Qaraqalpaqstan | Kun.uz
3.93K subscribers
4.84K photos
972 videos
4.98K links
Kun.uz’dıń Qaraqalpaqstan Respublikasına tiyisli xabar hám jańalıqlar rásmiy kanalı.

Reklama: +998 78 113 10 10

Video jiberiw ushın 👉 @kunuzvideo_bot
Download Telegram
Қорақалпоғистонлик тиббиёт ходимлари Фарғонада тажриба ўрганишди

Беруний туманидан
бир гуруҳ тиббиёт ходимлари тажриба ўрганиш учун Фарғона вилояти перинатал марказига боришди.

Улар марказдаги тажрибали ҳамкасблари билан бир ҳафта давомида амалий жараёнларда иштирок этишди, ҳамкорликда жарроҳлик амалиётлари ўтказилди. Маҳорат дарслари, тренинглар ташкил этилди.

Фарғонага келгусида Қорақалпоғистоннинг бошқа чекка туманларидан ҳам шифокорлар тажриба ўрганиш учун бориши кутилмоқда.

👉 Қорақалпоғистон хабарлари
#Биласизми

Уй бекалари ҳам пенсия олиши мумкин бўлади

▪️Ўзбекистонда расман ишловчи кишиларга расман ишламайдиган турмуш ўртоқларининг келгусида пенсия олиши учун ўз даромадидан ихтиёрий равишда ҳар ойда ижтимоий солиқ тўлаш ҳуқуқи берилади. Бу 2021 йилги давлат дастури лойиҳасига киритилган.

👉 Қорақалпоғистон хабарлари
This media is not supported in your browser
VIEW IN TELEGRAM
📹 Нукусда «Mercedes» ва «Malibu»нинг тезлигини синаб кўрган «Шумахерлар» қўлга тушди

Ижтимоий тармоқларда Нукусда пойга уюштирганларнинг видеолари тарқалди. Унда «Malibu» ва «Mercedes» ўзаро пойга қилгани акс этган.

Воқеа 18 январ куни соат 15:00 атрофида Нукус шаҳри ташқарисида юз берган. Пойгада «Malibu» ютиб чиққан. Машиналар 3 км масофада қувишган.

Қорақалпоғистон ИИВ ЙҲХБ ходимлари дарҳол «пойгачи»ларни топди. Ҳозирда иккала машина ҳам жарима майдончасига қўйилган.

👉 Қорақалпоғистон хабарлари
This media is not supported in your browser
VIEW IN TELEGRAM
Ақтўбе фожиасига 3 йил. Қурбонлар ёди ва оилаларнинг кейинги тақдири

Бундан роппа-роса 3 йил муқаддам – 2018 йилнинг 18 январь куни ўзбекистонликларни олиб Россияга кетаётган автобус Қозоғистоннинг Ақтўбе вилояти ҳудудида ёниб кетган эди. Фожиа оқибатида автобус салонида бўлган 57 кишидан 52 нафари ҳалок бўлди.

👉 Мақолани ўқиш

📹 Тўлиқ видеони кўриш

Kun.uz Telegram каналлари👇

Ўзбекча | O‘zbekcha | Русская
Кириш имтиҳонида энг юқори балл тўплаган 200 нафар талабага Президент гранти берилади

Бу 2021 йилги Давлат дастури лойиҳасида қайд этилган. Президент гранти соҳиби бўлган талабага ўқишни битиргунига қадар Президент гранти стипендияси тўланади.

Ўқув семестри якуни бўйича барча фанлардан ўзлаштириш кўрсаткичи «аъло» баҳо бўлиб, битта фандан ўзлаштириш кўрсаткичи «аъло» бўлмаганда келгуси семестрлар мобайнида Президент гранти стипендияси берилмайди.

