ОНАМНИ АСРА ҲАЁТ

Эй ҳаёт, бунчалар чигалсан нега?
Ҳар ишнинг жавоби бордир эртага.
"Қанча тошинг бўлса, мана менга от",
Онамсиз мен учун бир пулсан ҳаёт!

Заҳрингни ёмонга сочақолгин бор,
Сен шунчалар пастсан, шунчалар беор.
Аллоҳим яратган энг буюк ижод-
У менинг онамдир билиб қўй ҳаёт!

Онамни йиғлатма, асра, авайла,
Оламда онани жаннат деб сайла.
Уларни ёнида бўлиб тур нажот,
Дунёнинг шодлигин улашгин ҳаёт.

Бахтдан ярқираган пешонангни тут,
Онамнинг ёнидан таъзим қилиб ўт,
Дардингни ҳўв ана ёмонларга сот,
Фаришта онамга кулиб боқ, ҳаёт.

Бошидан учирма азиз рўмолин,
Ўзига сездирма ёлғизлик ҳолин.
Мадад бўл онамга, ҳам сабру сабот,
Шунда сени ҳурмат қиламан ҳаёт.

Онам қайда бўлса, доим болам дер,
Азобларинг бўлса, мана менга бер.
Онам азоб чекса чидолмасман рост,
Онамсиз дунёйинг керакмас ҳаёт!

Ёмон бўлсанг бизга, сендан нима наф,
Мен доим эзгулик, яхшилик тараф.
Онамсиз нурсизсан, гўё зулумот,
"Сен онам бор учун гўзалсан Ҳаёт!"

Ибрат учун яқинларга юборинг!

Ўқинг... Фақат Ибрат Олинг


https://t.me/+T-wiygxPKGc1OWRh

Укинг Факат Йигламанг..!!!
( Хаётий Вокеалардан бири )

Фарида ўйланиб ўтирганди: Уйда бугунга етадиган масаллиқ қолган охирги пулни ҳам ишлатиб бўлишган. Аксига олиб сути камайиб чақалоғини қорни ҳам тўймай йиғлайверганидан баттар эзилаётганди....
Эри ишсиз қолганига ҳам мана икки йилдан ошибди. Фарида онаси қилган тақинчоқларини ҳаммасини бирин-кетин сотиб рўзғорга ишлатди. Қўлида эри махр қилиб берган узугигина қолганди...
Наҳот энди шуниям сотсам деб узукка қараб қўйди...
Эндигина 4 ойлик бўлган келинни қайнонаси уйдан ҳайдаб чиқарганди...
Айби эса очиқ-сочиқ юрмас ва намоз, Қуръон ўқиши эди!
Қайнонаси: ”Ўғлимни ҳам йўлдан оздирдинг, шумқадам — деб қарғарди.. .
Бир уй топиб эр-хотин алохида яшай бошлашди. Аллоҳни синовини қарангки, эри ишлайдиган корҳона ёпилиб эр ишсиз қолди. Қўлида тайинлик касби бўлмаган эри иш қидириб бормаган жойи қолмади. Эрини сиқилаётганини кўрган Фарида таскин берарди:
---”Сиқилманг, ҳали ҳаммаси яхши бўлади, бу Аллоҳимни имтиҳони, Аллоҳ севган бандаларини имтиҳон қилади.”
Кечалари эр-хотин тахажжудга туришар, Аллоҳдан нима улар учун хайрли бўлса шуни сўрардилар. Фарида «ДУО» қиларди:
---”Аллоҳим, ўзингга таваккул қилдик, бизни бандаларингга муҳтож қилма, иймонимизни мустаҳкам қил, ҳақ йўлдан адаштирма, ғоиб ҳазинангдан бизни ризқлантир!”
Ана-мана билан икки йил ҳам ўтди, орада фарзандли бўлишди , (Абдураззоқ) !
Яхши ниятлар билан Аллоҳни раззоқ сифатига шаксиз инониб қўйишди бу исмни…
Эшик қўнғироғини жиринги ҳаёлини бўлди. Эшикни очди, қўшни болача қўлида халта билан турарди...
---”Кеннойи, битта амаки буни Фарида кеннойингга бер"- деб бериб кетди.
Фарида ким экан, бу нима экан деб болани қўлидан олди. Эшикни ёпиб хонага кирди, халтачани очди:
---”Я Аллоҳ, бу нима, Я Аллоҳ” Фарида хайратда эди. Ҳалтадаги нарса газетага ўралган пул эди, жуда катта миқдордаги пул!
Фаридани овозига нариги хонадан эри чиқиб келди. Пулни кўриб адашиб беришган Фари, деди...
---”Бола амаки исмимни айтиб берганини айтдику,” Фарида ҳайрон эди.
Эри: ”Жойига солиб қўй, ҳадемай келиб адашганини айтиб олиб кетишади", деди.
Қайтиб халтага солмоқчи бўлиб қараса халта тагида қоғоз турибди, олди, хат шекилли, очиб ўқий бошлади...
---“Ассалому алайкум, мени ва оиламни ҳидоят топишига сабабчи бўлган синглим!
Ўзимни таништиришни истамайман, хатимни ўқиб балки танирсиз ҳам...
Бир неча йил аввал бизни кўчада ўқишингизга ўтиб кетардингиз, қизим эса ҳар куни сизни ўтишингизни кутар ва сизга жуда ҳавас қиларди (буларни мен кейинроқ билдим)...
Эслай оласизми бир куни кўчадаги қизларга
---"Болажонларга туҳфа” ва “Намоз ўқишни ўрганаман” китобларини ҳадя қилганингиз...
Ўшалар орасида мени қизим ҳам бор эди... Қизим 15 ёш эди ўшанда. Китобларни ўқиб таъсирланиб, намоз ўқий бошлаган. Қизим 5 вақт намоз ўқиётганини билардим. Майли ўқиса ўқир дердим...
Бир куни тунда томоғим қуриб уйғондим. Ошхонага ўтаётиб қарасам қизимни хонасини эшиги қия очиқ, ой ёруғида қизимни жойнамоз устидалигини кўрдим... Кечасиям намоз ўқишга бало борми? — деб жаҳл билан эшик олдига бордим....
Нимадир мени тўхтатди... Кузата бошладим.
Қизим йиғлаб намоз ўқирди… Тугатиб қўлларини дуога очди, пичирлаб ДУО қила бошлади: (Давоми👇)

