ناصر الدين(ናሲሩዲን)

የጠቅላዩ ቢሮ ስብሰባ

ሰኔ 29/2014 ከቀኑ 10 ሰአት ጀምሮ በጠቅላይ ሚኒስቴር ቢሮ ከጠቅላይ አብይ አህመድ ጋር በመጅሊሱ ወቅታዊ ሁኔታ ስብሰባ ተደርጓል።

ጠቅላይ ሚኒስትሩ ወደ አዳራሹ እንደገባ " የስብሰባው አጀንዳ ሙስሊሙ አንድ ሆኖ እንዲቀጥል መፍትሄ ለመፈለግ ነው። እዚህ ያላችሁት ከሁለት ወገን የተጠራችሁ ናችሁ" አሉ። በዚህ ሰአት የወሀቢያ ተወካዮች "ሁለት ወገን" መባል የለበትም ሙስሊም ነን የሚል የተለመደ ማደናገሪያቸውን አቀረቡ። ጠቅላዩም በምላሹ "እናንተ አንድ አይደላችሁም፣ አንድ እንዳልሆናቹ ዓለም ያውቃል፣ ውስጣችሁ አንድ እንዳልሆናቹህ ታውቁታላችሁ፣ ዝም ብሎ አንድ ነን ሚባል ነገር አያስፈልግም መፍትሄ መፈለግ ነው ሚሻለው" ብሎ መለሰ።

ከወሃብያው ወገን ህግ ይከበር ሁለት ቡድን አይደለንም። ህግ አክብሮ የሚሰራ እና ህግ አልቀበልም ያለ ያፈነገጠ ቡድን ነው ያለው በሀጅ ኢብራሂም ቱፋ የሚመራው የቤረወጎው መጅሊስ እውቅና ይሰጠው አፈንጋጮቹ ይቀጡ… …ወዘተ ብለው ብዙ ቀባጠሩ። ጠቅላይ ሚኒስትሩ ግን አጭር መልስ ነው የሰጠው " ሀጂ ኢብራሂም ያካሄዱት ምርጫ በድምፅ ብልጫ እጅ በማውጣት ነው፣ ይህ የሚሰራው ለእኛ ለፖለቲከኞች ነው። የሃይማኖት ሰዎች በመስማማት በቀልብ አንድ ሆነው መወሰን ነው ያለባቸው" ብሎ የሀጂ ኢብራሂም የቤርጎው መጅሊስ ተቀባይነት እንደሌለው ደጋግሞ አስረግጦ ነገራቸው።

በመቀጠልም ጠቅላዩ " በሸራተን የተመረጠው 26ቱ ዑለማ የሙስሊሙን ችግር በመፍታት ሙስሊሙን አንድ ማድረግ ስላልቻለ ለመፍትሄ የምንመለሰው ወደ ቀድሞው 26ቱን ዑለማ ወደ መረጠው ወደ ሸራተኑ ጉባኤ ነው። 150 ሰው ከሱፊ 150 ሰው (ከወሃቢ) ተመርጠው የነበሩ ሰዎች ድጋሚ በቴሌቪዥን ጥሪ ይደረግላቸውና ይሰብሰቡ፣ ሰነዱ ቀርቦላቸው ይወያዩ ከዛ አዲስ አመራር ይምረጡ፣ አዲስ የሚመረጠው አማራር የመጅሊሱነ ቁልፍ ይረከባል፣ ከዛ በኋላ አልተመችኝ የሚል ካለ ዞር ማለት ነው ያለበት እንጂ ሙስሊሙን እንዲረብሽ አንፈቅድም። የሸራተኑ ጉባኤ ይመለስ በሚለው አልስማማም ካላቹ ቀድሞ የነበረው በመሀመድ አሚን የሚመራው መጅሊስ ይመለሳል ግን ይሄ መፍትሄ አይሆንም። ዳግም የሚሰበሰበው የሸራተን ጉባኤ መስማማት ካልቻለ ህዝቡ እንዲወስን ይደረጋል። ከሁለቱም ወገን ከ150 ሰው ውጭ ስብሰባው ላይ መገኘት አይችልም ፖሊስ ይህን አስፈፅም ስማቸው ዝርዝር ውስጥ ካሉት ሰዎች ውጭ ማንም ወደ አዳራሹ እንዳይገባ። ምርጫ አትጠቀሙ በመስማማት ሥሩ፣ 26ቱ ዑለማ ቢስማማ ይህ ሁሉ ችግር ባልተፈጠረ ነበር" በማለት ቀጭን ትእዛዝ አስተላልፈዋል።

