Күн батса эртеңкиси таң болот,
Өлгөн соң тирилүүчү жан болот.
Ар бир жан сурак берип ал Күнү,
Бейиштиктер ойноп күлчү шаң болот.

Жаша сен жошоодо жаңылбай,
Өкүнүп ар бир жанга кагылбай.
Сооп иш, аягы чоң кубаныч,
Сүйүнүп жаңы аткан таңыңдай.

Батса эгер күнүң сенин баягы,
Ойлобо! "Бул жашоомдун аягы".
Бирин берип, бирин алган Зат болот,
Бейиштикке жолдомо го сыягы.

Бул дүйнө бар болгону беш күндүк,
Жошоодо жаңылбоого баш бурдук.
Жыгылып кайра бутка турсак да,
Аллага ишенүүдө тик турдук.

Шайтан ал жолдон сени азгырган,
Максаты бул "кайгыларга батырган".
Жалган дүйнө жакшы жашоо башаты,
Алданба, бекем карман жашыңдан.

Каримов Жээнали

Аллахтын пендесине берген эң баалуу нематтарынын бири бул убакыт. Аны туура жана пайдалуу нерселерге иштетели.

Ал убакытка да Алланын астында жооп беребиз.