
من يتگرب شهر الدمعه. كون امعدل وظعك
كون بگلبك يبدي المآتم. وخيول ترك ظلعك
لاتلبس ثوب المو ثوبك. مامش حر إيرجعك

تدري بوكتك مامش تچوه
تدري القابظ دينه أمچوه
تدري حسين يحب الخادم
والما يثبت. بالحب يهوه

شفنه _ وادم چثيرة وقله ال إمدنيهم
شفنه _ ناس الخرابة ألهسه ما تاذيهم
شفنه _ بس النشامه الطف يغزر بيهم

لا مَلجئآ غيِر ألَأّنِيِّن
أّركظّ بِقِلبك للحٌسين
_____
لو رايد مفتاح الدمعة. لحسين انته أتگرب
من تهتم بالگال وگالوا. بيت احزانك يخرب
أبعد كلشي يبعدك عنه. ألخاطر حبه تغرب

خلي دموعك تفظح حبك
خلي جروحك ترسم دربك
خلي حسين إبعينك يندل
ومن جربة عباس إيشربك

صعبه _ أركاض الثواچل والزلم مذبوحه
صعبه _ چا يمته دللالي المصيبه أتلوحه
صعبه _ الينطر محرم كسره كون بروحه

أّګَّسر قُيِّودِك بالحًنِين
أّركظّ بِقِلبك للحٌسين
_____

سيد عباس الفاضلي

#_تنويه

سيتم نشر برنامج محرم الحرام لبعض الليالي
وبأكبر عدد ممكن....والله ولي التوفيق

#_عبد_يبني(عبدالله الرضيع)

حاولت بس كلشي انتهى. وصوتك بقه عني يروح
وكلشي انحچه من العدو. مذبوح ابنك مذبوح
ولاعندي ناصر من اهد.  شيطبه حيله المجروح

عبد يبني صيح بابا خلي اسمعك ولو مره
عبد يبني. ياهو بيهم أبنه مات وراد گطره
عبد يبني. شلون اشربك وانا ريجي صار جمره

اتمنى بويه الصاير بيك ايمر احلام
ترفه رگبتك شلعت گلبي بيها اسهام
اقنع روحي ماميت تعبان ونام

____

يوليدي مذبوح بأدي.شفتك لمن جاسك سهم
ست اشهر وتنزف دمه عمرك صغير اعلي الألم
بهل حاله كبرت كسرتي وشلون ارجعك للخيم

عبد يبني .. شدلي حيلك وحده ابوك وبين غابه
عبد يبني..  انا واحد الماي صاير سر عذابه
عبد يبني .. انا مثلك راح اموت ابلا شرابه

اخر لحضاتك تتبسملي گبل الصار
بس ذابح ضحكاتك بويه سهم الحار
لچماتك كون ابنحر الوالد تندار

_
حانت غربتي وكابرت ضميتك بحضني ابدمع
الله يعينه المنكسر. وگباله ابنه منوجع
غمضت عينك يالولد وراح اقره فاتحة الفجع

عبد يبني .. تريدك امك وبحلاتك كون ترجع
عبد يبني .. اگماطك احمر وين اضمك بويه تسمع
عبد يبني .. يلا أكعد حگها بويه الروح تطلع

راح ارجع تنتظرك امك بالخميات
ياكسرتها ولوگتلها اوليدچ مات
عالكاروك اتصير الركضه وبالعثرات

____
خليني ادفنك من وكت خلف الخيام وبالحزن
اول وتالي انا انذبح حتى انا اضل ابلا دفن
ولمن اطيح من المهر. محد اليفزعلي حضن

عبد يبني .. ارماح كثره تريد راسك دفنك أمن
عبد يبني .. النار توصل يم خيمنه تبقي يمّن
عبد يبني .. راح تركض كل بناتي مدري المن


خليني بس من هالكسره بويه ارتاح
ينساك وماتخطر يم بال الذباح
وراسك مو يم راسي ونمشي فوگ ارماح

عباس علاوي البهادلي

لطلب اللحن: @A_AM0

#_حُب_بعقيدة

يالخادم من أجمل صفاتك ..صلاتك.. وي الدمع
الصادق حاچيها الروايه ..هدايه.. هاك استمع
كل من استخف ابصلاته ..بحياته.. ماينشفع

ايريد الحسين بچي العين ولكن أفهم
بالعقيدة أنتصاره على السيف الدم
والقراها الروايات يوضح المُبهم

