#Савол:

Қайси пайтда намоз ўқиш макруҳ?

#Жавоб:
Қуёш чиқаётган пайтда, қиёмга келганда, ботаётганда. Фақат аср намози ўқилмай қолган бўлса, бундан мустасно. Агар киши бомдоддан кечикиб намозни қуёш чиқаётганда ўқимоқчи бўлса, яхшиси бир оз кутиб тургани ва кун батамом чиқиб бўлгач, қазо қилиб ўқигани маъқул.

🇺 🇱 🇦 🇸 🇭 🇮 🇳 🇬

@IYMONLI_QALBLAR_UZ
http://T.me/Iymonli_Qalblar_Uz

ҒУСЛ УЧУН ТАЙЁРЛАНГАН СУВГА ҚЎЛНИ ТИҚИБ КЎРИШ
#ғусл

❓#CАВОЛ:

Ассалому алайкум. Жунуб киши ғусл учун тайёрланган челакдаги сувнинг ҳароратини билиш учун пок қўлининг қанча қисмини сувга ботирса сув оби мустаъмалга айланади. Жавобингиз учун олдиндан раҳмат!

💬 #ЖАВОБ:

Ваалайкум ассалом. Таҳоратсиз, жунуб ва ҳайздан пок бўлган кишилар сувдан ҳовучлаб олиш учун қўлини сувга тиқса, бунга зарурат бўлгани учун, сув оби мустаъмалга айланмайди (Фатавойи ҳиндия).

Расулуллоҳ саллаллоҳу алайҳи васаллам масжидининг эшиги ёнига сув идиши қўйилар ва ундан суффа аҳли таҳорат ва бошқа нарсалар учун қўллари билан ҳовучлаб сув олишарди. Чунки бунга зарурат ва ҳожат бор эди (Фатҳи бобил иноя).

Имом Абу Юсуф раҳматуллоҳи алайҳдан машҳур ривоятга кўра сув оби мустаъмал бўлиши учун тўлиқ бир аъзони унга киргизиш шарт қилинади. "Муҳит" китобида шундай дейилган. Битта ёки иккита бармоқни сувга тиқиш билан сув оби мустаъмалга айланмайди, балки сувга кафтни тиқиш билан мустаъмалга айланади. "Зоҳирийя" китобида шундай келтирилган (Фатавойи ҳиндия).

Юқоридаги масалалар қўлда нажосат бўлмаган ҳолатга тегишлидир. Агар қўлда нажосат бўлса, албатта, сув нажосатга айланади. Валлоҳу аълам.

Ўзбекистон мусулмонлари идораси
фатво ҳайъати.

Савол йўллаш
🌐 http://savollar.muslim.uz || 📲 @SavollarMuslimUzBot

▫️ Каналга уланиш👇

📲 @IYMONLI_QALBLAR_UZ

ҲАЙЗ МУДДАТИНИ ЗАМОНАВИЙ ВОСИТАЛАР ЁРДАМИДА АНИҚЛАШ.

#таҳорат

❓ #CАВОЛ:

Шифокорларнинг ҳайз бошланиши ҳақидаги сўзи эътиборга олинадими. Масалан: 3 кун ҳайз кўрди. Сўнг шифокор аёл УЗД аппарати орқали текшириб: “ҳайз энди келади, у қандайдир касаллик”, деса қандай йўл тутилади?

💬 #ЖАВОБ:

Бисмиллаҳир роҳманир роҳим.

Ҳайзнинг энг кам муддати уч кечаю уч кундуз, энг кўпи ўн кечаю ўн кундуз. Уч кундан кам ёки ўн кундан кейин кўрилган қон ҳайз ҳисобланмайди. Балки уни истиҳоза, яъни касаллик қони дейилади. Икки ҳайзнинг ўртаси камида ўн беш кун бўлиши керак, кўпига чегара йўқ. Ҳомиладор аёл ҳайз кўрмайди, мабодо қон кўрса, касаллик қони бўлади (манба: “Ал-Мухтор” ва “Мухтасарул виқоя” китоблари).

Ислом дини ҳар замон ва маконда пайдо бўлган саволларга жавоб беради. Шу сабаб ибодат вақтлари ва мавсумлари инсон доим аниқлаш имконида бўлган нарсаларга боғлаб қўйилган. Масалан: намоз вақтлари Қуёшнинг чиқиши ва ботиши, Рамазон ойи ва ҳаж мавсумини аниқлаш ҳилолнинг кўриниши билан ҳисобланади. Худди шундай, ҳайз масаласида ҳам энг кам ва энг кўп миқдори белгилаб қўйилган, ўша асосида иш кўрилади. Бу ерда асбобларнинг хулосасига эҳтиёж йўқ ва у эътиборга олинмайди.