Ибрат учун яқинларга юборинг!


https://t.me/+T-wiygxPKGc1OWRh

(Давоми👇)

---"Эй Аллоҳим, Сен бизни ибодат учун яратдинг!
Биз ғофил бандаларинг сенга бўйсунмай гуноҳ қилишда давом этяпмиз. Сен раҳмли, меҳрибон зот бўлганинг учун устимизга бало-азоб юбормаяпсан. Аллоҳим, мени ёмон кўрасанми!?
Яхши кўрсанг нега Фарида опани ота-онаси, ака-опаларини Фарида опани сабаб қилиб йўлинга бошладинг, нега мени отамни ҳидоят қилмаяпсан!?
Нега отамни сажданга бош қўйишларини истамаяпсан!? Аллоҳим, отамни тўғри йўлинга бошла, мени рўмол ўрашимга рухсат берсинлар. Аллоҳим…”
Қолганини эшитолмадим, бўғзимга нимадир тиқилиб, нафас ололмай қолдим, тез ётоқхонамга кирдим. Кўзларимдан оқаётган ёшни тўҳтатишга ожиз эдим...
Эй Аллоҳим, наҳот шунчалар кўр бўлмасам. Уйимни тўғрисида масжид, беш вақт азон айтилади. Мен нега масжидга чиқмайман, нега намоз ўқимайман, нега!?
Намоз ўқиётганлардан қаерим кам, қаерим ортиқ?!
Мени нима тўсяпти ибодатдан?! Аллоҳ менга ибрат бўлсин деб қизимни ҳидоятга бошлаб қўйибдику...
Аслида мен фарзандларимга бу йўлни тушунтиришим керакмасмиди?!
Нега, нега ундай бўлди?! Яна қизимга қаршилик қилганимчи! Ўзимдан уялиб кетдим. Аллақачон уйғониб бўлган аёлим “Нима бўлди?!” деб ҳайрон эди...
Ана масжиддан азон овози эшитиляпти. Тез турдим, таҳорат қилишим керак, масжидга чиқаман...
Уйдан чиқмоқчилигимни кўрган хотиним ”қаёққа адаси?!” деб сўради. Қизим эшитсин деб боор овозим билан:
---”МАСЖИДГА, онаси, МАСЖИДГА!” дедим. Хонасидан югуриб чиққан қизимни кўзларидаги ҳайрат аралаш қувонч ҳалигача кўз ўнгимда. Югуриб келиб бўйнимдан қучоқлаб йиғлаганча:
---”Алҳамдулиллаҳ, адажоним, Алҳамдулиллаҳ” ,— дерди...
Шу кундан бутунлай ўзгардим
Солиқ идорасида ишлардим. Ишимни ташладим. Масжиддаги бир-икки биродарлар тижорат қилишимга сармоя беришди...
Янги иш бошладим. Бошлаган куним оилам билан суҳбатда ниятимни айтдим:
---”Ин ша Аллоҳ шу ишларим юришиб кетса энг катта қилган фойдамдан бизга Аллоҳни танитишга сабаб бўлган қизимни, Фарида опасига бераман” !
Ниятим холис эди, қалбимни туб-тубидан чиққанди. Мана ишимдан кўрган фойдамдан сизга олиб келдим, гарчи сиз бизга берган нарсангиз бебаҳо бўлса ҳам...
Ажрингизни Аллоҳни ўзи берсин...
Дуоларда эслаб қўйинг, сиз ва оилангиз доим дуоимиздасиз!
Ҳа, айтгандай яқиндагина қизимни узатдик... Илмли, тақволи қори йигитга.”
Хат шундай тугаганди... Кўз ёшларидан кийимларигача ҳўл бўлган Фарида фақат шуни такрорларди:
---”Аллоҳим, Раззоқ сифатингга шубҳам йўқ, ўзингга таваккул қилдим, Ўзинг менга кифоя қилгувчисан!
Бандаларингни иймон неъмати билан севинтирган Роббим, Сенга ҳамд бўлсин, Сенга ҳамд бўлсин!”

