#ТАҲЗИР

• АЙРИМ ЭРКАКЛАРГА •

Айрим хонимларни гапирган эдик,
Оз-моздан эшитдик оз-моз эътироз.
Дейишди: «Аёллар ожиза!» Ўлик
эркаклар ғаюрроқ бўлсин-да бироз!

Эътироз ўринли, бироқ бу сўзни
Омматан майдонга ташлаб айтилган.
Наилож эгаси бор экан кўзни
Қаранг-да, айбдорлар ўзига олган!

Шўрлик ожизада айб йўқда ростдан,
Ношуд эр айбдор, бермагай ҳеч панд.
«Йигитча» кейинроқ туғилган рашкдан
Иши йўқ – хотини не иш билан банд!

Баъзилар «танқид»ни чандон суярлар,
Ажибдир уларнинг фаросат кучи –
Ўтин ёрган аёлин расмин қўярлар,
- Мана, бизда газ йўқ-, дейиши учун!

Ҳа, яхши таниймиз – Абу Фулонлар,
Не мушфиқ дилларни «Оҳ!»латганларин,
«Пост»ида омонат ҳақда баёнлар,
Ҳаётда дўстини ухлатганларин!

Таниймиз бор шундай, тақводан ёзиб,
Амалда фосиқлик қилиб юрганни,
Гуноҳлар визрини бўйнига осиб,
Олимлар устидан кулиб юрганни!

Муҳими, уларни эл ҳам танийди,
Рижолман дегани тилнинг учида...
Экран орқасидан ЭРКАКмиз дейди,
Фақат эркаклиги паспорт ичида!

Баъзи ҳақпарварлик тўнин кийганлар,
Ўз юртин баччавоз, дея айнийди!
«Ўша»лар юртини паноҳ деганлар,
Ҳижратда жимгина юрса қанийди...

Айрим бачконалар шундай бўлади,
Шу қадар хорликни кўрар ўзга эп:
Ҳа, деб бўйдоқлигин эълон қилади,
FB.ни ўйлайди совчихона деб. :)

Оҳ, шулар дастидан эркаклик ўлиб,
Не бузуқ амаллар зоҳир ҳар ёндан...
Мижғовлар кўпайгач, биз қандай қилиб
Ранжишимиз керак ожиз аёлдан?!

Тўхтатай! Баъзи эр бўлгани бўлган —
Чўзилса бузилгай ҳар қандай назм.
Шундай эркакларла сабрда турган
Сиздек аёлларга қиламиз таъзим!

12.07.1437.

• Аброр Мухтор Алий.
@abrormuxtoraliy

#ТАҲЗИР
• «(ҚИЁМАТ) СОАТИ ЯҚИНЛАШДИ*» ояти нозил бўлганига ҳам бир минг тўрт юз йилдан ошди!
*«Қамар» сураси 1-оят.
https://t.me/AbrorMuxtorAliy