Демак, сизнинг мисолингизда қон кўриш уч кундан ошиб, ўн кунгача тўхтаса, уни ҳайз қони деб, эътиборга олинади. Ўн кундан ошиб кетса, одатда ҳайз кўрадиган кунлари ҳайз ҳисобланади. Одатдаги кунларидан ортгани эса истиҳоза қони, деб қаралади. Валлоҳу аълам.

Ўзбекистон мусулмонлари идораси
фатво ҳайъати.

Савол йўллаш 👇👇👇
🌐 http://savollar.muslim.uz
📲 @SavollarMuslimUzBot

🔊 @IYMONLI_QALBLAR_UZ

#савол_жавоб

Бир дарахтга бошқа мевали дарахт новдасини пайванд қилиш тўғрими?

#Савол:

Ассалому алайкум!
– Баъзи бир боғбонларимиз мевали дарахтларни пайванд қилишади. Албатта, дарахтни парвариш қилиш бу – яхши, лекин битта дарахтга икки уч хил мевали дарахт новдасини пайванд қилиш тўғрими?

#Жавоб:

Ва алайкум ассалом!
– Барча нарса инсон манфаати учун яратилган. Ундан қулай ва тўғри мақсадда фойдаланишга ҳеч қандай қаршилик йўқ. Расулуллоҳ соллаллоҳу алайҳи васаллам замоналарида от билан эшакни урчитиб ҳачир олинар эди. Бу эшак хизмат қиладиган ўринда кўпроқ фойда берарди, чунки у оддий эшакдан бир неча бор кучли бўларди. Шаҳар каби жойларда биргина дарахтдан бир неча хил мева олиш албатта фойдали бўлади. Қолаверса манзараси ҳам чиройли бўлади. Аммо бу каби ишларни инсонлар устида олиб бориш жоиз эмас. Аллоҳ таоло инсонни мукаррам қилиб яратиб, инсон наслини ҳимоя қилиш учун зинони ҳаром қилди ва бир аёл бир вақтнинг ўзида бир неча эркакка никоҳланишини ҳаром қилди. Ҳатто иддаси чиқмасидан туриб эридан бошқасига никоҳланишини ҳам ҳаром қилди. Инсон аслий ҳолатида қолиши учун ҳатто қошини теришни ҳам ман қилди. Валлоҳу аълам!

©️ savollar.islom.uz

✅ Дўстларингизга ҳам улашинг!!! ⤵️

📲 @IYMONLI_QALBLAR_UZ

АЁЛНИ ИБОДАТ ЛИБОСИ.

Ассалому алайкум!. Аёл киши намоздаги кийими тиззасигача бўлса (пасти шалвар ёки ласина) намози дурустми?

#ЖАВОБ:

- Ва алайкум ассалом ва рахматуллоху. Устки кийимини тиззасигача тушганининг зарари йўқ. ундан пасти баданни аниқ билдириб турадиган даражада тор бўлмаслиги керак. Иккисида ҳам намоз адо бўлади. Тор пастки кийимда макруҳлик билан адо бўлади. Валлоҳу аълам!

"Зикр аҳлидан сўранг" ҳайъати

✅ Манба

➡️ @IYMONLI_QALBLAR_UZ

Ўқишни тугaтиб oлиш учун турмушгa чиқишни рaд этгaн aёлнинг ҳукми
___

#САВОЛ:

Қиз, мaълум йиллик кoллeж, институт кaби тaълим муaссaсaлaрини битириб oлиши учун совчилaргa рaд жaвoбини бeриш ҳoзирги кундa турмушгa чиқмaгaн қизлaр вa улaрнинг oтa-oнaлaри тoмoнидaн кенг тарқалганлиги ачинарли ҳолдир. Бунинг ҳукми қaндaй?


#ЖАВОБ:

Бу Расулуллoҳ соллаллоҳу алайҳи ва салламнинг буйруқлaригa зиддир. Расуллуллoҳ соллаллоҳу алайҳи ва саллам: «Агaр сoвчи юбoргaн кишининг дини вa xулқи сизга ёқса унгa (қиз-жувонларингизни) турмушгa узатинг», дeб мaрҳaмaт қилгaнлaр.

Расулуллoҳ соллаллоҳу алайҳи ва саллам йигитларга шундaй дeб мурoжат қилгaнлaр: «Эй йигитлар, ким уйланиш сарф-харжатларига қодир бўлса уйлансин. Чунки у кўзни тўсувчироқ олатни сақловчироқдир. Ким қодир бўлмаса рўза тутсин. Зеро рўза у учун ахталикдир.» (Яъни ҳаромга тушиб қолишдан ҳимоядир). Буxoрий вa Муслим ривояти.