👉 Қорақалпоғистон хабарлари
🌤 #Об_ҳаво

20 январ куни кутилаётган об-ҳаво тўғрисида маълумот

Гидрометеорология хизмати марказига кўра, эртага – 20 январ, чоршанба куни Қорақалпоғистон Республикасида ҳаво ўзгариб туради, баъзи жойларда ёғингарчилик (ёмғир, қор) бўлади.

Шамол ғарбдан 7–12 м/с тезликда эсади, баъзи жойларда 17–22 м/с гача кучайиши мумкин.

Ҳарорат кечаси –2 даража совуқ, +3 даража илиқ, кундузи 0…+5 даража илиқ бўлади.

👉 Қорақалпоғистон хабарлари
💼 #Тайинлов

Нукус шаҳар давлат солиқ инспекциясига бошлиқ тайинланди

Ушбу лавозимда Сайлаўбай Уснатдинов иш бошлади.

У тайинловга қадар Қорақалпоғистон Республикаси давлат солиқ бошқармаси Ички аудит бўлими бошлиғи лавозимида ишлаган.

👉 Қорақалпоғистон хабарлари
📊 2020 йилда қайси ҳудудда энг кўп никоҳ қайд этилди?

🏢 Давлат статистика қўмитаси маълумотларига кўра, 2021 йилнинг 1 январ ҳолатига республика бўйича 296,8 мингта никоҳ ҳолати ФҲДЁ органларида қайд этилган.

❗️2020 йил мобайнида ҳудудлар кесимида энг юқори никоҳ коэффициенти (ҳар 1 000 аҳолига нисбатан) Сирдарё вилоятида (10,4 промилле) қайд этилган.

Ҳудудлар кесимида тузилган никоҳлар сони:

▪️ Қорақалпоғистон Р. – 11,6 минг;
▪️
Андижон – 27,7 минг;
▪️ Бухоро – 15,8 минг;
▪️ Жиззах – 13,9 минг;
▪️ Қашқадарё – 30,8 минг;
▪️ Навоий – 9,1 минг;
▪️ Наманган – 25,0 минг;
▪️ Самарқанд – 33,4 минг;
▪️ Сурхондарё – 24,8 минг;
▪️ Сирдарё – 8,9 минг;
▪️ Тошкент – 26,1 минг;
▪️ Фарғона – 34,1 минг;
▪️ Хоразм – 14, минг;
▪️ Тошкент ш. – 21,6 минг.

👉 Қорақалпоғистон хабарлари
🇺🇿 19 январ куни президент Шавкат Мирзиёев маънавий-маърифий ишлар таъсирчанлигини янада ошириш борасида йиғилиш ўтказди

🔹 «Барча муаммолар лоқайдликдан бошланади»Президент маънавият масаласига жиддий қараш шартлигини таъкидлади

🔹 «Олдинги вазир аравани тортмади» президент олий таълим тизимидаги ўзгаришлар ҳақида гапирди

🔹 «Ўз вақтида шийпонниям мактаб деб кўрсатишди»президент мактаблар учун қўшимча маблағ ажратилишини маълум қилди

🔹 Миллий ғоя тарғиботи учун янги жамғарма ташкил этилиб, 120 млрд сўм ажратилади

🔹 «Болаларимизни телефон тарбиялаяпти»президент бу масалага жиддий эътибор қаратиш зарурлигини қайд этди

🔹 Шавкат Мирзиёев: Ёшларга катта-катта лавозимларни ишониб топширяпмиз, лекин...

Kun.uz Telegram каналлари:
👉 Ўзбекча | 👉 O‘zbekcha
#Биласизми

Макадамия дунёдаги энг қиммат ёнғоқдир. Aвстралияда биринчи европаликлар пайдо бўлган пайтда, улар ушбу ёнғоқдан маҳаллий қабилалар билан савдода энг яхши валюта сифатида фойдаланишни афзал кўришган. Бу меванинг нархи катта-кичиклиги, қаердан олинганлиги ва тозаланганлигига қараб турлича бўлади. Ўртача 100 грамми 80 000 сўмдан ошади.