Аллохим Мана шундай Аёлларни Купайтиргин.
Ин Шаа Аллоҳ!

Ибрат учун яқинларга юборинг!


https://t.me/+T-wiygxPKGc1OWRh

#Ўқиб_кўринг_фойдаси_тегади

Хаммаси гап қандай қарашда...

Бир замонлар бир кўзи ғилай ва бир оёғи калта подшоҳ бўлган экан. Кунларнинг бирида у барча рассомларни чақиртириб ўз суратини жисмоний нуқсонларини яширган ҳолда чизишни буюрибди. Лекин рассомларнинг бирортаси бунга рози бўлмабди. Улар ўзаро “Бир кўзи ғилай ва бир оёғи калта подшоҳни соғлом кўз ва оёқли қилиб тасвирлаш ёлғон манзара бўлади, биз бундай ишга қўл урмаймиз”, дейишибди ва ҳар хил баҳоналар билан шоҳга ўз узрларини изҳор қилибди. Аммо бир рассом бунга рози бўлиб, барча мусаввирларни ҳайратга солибди.

Ҳақиқатан, у подшоҳнинг нуқсонсиз расмини жуда ҳам чиройли тасвирлабди.

Суратда подшоҳ ов милтиғини ушлаб кийикни нишонга олаётган ҳолатда эди. Бундай чоқда табийки, овчи бир кўзини юмиб олган ҳамда бир оёғини букиб ерга таяниб турган бўлади. Маҳоратли рассом суратда подшоҳнинг ғилай кўзи ва чўлоқ оёғини шу ҳолатда яшира олди. Бошқа ҳамкасблари унинг маҳорати ва зийраклиги олдида бош эгди ва тасаннолар айтди. Чунки у одамларга айблов кўзи билан эмас, балки ижобий кўз билан қараб, уни бенуқсон суратда тасвирлай олган эди.

Бизнинг ҳам атрофимиздаги одамларнинг баъзи камчиликлари кўзга ташланиши мумкин. Лекин биз улар ҳақида гапирганимизда бу камчиликларни яширишимиз ва яхши тарафга йўйишимиз даркор. Чунки инсон хатодан холи эмас. Ундан ташқари, одамларнинг баъзи қилаётган ишларига унинг ҳақиқатини билмасдан, зоҳирига қараб баҳо бериш билан ноўрин айблаб қўйиб, сўнг пушаймон бўлишимиз мумкин. Пайғамбаримиз соллаллоҳу алайҳи васаллам бу ҳақида: «Зинҳор ва зинҳор бадгумон бўлманглар. Чунки бадгумонлик сўзнинг энг ёлғонидир», деганлар. Ояти каримада ҳам Аллоҳ таоло: «Эй мўминлар, кўп гумонлардан четланинглар! Чунки баъзи гумон(лар) гуноҳдир. (Ўзгалар айбини қидириб) жосуслик қилманглар ва бирингиз бирингизни ғийбат қилмасин»,деган(Ҳужурот,12).

Демак, ўзгалардаги аниқ кўриниб турган айбларни гапиришимиз ғийбат, аниқ бўлмаган камчилик ёки айбларни айтишимиз бадгумонлик, асли бўлмаган айбни айтиш эса бўҳтон ва туҳмат бўлар экан. Шундай экан, бошқалар ҳақида гапирганимизда тилимизга эҳтиёт бўлайлик ва фақат уларнинг яхши тарафини тилга олайлик.
Ҳамма гап қандай қарашда


Истасангиз яқинларга юборинг!

Каналимизга обуна бўлмаган бўлсангиз,обуна бўлинг🤗

@ibratli_hikoyalarim_kanali
https://t.me/+T-wiygxPKGc1OWRh

Шайх Оиз Қарний айтадилар:

"Сизга руҳ пуфланган пайтда
- айолнинг қорнида бўласиз.
Йиғлаган пайтингизда - айолнинг бағрида бўласиз.
Ва ошиқ бўлган пайтингизда эса - айолнинг қалбида бўласиз.
Уларга меҳрибон бўлинг, мулойим бўлинг.Айол омонатдир, у ҳорланиш учун яратилмаган!"

Ибрат учун яқинларга юборинг!

@ibratli_hikoyalarim_kanali

🌙ЖУМА МУБОРАК БЎЛСИН, АЗИЗ ДИНДОШИМ! 🌙

🌷•💐Қиблага юзланиб шодланса юрак,
💐•🌷Шу онда раҳматин ёғдирса фалак,
🌷•💐Улуғ зот борми Аллоҳдан бўлак,
💐•🌷Мусулмон аҳлига жума муборак!

