#Xotira_kechasi

Termiz ixtisoslashtirilgan sanʼat maktabida ushbu dargohda uzoq yillar rahbarlik lavozimida samarali faoliyat olib, shogirdlar qalbida mangu barhayot bo'lib qolgan O'zbekiston Respublikasi san'at arbobi Karimov Amin Karimovich tavallud ayyomiga bag'ishlangan "Qalbimizda yashaysiz ustoz!" nomli badiiy xotira kechasi bo'lib o'tdi. Unda so'zga chiqgan maktab direktori Bahriddin Ishmuratov boshchiligida barcha shogirdlari - ustozning bosib o'tgan hayot va ijod yo'li bilan bog'liq xotiralarini eslab, rahbarlik davridagi san'at yo'nalishida amalga oshirgan ishlari haqida to'xtalib o'tishdi. Shundan so'ng, tadbirning badiiy qismida xalq cholgʻulari orkestri, changchilar ansambli va boshqa yo'nalishdagi ijrochilari tomonidan asarlar ijro etildi🤗


✍🏻 Kanalimizga_a'zo_bo'ling 🤗

#Batafsil 👉 t.me/surxonmadaniyati

#Baxshichilik_va_an'anaviy_xonandalik_fan_haftaligi

Madaniyat vazirligi taʼlim muassasalari tizimida 11-16 mart kunlari "Baxshichilik va an'anaviy xonandalik fan haftaligi" deb eʼlon qilinganligi munosabati bilan
2024-yil 15-mart kuni Termiz shahar 1-sonli bolalar musiqa va san'at maktabida Termiz davlat universitetining "Milliy libos va san'at" fakulteti "Musiqiy ta'lim" kafedrasi professor o'qituvchisi Abduraim Tursunov, katta o'qituvchilar Zohid Tursunov, Jamshed Tursunov va Xurshid Tursunovlar tomonidan "Ustoz san'atkorlar ijodiga bir nazar" mavzusida MAHORAT DARSI tashkil etildi. Unda Orif ota Alimahsumov ijodiga mansub "So'lim" ashulasi, shuningdek o'zbek milliy musiqa san'atining oltin meroslaridan hisoblangan "Segoh" maqomidan namunalar hamda "Adolat tanovari" kuylari ijro etildi. Uchrashuv davomida ishtirok etgan o'quvchilar o'zlarini qiziqtirgan savollariga javob olishdi. Mahorat darsi yakunida faol ishtirok etgan o'qituvchilar maktab ma'muriyati tomonidan tashakkurnoma bilan taqdirlandilar.


✍🏻 Kanalimizga_a'zo_bo'ling 🤗

#Batafsil 👉 t.me/surxonmadaniyati

#Kitoblar_taqdimoti_va_ijodiy_kecha

Termiz shahar 1-sonli bolalar musiqa va san'at maktabida sobiq Termiz davlat musiqa bilim yurti hamda sobiq sanʼat kolleji o'qituvchisi, bastakor Shamsutdinov Halim Ismatovich hayoti va ijodiga bag'ishlangan kitobi taqdimoti bo'lib o'tdi. Unda Termiz ixtisoslashtirilgan sanʼat maktabi o'qituvchisi, "Shuhrat" medali sohibi, oliy toifali pedagog Normurod Bakarov, oliy toifali pedagog Tamara Xolmatova, Termiz davlat universitetining "San'atshunoslik" fakulteti musiqa taʼlimi kafedrasi katta oʻqituvchisi Orifjon Hakimovlar ishtirok etishib, Halim Shamsutdinovning ijodiy faoliyati bilan bog'liq xotiralar, bastakor yozgan asarlar haqida fikr-mulohazalarini bayon etishdi. Ushrashuv davomida Normurod Bakarov va Orif Hakimovlar qalamiga mansub "Surxondaryo kompozitorlari va bastakorlari" nomli kitobi taqdimoti ham bo'lib o'tdi. Ushbu kitoblar barcha o'quvchi yoshlar va yosh pedagoglar uchun kerakli o'quv qo'llanma sifatida tavsiya etiladi.


✍🏻 Kanalimizga_a'zo_bo'ling 🤗

#Batafsil 👉 t.me/surxonmadaniyati