👉 Қорақалпоғистон хабарлари
Бу йил Қорақалпоғистонда мактабларга 100 млрд сўм ажратилади

Бу ҳақда Вазирлар Кенгашининг раиси президент Мурожаатномасига муносабатида маълум қилган.

Қаҳрамон Сариевнинг айтишича, бу йил Қорақалпоғистонда 29 та мактабни қуриш-таъмирлаш ва моддий-техник базасини яхшилаш мақсадида бюджетдан 100 млрд сўм ажратилади. Кимё-биология, математика, ахборот технологияларига ихтисослашган 15 та мактаб ўз фаолиятини бошлайди.

👉 Қорақалпоғистон хабарлари
🕯 Қорақалпоғистоннинг айрим ҳудудларида электр энергияси таъминотида узилишлар бўлиши мумкин

«Қорақалпоқ ҳудудий электр тармоқлари» АЖ хабарига кўра, профилактика ишлари ўтказилиши сабабли 20 январ куни қуйидаги ҳудудларда турли вақт оралиғида электр энергияси таъминотида вақтинчалик узилишлар бўлиши мумкин:

🔸 Шўмоной тумани: Мамшй, Науриз, Сарманбай кўл маҳаллалари;
🔸 Элликқалъа тумани: Пахтачи, Гулистон маҳаллалари;
🔸 Бўзатов тумани: Бозатау, Еркиндария маҳаллалари;
🔸 Тўрткўл тумани: Богёп, Тошкент, Жайхун маҳаллалари;
🔸 Кегейли тумани: Абат, Жузимбағ маҳаллалари;
🔸 Қўнғирот тумани: Мийнетабад, Кумбиз, маҳаллалари;
🔸 Чимбой тумани: Кенес маҳалласи;
🔸 Беруний тумани: Шаббаз, Марказий, Бирлик маҳаллалари.

👉 Қорақалпоғистон хабарлари
💍 Қорақалпоғистон – оилавий ажралишлар кам бўлган ҳудудлар орасида

2020 йилда республикада 28,2 мингта никоҳдан ажралиш ҳолати қайд этилган. Ушбу кўрсаткич ўтган даврга нисбатан камайган.

Никоҳдан энг кўп ажралиш ҳолатлари Тошкент шаҳри, Сирдарё, Андижон ва Тошкент вилоятларида қайд этилган. Ҳар мингта оилага нисбатан никоҳдан энг кам ажрашганлар Қорақалпоғистон Республикаси (0,5 промилле), Қашқадарё (0,6), Хоразм (0,6) ва Сурхондарё (0,6) вилоятларида кузатилган.

Таъкидланишича, 2020 йилда кузатилган жами оилавий ажралишларнинг ярмида эр-хотин ўртасида фарзанд бўлмаган, ажрашган оилаларнинг 29,3 фоизида битта фарзанд ҳамда 20,6 фоизида икки ва ундан ортиқ фарзанд бўлган.

Маълумот учун, 2019 йилда 31,4 мингта никоҳдан ажралиш ҳолати қайд этилган.

👉 Қорақалпоғистон хабарлари
🌧 #Об_ҳаво

21 январ куни кутилаётган об-ҳаво тўғрисида маълумот

Гидрометеорология хизмати марказига кўра, эртага – 21 январ, пайшанба куни Қорақалпоғистон Республикасида ҳаво ўзгариб туради, баъзи жойларда қор ёғади.

Шамол ғарбдан 7–12 м/с тезликда эсади, баъзи жойларда 17–22 м/с гача кучаяди.

Ҳарорат кечаси ва кундузи 0…–5 даража совуқ бўлади.