የዒዱን ሶላት በተመለከተ "ምንም አይነት ንግግር ሳይኖር ሰላትና ኹጥባ ብቻ ተደርጎ እንዲበተን ከተስማማቹ ከሰላት በፊት ሙፍቲ ዱዓ ቢያደርጉ ከሰላት በኋላ ሀጂ ኢብራሂም ዱዓ ቢያደርጉ ምን ችግር አለው? ዋናው የእናንተ መስማማት ነው" በማለት ጠቅላዩ አቅጣጫ ያስቀመጡ ሲሆን ያለ ንግግር ሰላትና ኹጥባ ተሰግዶ ዒዱ ይለፍ በሚለው ሁሉም በአንድ ድምፅ ተስማምቷል። የዒዱን ሶላት በተመለከተ ሀጅ ጣሃ እና ክቡር አቶ አደም ፋራህ እንዲያስተናብሩና በመጨረሻም አዲስ አበባ መጅሊስ ያግዛቸው የሚል ሃሳብ አቅርበዋል ጠቅላዩ።

ሙፍቲና ሀጅ ኢብራሂምን ትወዱኛላችሁ ወይ? ብለው ጠቅላዩ ለየብቻ የጠየቁ ሲሆን ሁለቱም አዎ እንዎዶታለን የሚል መልስ ሲሰጡ " ለእኔ ለልጃችሁ ስትሉ የሸራተኑ ጉባኤ ድጋሚ ተሰብስቦ አዲስ አመራር እስኪመጥ ይህችን 10 ቀን አብራችሁ ብትሰሩ እንደ አባት ሆናችሁ ብታስተባብሩ!" ብለው ጠቅላዩ ላቀረቡት ሃሳብ ሙፍቲ በዝምታ አልፈውታል።

★ የስብሰባው ጭብጥ ማጠቃለያ

1) የሚያዝያ 23 ስብሰባ በነበሩ 300 ሰዎች ብቻ እንዲደገም ምንም ተጨማሪ አዲስ ሰው እንደማይገባ

2) ከሁለቱም ወገኖች የሚመጡ 300 ሰዎች አዲስ አመራር ይምረጡ ለሚመረጠት አዲስ የመጅሊሱን ቁልፍ እናስረክባለን እነዚህን አዲስ አመራሮች ከተመረጡ በኋላ እረብሻለሁ የሚል እበጠብጣለሁ የሚል ካለ ከየትኛውም ወገን ቢሆን ጠንካራ እርምጃ እንወስድበታለን

3) ሚያዝያ 23 የተመረጡት 26 ዑለሞችንም እናንተ የሙስሊሙን አንድነት ማስጠበቅ ስላልቻላችሁ አዲስ አመራር ይመረጣል ብሏል። በዚህም 26ቱ ዑለማ ከዚህ በኋላ ዋጋ እንደሌለው አመላክቷል።

4) የቱፋ መጅሊስን በተመለከተ ያደረጉት ተግባር ትክክል እንዳልሆነ በድምፅ ብልጫ የሚመረጠው እኛ ፖለቲከኞች ጋር ነው ሀይማኖት በድምፅ ብልጫ አይመራም ሀይማኖት በልብ ነው ተስማምታችሁ ነበር መወሰን የነበረባችሁ በማለት ተናግሯል ህገወጥ ናችሁ አልላችሁም፣ ህገወጥ ናችሁ ለማለት የትኛውን ህግ እንዳፈረሳችሁ በዝርዝር ማወቅ አለብኝ። ነገር ግን አካሄዳቹ የፖለቲከኞች ነው በማለት በግልፅ ተናግሯል

