Ёмғирларда қолган япроқ(келинчакка)...
Тонг ёруғ ва қуёшли. Бахтнинг мазасини ҳис қилаётгандинг. Дарахтнинг барглари орасидан тушиб турган кичик нур ҳам сенинг чиройингни қуёш нуридек ёритар эди. Ёнингда жуфтинг, майин шаббодада лим-лим ҳилпирар эдинг. Чиройингни шундоққина кўриб сенга бахтлар тиловчилардан янада мағрурланиб кетардинг. Ҳар бир кунни фақат ва фақат қуёшли тарзда ўтишини хоҳлар эдинг...
Осмоннинг ранги ўзгарди! Шамол бўлиб, бўрон кўтарилди. Бу бўроннинг дахшати афсуслар бўлсинки, фақат сени узмоқ, шу дарахт танасидан айирмоқ эди. Ё алҳазар... бўроннинг дахшатини қаранг! У шундей дахшатли бўлдики, атрофда ҳеч бир тирик жон бундан хайратланмаса. Дарахтга урилди, урилди, урилди... Япроғим на қилай қўлларимиз етмади, сени ерда юриб ҳис қила олмадик. Қутқара олмадик.... Узилдинг!!!
Бу бўрон кети ёмғир ва жалали бўлди. Ёмғирда қолдинг япроғим... Ҳўл бўлдинг, бўроннинг аламли ёмғири аччиқ томчилари билан савалландинг. Бағринг илма тешик бўлди. Кечир япроғим, кечиргин... Ерда юрган бизларни кечиргин!!!
Андижонлик жинсий зўравонликка учраган шу келинчакни ҳеч хаёлимдан кеткиза олмияпман. Айбдор жазолансин ҳамма жойда шу тарғибот. Аммо менга фақат ва фақат унинг юраги, қалбидан ўтаётган ҳис-туйғулари эртанги куни қандей бўлади шу қизиқ.
Шу онда унинг қўлларидан тутгим келяпти... Айтган бўлардимки, ҳаммамиз сен биланмиз, сен ожиза эмассан, кучлисан! Иродалисан, қўлларимизни тутиб сенга соябон бўламиз...

Umida Navro'zova (Murodova)

​​ЭШИГИМНИ ОЧАДИГАНИМ

Ёш оила янги уй сотиб олишди,
Эр – хотин хурсанд эдилар бундан.
Ҳар куни меҳмонлар кутиб толишди,
Бир қарорга келдик иккиси тунда.

Эртага ҳеч кимни киритмай уйга,
Ўзимиз қоламиз, хўпми дадаси.
Чиқмасдан ҳаттоки шу кўча куйга,
Дам оламиз, жонга тегди ҳаммаси.

Эшик қўнғироғи чалинди бирдан,
Бориб мўралади эр-хотин аста.
Яна меҳмонжонлар келиб чиндан,
Аёл қовоғини солди бир пастда.

Эр деди: бу ахир ота – онамку,
Атайлаб келишган бизни кўргани.
Аёл деди: кеча келишгандикку,
Хўп дея берган ваъдангиз қани?

Отаю онаси кетди боланинг,
Ҳеч ким йўқ экан деб қўя қолишди.
Эри ўйланарди унга ҳам қийин,
Ота онаси ҳам кетиб бўлишди.

Ярим соат ўтиб орадан яна,
Эшик қўнғироғи чалинди бот бот.
Аёлнинг юзида ажиб тантана,
Эшикни очишга шайланди ҳайҳот.

Эр деди: очмаймиз дегансан жоним,
Бу нимаси, наҳот ваъдани бузсанг!?
Аёл дер, келибди бору жахоним,
Ваъдамни буздим бошламанг сиз жанг.

Улар ота – онам, келдику атай.
Қиз бўлиб қайтариб юбора олмайман.
Кечиринг, бугунча ўзим айланай,
Аччиқ гапингизга розиман, шайман.

Орадан йил ўтди, уч ўғил кўрди,
Негадур севинмас эди у қадар.
Давлат топиб жуда бадавлат бўлди,
Ўша бойликка ҳам қилмасди назар.

Яна фарзанд кўрди, тўртинчиси қиз.
Эри суюнарди оламга сиғмай.
Дер эди тинмасдан ёруғ бўлди юз,
Аёли турарди уни тушунмай.

