Севганимми..?

Қийнар кунда севгинг мани,
Унутолсам қани сани?
Кўнгилгинам айбими бу?
Ё билмай севганим сани.

Қара, эзиляпти юрак,
Хаста юрак кимга керак?
Яна ўтар бедор тунлар,
Ёлгизликка кўнсам керак.

Севмагандим мансаб учун,
Омад учун, ором учун.
Хижрон сабримни синдирди,
Бу азоблар айтгин нечун?

Денгиз бугун менга сирдош,
Тулкинлари унга йулдош.
Секин аста куникяпман,
Келма эслатиб, багритош...
✍️Лола Собирова .2019

Онажоним бор учун!!!

Бу дунеда юрибман қаддимни ғоз кўтариб,
Қандай оғир юк бўлса тап тортмасдан кўтариб.
Сизга айтайми дўстим, нима сабаб,не учун?
Бошимдаги давлатим онажоним бор учун!

Юзларидан нур ёғар бамисоли фаришта,
Олисларда бўлсам хам
менга атар нонушта.
Талпинаман уйимга бўлмаса хам кошона,
Бошимдаги давлатим, мехрибоним бор учун!

Дуосидан куч олиб ёшараман кун сайин,
Кўз олдимда турибди нигоҳлари шундайин.
Умрим ўтар шўх, шодон, гул райхон, ғунчадайин.
Бошимдаги давлатим онажоним бор учун!
✍️ Лола Собирова 2015

Сизни хам Оллох учун яхши кўрган дўстингиз борми, менда бор алхамдулиллах 😍 бу сиз 😘

Онангизни ранжитиб куйманг...

Улар кулса кулади дунё,
Йиғласа гар йиғлар бу дунё.
Осмон қулар устизга гуё,
Онангизни ранжитиб кўйманг.

Қолмасин хеч дилда армони,
Бўлмас оналарнинг ёмони.
Амри вожиб айтган замони,
Онангизни ранжитиб кўйманг.

Гул деса гул тутинг қўлига,
Сажда қилинг қадам пойига.
Шукур қилинг унинг борига,
Волидангиз ранжитиб кўйманг

Кўзингизга караб турар жим,
Кўнгли оғриб колмасин махзун
Дўстим сиздан бир илтимосим,
Онангизни ранжитиб кўйманг.

Бир кун излаб хам тополмайсиз,
Ўхшаши йўк, ўхшатолмайсиз.
Ўзингизни кечиролмайсиз
Онангизни ранжитиб кўйманг,
Вазифангиз унутиб кўйманг...
✍️Лола Собирова 2019

Хеч бўлмаса тушларимга кириб қўйинг.

Тақдир дея айро йўлларга кетдик,
Бахтимизни мана бир умр кутдик.
Висолгамас,совуқ хижронга етдик,
Хеч бўлмаса, тушларимга кириб қўйинг,
Эркалатиб сочларимни силаб қўйинг.

Айрилиқнинг азоблари тунаб бўлди,
Юрагимни ёлғизликка ўраб бўлди.
Бевақт ёққан қорни ўзи кураб бўлди,
Хеч бўлмаса тушларимга кириб қўйинг
Эркалатиб сочларимни силаб қўйинг.

Хаёлимда ёнингизга боргим келар,
Зимдан боқиб олислардан кўргим келар.
Шамол каби бағрингизга елгим келар,
Хеч бўлмаса тушларимга кириб қўйинг
Эркалатиб сочларимни силаб қўйинг.

Маъюс кўзим чақнаб кетсин бахтдан яна,
Мухаббат бир зумгина қилсин тантана.
Айрилиқнинг либосларин ташлаб яна,
Хеч бўлмаса тушларимга кириб қўйинг,
Эркалатиб сочларимни силаб қўйинг.
(Лола Собирова 2020)

Сирдошим мехрибонларим.

Қутлуғ Мовлуд ойини биринчи
🌟🕊Ж у м а айёми муборак бўлсин!!!

Ассаламу алейкум ва рахматиллоху ва баракатух.

Тез кунда Лола Собирова шеъри билан,
Дилдора Ниёзова ижросидаги " Ёлғиз аёл " қўшиғига клип эътиборингизга хавола этамиз.