🌷•💐Кунларнинг шоҳидур "Жума" айёми,
💐•🌷Шу сабаб улуғдур бу куннинг номи.
🌷•💐Бугун сизга тилайман олтиндан бир тахт,
💐•🌷Аллоҳим насиб эцин илоҳий бир бахт...

📩 Меҳрли инсонларга юборинг! ☝️

Биринчилардан бўлиб табрикланг! 🤗🕊

👉 @Ibratli_hikoyalarim_kanali Уланинг☑️

👉https://t.me/+T-wiygxPKGc1OWRh

"Саждадаги энг ажиб ҳолат - сен замин қулоғига пичирлайсанда, сени самодаги* Зот эшитади".
---
* олийлик назарда тутилди.

©MubashshirAhmad

👉 @Ibratli_hikoyalarim_kanali

SHUNAQANGI DUO QILINGKI U DUOYINGIZ OLAMLARGA TATISIN .

©Sardor Rahimxon

Istasangiz yaqinlaringizga yuboring 🤗

@ibratli_hikoyalarim_kanali

Покистонда бўлган воқеа🥺

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ушбу воқеа Покистонда юз берган эди. Табиб, маҳшур жарроҳ доктор Эшон ўзларининг тиббиёт соҳасидаги узоқ йиллик меҳнатларини тақдирлаб ўтказилаётган халқаро илмий конференцияда қатнашиш учун аэропортга шошаётган эдилар. Кутилмаганда парвоз бошланганига ярим соат ўтгач яшин сабабли сaмoлётга жиддий шикаст етгани, натижада мажбурий равишда яқин атрофдаги аэропортга қўндирилаётгани эълон қилинди. Доктор Эшон сaмoлёт ходимларига қараб: «Мен халқаро тоифадаги шифокорман, мендаги ҳар бир дақиқа одамларнинг жонлари баҳосига тенг туради. Сизлар бўлса менинг шу ерда сaмoлёт тузалишини кутиб ўн олти соат қолиб кетишимни истаяпсизларми?», – деб хитоб қилди.

Ходимлардан бири: «Эй доктор, шошаётган бўлсангиз ижарага машина олишингиз мумкин, ана шунда сафарингиз уч соатдан ошмайди», – деди. Доктор Эшон бу гапга рози бўлди ва такси чақиртирди. Йўлда боришар экан, кутилмаганда об-ҳаво ўзгариб, қаттиқ ёмғир ёға бошлади. Бунинг оқибатида йўлни кўриш қийин бўлиб қолди. Шу ҳолда икки соат юришгач, йўлдан адашганларини билишди ва чарчоқни ҳис қилишди. Доктор Эшон ўша атрофда бир кичик уйни кўриб қолди ва машина эшик олдида тўхтади. Эшикни тақиллатгач ичкаридан кекса аёлнинг: «Ким бўлсангиз ҳам кираверинг, эшик очиқ», – деган овозини эшитди. Доктор ичкарига кирди ва кекса онахондан телефондан фойдаланиб олишни сўради. Кампир кулиб: «Қанақа телефон, эй болажоним, қаерга келиб қолганингизни билмаяпсизми? Бу ерда электр ҳам, телефон ҳам йўқ. Лекин, марҳамат, дам олинг, бир пиёла иссиқ чой ичинг! Ана у ерда таом бор, чарчагансиз, куч-қувват йиғиб олиш учун таом истеъмол қилинг», – деди. Доктор Эшон онахонга ташаккур айтиб, таомдан танавул қила бошлади. Бу пайт кекса аёл намоз ўқиб, дуо қилади. Доктор бирдан онахоннинг ёнидаги беланчак устида қимирламай ухлаётган кичик болага кўзи тушиб қолди. Онахон ора-орада беланчакни тебратиб қўярди. Шундай қилиб аёл узоқ вақт намоз ва дуо ила машғул бўлди. У ибодатини якунлагач доктор унга савол билан юзланди:

– Аллоҳга қасамки, саховатингиз, гўзал ахлоқингиз билан мени хижолатга солиб қўйдингиз. Шоядки, Аллоҳ дуоларингизни ижоб қилса.

– Болажоним, сен йўловчисан, сенга Аллоҳдан қўрқишни тавсия қиламан, дуоларимга келсак, Аллоҳ таоло уларнинг барчасини ижобат қилди. Фақатгина битта дуойим қолди.

Доктор Эшон қизиқиб:

– Нима экан ўша дуо?, – деб сўради.

Онахон:

– Сиз кўриб турган бу болакай менинг набирам, ота-онасидан етим қолган, бўғимларига касаллик етди, биздаги барча табиблар уни давошлашдан ожиз бўлиб қолдилар. Менга уни даволай оладиган бир катта жарроҳ борлиги, унинг исми доктор Эшон экани ҳақида хабар беришди. Лекин у жарроҳ бу ердан узоқда яшайди. Менинг эса набирамни у ерга олиб боришга қувватим етмайди. Бечора болагинамга бир кор ҳол бўлишидан қўрқаман. Шунинг учун Аллоҳ таолога ишимни осонлаштиришини сўраб дуо қилдим, – деди.

Доктор Эшон йиғлаб:

Аллоҳга қасамки, сизнинг дуоларингиз сaмoлётларни тўхтатди, яшинларни ҳаракатга келтирди, ёмғир ёғдирди. Демак, буларнинг барчаси мен сизнинг олдингизга келишим учун юз берибди-да!

Агар банда Аллоҳ таоло бутун борлиғи билан боғланса, ёрдамни фақат ундан сўраса, Аллоҳ таоло у бандасига, албатта, мақсадига эришиши учун сабабларни осон қилиб қўяди.

Араб тилидан Нозимжон Ҳошимжон таржимаси

Манба: Islom_uz

Истасангиз яқинларга юборинг!

Каналимизга обуна бўлмаган бўлсангиз,обуна бўлинг🤗

https://t.me/+T-wiygxPKGc1OWRh

ОТА...

Шайх Алий Тантовий дурдоналаридан:
Бир йигит менга қуйидаги воқеани айтиб берди:
“Отам билан бир масалада келишолмай қолдим. Бироз овозимни кўтаришгача бордим. Олдимда китоб-дафтарларим турган эди. Уларни столим устига улоқтирдим ва ётоқхонамга кириб кетдим. Хафалик ва қайғу қалбим ва ақлимни бутунлай чулғаб олган эди. Ётоғимга чўзилиб, ёстиққа бошимни қўйдим. Ўзи одатда бирон нарсадан қаттиқ сиқилсам, ғам-андуҳ менга етса, ухлашга ҳаракат қиламан.
Одатдагидек, эртаси куни универститетдан чиқдим, меҳрибон отамга эркаланиб ва кечаги қилмишимни “ювиш” мақсадида: “Отажоним! Эшитишимга қараганда инсон оёғининг таг қисми устидан кўра юмшоқ ва майин бўлар экан. Бу гапни тўғрилигини аниқлаш учун муборак қадамингиз лабим билан буни тажриба қилишга изн берармикан?”, деб CMC ёздим. Хонадонимизга етиб бориб эшикни очсам, отам мени даҳлизда кутиб турган эдилар. Кўзларидан оққан ёш икки юзларини ювиб тушган эди. Менга:
– Оёғимни ўпишингга ҳаргиз ижозат бермайман. Сен айтган гап жуда ҳам тўғри, мен уни сен гўдаклик чоғингда оёғингни усти ва тагини ўпиб, синаб кўриб билганман, – дедилар.
😓 Отамнинг бу гапларидан кейин кўз ёшларимни тута олмадим”.

"Ўқинг, фақат йиғламанг" китобидан.

Истасангиз яқинларга юборинг!

Каналимизга обуна бўлмаган бўлсангиз,обуна бўлинг🤗

https://t.me/+T-wiygxPKGc1OWRh

ДАРД

Шифохона. Тонг ёриша бошлади. Соат 04:38. Ота дераза ёнида тик туриб кўчага қараб ҳаёл суриб турибди. Унинг ҳаёлида битта ўй: "Ўғлим тузалиб кетармикин?.."

