ئـازیـز هـەم دیسـان ئـامـای نـە خـاوم
شادیت وست نە جای خەم و خەیاڵم

ئامایوە ناسك بە لەنجەو لارە
منیچ نە شۆنت وێڵ و ئاوارە

سەیر کەردم نە ڕووت دیم خاڵی ئاڵت
دیـم حـەڵقـەی مـــاری زۆڵـفـانـی کاڵت

هەرچی دەنگم کەرد نەدیای وە لاوە
هـەر بـە بێ مەیلی هـەنگـام نیـایـوە

من هاوارم کەرد ئازیزی سەرسەخت
تاکەی بە خەیاڵ خەوانی بێ وەخت

جوابت نەبێ و منیچ چەمـە ڕا
ناکا جە کەلەم شیرین خەو پرا

دیسـان مـەردانـی ، دیسـان سـۆتـانی
وەشڵەی من هەرگیز هۆشیار نەبیانی

با تەواف کەردام ئاسانەت نە خاو
بکەردام وە بۆ ، بۆی گوڵ و گوڵاو

بەڵام هەم جە نەو (فەردین) بێدار بی
ڕەفێـقـش دەرد و خـەم و هـوونـاو بی

#فەردین_ئەخدەر

┏━ ☀️━━━━━━━━┓
@aspariz94 140ئەسپەرێز تیر 1
┗━━━━━━ ☀️ ━━━┛