​#ТАҲЗИР
БИЛАСИЗМИ:
1. Яланғоч авратга қараш кабира гуноҳлардан ҳисобланади.
2. Яланғоч зинокорларнинг амалларини филм орқали кўриш хорлик ва заифлик келтириб чиқаради.
3. Бундай фаҳш филмларни кўраверган кишида солиҳлик нури ўчиб боради.
4. Яланғоч авратга қарайвериш кўзнинг нурини кесади, зеҳнни ўлдиради. Бундай филмларни доимий кўриб юрган инсонлар муҳим ишларни эсидан чиқарадиган, ақлини тўғри ишлата олмайдиган бўлиб ҳатто оқибатда нима дейишини ҳам англай олмайдиган даражага тушиб қолади.
5. Зино оғир гуноҳлардан бўлиб, уни тамоша қилган инсон Аллоҳнинг раҳмат назаридан маҳрум бўлади.
6. Доимо шу суратларни кўрадиганлар зеҳнида ўша расмлар ўрнашиб қолади ва бу эса ўша инсонларни ҳар доим зинога мойил қилиб туради.
7. Бундай инсонлар ўзининг ҳалол жуфтидан совий бошлайди, натижада оила ришталарига дарз кетади.
8. Фоҳишаларга қараб ўтириш вақт исрофи бўлиб, бундан ҳеч қандай фойдали илм ҳосил бўлмайди.
9. Ҳаромга қараб лаззат истаган кишилар ҳалолдан лаззатланмай қолиш дарди билан уқубатланади. Бу эса Аллоҳнинг ғазабига учраган демакдир.
10. Бундай разил гуноҳлар учун тавба қилиш вожибдир, бўлмаса Аллоҳ таоло бу каби гуноҳларнинг интиқомини жуда оғир шаклда олади. Аллоҳ ўта қувватли интиқом соҳибидир.
11. Сиз бу каби манзарага маҳлиё бўлиб турганингизда сизга энг яқин инсонингизнинг ўлим хабари келиб қолишини хоҳламайсиз, шундай экан ушбу манзара устида ўзингиз ўлиб қолишиндан, энг хунук хотимада ҳаётингиз тугашидан қўрқмайсизми?
12. Бу каби гуноҳ ишларни Аллоҳ учун тарк қилсангиз У Зот унинг эвазига сиз истагандан кўра ҳам ажойиброқ мукофотлар беришини билмайсизми?
13. Роббимиз ўта меҳрибон Зотдир. Агар зинокорларнинг яланғоч авратларига қарашдан тийилмаган бўлсангиз ва У Зот сизни жазоламаётган бўлса, кўзингизни очинг! Зеро сизга тавба муҳлати берилмоқда экан. Интиқом тўсатдан келганида тавбага улгуриш имкони қолмайди.
14. Аллоҳ таоло ҳеч нарсадан бандасининг тавбасидан хурсанд бўлгани каби хурсанд бўлмайди.
15. Агар иффатингизни сақласангиз, номусингизни ўйласангиз тавба қилинг, шунда Аллоҳ таоло сизни бу каби разолатдан Ўзи беҳожат қилиб қўяди.
16. Оз муддатлик ҳаром роҳат кўп йиллик азоб-уқубатга мубтало қилиши мумкин.
17. Зинокорлар дунёнинг ўзида ё ўзлари, ё қизлари, ёки опа сингиллари ва ёҳуд аёллари орқали ҳар бир зино амали учун эваз тўлайдилар.
18. Охиратдаги ҳисоб эса ўта оғир ва жиддийдир!
19. Бугун эришиш осон бўлган бу каби разил амаллардан қутилиш учун Аллоҳнинг муроқабасини ҳис этиш, саҳобалар ҳаётини ўрганиб, солиҳлар сийратидан ўрнак олиш, ўта қадрли умр неъматини телефон ёки билгисайёр қаршисида беҳуда ва гуноҳ учун сарфлашдан ҳаё қилиш, атрофимиздаги ҳақиқий тақво соҳибларига эргашиш лозим!
20. Ҳар куни соатлаб гуноҳ устида ўтиришдан тавба қилинса, унинг ўрнига ушбу қадрли вақтни фойдали ишга сарфланса қандай натижага эришиш мумкин, ҳеч ўйлаб кўрганмисиз?!
• Масалан:
- ҳар куни Қуръони каримдан беш қатор ёд олинса, беш йилда Қуръони каримни тўлиғича ёдлаш мумкин. Кунлик беш қатор ёдлашга узоғи билан олтмиш дақиқа вақт етади.
• Икки дунё саодатига эришиш имкони бор экан, бу фурсатни хорлик ва разолатга сарфлаш нақадар аянчли ва ачинарли?! Шундай эмасми?!
• Аллоҳим! Бизларнинг назарларимизни ҳалолимизда қил!
• Аллоҳим! Каломингга, байтингга, уламоларнинг солиҳ юзларига назар солиш билан кўзларимизни ҳаромдан беҳожат эт!
• Омин!
• Омин!
• Омин!
https://t.me/joinchat/AAAAAD_LLyK9u4CRpp7V7g

​​#ТАҲЗИР

• Ҳофиз Ибн Касир Димашқий роҳимаҳуллоҳ хаворижларнинг келажакда кучга эга бўлганида умматнинг бошига нималар олиб келиши мумкинлигини шундай зикр қилади:
«Анави (хаворижлар) кучни қўлга киритганларида ер юзининг борини, Ироқу-Шомни фасодга тўлдиришади. Улар бола-қиз демай, эркак-аёл демай ўлдираверишади. Чунки уларнинг наздида гўё барча одамлар бузулиб бўлган-у, уларни омматан ўлдириш билангина ислоҳ этиш мумкин холос...». «Ал Бидоя ван Ниҳоя» китоби, 10/584,585.

• Билдириш:
• Бу гапларни ҳозирда тирик одам, воқеаликни кўриб айтаётгандек туюляптими сизга?!
• Ваҳоланки ушбу хабарни бераётган зот ўзининг мазкур «Ал Бидоя ван Ниҳоя» китобида 701 ҳижрий санада туғулганини айтган.
• Аллоҳ таоло Аҳли Сунна уламоларининг хизматларини қабул қилсин!
• Улар биз ғариблар учун етти аср аввалдан ҳидоят машъалини тутиб туришибди.

©️ Ғолиб Сафо

https://t.me/joinchat/AAAAAD_LLyK9u4CRpp7V7g

#ТАҲЗИР

• Ҳаромга эришиш бошида жуда қийин бўлади...
• Кейин қулайлашади...
• Кейин одатийлашади...
• Кейин ўрганиб қолади...
• Кейин маза ола бошлайди...
• Кейин қалбга доғ бўлиб ўрнашади...
• Сўнгра қалб яна бошқа бир ҳаромни истай бошлайди...
• Шундай экан қийин пайтида воз кечган қутулади, бир тотиб кўрмоқчи бўлган оқибатда ҳалокатга учраши эҳтимоли кўп.

©️ Ла Адрий

https://telegram.me/AbrorMuxtorAliy

#ТАҲЗИР

• Имомларни, қориларни, домлаларни масхара қилиш мунофиқлар амали!

©️ Аброр Мухтор Алий

📌Каналга аъзо бўлиш учун
манзил👇👇👇

https://t.me/AbrorMuxtorAliy

#ТАҲЗИР

• Уламоларни ғийбат қилиш, улардаги илмга тажовуз қилиш ҳисобланади!
• Ким илмга тажовуз қилса ҳалок бўлади.

©️ Др. Аброр Мухтор Алий

📌Каналга аъзо бўлиш учун
манзил👇👇👇

https://t.me/AbrorMuxtorAliy