Уч кун олдин унинг 9 ёшли ўғли оғир операциядан чиқди. Ўша кундан бери отанинг кўзлари уйқу кўрмади. Докторлар ҳам тайинли гап айтишмади:
- Бу ёғи энди худодан. Аниқ бир гап айтолмаймиз. Кутамиз. Яхши ният қилайлик, ҳали ҳаммаси яхши бўлиб кетади. Операциядан кейинги уч кун жуда оғир кечади. Агар шу уч кундан эсон- омон ўтиб олсак, марра бизники - дейишди докторлар.
Мана бугун учинчи кун. Шу уч кун ота учун қанчалик имиллаб ўтди. Ҳар бир соат отанинг сабрини синаётгандек эзмаланарди. Ниҳоят бугун кутилган учинчи кун келди... Ота секин ортига қаради. Краватда ўғли беҳуш ётарди. Унинг билинар-билинмас нафас олаётган овози эшитиларди. Ота ўғлининг ёнига келди. Ҳолсизликдан оқариб кетган юзидан ўпди. Ҳиёл жингалак сочларини секингина силади. Яна соатгақаради, 04:45... Эҳ нега бунча эзмаланади бу вақт... Тунни ўтказиш, яна бемор олдида ўтказиш нақадар азоб?.. Ота яна дераза ёнига борди. Яна ҳаёллар денгизига ғарқ бўлди...
- Да-дада, ота келган овоздан сесканиб ортига қаради. Ха, ўғли ҳушига келган эди. У отилиб ўғлининг ёнига борди.
- Ха ўғлим, мен шу ердаман. Сув ичгинг келдими? Ҳеч қаеринг оғримаяптими?
- Дада онам шу ердами?
- Онанг?.. Ха шу ерда, бошқа хонада ухлаяпти.
- Опам ҳам шу ердами?
- Ха ўғлим опанг ҳам шу ерда.
- Акамчи, акам қаерда?
- У ҳам шу ерда. Сенинг уйғонишингни кутиб ўтиришибди.
Бола гапиришга қийналарди. Буни пешонасидаги тер томчиларидан ҳам билса бўларди.
- Дада бир гап айтсам мени уришмайсизми?
- Қанақа гап ўғлим, аввал эшитайчи.
- Мен математика фанидан 2 баҳо олгандим. Дўстим Аҳрор билан кундаликнинг ўша варағини йиртгандик.
- Ҳа майли, биринчи сафар ўзинг айтганинг учун уришмайман. Бундан буёғига энди фақат яхши баҳоларга ўқи, хўпми ўғлим?..
Тонг ёриша бошлади. Ота бу тонгни роса уч кун кутганди. "Худога шукур, ҳаммаси яхши бўлди" ҳаёлидан ўтказди ота ўғли билан гаплашиб ўтирар экан.
- Дада яна бир гап айтаман, уришманг хўп?
- Хўп. Қани гапирчи қанақа гап экан?
- Дада мен, мен... Мен Маҳлиёни севаман.
- Ростданми ўғлим? Хўш у қанақа қиз? Кимнинг қизи? Мен танийманми?
- Улар орқа кўчада яшайди. Дадаси дамас ҳайдайди... Маҳлиё чиройли қиз. Юзлари оппоқ, сочлари уузун. Фақат доскага чап қўли билан ёзадида. Дафтарига эса ўнг қўли билан ёзади. У мен билан бир партада ўтиради...
Бола Маҳлиё ҳақида гапирар экан кўзлари чақнаб кетарди. Шунақанги берилиб гапирардики ҳаттоки дардни ҳам унутганди. Ота ўғлининг гапларини эшитар экан шифтга қаради. Ахир унинг кўзидан ёш кела бошлаганди... Ота яна бир бор Яратганга шукрона келтирди. "Эй Худо, нақадар буюксан?! Шу ёшгина боланинг муштдек юрагига севги ўтини ёқишга улгурибсан. Беадад шукур ўзинга".
- Дада совқотаяпман. Ўғлининг гапидан кейин ота ўғлига қаради.
Ўғлининг қўлини кафтлари орасига олди.
- Дада, да-дад-а, мен жудаям совқатяпман. Дада, дадажон мен сизни жудаям яхши кўрам-ааан...
- Ўғлим, ўғл-и-и-и-ммм!!!..
Бу ҳайқириқ бутун шифохонани титратиб юборди...


Истасангиз яқинларга юборинг!

Каналимизга обуна бўлмаган бўлсангиз,обуна бўлинг🤗

https://t.me/+T-wiygxPKGc1OWRh

Қуръон ёдлашни истаганларга насиҳат:

1.Миқдорни (ёдланадиган оятлар миқдорини) камайтиринг.
2.Tакрорни кўпайтиринг, тўхтовсиз бардавом бўлинг,
3.Истиғфорни лозим тутинг. 4.Гуноҳларни енгиллатинг ва яхшиларни дўст тутинг.

Устоз Аҳмад Исо Маъсаровий

©MubashshirAhmad

Қурон ёдламоқчи бўлган яқинларингизга юборинг🤗

👉 @ibratli_hikoyalarim_kanali

#Bir_kunga_bir_duo

Robbim...

Kechir meni.
Kulganimda Seni unutaman.
Sen esa meni yig'laganimda eslaysan.

