💝 •═••• ✍️ ተስፋ ያጣች ሴት •═•••💖

በእውነተኛ_የፍቅር_ታሪክ_ለይ_የተመሰረተ ♦️

✍️ ተስፋ ያጣች ሴት 💖

🟣 #ክፍል 2️⃣5️⃣ ( #የመጨረሻው ክፍል)

#የመጨረሻው ክፍል

...🖊ሀና ነገሮች እስኪጣሩ ተብሎ የታሰረውን ባሏን ቀን በቀን
ትጠይቃለች በተፈጠረው ነገር በጣም ከመደንገጧም
በላይ የቴድሮስ መሞት ውስጥ የኪሩቤል እጅ አለበት
መባሉ እረፍት ነስቷታል እውነት ለመናገር ኪሩቤል
ሊያስፈራራው እንጂ ሊገለው እንደማይደፍር እርግጠኛ
ነች ... ሀና ልጇን ትምህርት ቤት አድርሳ ባልዋን
ትጠይቅና እቤቷ ተቀምጣ ታስባለች ... ቴድሮስ
ሲደፍራትና ሲያሰቃያት መኖሩ ከሞት በላይ ቢቀጣም
አያሳዝናትም ነገር ግን ቴድሮስ በመጨረሻ ሰአት
የተናገረውን አስታወሰች ለዚ ክፋት ያበቃችው አንዲት ክፉ
ሴት ናት ... ሀና ይህን ካሰበች ቡሃላ "አይ አይ አይሆንም
ምንም ቢሆን ይቅር አልለውም እኔ በእንጀራ አባቴ
ስለተበደልኩ ወደፊት ሌላ ሰው ላይ ክፉ መሆን
የለብኝም!" አለች...
መሽቶ ይነጋል ኪሩቤልና የሀና አባት ሳይፈቱ 35 ቀናትን
አስቆጠሩ ሀና የሷ ሳያንስ በሷ ምክንያት ለፍቅር ሲል
መስዋዕት እየከፈለ ያለው ባልዋ ያሳዝናታል
ያስጨንቃታል ሁሌ ታለቅሳለች በዚ መሀል ያብስራ
ሊያገኛት ቢለፋም ሀና ግን ልታየው አፈረች ሁሌም
ያብስራ ወንድሟ መሆኑን ስታስብ ከአባቷ ጋር የሰራችው
ስህተት እረፍት ይነሳታል... የእናቷን ልጆች እሷ ጋር
አምጥታ ከልጇ ጋር እያኖረቻቸው ነው ...
እለተ ሀሙስ ሀና በጥዋት ተነስታ ሰራተኛዋን ልጆቹን ወደ
ትምህርት ቤት እንድታደርሳቸው ካዘዘቻት ቡሃላ ወደ ቤተ
ክርስትያን ሄደች ዛሬ የፍርድ ቀን በመሆኑ ኪሩቤል ነፃ
ይወጣ ዘንድ እንባዋን አውጥታ ለአምላኳ ፀለየች ...
ከዛም መኪናዋ ውስጥ እረጅም ሰአት ከቆየች ቡሃላ ወደ
ፍርድ ቤት ሄደች ሰአቱ ደርሶ ስለነበር ሁሉም ሰው ገብቷል
እዛ ያብስራም አለ አቃቢው የክስ ይዘቱን ማስታወስ
ጀመረ "... ሟች አቶ ቴድሮስን አቶ ኪሩቤል መስፍንና አቶ
ፀጋዬ ገ/ማርያም በግል ፀብ ተነሳስተው ገለዋቸው
እንደነበር በማስረጃ አሳይተናል ... በመሆኑም ለዛሬ
ፍርድ ሊሰጥ ቀጠሮ በመያዙ ፍርድ ቤቱ ተገቢውን ቅጣት
እንዲሰጥልን እንጠይቃለን...!!" አለ ሀና ኪሩቤልን
እያየች እንባዋ ይወርልዳ በዚ ጥቂት ቀን ውስጥ እንዲ
ከተጎሳቆለ አመታት ቢፈረድበት ምን ሊሆን ነው ትላለች
በውስጧ...
ዳኛው ንግግራቸውን ቀጠሉ "ፍርድ ከመሰጠቱ በፊት
ተከሳሾች የምትሉት ካለ" አሉ ይሄን ግዜ የሀና አባት
ያለምንም መረበሽ ..."ቴድሮስን የገደልኩት እኔ ነኝ ልጅ
ኪሩቤል ምንም አያውቅም ልጄን ሲያሰቃይ በመኖሩና
ሲዝትባት አናዶኝ ሆን ብዬ እኔ ገደልኩት ስለዚህ ኪሩቤል
ነፃ ነው!!!" አለ ሀና ደንግጣ ፈዛ ቀረች ... የሀና ወላጅ
አባት 15 አመት እስራት ሲፈረድበት ኪሩቤል ግን ነፃ
ወጣ ሀና ፀሎቷ በመስመሩ ፈጣሪዋን አመሰገነች ...
አባቷ ለመጀመርያ ግዜ ጥሩ ስራ በመስራቱ እረፍት
ይሆነው ዘንድ ይቅር አለችው ። ሀና ሁለተኛዋን ልጇን
ነብሰ ጡር እንዳለች ኪሩቤል ፕሮሰስ ጨርሶ እሷንም
እህትና ወንድሟንም ወደ ጀርመን ወሰዳቸው በርግጥ
ለሀና ከሀገር መውጣቷ ልክ ነበር ብዙ ችግሮቿን
ለመርሳት በቅታለች አሁን ጀርመን ላይ ከምታፈቅረው
ባልዋ ጋር በደስታ መኖር ከጀመረች አመት አልፏታል።