اباعبدالله.. الطريق الاسهل للخالق
اباعبدالله .. يباب التوبه البيه واثق
اباعبدالله... الخدمته يدوّر الصادق

___

دين الخادم اصله البراءة ..نقاطع أهل الغلو
ملعوناً من أهل العصمة ..المغالي قد أجمعو
تخرج من حنّيت احسينك. خسارة عش ودفو

الخدمه وادي فكن ذا حذرَ بالخدمه
اليعصي مولاه اعلى دينه يجافي النعمه
يصبح أرماد بقاياه منو الي يلمه

اباعبدالله ..دليل الحائر واليذبل
اباعبدالله..بحر من الحُب ماوشّل
اباعبدالله:  وقاري ودربي البيه أندل

__

الطاعه تطبيق اليگوله..... أمامك درب العدل
وصّف كون الشيعي خالي من الغلّ گلب و عقل
يعني بين الخادم والخادم محبه وطبعك سهل

حُسن الاخلاق عباده بيها أتأمل
الخاطر حسين تراضي المنك يزعل
الخدمة مضمار تنافس كون الاول

اباعبدالله..يلمنه بخيمة گلبه
اباعبدالله ..هنيئا احضى بحبه
اباعبدالله.. عبادة من اشوف الگبه
__

يتفقه في دينه واصوله الخادم هذا الاهم
كل ماتكبر باچر معرفتك تنجو من كل وهم
للدين أحسينك ضحه بكلشي أعياله وحرگ الخيم


الدينا سفره استغلها ورفع قدرك
بالروايات والاحكام نور دربك
بالقيامه ويسألوك شنهو عذرك

اباعبدالله .. نفهمه عِبره وعَبره
اباعبدالله .. يمفهوم بس شيفسره
اباعبدالله...  اليخدمه يربح عمره

عباس علاوي البهادلي

مولاتي العليلة عليها السلام...

افرّح ابروحي وادري يعوفني اليوم
حالي حالهم لميت الاهدوم

ابيا ناگه احط هدمي..طبت موش العليله اسمي

افرح ابروحي وادري يعوفني اليوم

هي المشكله من ايروح الحسين يبقه المرض وياي
ماذبـيت مـاي ابظـهره من راح موته يـصير بالمـاي
مبينه مشيته المايرد للبيت يضل يتلفت اهواي
احاچي الروح اگلها الغالي ياروح مـا يستاهل الجاي

المرض يكبر اذا مـر طاري اسمه
واشفه من اشمن عطر هدمه

الروحه مو مرض همّي..طبت موش العليله اسمي

____
اروح وارجع واسمع يگلهم بس تغفه نسافر
يمي حسين وانا اشتاگ لحسين اخذني كلشي حاظر
خذت عبدالله منه بلكت يگول طابت تمشي باجر
اشرب بالدوه بالليل بسكوت محد يدري خاطر

هي العافيه لوشوف الحسين
وين الله واسمعه يگلي تمشين

خلولي طفل يمي...طبت موش العليله اسمي
____


اليطوّل بالاموادع رايد يموت كالساعه وشبگني
هو المرض مايفرق على الموت شوفتهم حرمني
بده يوزع رقيه وسكنه عالنوك وانا ماحسبني
گتله اوعدني ترجع خاطر ارتاح دنگ ماوعدني

اول تالي ميته گتله اخذني
الحنين حسين هالمره لچمني

تركني اليمشي ويدمي..طبت موش العليله اسمي

____

ضعن من الرضيع الحد الاكبار راحو للاذيه
من گد ما دعيت الضعن يرتاح تعبت مني اديه
أنّسه أسم العليله وبنت الاعزاز سموني الخطيه
ليش عيوني كلما شافت احبال تعرضلي رقيه


اسملله اعلى اختي هواي احبها
چـبير الحبل وصغيرون جفها

ولا واحدوصل هضمي.....طبت موش العليله اسمي
___

أمتانه المايرد شيخلي بالروح يروحي موتي سكته.
انا اول يتيمه ابيت الحسين عدل بعده وخسرته
على اصورك بقيت اتچه لوطيح يشالع گلب بنته
خلصت البچي وخلصت الاعتاب ولاخلصت سفرته

اقنع مايرد شيقنّع الروح
سالم كون يرجع موش مذبوح

منه ضيمي لو مني...طبت موش العليله اسمي



عباس علاوي البهادلي