©R_Adaviyyah

👉 @ibratli_hikoyalarim_kanali

•O‘lim kelib to‘satdan,
••Bir yigit barvaqt o‘ldi.
•••Gunohlari ko‘p ekan,
••••Qabri otashga to‘ldi.
•••••Yillar o‘tdi oradan,
••••••Yigit qiynoqda yotar.
•••••••Ko‘tarilmas azoblar,
••••••••Kundan-kun bo‘lar battar.
•••••••Ammo, bir kun qabrga,
••••••Keldi ikki farishta.
•••••Zulmat bosgan bu qabr,
••••Birdaniga YORISHDI.
•••Farishtalar dedilar.
••Bitdi qabr azobi
•Endi sizga bo‘lmagay.
••ALLOHning hech g‘azabi,
•••Bu sovg‘alar siz uchun,
••••Bo‘lsin sizga muborak.
•••••Bizlarning kelishimiz,
••••••Sizga JANNATdan darak!
•••••••Yigit dedi: Malaklar,
••••••••Sizlar shoshib qolibsiz.
•••••••Loyiqmasman sovg‘aga,
••••••Siz adashib kelibsiz.
•••••Orzularim ko‘p edi,
••••O'lib ketdim armonda.
•••Loyiqmasman sovg‘aga,
••Qilmang meni sharmanda.
•Yotaverib bir joyda,
••Ko‘nikdim-ku SABRga.
•••Olib borib beringlar
••••Uni boshqa birovga.
•••••Farishtalar dedilar:
••••••Biz qilmaymiz hech xato,
•••••••Bu sovg‘alar siz uchun,
••••••••Sizga qilingan ATO.
•••••••Jon oluvchi farishta,
••••••Joningizni olgandi.
•••••O‘sha payt beshikda,
••••Farzandingiz qolgandi.
•••Insonlarga farzandlar,
••Beriladi omonat.
•Omonatga hiyonat
••O'rtamasa diyonat.
•••Ayolingiz tarbiya,
••••Qildi yolg‘iz bolani.
•••••Farzandingiz o‘rgandi
••••••Shu bugun BISMILLAHni.
•••••••Qabringizni tark etar
••••••••Endi azob-g‘avg‘olar.
•••••••Diyonatli farzanddan
••••••Kelaverar sovg‘alar.
•••••Yaxshi qolgin ey yigit,
••••So‘zimiz rostdir ishon.
•••Farishtalar ketdilar
••Qabr bo‘ldi NURAFSHON.
•Oxiratni unutdik
••Dunyolarga berilib.
•SAVOB ishni or bilib
••GUNOH qildik kerilib.
•••BISMILLAHni o‘rganib
••••Shuncha savob bo‘lsa gar.
•••••Qancha savob bo‘larkan,
••••••QUR’ON o‘qisak agar.
•••••••DUO qiling azizlar,
••••••••Farzandlar OLIM bo‘lsin,
•••••••Ulashing bu maqolani,
••••••Boshqalar xam bilishsin...
Payg'ambarimiz haqiga o'n marta salovot ayting iltimos
Allohumma solli a'la sayyidina Muhammad
Allohumma solli a'la sayyidina Muhammad
Allohumma solli a'la sayyidina Muhammad
Allohumma solli a'la sayyidina Muhammad
Allohumma solli a'la sayyidina Muhammad
Allohumma solli a'la sayyidina Muhammad
Allohumma solli a'la sayyidina Muhammad
Allohumma solli a'la sayyidina Muhammad
Allohumma solli a'la sayyidina Muhammad
Allohumma solli a'la sayyidina Muhammad
Imkoni boricha maqolani tarqating erinmang qancha ko'p odam o'qisa shuncha sizning haqqingizga salovat yig'iladi balki qiyomatda shafoatingiz bo'lishi mumkin☺️


https://t.me/+T-wiygxPKGc1OWRh

Тавба қилишликда инсоннинг тасаввурига ҳам келмайдиган фазилатлар бор. Тасаввур қилиб кўринг бир гунох ишни қилдингиз ва тавба қилдингиз Аллоҳ таоло гунохингизни кечирди, буни хис қилишлик инсонни қанчалик қувонтиради ? Қувонишликга шошилманг... Агар тавбангиздан сўнг Аллоҳ таоло гунохингизни кечириш билангина чекланмасдан уни ўрнини ажр-савобларга алмаштириб қўйсачи унда ўзингизни қандай хис қиласиз. Аллоҳ таоло шундайин мехрибон зотки банда гунох қилиб, айбига иқрор бўлиб тавба қилганида гонохларини кечириш билангина чекланмасдан балки анашу гунохларни ўрнини савобларга алмаштириб қўяди.

إِلَّا مَن تَابَ وَآمَنَ وَعَمِلَ عَمَلًا صَالِحًا فَأُولَٰئِكَ يُبَدِّلُ اللَّهُ سَيِّئَاتِهِمْ حَسَنَاتٍ ۗ وَكَانَ اللَّهُ غَفُورًا رَّحِيمًا (الفرقان 70)

Магар ким тавба қилса ва иймон келтириб яхши амаллар қилса, бас Аллоҳ ана ўшаларнинг ёмонлик-гунохларини яхшили-савобларга алмаштириб қўяди, Аллоҳ мағфиратли, мехрибон бўлган зотдир. (Фурқон 70)

Ибрат учун яқинларга юборинг!

👉 @ibratli_hikoyalarim_kanali

Менинг отам алдоқчи

Оталарга бағишланган жуда таъсирли ролик. Беихтиёр кўзингизга ёш келади. "Алдоқчи" оталаримиз борлигига шукур!!!


Ибрат учун яқинларга юборинг!

👉 @ibratli_hikoyalarim_kanali

#bir_chimdim_kulgi

Биз ҳеч кимга ишонмайдиган халқмиз. Агар эшикка ёпиқ деб ёзиб қўйилган бўлса, биз албатта ўша эшикни тортиб ёки итариб очишга ҳаракат қилиб кўрамиз...

