‍ هەجیج

‍ هــەجیج، ئەعجازی   باری تەعالان

سەرچەمەو ژیری و حەول و تەقالان

هەجیج مەڪۆگای شەرم وشەرەفەن

چــــەنی ناپاڪی درڪوو تەرەفەن

هەجیج شناسامەن پەی هەورامانی

یانە باوانەن پـــــەرێ مێمانی

هەجیجی وەرۆ نانوو زەحمەتی

سـەربەرزا نە ساو ئاڵاو غەیرەتی

----------٭٭٭٭٭-----------

#سوهراب مورادنیا(سیاوکام)

‍ #هەورامان هانەبەرچەم

🆔👉 @hawramanhaneberchem

خەزان خشەخش فەرشی پاڵاتەن
قەرینەی ئەڵوان تەرحی کاڵاتەن

ڕەشتەی نەوسوەیل شنیۆ نە باخان
زاخاوی ڕۆخسار و زەردی گۆناتەن

پاییز وێم ئاسا شێت و لێوەی تۆن
سەمای خەزانش ئامێتەی ڕاتەن

جەستەم جە لاو وێم، خیاڵ جە لاو تۆن
ڕۆحم چوون لاولاو پێچیای باڵاتەن

#سوهراب_مورادنیا(سیاوکام)

دەگاوجــــــــۆڵانــــــــدێ

@joolandeh

چەمت وەنەوشەو گۆشەو ئاوێنێ
گۆنایت خڕێنێ، سوورە ساوێنێ

وەنەوشە بەردەن گرەو جە چەمات
چەماوچەمشا پەیت مەبڕۆنە تەمات

بەخ چە وەش تەنگیان خونچەی دەهانت
چە وەش چوون سەدٚەف پێویۆ ددٚانت

ئا چاڵوو زنجی هۆشش بەردەنا
دێوانە ئاسا لێوەش کەردەنا

چن مەزەدٚارا شەرابوو دەسیت
چەماوچەم کەردەی پەی دیدٚەی مەسیت

چن وەشا مەس بوو وە بادەو مەیلیت
مەستانە کەروو گیان بە تووفەیلیت

ئاخ تا کەی کێشوو خوماری دووری
تاکەی چەمەڕا، تا کەی سەبووری؟

کەسم بەڵ شنەو شەماڵی شنیۆ
گەلاوێژ بزیۆ جە بورجە کنیۆ

بارۆ ڕایحێ چا هەوارگەوە
یا گەردوو پاڵایت ئەچا ڕاگەوە

وەشڵەی کۆر بێنێ و نەدٚینێ باڵات
با کەم کێشایام ئاخێ پەی خاڵات

#سوهراب_مورادنیا_سیاوکام

دەگاو جــــــــــۆڵانــــــــــدێ

@joolandeh