————-💟 ተፈፀመ 💟————-
————-💟 ተፈፀመ 💟 ————-

💝 ምስጋና ታሪኩን በመከታተል አስተያየታችሁን ላደረሳችሁኝ በሙሉ!

👋👋 ዘሩባቤል ነበርኩኝ፣ መልካም ጊዜ ይሁንላችሁ
ሀሳብና አስተያየት እንዲሁም ጥያቄ ካላችሁ
@Alzershbot ላይ
ማስቀመጥ ትችላላቹ።
❣️
💦 ከወደዱት Like 💟 እና ለሚወዱት ሰው ሼር ማድረግዎን አይርሱ🙏
በቅርቡ በሌላ ታሪክ ተመልሰን እንገናኛለን

💞•═••• 🥀ህ🥀ይ🥀ወ🥀ቴ🥀 •••═•💞https://t.me/+5fsxwoZ-vIxlZjdk

​​​​😘የከንቲባው ልጅ😘
✍ደራሲ ተስፋዬ በትሩ
#የመጨረሻው ክፍል
አሜሪካ እንደማትሄድ ለአባቷ አሳውቃ በሰላምና በዕንባ ተለያይተዋል ። አባቷም ከሚስቱና ከህፃን ልጁ ጋር ወደ አሜሪካ በረዋል ። ከሰኔ #13 እስከ #21 final ፈተና ተፈትነን ስንጨርስ ከመሄዳቸው በፊት አባቷን አግኝቼ አነጋግሬያቸው ነበር ። ስለ ሁሉም ነገር እንዲህ ብለው ነገሩኝ ። "ከአራት ዓመት በፊት ወደ ስልጣን እንደመጣሁ አካባቢ በስራ ላይ አንዲት ሴትን ተዋወኩኝ ። በድሬዳዋ የሴቶችና ህፃናት ጉዳይ ሚኒስቴር ናት ። ሁለታችንን አንድ የሚያመሳስለን ነገር ነበር ። እሷ ባሏን እኔ ደግሞ ሚስቴን በሞት አጥተናል ። በጥቂት ጊዜያት ውስጥ ውስጤን ሰርስራ ገባች ። በስራና በኑሮዬ ጭምር ገብታ ታግዘኝና ትረዳኝ ጀመር ። በዚህ መሀል ግን አንድ ችግር ነበር ። እሱም በዙሪያችን ያሉ ሰዎች በኛ ስራና ግኑኝነት አለመደሰት ነበር ። የሚገርምህ ሁሉም በአንድነት ይቺን ምስኪን ከተማ ለራሳቸው ጥቅም ለማዋል ሲስማሙ እሷ ብቻ ነበረች ከጎኔ የነበረችው ። ድሬዳዋ ከተማ በሁለት ክልል መሃል ያለች በመሆኗ በየ አራት ዓመቱ ባለስልጣናት አንዴ ከኦሮሚያ ከአራት ዓመት በዋላ ደግሞ ከሶማሌ ክልል እያለ ተራ በተራ #4 ዓመት እየጠበቀ ስለሚፈራረቅ ሁሉም ባለስልጣናት ሀሳባቸው ድሬን ማልማት ሳይሆን እራሳቸውን ማልማት ነበር ። እኔ ደግሞ ከንቲባ የሆንኩበት ዋነኛው ምክንያት ይህንኑን ስርዓት ለማጥፋት ነበር ። ከዛ በዋላ ያለው ታሪክ ህይወት እንደነገረችህ ነው ። የኛን መንገድ የማይከተሉ ሰዎች በበቀል ተነሳስተው ልጄን ለመግደል ብለው አቤልን ቀጠፉ ። እናም ወጣት ተስፋዬ ባለፈው ተከትለኸኝ ያየሀት ሴት በዛ አስቸጋሪ ጊዜ ከጎኔ የነበረች ጀግና ሴት ናት ። በዛው ወቅት በመሃላችን በተፈጠረው የፍቅር ግኑኝነት ልጅ ፀነሰችልኝና ተወለደ ። ይሄን ሁሉ ታሪክ ደግሞ ለልጄ በጊዜው እንዳልነግራት ለራሷ በጣም መጥፎ ሁኔታ ውስጥ ነበረች ። እንዴት ልጄ ላይ የመግደል ሙከራ ተደርጎ በጣም የምትወደው ጓደኛዋ ሞቶ ስለራሴ ደስታና ሀሴት እነግራታለሁ ...? ምን አይነት ስቃይ ውስጥ እንደነበረች ፈጣሪ ብቻ ነው የሚያውቀው ። አሁን አንተን ስታገኝ ነው እንደዚህ ተቀይራ ያየሀት ። ለማንኛውም ሁሉንም ነገር ወደ ውጪ ስንሄድ ላሳውቃት ነበር የፈለኩት ። ባለቤቴንና ትንሹ ልጄን ከህይወት ጋር አንድላይ አሜሪካ ወስጄ ለሁሉም እውነታውን ልገልጽ ነበር እቅዴ ። እንደምታየው አሁን ሁሉም ነገር ተበላሽቷል ። ልጄም አኩርፋኝ ሸሽታኛለች" አሉኝ በሀዘን ። በስተመጨረሻ ልንለያይ ስንል ያሉኝን ግን እስካሁን ድረስ አምኜ አልተቀበልኩትም ። እንዲህ ነበር ያሉኝ "የህይወትን በህይወት መኖር ከኔና ካንተ ውጪ ማንም ሰው አያውቅም ። ለህይወት በህይወት መኖር ሲባል ይህ ምስጢር እንዲቀጥል እፈልጋለሁ ። እሷን ካንተ ለይቼ ወደ ውጪ ልወስዳት አልችልም ። ስለዚህ ልጄን ላንተ ሰጥቼሃለሁ ። ይዘሃት ወደ ሀገርህ ሂድ ። ከፈለጋችሁ እዛው ፤ ካልሆነም ደግሞ አዲስ አበባ ደስ የሚል ኑሮ መኖር ትችላላችሁ ። ዕድሜያችሁ ከ #20 ስላለፈ እራሳችሁን ችላችሁ መኖር አይከብዳችሁም ። ለብር ደግሞ ብዙም አትጨነቁ ። በባንኳ ውስጥ አንቀባሮ የሚያኖራችሁ በቂ ገንዘብ አለ" ። ታድያ የህይወት አባት እንዲህ ብለው መርቀው ልጃቸውን ሲሰጡኝ እንዴት ብዬ ልመን ...? በሌላ በኩል ደግሞ ማራኪዬ ስለኔ ምን እያሰበች እንደሆነ ለማወቅ በስልክ ሳዋራት "ሙሉ በሙሉ እንደረሳችኝና ሌላ ህንወት እንደጀመረች" ነገረቸኝ ። አሁን ከህይወት ጋር ነኝ ። ከቤተሰቦቼ ጋር አስተዋወኳት ። ለቤተሰቦቼም ሁሉን ነገር ነግሬያቸው ተስማምተን አዲስ አበባ አዲስ ህይወት ከህይወት ጋር ለመጀመር ተዘጋጅተናል ። ልክ እንደባልና ሚስት ሳይሆን እንደ ፍቅር ለመኖር ጉዞ ጀምረናል ። ከህይወት ጋር ስትኖር ፤ በህይወት መኖርህን ትወደዋለህ ። ስለ ህይወት ለማውራት ፣ እኔ ቃል የለኝም ፤ እሷ ካለች አለሁ ፣ ያለዚያ ግን የለሁም ።

ህይወት መዝሙር ነች ፤ ዘምራት
ህይወት ሰቀቀን ነች ፤ ቻላት
ህይወት ተግባር ነች ፤ ተወጣት
ህይወት ሽፍንፍን ነች ፤ ግለጣት
ህይወት ሀዘን ነች ፤ ተቋቋማት
ህይወት ስጦታ ነች ፤ ተቀበላት
ህይወት ውርርድ ነች ፤ ተወራረዳት
ህይወት ትግል ነች ፤ ታገላት
ህይወት ምስጢር ነች ፤ ፍታት
ህይወት ውበት ነች ፤ አጊጣት
ህይወት ጉዞ ነች ፤ አጠናቃት
ህይወት ቃል ነች ፤ አሟላት
ህይወት አጋጣሚ ነች ፤ ተጠቀማት
ህይወት ጀብዱ ነች ፤ ድፈራት
ህይወት ፍቅር ነች ፤ ፈልጋት ።
.
.
.
.
✍🏽~ተፈፀመ~~✍🏽 ☞ የስው ልጅ መጨረሻው ሲያምር ነውና ፤ ፈጣሪ መጨረሻችንን ያሳምርልን! እኔ አሜን ብያለሁ፡፡

#እኔም የተስፋዬና የህይወት ፍቅር አብቦ ወደሌላኛው የህይወት ምእራፍ እንደሚሸጋገሩ...ትዳራቸው ሰምሮም ፍሬ እንደሚያዩ ባለ ሙሉ ተስፋ ነኝ ...አመሰግናለሁ።።😘