📍 Xabaringiz bor O‘zbekiston Respublikasi Prezidentining 2023-yildagi “Ommaviy va professional futbolni har tomonlama rivojlantirishning qo‘shimcha chora-tadbirlari to‘g‘risida”gi PQ-115-son qarori ijrosini ta’minlash maqsadida ta’lim muassasalarida “Maktablarda futbol”- “Football for schools" dasturi asosida Namangan viloyatida ham musobaqalar o‘tkazilib kelinmoqda.

Pop tumanida kuni kecha tumanning 24 ta umumta'lim maktab o‘quvchilari uchun maktabda futbol loyihasi yo‘lga qo‘yilib maktab o‘quvchilari uchun FIFAning maxsus futbol koptoklari taqdim etildi

Obuna bo‘ling✅
🕊telegram📱instagram📺You Tube

📋 Timur Kapadze va Jasurbek Jaloliddinov Osiyo kubogi finali oldidan tashkil etilgan matbuot anjumanida ishtirok etishdi:

Timur Kapadze:
Ertaga qiziqarli uchrashuv kutib turibdi. Bir biriga munosib ikki jamoaning oʻyiniga guvoh boʻlamiz. 2 yil avvalgi Osiyo kubogida ular kabi biz ham yosh tarkib bilan harakat qilgan edik. Shuningdek, finalga yetib kelgani va Parij-2024 Olimpiya oʻyinlariga yoʻllanma olgani bilan Yaponiya jamoasini qutlayman.

Ertaga raqibning oʻyin uslubi haqida
Ikkala jamoa bir-birini yaxshi biladi. Ularning oʻyinlarini tahlil qilib chiqdik. Final uchun tayyorlagan rejamiz bor va shunga asosan oʻyin koʻrsatamiz.

Olimpiada yoʻllanmasi oʻzbek futboli uchun qanday ahamiyat kasb etishi haqida
Biz bu natijadan juda ham xursandmiz. Zero, futbolimiz tarixida dastlabki Olimpiada yoʻllanmasiga ega chiqdik. Bizgacha jamoalarimiz harakat qilishgan edi. Lekin qaysidir pallada ularga omad yetishmagan. Olimpiada litsenziyasi kuchimizga yanada kuch qoʻshmoqda. Ertangi finalda yanada yaxshi oʻynashga harakat qilamiz.

Legionerlarning finalda ishtirok etolmasligi haqida
Agar legionerlarimiz finalda ham ishtirok etishganida, boshqacha boʻlar edi. Lekin biz Qatarga 11 ta emas, 23 ta futbolchi bilan tashrif buyurganmiz. 3 nafar oʻyinchi ketgani bilan u qadar katta oʻzgarish boʻlmaydi. Har bir oʻyinimiz koʻrsatdiki, jamoada ularning oʻrnini toʻldira oladigan yigitlar bor va ular buni bildirishmaydi. Fursatdan foydalanib, mezbonlarga ajoyib tashkilotchilik va mehmondoʻstlik uchun jamoam nomidan minnatdorchilik bildirib qolaman.

Jasurbek Jaloliddinov:
Olimpiya oʻyinlari yoʻllanmasi va finalga chiqqanimiz bilan butun xalqimizni tabriklayman. Ertangi oʻyinga ham munosib tayyorgarlik koʻrib, yaxshi natija koʻrsatishga harakat qilamiz.

2022-yilgi Yaponiyaga qarshi oʻyin haqida
Avvalgi musobaqadan yaxshi xotiralar bor. Chiroyli gʻalaba bilan final yoʻllanmasini qoʻlga kiritgan edik. Lekin raqibimizga hurmat bilan yondashamiz va ertangi oʻyinga tayyorgarlik koʻrishda davom etamiz.

💳 Uzcard | ⚡️ t.me/FAUzbekistan