Секин савол берди, отаси унга:
Ўғлим, билмагандим қизни суйишинг.
Ош улашдинг ҳатто маҳалла куйга,
Бошинга қўнгандек катта бахт қушинг.

Нега суюнмайин, отажон ахир,
Шу қизни қанчалар кутгандим ўзи.
Салгина бўларкан ўғил тошбағир,
Ғалати туюлар лекин бу сўзим.

Жудаям бахтлиман, бугундан бошлаб,
Кулмай қўйган эдим, ҳамма бўғилди.
Энди яшамайман юрагим ғашлаб,
Эшигим очадиган қизим туғилди.

@jizzaxlik_ayollar

Diyor yangiliklari

Baxmal tumanida "Oila muqaddas" shiori ostida tadbir bo'lib o'tdi

👉@JizzaxMTRK👈

«Болам, бор онангнинг дуосини ол, ишинг юришади»

Устоз дарсни тугатиб:
"Она дуоси дунёни, ота дуоси охиратни маъмур қилади. Биринчисини олган дунёда, иккинчисини олган охиратда хор бўлмайди!" дедилар.
Муҳаммад Зоҳид ҳазратларининг ҳузурига иши юришмаган кишилар келганида уларга:
«Болам, бор онангнинг дуосини ол, ишинг юришади», деб насиҳат қилар эканлар.

Абдуллоҳ Раҳим

👉 @jizzaxlik_ayollar

ҲАР ОНИНГ БАХТДИР

Қачон толеим куларкин? Бу савол барчамизда бўлиши табиий.Савол шу даражада миямизда
ўрнашиб қолганки, ўзимизни овутишга тушамиз: “Турмуш қуриб олай, бахт қуши бошимга қўнади”,
“Янги машина гаражимда турса, ўзимни анча хотиржам ҳис қиламан”, “Таътилга чиқиб, бир дам
олсам, ҳаммаси изига тушиб кетади...”
Бундай сўзларни айтишга сабаб бахт сари аниқ бир йўлнинг мавжуд эмаслигидир. Энг яхшиси
– ҳозирги онлар қадрига етиш.
Донишмандлардан бири айтади: “Ҳақиқий ҳаѐт кечириш йўлини анча изладим. Лекин ҳар
сафар йўлимда қандайдир тўсиқлар, аввал эришилиши лозим мақсадлар, чала қолиб кетган ишлар,
тўланиши керак қарзларим бўларди. Кейин ҳаѐт давом этарди. Мен англаб етдимки, айнан мана шулар
менинг ҳаётим экан”.
Шунинг учун ихтиѐримиздаги вақт қадрига етайлик. Бир нарса аниқ: вақт ҳеч кимни кутиб
турмайди!

• Катта бўлсам;
• Мактабни битирсам;
• Ишга кирсам;
• Фарзандли бўлсам;
• Ёз келса;
• Йил ўтса;
• Уйимни таъмирлаб олсам;
• Нафақага чиқсам;
• Касалликдан қутулсам...

Биласизми, бу рўйхатни яна қанча давом эттириш мумкин?Яхшиси, келгуси онларни
кутмасдан, нафас олиб турганимиз айни дамларни бахтли лаҳзалар деб ўтказайлик.

📚"Бахтли ҳаёт сари" китобидан.

@jizzaxlik_ayollar

ОНА МАКТУБИ

Сут солинган коса онанинг қўлидан тушиб кетиб, синди. Ўғил бор овози билан онасига бақирди ва ғазаб билан хонани тарк этди. Она кичик бир мактуб битди. Ўғил кўчадан қайтганда она одатдагидек курсида ўтирганча ухлар, мактуб эса кўксида турган эди. Ўғил аста мактубни қўлига олиб ўқий бошлади:

«Ўғлим, меҳрибоним, кўзимнинг қувончи! Афсуски, мен қариб қолдим. Қўлларим қалтираб, овқат кийимимга тўкилиб кетяпти. Энди олдингидек тетик, чиройли, хушбўй эмасман. Сендан илтимос, мени маломат қилмагин. Либос ва поябзалимни ўзим кия олмаяпман. Илтимос, менга ёрдамлашгин. Оёқларим ҳам юришга қийналяпти. Таҳорат қилиш учун ҳаммомга бораётганимда, қўлларимдан ушлаб олгин. Сен юришга ҳаракат қилган пайтларингда, йиқилиб кетмаслигинг учун қўлларингдан неча марта ушлаб олганимни бир эсла. Хотирам заифлашиб қолганидан ва секин гапираётганимдан малолланма. Сен билан гаплашганимда мени хурсанд қиладиган биргина нарса сенинг ёнингда эканимдир. Болалигингда кулгуларинг билан мени хурсанд қилардинг. Бугун ҳам табассумингни мендан дариғ тутма. Мен ўлимини кутиб яшаётган қарияман. Сени туққанимда ёнингда эдим. Вафот этар чоғимда сен ҳам ёнимда бўлгин».

Сўзимиз охирида Пайғамбаримиз соллаллоҳу алайҳи васалламдан кимга яхшилик қилиш лозимлиги сўралганда, уч марта «Онангга!» деганларини эслатиб қўймоқчимиз.

Эй Роббим! Оналаримизни Жаннатдан маҳрум қилмагин! Умрларини узун, ризқларини баракали, гуноҳларини мағфират қилгин!

Нозимжон Ҳошимжон саҳифасидан

https://t.me/jizzaxlik_ayollar

#BUGUN

1-IYUN — Xalqaro bolalarni himoya qilish kuni...
👇
@jizzaxlik_ayollar

Ular bizni ishdan so'ng uy tomon shoshilishimizga sababchidirlar.
Yagona bir kulgulari bilan butun kunimizni baxtga to'ldirishadi.

Butun dunyo ularga havas qiladi, chunki ular o'z hissiyotlarini berkitishmaydi.
Kichkintoylarimizni ularning kuni bilan tabriklaymiz 🎉

1 iyun – Xalqaro bolalarni himoya qilish kunida yanada ko'proq shirinliklar tilab qolamiz 🥳
___

Они заставляют нас спешить домой после работы.
Они делают наш день одной лишь улыбкой.

Им завидует весь мир, потому что они не стесняются своих эмоций. Они искренние и настоящие.
Поздравляем наших детей с их днём🎉
1 июня - В честь международного дня защиты детей желаем ещё больше сладостей и вкусностей 🥳

Do'stlaringizga ham ulashing
👇👇👇
@chaqoloqlar👼
@seni_seveyorum1🍃

https://t.me/joinchat/SKgjV6Zo7SMV8MKV

Бугун байрамга бу болакай дадаси билан Паркка чиқибди.
Аяси уйида ширин овқат пиширишга қолган экан.

АНА БЎЛМАСАМ😂😁

Do'stlaringizga ham ulashing
👇👇👇
@jizzaxlik_ayollar

​Қўлга тушган ёлғон

Тўрт талаба тўйга борди. Эртасига имтиҳонлари бор бўлишига қарамай, ўйин-кулгига берилиб кетишди. Ярим кечада уйга қайтиб келишди ва қотиб ухлашди. Тонгда туриб роса бош қотиришди ва ўзларича бир йўл топишди.

Дарсга юз-қўлларига мой суртилган ҳолда келишди. Кеча тўйдан қайтаётиб машинанинг баллони ёрилиб кетгани, тузатишга роса уринишгани, лекин имкони бўлмагани ва шу сабабли имтиҳонга тайёргарлик кўра олмаганларини айтишди. Устоз уларнинг узрларини қабул қилди. Имтиҳонга ҳозирлик кўриш учун яна уч кун муҳлат берди.

Учинчи куни талабалар пухта тайёрланиб келди. Устоз бу жуда муҳим имтиҳон экани, унда ҳеч қандай алоқа воситаси, китоб ёки қайдлардан фойдаланиш мумкин эмаслигини уқтирди. Ҳар бирига оқ қоғоз ва елимланган тест конвертини бериб, алоҳида-алоҳида хонага киргизди. Талабалар саволга бемалол жавоб берамиз, аъло баҳо нақд деб ўйлаганди. Бироқ конвертни очиб, ҳайрон қолишди. Унда ўша куни машинанинг қайси баллони ёрилиб кетгани сўралган эди. Табиийки, олдиндан келишиб олмаганлари учун ҳар ким ҳар хил жавоб берди. Ёлғонларининг умри уч кунга ҳам етмаган талабалар қўлга тушди ва имтиҳондан йиқилди.

@oriftolib