Мeн aёллaрнинг вaлийлaри ҳисoблaнгaн мусулмoн бирoдaрлaримгa вa шу билaн биргa муслимa сингиллaримгa ўқишлaрини тугaтишни кутмай турмушгa чиқишни мaслaҳaт бeрaмaн.
Бунинг ўрнигa эрлaригa, турмушгa чиққaндaн сўнг ҳaм ўқишини дaвoм эттириши ёки битириб oлгунгa қaдaр бoлaлaр билaн бaнд бўлиб қoлмaслик тўғрисидa шaрт қўйишлaри мумкин. Бунинг зaрaри йўқ. Эҳтимол aёл киши ўқиётгaн сoҳaгa ҳoжaт йўқдир. Мeнинг нaзaримдa, aёл киши бoшлaнғич тaълимни тугaтиб, ўқиш-ёзишни ўргaниб oлгaндaн сўнг, унинг тaълим-тaрбияси учун энг фoйдaлиси Аллоҳ таъолонинг китoбини, тaфсирлaрни, Расулуллoҳ соллаллоҳу алайҳи ва салламнинг ҳaдислaрини вa улaрнинг шaрҳлaрини ўргaнишдир. Унинг учун энг кeрaклиси мaнa шудир. Aгaр шaрoит бўлсa, aлбaттa, тиббиёт кaби oдaмлaргa кeрaк бўлaдигaн сoҳaлaрдa ўқишини дaвoм эттириши мумкин. Бу ҳaм aлбaттa эркaклaр билaн aрaлaшмaгaн вa шу кaби ҳoллaрдa бўлиши кeрaк!


🇺 🇱 🇦 🇸 🇭 🇮 🇳 🇬

📲 @IYMONLI_QALBLAR_UZ

САЖДАДА ҚИЛИНАДИГАН ДУО ХАҚИДА.

Ассалому алайкум! Ҳурматли устозлар, 4045-саволга нима орзу ниятларинггиз бўлса намоздан ташқарида қилинг деб жавоб берибсиз. Ахир Шайх хазратлари ким саждада қолиб турмасдан нима сўраса хаммасини Аллоҳ таоло ижобат қилади деганларку. Бу видео қилиб олинган қайсидур масжидда.

#ЖАВОБ:

- Ва алайкум ассалом! Ҳазратимиз раҳимаҳуллоҳ фарз намозларини ичидаги саждада деб айтмаганлар. Намозлар ичида дунёвий нарсалар, бандалардан сўраладиган нарсалар ва ўзининг тилида нарса сўрайдиган бўлса намоз бузилиб қолади. Хаёлдан ўтказиш мумкин. Валлоҳу аълам!

"Зикр аҳлидан сўранг" ҳайъати 👇

http://T.me/Iymonli_Qalblar_Uz

НАМОЗ ВАҚТЛАРИ

#намоз

❓#CАВОЛ:

Ҳурматли фатво ҳайъати аъзолари намоз вақтлари ҳақида маълумот берсангиз?

💬 #ЖАВОБ:
Бисмиллоҳир Роҳманир Роҳим.

Бомдод намози: Бомдод намозининг вақти субҳи содиқдан (тонг отгандан) қуёш чиққунигачадир. Бомдод намозининг вақти киргандан бошлаб қуёш тўлиқ чиққунигача бомдоднинг икки ракат суннатидан бошқа нафл намоз ўқиш макруҳдир. Аммо қазо намоз ўқиса бўлади. Бомдод намозини ўқиш пайтида қуёш чиқиб қолса, бомдод намози бузилади ва қуёш тўлиқ чиққандан кейин қазоси ўқилади. Бугунги бомдоднинг фарзи суннати билан қазо бўлса ва қазосини заволгача ўқиса, суннати билан бирга қазоси ўқилади. Заволгача ўқилмаса, фарзини ўзи қазо қилинади. Бомдодни суннатига улгурмай, фарзини жамоат билан ўқиган киши фарздан кейин суннатни ўқимайди.

Пешин намози: Пешиннинг вақти қуёш заволга оғганидан ҳар бир нарсанинг сояси заволдаги соядан ташқари ўзининг узунлигидан икки баробар бўлгуничадир. Қуёш қиёмдан заволга қараб оғгандан бошлаб пешин намозининг вақти кирган бўлади. Заволдаги соядан ташқари ҳар бир нарсанинг сояси ўзининг бўйига икки баробар келгунича пешин вақти ҳисобланади.

