🛑أتذكر مرة كنت أتكلم عن أهمية حل أسئلة MCQs كتير، فجاني سؤال "أنا ما بحب أحل لأني بغلط" 💁🏽‍♂

مشكلتنا بنتعامل مع حل أسئلة الـ MCQs على أنها امتحان لينا واختبار لمعلوماتنا
بحيث أنه نحبط أو نتضايق لو غلطنا في سؤال

بالعكس، مفروض نتعامل مع حل الأسئلة على أنه "قراية" زيه زي القراية العادية دي
بس قراية بطريقة حريفة شويه 🤣

- حل الأسئلة بيخليك تعرف شنو المهم اللي مفروض تركز عليه، وشنو ال ما مهم اللي ما في زول بيسأل منه
- حل الأسئلة بيربط ليك المعلومات، ويا ما في حاجات لأول مرة الواحد يفهمها لما حل عليها سؤال
- حل الأسئلة بيعودك على نظام الامتحان، عشان ما تتوتر كتير وما تعرف تتصرف هناك
- غير أنه ممكن الأسئلة تجيك زي ما هي "بضبانتها" 🤣 وده حصل معانا كتيير

عشان كدا من عملت القناة ما حصل قدمت محاضرة - سواء ضمن كورساتنا المجانية أو المخفضة - إلا وعملت معاها MCQs، سواء من pretest أو Guyton review أو غيرها من المصادر، وفي بداية المحاضرة البعدها أناقش الإجابات ✅
بحيث أنه الواحد لحد ما ينتهي من الكورس يكون حل كمية MCQs وطور المهارة دي ❤

📣 4 يوم على بداية دفعة جديدة لكورساتنا المخفضة:
- ECG made easy 📈
- Respiratory phyisology 🫁
- Hematology physiology 🩸
للانضمام شرفنا بالتواصل @MDabdalla

#Medicine_is_easy
#Abdalla_Omer

غدا 🔥

أبشركم بداية من بكرة بإذن الله ح أرفع كل كورساتنا المجانية على صفحتنا بالفيسبوك، لأنه بعضكم ما قدر يحضرها من التيليغرام عشان الشبكة
(وبرضه هي موجودة حاليا في الرسالة المثبتة هنا في التيليغرام)

بداية بكورس المصطلحات الطبية Medical terminology
(وبعده General physiology و CVS physiology)

الكورس ده أرجو أنه يكون فاتحة خير لأي طالب في السنة الأولى لكل المجالات الطبية
الكورس ده هدية لأي طالب شايل هم المصطلحات وتعبان مع الترجمة ❤

الكورس يفهمك باختصار أهم مصطلحات "الجهاز القلبي الوعائي، التنفسي، الهضمي، العصبي، البولي، الحركي" وأسماء الفحوصات والأعراض والعلامات المرضية.
بطريقة سهلة ولطيفة، بالصور والرسومات، مع test بسيط لكل محاضرة

وفي نهاية كل محاضرة تونسنا عن الحياة الجامعية، وتجربتي الشخصية مع النشاطات، وحكينا عن مجموعة من أفضل تقنيات المذاكرة اللي نفعتني كتيير أنا شخصيا 📚

الكورس 5 محاضرات .. ح أرفع محاضرة يوميا الساعة 7 مساء على صفحتنا بالفيسبوك https://www.facebook.com/AbdallaOmerObeid?mibextid=ZbWKwL
تابعوا الصفحة 😁 والشيير الجميل منكم لطلاب السنة الأولى

#Medicine_is_easy
#Abdalla_Omer

🔹️فرصة للمشاركة في research عالمي

https://www.facebook.com/100024769596105/posts/pfbid02bJxWWmd9ZgBDmUHfmUPP8XJVCNAJejFTGi3rRZqTVapgLcfUyuZiRH9hec1aujSml/?mibextid=Nif5oz

التسجيل ينتهي غدا
(لو ما فتح معاك الرابط انسخه للمتصفح وبيفتح معاك إن شاء الله)

General physiology course :: Lecture 9 :: Muscle - part 1 💕

الرسالتين ديل كان بينهم تلاتة أيام من الكورس بس 😁
تلاتة أيام - اللي هي نصف مدة الكورس - كانت كافية بحمد الله أنها تصنع فيها التغيير الملهم ده، وتقدر تعرف التشخيص من صور ال ECG ل 20 حالة:

- "الصورة دي فيها Right atrial enlargement"
- "و دي First degree heart block"
- "وهنا عندنا Atrial flutter"

فخور بيكم جميعا .. وربنا يسعدكم 🌸

فتحنا التسجيل من جديد لدفعة جديدة من كورساتنا المخفضة:
🔸️ ECG made easy
🔸️ Respiratory physiology
🔸️ Hematology physiology

