‍ ‍ به نام خدای خرد
شعر لکی
شماره 38
عنوان : چِراخ
شاعر : منصور رضایی سرونوی
تخلص : #بهمــرد
تدوین از شاعر

#چراخ

مِنِت وَ دار و دنیا کِردیه سا
وَ گِشت بدتِر ؛ وَ یادِت بِردیه سا

مِنِت کردیه و لومه و خارِ دوران
اَ ژیر صد کومه خَم دی شاردیه سا

نُصویِم هویچ نَکِریا غیر ژَ ماتَم
#چراخ اَی روژِگارِم کور بیه سا

رَواخ و روشِنایِم پَر کیشاسی
دِلِم جاگیر نِماو دی وَی قَفه سا

هَناسِم هاتیه سَه تنگ ؛ ریپه ریپَی
مِن و ، اِی لَم کوی و ، تنگی نَفه سا

قُله پَی ؛ بارِ گیانم تاو نِماری
سُتوینِ ژیر لَشِم کی بِرّی یه سا

هِزاران دَف دسِم دُر کِرد ، نَگرتت
مَری موشین پیسی یِم ها وَ دَه سا

خیالِت تخت ! تو هر بَرزین و مِ نِزم
سِرِ اِی نِزمیه نوشین وَ که سا

بنیش اَی تخت و ژیر دَسِت نَلاوِن
تو گِ پاوَن نیین ، وَی هَری هَه سا

قماربازَل #وناوی ایمه بیمِن !
تو قاپ بازین ؛ وَ ایمه بِردِته سا

فقط یَی چی بوشِم و دم بوَسِم :
فِره بهمرد خفت نیه ، وَی هَوه سا

#بهمرد_هرمزدیار

عزیزل دِنان ساز و دِنان کیش 👇👇

بالا غیرت تان حاوا مردم #لک_زوان
بخصوص برا و خویَل نازار #وناوی تان
داشتیو 😉🙏🙏

🍉 بوسانچیَل نازار و زحمتکیش
#وناوی 🍉

فصِل کار و زحمت شرو بی
وه امید خدا بوسانتان پِر بار و
سوخانتان ساق بو 🙏🙏🍉🍉
ــــــــــــــــــــــ🍉🍉ــــــــــ🥒
شرو وه کار بوسان : باوه‌م
#ارسلان‌رضایی‌سرونوی و #رضاخان

#کانال‌دوستان‌بهمرد « وَناویَل »🌺🍃
▶ @Behmard60042 👈🇯‌🇴‌🇮‌🇳