Ижодий учрашувдан лавхалар. Учрашув жудаям қизиқарли ўтди.

Янги қўшиқларимиз альбомини сизларга ҳам илиндим.

Мехр...

Мехр деган матох қимматми?
Ёки берган мехри миннатми?
Инсон қалбидаги иллатми?
Келинг сизга мехр бераман,
Хеч тугамас қадр бераман.

Юрманг оқибатни қидириб,
Ярим кўнглингизни синдириб.
Бағрингизни лиққа -тўлдириб,
Келинг дўстим мехр бераман
Ажабланманг текин бераман.

Тухматлардан оғринганизда,
Кўз ёшларга чўмилганизда.
Қахрларга кўмилганизда,
Келинг сизга мехр бераман,
Адоғи йўқ қадр бераман!

Бизнинг динда кулмоқ ҳам савоб,
Мехр ила суймоқ хам савоб.
Бўлмасидан ҳолингиз ҳароб,
Келинг чексиз мехр бераман,
Беминнатли қадр бераман.

Оллох севар мехри бисёрни,
Хушламайди зиқна-беорни.
Кетманг ташлаб номусу-орни,
Қайтинг, сизга мехр бераман
Оқибатни тиклаб бераман.
Лола Собирова ✍️

Хушовоз хонанда, қалби гўзал хофиза Дилдора Ниёзова билан бирга ишлаган янги альбомимиз тайёр.

Йил давомида, Наманган вилояти, Чортоқ туманидаги иқтидорли ёшларни қўллаб қувватлаб, уларни иқтидорини ривожлантиришга амалий кўмак берганим учун, мен хам мураббий деб эътироф этилдим. 😍

Азиз диндошим Жума айёми муборак бўлсин.

Караминг кенг яратганим,
Омонат бу жисму жоним.
Ўзинг чорла, берай борим,
Каъбатуллохга етказгин.

Мушкулларни арит мендан,
Айт кимим бор азиз сендан?
Жой бергин Роббим уйингдан,
Каъбатуллохга етказгин.

Мадинаи Мунаввара,
Равзаларни кўрсам зора.
Интилар дил бора-бора,
Каъбатуллохга етказгин.

Эхром кийсам қилиб ният,
Саловат ўқиб тоабад.
Роббим ўзинг кил иноят,
Каъбатуллохга етказгин.

Йўлларим оч елдай елай,
Миноларда тонг оттирай,
Шайтонга тош отиб келай,
Каъбатуллохга етказгин.

Тупроғини кўзга суртиб,
Хамду Сано айтиб айтиб.
Ўзинг чорла қайтиб- қайтиб,
Каъбатуллохга етказгин.

Насиб қилсин, тақдирга ёз,
Арофатда ўқиш намоз.
Байтуллохга рухимни ос,
Каъбатуллохга етказгин.

Сафо марваларни кечай,
Зам замлардан тўйиб ичай.
Дегин " гунохингдан кечай",
Каъбатуллохга етказгин.

Ният айлаб мўминга хос,
Юрагимдан қилдим ихлос.
Шундай бахтни бергин бехос,
Каъбатуллохга етказгин..
✍️ Лола Собирова

Соғинч.

Ишқ хақида сўзламай қўйдик,
Висолни ҳеч ўйламай қўйдик.
Юрагимиз куйиб кетса ҳам.,
На сен, на мен куйламай қўйдик.

Севишимни канда қилмадим,
Ўзгаларга кўнгил бермадим.
Соғинч ёмон айтгин, не қилай?
Ҳолим ҳароб, лекин айтмадим.

Қизгонсамда сени ўзгадан,
Термуламан туриб панадан.
Шукур дейман Роббимга, сени,
Асраяпман яхши, ёмондан.

Билсанг фироқ жуда хам ёмон,
Хаста юрак бўлмасин тамом.
Тутмасидан ишқнинг уволи,
Келақолгин келгин мен томон.
✍️Лола Собирова

Майлими?

Гоҳ гоҳида эркаланиб,
Сизни севсам майлими?
Нозлар қилиб атайлаб
Соғинтирсам майлими?

Тонгда келинг дея сизни
Куттирсам хам майлими?
Эркаланиб, нозланиб,
Тунда келсам майлими?

Қошларимни атай қоқиб,
Мақом қилсам майлими?
Қалбингизни ўтда ёқиб,
Куйдирсам гар майлими?

Севаман дейсиз ёр такрор,
Эркалансам майлими?
Мендайин йўқ бирор дилдор,
Шундай севсам майлими?

Боғимдаги боғбоним,
Мен гул бўлсам майлими?
Айтинг ширин забоним,
Танхо бўлсам майлими?

Хижрон дарди не керак,
Ошиқ бўлсам майлими?
Кўрса ўйнайди юрак,
Сизни севсам майлими?

Осмондаги ой танхо,
Ойдек тўлсам майлими?
Кўзингизни куйдириб,
Нозлар қилсам майлими?

Елкангизга бош қўйиб,
Эркалансам майлими?
Ишқимда кўп нозлар қилиб,
Суйдирсам ёр майлими?

✍️ Лола Собирова

Севимли шоирамиз Рислигой Хотамова билан. 2017 йил Фарғона.

Ёмғирим....

Дардларимни олиб кетгин ёмғирим,
Юрагимдан юлиб кетгин ёмғирим.
Юртимдан бир сасс келтиргин томчилаб,
Мусофирнинг дардин тингла ёмғирим.

Кўз ёшларим ювиб кетгин юзимдан,
Соғинчларим билинмасин кўзимдан,
Дилим йиғлар, лекин шукр сўзимдан
Мусофирнинг дардин тингла ёмғирим!

Нафасимга хаво етмайди бугун,
Балки соғинчларим бўлгандир тугун.
Онажоним соғиниб йиглаб бу кун
Соғинчларим олиб кетгин ёмғирим.

Юрагимни ювгин майли,ёмғирим,
Токи унда армондан из қолмасин.
Фақат сенга очай ёмғирим сирим,
Ўзгалар бу сирдан хабар топмасин!

Дардларимни ювиб кетгин ёмгирим...

Лола Собирова 2015 ✍️

Яхши кўраман...

Дунёда энг қийин топганим,
Юрагимни ўйламай сизга тутганим.
Ўзингизга айтмай хамон кутганим,
Сизни хали хам яхши кўраман.

Тилим воз кечдию қалбим кечмади,
Рухим осмонларга сизсиз учмади.
Кунда кўрмасамда куўнглим сўнмади,
Сизни хали хам яхши кураман!

Хижрон азобидан қийналганим рост,
Тақдирнинг измига бўйсунганим рост.
Кўнглимни куўз ёшим юпатгани рост,
Сизни шунда хам яхши кўраман!

Ёнимдасиз аммо хеч қучолмайман,
Қанотсиз қуш бўлиб ё учолмайман.
Энди-чи хатто қўл чўзолмайман
Сизни хали хам яхши кўраман!

Бу фоний дунёни тарк этсам ўзим.
Гўзалликни кўрмай қолганда кўзим,
Шунда хам сизга энг сўнги сўзим:
Сизни хали хам яхши кураман!!
✍️ Лола Собирова 2007