Яқинларингизга юбориш эсингиздан чиқмасин🤗

@ibratli_hikoyalarim_kanali

ТАНА БОШҚА ДАРД БИЛМАС
(Бўлган воқеа)

Дабдаба билан дастурхон ёзилди. Биродарлари, яқинлари қатор терилган, чет эл мошиналари турган йўлакдан ўтиб катта боғда ясатилган дастурхон устида жам бўлдилар. Бир ёқда тўтилари, бир ёқда беданалари, бир ёқда булбуллари сайраб, келганларни маст қилар, меҳмонларнинг кўзлари эса умриларида кўрмаган, емаган неъматларда эди.
–"Қани олинглар...
Буни яқинда Дубайдан олиб келдим. Буни Малайзиядан олиб келгандим, мазасини кўринглар. Бу Сингапурдан келган насибаде насиба...
Қани еб баҳо беринглар."
Зиёфатдан сўнг суҳбатлашар эканлар келганлардан бири яқин қўшнисига ёрдам керак эканлигини эслаб ўтди. Жуда абгор ҳолатда эканлиги, аёли касал, эркакнинг ойлиги 4 фарзандга етмаётгани, топгани аёлининг дориларидан ортмаётгани ва ҳаказо...
Теридан ишланган қаҳва ранг диванда ястаниб ўтирган уй эгаси: –"Эҳ, ҳозир ҳаёт қийин бўлиб кетди. Яшаш борган сари оғирлашиб бормоқда. Қўлимиздан дуодан бошқа ҳеч нарса келмайди биродар. Қўшнингизга Аллоҳ ёрдам берсин", дедию қўлига қимматбаҳо телефонини олди.

Хулоса ўзингиздан...

Ибрат учун яқинларга юборинг!

https://t.me/+T-wiygxPKGc1OWRh

#Муҳим
❗️ ГУНОҲКОРЛАР УЧУН БУ ДУНЁДА БЎЛАДИГАН ЗАРАРЛАР

– Илмдан маҳрум бўлиш;
– Ризқи тор бўлиши;
– Аллоҳ таолонинг зикридан узоқ бўлиши;
– Одамлардан узоқда бўлиши. Хоссатан, яхшилардан;
– Ишларида қийинчиликка тушиб қолиши;
– Қалби қорайиши, заифлашиши;
– Қалби қорайиб, заифлашгач, жисми ҳам касалланиши;
– Тоат ва тавба учун бўладиган тавфиқни Аллоҳ таоло тортиб олиб қўйиши;
– Гуноҳларни ёмон кўрмайдиган бўлиб қолиши;
– Аллоҳнинг ҳузурида хору зор бўлиши;
– Одамларга зарари тегиши (яъни гуноҳлар қаҳатчиликка, қурғоқчиликка сабаб бўлади. Бундан эса жонзотлар, одамлар ва ҳайвонларга зиён етади);
– Ақлнинг бузилиши;
– Пайғамбаримиз алайҳисаломнинг осийларга лаънати;
– Осийларнинг малоикалар дуосига кирмаслиги;
– Еру осмон баракасидан маҳрум бўлиши;
– Ундан ғайрат, ҳaёнинг кетиши;
– Аллоҳ таолонинг улуғлиги ва ҳайбати осий қалбидан кетиши;
– Ғам-ташвишнинг кўплиги;
– Шайтон уни бошқариши;
– Қалб изтироби;
– Ўлим олдидан тавба насиб этмаслиги;
– Аллоҳ таолонинг раҳматидан ноумид бўлиш.

Ашраф Али Таҳонавий
📚 "Жаннат зийнати" китобидан.

Ибрат учун яқинларга юборинг!

https://t.me/+T-wiygxPKGc1OWRh

ЙИҒЛАШ БАХТИ

Анча кеч кириб қолган, қишни кузатувчи кунлар эди.
Такси ҳайдовчисининг бекатда турган икки йўловчининг бирини қолдирганидан ҳайрон бўлдим. Аста яқинлашиб сабабини англадим. Ўртаёш йигит қўлтиқтаёқ билан бир аҳволда турарди.
Ҳамроҳ бўлдик. Соддагина, ажойиб йигит. Манзилига етай деганда ичкарироқ, йўли “чапроқ” манзилга имкон бўлса элтиб қўйишимни сўради. Кеч тушгани, “киракаш” эмаслигим, манзилим узоқлигини рўкач қилиб уни йўл бошида қолдирдим....
Қанча юрдим билмайман. У йўлда кундузи ҳам биpop уловнинг учраши амримаҳол, пиёда-ку етиб олса бўлар, лекин, этни чимчийдиган совуқ ва қўлтитаёқ билан....
Машинамни орқага бурдим. Қўлтиқтаёқли йигит йўл бошида совуқдан дағ-дағ қалтираб турарди. Машинанинг эшигини очиб... йиғлаб юборди... Менинг эса томоғимга нимадир тиқилди.
Манзилига элтиб қўйдим. Ўша пайт мен ҳам ҳўнграб йиғлагим келди. Афсус...
😥 Англадимки, йиғлаб кўнгилни бўшатиш” бахти ҳам Тангри суйган бандаларигагина насиб қиларкан.

"Ўқинг, фақат йиғламанг" китобидан.
©mehrob_uz

Ибрат учун яқинларга юборинг!

https://t.me/+T-wiygxPKGc1OWRh