للتسجيل @MDabdalla
#Medicine_is_easy
#Abdalla_Omer

قمتَ من جلسة قراية قريت فيها نص ساعة أو ساعة ..
مبسوط أنك قدرت تنجز، وقلت تاخد break شويه كدا وترجع تواصل ساعة تاني
والحصل أنه الـ "شويه" دي بقت عبارة عن يوم كامل  🤣 واليوم انتهى

القصة دي بتكرر مع كتير مننا بشكل يومي وبنحبط بسببها
عشان كدا:
1- الـ break مفروض يكون محدد بوقت معين، ما يكون مفتوح
2- ما تبدأ حاجة في الـ break ما بتقدر تنتهي منها خلال الوقت المحدد
يعني لو أنت محدد الـ break بخمسة دقايق ما تدخل يوتيوب وتتابع فيديو أو برنامج مدته ساعة
3- يفضل خلال الـ break تحرك جسمك عشان تتنشط، وما تقضيه في التلفون لأنك كدا بترهق ذهنك زيادة
.
.
📣 كورساتنا المجانية متوفرة ومرتبة في الرسالة المثبتة:
🔹️ General physiology
🔹️ Cardiovascular physiology
🔹️ Medical terminology

📌 رابط القناة https://t.me/MedicineIsEasy1

#Medicine_is_easy #Abdalla_Omer

💢فرصة عمل

لأننا نسعى أنه Medicine is easy تبقى بيت ومرجع لكل medical student يلقى فيها كل البيحتاجه من كورسات بيزك وكلينيكال
فتحنا الباب لتوظيف مقدمين للكورسات الطبية، فقط لأصحاب الاحتراف والإبداع في تبسيط المعلومة

للراغبين يرجى إرسال البيانات الآتية كاملة:
١- الاسم الكريم
٢- ال CV (أو على الأقل نبذة عنه)
٣- الخبرات السابقة
٤- المواد اللي يفضل تدريسها
٥- إرسال نموذج من الشرح (فيديو لا تقل مدته عن ١٥ دقيقة، أو ريكورد وبريزنتيشن من إعداده)

بنراجع نماذج المتقدمين خلال عدة أيام ونختار النخبة بين النخبة ان شاء الله 💕

شرفونا بالتواصل عبر:
🔸️ تيليغرام @MDabdalla
🔸️ أو واتساب https://wa.me/message/LESLLUHLLQVZK1
#Medicine_is_easy

💢💢💢كيف تطور لغتك الإنجليزية في ساعة واحدة فقط يوميا؟ 🤨

تطوير الإنجليزية مهم بالنسبة ليك كطبيب، عشان تقدر تقدم presentation، أو تكتب research، أو تقدم في conference "مؤتمر علمي"

عادة لما نفكر في تطوير اللغة الإنجليزية بنفكر في كورسات نتعلم منها grammars أو نحفظ مفردات

بس يمكن قبل كدا حضرت كورسات، ولسه ما قادر تكتب أو تتكلم إنجليزي بطلاقة مهما كنت حافظ مفردات

ده لأنه في حاجة أهم من حفظ المفردات والـ grammars وهي "ممارسة اللغة"
ما بتتخيل ساعة يوميا من ممارسة اللغة بتفرق معاك كيف!

الطريقة باختصار:
حدد ساعة يوميا، وقسمها على المهارات الأربعة:
- 30 دقيقة للاستماع لبرامج صوتية 🦻🏻
- 20 دقيقة لقراءة رواية إنجليزية 📖
- 5 دقائق محادثة ذاتية 🎙
- 5 دقائق كتابة حرة ✏️

📌بالنسبة للاستماع والقراءة:
- اختار برنامج صوتي ورواية مناسبة لمستواك، ما ساهلة شديد (لأنك كدا ما بتستفيد) وما صعبة شديد (لأنك ما ح تقدر تواصل)
- وركز فيها على تطوير المهارة، ما تشتغل كتير بالمفردات والقواعد

📌بالنسبة للتحدث والكتابة:
ما لازم يكون معاك أجنبي تتحدث معاه أو تكتب له عشان تمارس المهارات دي (طبعا لو اتلقى يكون كويس) .. ممكن تمارسها براك
والطريقة بسيطة:
لما يجي الموعد اليومي افتح مسجل الصوت وابدأ اتحدث عن موضوع ما حصل تحدثت عنه قبل كدا، مثلا كيف قضيت يومك، أو اتحدث عن القراية المجرساك (المرة دي جرسة بالإنجليزي 😂😂)
ونفس الشي بالنسبة للكتابة، جيب دفتر مخصص وابدأ أكتب عن موضوع ما حصل كتبت عنه قبل كدا

سامعك وانت بتقول: لكن أنا ما بقدر!
= ما هو ده السبب اللي عشانه مفروض تعمل كدا، عشان تقدر 😂

- لكن أنا بتلعثم كتير وبنسى كلمات
= ما في أي مشكلة، اتلعثم براحتك، ولو في كلمة ما قدرت تتذكرها خالص قولها بالعربي (اي بالعربي عديل كدا)
وبعد تنتهي من الـ 5 دقايق تعال افتح التسجيل، وشوف الكلمات اللي نسيتها دي، وابحث عنها، واكتبها عندك في دفتر عشان تراجعها كل فترة