Аср намози: Асрнинг вақти ҳар бир нарсанинг сояси заволдаги соядан ташқари ўзининг узунлигидан икки баробар бўлганидан бошлаб қуёш ботгуничадир. Аср намози адо қилинганидан кейин шом намози ўқилгунигача нафл намоз ўқиш макруҳ ҳисобланади. Аммо қазо намоз ўқиса бўлади. Асрга айтилган азондан кейин такбир айтилгунигача, бемалол нафл намоз ўқиса бўлади. Аср намозини қуёшни нури кўзни қамаштирмайдиган даражада кечиктириб ўқиш макруҳдир. Киши бугунги аср намозини ўқиш пайтида қуёш ботиб қолса, охиригача давом эттираверади ва намози бузилмайди.

Шом намози: Шомнинг вақти қуёш ботганидан шафақ йўқолгунича. Шафақ уфқдаги қизилликдир. Шом намозини доимо (йилнинг барча фаслларида) вақти кириши билан ўқиш мустаҳабдир. Демак, шом намозининг вақти қуёш уфққа ботиши билан бошланиб уфуқдаги қизиллик йўқолгунигача давом этади.

Хуфтон намози: Хуфтоннинг вақти шомнинг вақти тугагандан бошлаб тонггачадир. Витрнинг вақти хуфтон ўқилгандан бошлаб тонггачадир. Хуфтон намозини ярим кечадан кейин ўқиш макруҳдир.

Қазо бўлган ва нафл намозларни куннинг барча вақтида ўқиса бўлади. Фақат қуёш чиқиш, қиёмга келиш ва ботиш вақтлари бундан мустасно. Бу уч вақтда ҳеч қандай намоз ўқиб бўлмайди (Манба: “Фатҳу бабил иная”). Валлоҳу аълам.

Ўзбекистон мусулмонлари идораси
фатво ҳайъати.

@IYMONLI_QALBLAR_UZ🕋

АТИР СЕПГАН АЁЛ💨

#САВОЛ:

Ассалому алайкум Аёл атир сепиб кўчага чиқса ва номаҳрам эркак ҳидласа аёлга ғусл вожиб бўладими?

#ЖАВОБ:

- Ва алайкум ассалом! Ғусл вожиб бўлмайди, аммо бу ҳақида қуйидагича ҳадис келган. 
عَنْ أَبِي مُوسَى رَضِي اللهُ عَنْهُ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: إِذَا اسْتَعْطَرَتِ الْمَرْأَةُ فَمَرَّتْ عَلَى الْقَوْمِ لِيَجِدُوا رِيحَهَا فَهِيَ كَذَا وَكَذَا، قَالَ قَوْلًا شَدِيدًا. رَوَاهُ أَصْحَابُ السُّنَنِ  
Абу Мусо розияллоҳу анҳудан ривоят қилинади:
«Набий соллаллоҳу алайҳи васаллам:
«Қачон аёл киши атир сепиб, унинг ҳидини билдириш учун бир қавмнинг олдидан ўтса, у бундоқ-бундоқдир», деб қаттиқ гап айтдилар».
«Сунан» эгалари ривоят қилган.

Шарҳ: Бошқа бир ривоятда «ўша аёл зониядир», дейилган. Чунки хушбўй нарса ила бегона эркакларнинг эътиборини қасддан жалб қиладиган, кўнгилларининг суст кетишига сабаб бўладиган аёл яхши аёл бўлмайди. Бу нарсага аёл-қизларимиз алоҳида эътибор бермоқлари лозим.
Исломда аёл кишининг ўткир ҳидли хушбўй нарсаларни ўзига суртиб олиб, бегона эркакларнинг шаҳватини қўзитишлари ўта маданиятсизлик ҳисобланади. Маданиятли муслима бундай вазиятда ҳиди кучсиз хушбўйларини ишлатади. ("Ҳадис ва Ҳаёт" китобидан). Валлоҳу аълам!

•┈•┈•┈•┈•❁❁•┈•┈•┈•┈•
Каналимизга уланинг👇

@IYMONLI_QALBLAR_UZ

ҲАЛОЛ ТАМҒАЛИ ВИНО БЎЛИШИ МУМКИНМИ?

@Savollar_kanal

Ассалому алайкум! Устозлар, мен интернетда ўқиб қолдим. Ҳалол тамғаси босилган винолар бор экан. Шулар ҳақиқатдан ҳам ҳалолми?

#ЖАВОБ:

– Ва алайкум ассалом! Динни мазах қилиш шу даражага етдики, шариатга мувофиқ сўйилмаса ҳам ҳалол тамға боссак одамлар ейишавераяпти, энди ҳаром нарсаларга ҳам босиб кўрайликчи улар ичишаверса керак деб буни ҳам қилишиб кўришмоқда. Аввалроқ балиқни Бисмиллаҳ айтиб сўйиш шарт бўлмасада пакетларига “ҳалол” деб тамға босиб жўнатишаётган эди. Валлоҳу аълам!

«Зикр аҳлидан сўранг» ҳайъати

✅ Манба

➡️ Каналга уланиш