👉 Қорақалпоғистон хабарлари
This media is not supported in your browser
VIEW IN TELEGRAM
📹 Kun.uz танқидидан сўнг эшакда мактабга қатнаётган ўқувчиларга машина қўйиб берилди

Олдин саҳифамизда «Чимбойдаги ўқувчилар 8 км узоқликдаги мактабга эшакда боришмоқда» сарлавҳаси остида кичик видео чиққанди. Унда «Қизилўзек» ОФЙ Тўти овулидаги болалар мактабда эшак ёки велосипедда боришга мажбур бўлаётгани акс этганди.

Чимбой тумани ҳокимлиги маълум қилишича, овулдан узоқ масофага қатнаб ўқувчи болалар учун автоулов қўйиб берилган. Видеода қўшимча қилинишича, бу машина ўқувчилар учун мунтазам ҳаракатланиши билдирилган.

Эслатиб ўтамиз, аввалроқ Чимбой тумани ҳокими лавозимига тайинланган Айбек Тажетдинов хизматда фойдаланиш учун EQUINOX автомобилини харид қилаётгани ҳақида хабар берган эдик.

Шундан кейин ҳокимлик машина сотиб олиш учун шартномасини бекор қилганди.

👉 Қорақалпоғистон хабарлари
2021 йил 1 мартдан бошлаб транспорт воситаларини мажбурий суғурталаш «Э-полис» орқали амалга оширилиши мумкин

«Э-полис» (электрон суғурта хизмати) – бу суғуртанинг интернетдан сотиб олинган ва электрон шаклдаги кўриниши. Уни сотиб олиш учун интернетга улансангиз кифоя. Юридик жиҳатдан электрон ва қоғоз шаклидаги полис бир хил кучга эга.

➡️ «Э-полис» қуйидаги афзалликларга эга:

▪️Сотиб олиш учун интернетга уланиш ва онлайн тўлов қилиш имконияти;
▪️Йўқолганда қайтадан юклаб олиши мумкин;
▪️Расмийлаштиришда фирибгарлик қурбони бўлиш эҳтимоли минималлиги;
▪️Фуқаролар ўзи хоҳлаган компания билан тўғридан тўғри шартнома тузиш имконияти.

➡️ Батафсил ўқинг

❗️«Э-полис»ни расмийлаштириш учун суғурталовчининг веб-сайтига ўтилади ва паспорт маълумотлари киритилади.

👉 Қорақалпоғистон хабарлари
🩺 Қорақалпоғистонда Республика илмий-ихтисослаштирилган аллергология марказининг филиали очилиши мумкин

Республика илмий-ихтисослаштирилган аллергология марказидан пулмонолог-аллерголог шифокор Ғайрат Қўзиев У.Холмуродов номидаги Республика кўп тармоқли тиббиёт марказининг пулмонология ва аллергология бўлимида бўлди.

Мутахассис бу ерда маҳаллий шифокорлар билан биргаликда беморларни тиббий кўрикдан ўтказди ва уларни даволашда муҳим тавсияларини берган.

Шунингдек, маҳаллий вазият ва ҳудуднинг касалликлар бўйича хусусиятларидан келиб чиқиб, марказнинг пулмонология ва аллергология бўлими қошида Республика илмий-ихтисослаштирилган аллергология марказининг минтақавий филиалини очиш масалалари муҳокама қилинди, дейилади ССВ хабарида.

👉 Қорақалпоғистон хабарлари
🏙 Нукуснинг демографик ҳолати бўйича маълумот берилди

🔹 Шаҳар аҳолиси – 324 минг нафар;

Шундан:

🔸эркаклар – 49,4 фоиз;
🔺аёл-қизлар – 50,6 фоиз;

🔹Миллатлар:

Қорақалпоқлар58 фоиз;
ўзбеклар14,7 фоиз;
қозоқлар20,9 фоиз;
бошқа миллат вакиллари 6,4 фоиз.
🏢Маҳаллалар сони 61 та.

Юқоридаги маълумотлар Нукус шаҳар статистика бўлими маълумотларига таянган ҳолда тақдим қилинди.

👉 Қорақалпоғистон хабарлари