5) በ10 ቀን ውስጥ ሁሉም ሚያዝያ 23 የነበሩ ሰዎችን ሰብስቡ አዲስ ምርጫ አድርጉ ይህ የመንግስት ውሳኔ ነው መቃወም አትችሉም ብሏል

6) እንደባለፈው ሸራተን ስብሰባ ችግር እንዳይፈጠር የእኛ ሰዎች ጥያቄ አንስተው ነበር አይነሳም ይህን ጉዳይ አደም ፋራህ ፌዴራል ፖሊስ ደምመላሽ ከ150 ሱፊ ሰለፊ ውጭ አንድ ሰው ዝር እንዳይል የስም ዝርዝሩን ከሙፍቲ እንዲቀበሉ ፖሊስ እንዲያስፈፅም ደጋግሞ ትዕዛዝ ሰጥቷል

7) የዒዱን ነገር በተመለከተ ማንም ንግግር አያድርግ ሰግዳችሁ ውጡ ከተስማማችሁ ሙፍቲም ቱፋም ዱዓ ያድርጉ ካልሆነ ያለ ንግግር በሰላም በዓሉን አክብሩ

8) ፌስቡክ ላይ የማይሆን መረጃ እየሰጣችሁ ሙስሊሙን አትበጥብጡ በሚል ሁለቱንም ወገኖች አስጠንቅቋል ለአስር ቀን ታገሱ ከዛ በኋላ አዲስ አመራር ይመረጣል

9) ሁለቱም ወገን በዚህ የማትስማሙ ከሆነ ግን የቀድሞን መጅሊስ አመራር ሸህ መሀመድ አሚንን እንመልሰዋለን እኔ ነኝ ለሰላም ብዬ ያለ አግባብ ያወረድኩት ስልጣኑን ለህዝብ እንዲያስረክቡ ያደረግኩት ብሏል በጣም በተደጋጋሚ

ህጋዊው የመጅሊስ አመራሮች እነ መሀመድ አሚን እንደሆኑ በግልፅ ተናግሯል

10) ስለ ቦርድ ምንም የተነሳ ነገር የለም ያለፉት ሶስት ዓመታት ሱፍያው የሚያነሳቸው ቅሬታዎችን ጠቅላዩ ተረድቷቸዋል ዑለሞቹ ህዝብ እንዳልመረጣቸው ቦርድ የሚባል ነገር እኛ እንዳልመረጥን ለዚህ ደግሞ በድጋሚ ስብሰባ አድርጋችሁ እራሳችሁ አዲስ አመራር ምረጡ ። ነ ከሚረጠው አዲስ አመራር ጋር መንግስት ተባብሮ ይሰራል።

11) አዲስ አበባ መጅሊስ ባለፈው ሳምንት ብዙ ወንድሞቻችን ታስራችሁ እንደነበር ይታወቃል እናም ያ ክሰተት ትልቅ ለውጥ አምጥቷል መንግስትም ይህን ስብሰባ ለመጥራት ሰበብ የሆነው ያ ክስተት ነበር መንግስት ጋር ትልቅ ትኩረት እንዲያገኝ አድርጓል ስለ ረብሻው በሰፊው ነገሮችን ደስሷል የጀመዓው ትግል ፍሬ አፍርቷል አልሃምዱሊላህ

12) ወሀብዮቹ ብዙ ያነሱት ሙፍቲን ለማጠልሸት ህዝብን ለአመፅ ለሁከት እያነሳሱት እንደሆነ ብዙ ብዙ ብለዋል። እንደ አቡበከር አህመድ አይነት ወሃብዮቹም ለአመፅ ቅስቀሳ ሲያደርጉ እንደነበር በግልፅ ተነግሯል።

13) ለዚህ 10 ቀን አዲስ አመራር እስኪመረጥ ሁሉም ቀድሞ ወደነበረበት መጅሊስ ይመለስ፣ አዲስ አበባ መጅሊስም በነበረበት ይቀጥል፣ ሀጂ ኢብራሂም ቲፋም ወደነበሩበት (ኦሮሚያ መጅሊስ) ይመለሱ ምንም ነገር መለወጥ የለበትም ከአዲስ አመራር መረጣ በኋላ የሚሆነው ይሆናል ብለዋል ጠቅላዩ።

259 views10:55