ئیساڵ نەووەهار وشکەساڵێو بێ
نە وەشت و واران ، نە شەماڵێو بێ

کەشێ بێ وەروەو هانێ بێ ئاوە
نە شاخەی شەتاو نەقەدٚپاڵێو بێ

#سیاوکام هەورامی

دەگاو جـــــۆڵانـــــــدێ

@joolandeh

من و دڵ تەژنەی دیدٚارت بیمێ
چەمەڕای دیدٚەی خومارت بیمێ

مزگی و مەراسم گرد بەهانە بێ
تەرسما جە لوومەو تیروتانە بێ

چەم چەماوچەو دڵ بێ وەقرەبێ
قەوڵ و قەرارت دیسان تەفرە بێ

ڪەسم دڵماڕای بە چە قیمەتێ
بێ مەیلی مەنیە ملوو قسمەتێ

جە خاتر ڕێشی و ئاخم نەتەرسای
بێ وەفا بێنی و وەنەم نەپەرسای

#سوهراب_مورادنیا(#سیاوکام)

دەگاو جـــــــۆڵانــــــــــدێ

@joolandeh

هەسارێ چن مەدٚا پرشێ بە شەوگاری شەوێنە
چەنی مانگی شەبەق گێرا جە ڕۆجیاری شەوێنە

مەیاوا حەر بە شێوەو تۆ بە هیچ بارێو عەزیزم
بە خەمباری جە دووری تۆ کەرا زاری شەوێنە


#سۆهراب_مورادنیا 🌺
#سیاوکام_هەورامی

دەگاو جــــــــۆڵانـــــــدێ

@joolandeh

من و دڵ تەژنەی دیدٚارت بیمێ
چەمەڕای دیدٚەی خومارت بیمێ

مزگی و مەراسم گرد بەهانە بێ
تەرسما جە لوومەو تیروتانە بێ

چەم چەماوچەو دڵ بێ وەقرەبێ
قەوڵ و قەرارت دیسان تەفرە بێ

ڪەسم دڵماڕای بە چە قیمەتێ
بێ مەیلی مەنیە ملوو قسمەتێ

جە خاتر ڕێشی و ئاخم نەتەرسای
بێ وەفا بێنی و وەنەم نەپەرسای

#سوهراب_مورادنیا🌸
(#سیاوکام)

دەگاو جــــــــۆڵانـــــــــدێ

@joolandeh

ڪەم واچــە پیــری دڵســەردی مـــــارۆ
بــازە بــا ڪەرمێ، جــە بــاخت شـــارۆ

ئـــارۆ وەشما بــۆ ســـەوایچ کــێ زانــــۆ
چەرخەڪەی گەردوون چێشما سەر مارۆ


#سۆهراب_مورادنیا
#سیاوکام_هەورامی🌺

ـــــــــــــــــــــــــــــــــــــــــــــــــــــــــــــ

دڵ هــەر جـــوانەن ئەرسەدٚ جار پیر بۆ
مەنعەش نمەڪــەرۆ هەرڪەسێ ژیر بۆ

عێشقێ بــە پاڪــی جــە دەروون خێزۆ
بــــە ســەدٚ وا گێجـێ گـــەڵاش نمەڕێزۆ


#لوتفوڵڵا_فەتحی🌸
#هەورام

دەگاو جـــــــۆڵانــــــــدێ

@joolandeh

ئەگەر هەناسێو مەننەن پەی ژیوای
سەبەبش تۆنی بە گیانت کەسم

نەفەسم بینیان بە نەفەستەوە
تۆنی هەناسەم ، تۆنی نەفەسم


#سۆهراب_مورادنیا
#سیاوکام_هەورامی🌺

دەگاو جــــــــۆڵانـــــــــدێ

@joolandeh

‍ "واران"

سیاوهەورێوە داشۆ سەر کەشا
پاییزاو خەزان ، واران وادٚەشا

واران ئێعجازو پەروەردگارین
ئامیانوو هانەو چەمەو جۆبارین

خرمەش مۆسیقاو ئەمنوو شەوگارین
وەشتەر جە دیدٚار دووری دڵدارین

واوەی نەوپەڵە ئاردەن مزگانی
شەوەو پاییزی و هەورو وارانی

چن وەشا وارۆ شەوەو پاییزی
بنیشی بێ خەم چەنی ئازیزی

بە شەوچەرێوەو باسوو وییەردەی
پاڵوو سۆبەینەو شەوگار تەی کەردەی

وەشاری خرمەو شەوە وارانی
تێکەڵ بۆ چەنی خشەو خەزانی

خشەو خەزانی و دیاو دارانی
ئامێته چەنی خرمەو وارانی

ڕوو بە پەنجەرەو پەشت بە سۆبەوە
بە " کنالەیلێ گیان " تاوا ڕۆ بۆوە

بە واراو وەشتی سارا نمناك بۆ
موزەییەن بە فەیزحەی ئەفلاك بۆ

وەختێ نەو‌پاییز سارا نمناك بۆ
کام عەتر تاوۆ چوون عەتری خاك بۆ

کام ساز و سەنتوور،نەی و دیوانێ
یاوان بە نەواو خرمەو وارانێ

چن وەشا پاییز جە لا دەگانە
چەنی ئازیزی گێڵێ باخانە

گەلە بزنۆوە لالۆو شوانەی
ڪتریەسیاوە کەرۆ لاو شانەی

شمشاڵە کۆنێ بنیۆ لاو شاڵیش
گۆچانوو دەسیش بدٚۆ لاو باڵیش

ژیوای ئانەنە ئاڎی ویاران
نەك چوون من بە کۆڵ خەمم وناران


#سۆهراب_مورادنیا🌺
#سیاوکام_هەورامی

دەگاو جــــــــۆڵانـــــــدێ

@joolandeh

هەر وایێ مەیۆ سەوقاتـش خەمەن
بەرامەش مەرگ و عەزا و ماتەمەن

#سوهراب_مورادنیا🌺
#سیاوکام

دەگاو جـــــــۆڵانـــــــدێ

@joolandeh

« سیاوچەمانە »

#مامۆسا_عوسمان_هەورامی

مەر دیسان گەردوون بینا نریۆوە
دەروازەو دنیای واوەی ڪریۆوە

خالق دەس بڎۆ بە سەنعێ سانی
بارۆوە یۆتەر پێسە #عوسمانی

ئادٚ گەوهەرێوەن جە وێنەش نیەن
مەر مێژوو زانۆ عوسمان کێ بیەن

دەنگی ئاڵتوونیش بێ یاگەدٚارەن
مانگێوەن، پێویۆ، نە عام دیارەن


#سۆهراب_مورادنیا
#سیاوکام_هەورامی

دەگاو جـــــــۆڵانــــــــدێ

@joolandeh