ونفس الشي بالنسبة للـ 5 دقايق حقت الكتابة، بعد تنتهي راجع كتابتك، وشوف الكلمات اللي نسيتها أو غلطت في الـ spelling فيها اكتبها في دفتر وراجعها كل فترة

وتعال بعد 30 يوم ارجع اسمع تسجيل اليوم الأول، واقرأ كتابتك لليوم الأول، و ح تكون سعيد جدا بمستواك الجديد
واعمل نفس الحاجة في اليوم الـ 60، واليوم الـ 90، واليوم الـ 120
غالبا لما تصل اليوم الـ 120 بتكون بقيت تمارس اللغة بطلاقة وما محتاج تواصل في الطريقة دي 💕

الطريقة دي أنا تعلمتها من عبد الرحمن حجازي صاحب قناة دليلك للآيلتيس، وإبراهيم عادل صاحب Zamericanenglish

رسل البوست لصاحبك عشان تتشجعوا تقروا سوا 😂 وأنا بذكركم إن شاء الله بعد مرور 30 يوم عشان نشوف مستوانا بقى كيف
.
.
📣 وأخيرا .. ما تفوتكم كورساتنا الطبية، بألطف شرح وأجمل سلايدات 💕
قدمنا 3 كورسات مجانية تماما، وقرابة 20 محاضرة .. كلها مرتبة في الرسالة المثبتة

إضافة ل 3 كورسات برسوم مخفضة:
🔸️ ECG made easy
🔸️ Hematology physiology
🔸️ Respiratory physiology
للتسجيل: @MDabdalla ، أو واتساب 0112419416
رابط القناة https://t.me/MedicineIsEasy1
#Medicine_is_easy
#Abdalla_Omer

🛑تلاتة أخطاء لو وقعت فيها فـ الـ ECG ح يبقى ليك صعب وما بتفهم
تعال اكتشف الأخطاء دي .. هل بتقع فيها؟ 😁

💢 الخطأ الأول:
كم مرة قعدت تحفظ - من غير ما تكون فاهم - .. 
وبعدها لما شفت ورقة ECG لعيان أو دخلت امتحان لقيت نفسك ناسي كل شي

هل تعرف أنه لو كنت أديت نفسك فرصة تفهم، ولو اتشرحت ليك بطريقة الفهم،  فالحكاية بتبقى أسهل بكتيير ❤️
والحاجة دي أنا مجربها في 14 دفعة حضرت كورس الـ ECG، في اليوم التاني من الكورس براهم بيقدروا يتوقعوا ويستنتجوا شكل الـ ECG في بعض الأمراض قبل ما نعرض الصور 🔥

💢 الخطأ التاني:
بمجرد ما نمسك ورقة الـ ECG عيننا بتتحرك عشوائيا تفتش abnormality
ولما ما نقدر نلقى حاجة بنحس أنه الحكاية صعبة وما بنقدر عليها
بس صدقني الموضوع أبسط من كدا بكتيير..
هي بس مجرد خطوات تمشي عليها بالترتيب، ومجرد ما وصلت للخطوة اللي فيها abnormality براها بتقول ليك أنا abnormality 🤣🤣

💢 الخطأ التالت والأخير:
بنتعلم الـ ECG نظريا من غير ما ندرب عيننا على الصور
عشان كدا خلال رحلتنا مع الـ ECG بندرب عينك على 200 صورة حرفيا
والعدد ده من الصور ما بتلقاه في كورس تاني ✅

اها لقيت نفسك وقعت في كم خطأ منها 😄
.
.
📣 ساعات ويغلق التسجيل للدفعة 16 من كورس ECG made easy .. والدفعة 5 من كورسات الفسيولوجي: Respiratory و Hematology
للتسجيل @MDabdalla

#Medicine_is_easy
#Abdalla_Omer

فرصة للمشاركة في research عالمي❤️

https://m.facebook.com/story.php?story_fbid=pfbid0tUXMioeDmQekGu4baUwk84HaNoN4dENkhnzJgj4V1iSEsDt2amehnJ28cVCD9zCWl&id=100083000245822&mibextid=Nif5oz

إذا ما فتح معاك الرابط انسخه للمتصفح

الحمد لله رب العالمين .. بحث جديد تم نشره ❤

اكتبوا لينا في التعليقات حابين تعرفوا شنو عن البحث العلمي research ؟
عشان نتكلم ليكم عنه في البوست الجاي👏

📌 رابط القناة https://t.me/MedicineIsEasy1

#Medicine_is_easy
#Abdalla_Omer

صباح الخير 💕
لو أنت تخرجت من كلية الطب وشغال
سواء أتاش او امتياز أو عمومي أو نائب أو أخصائي
يا ريت ترسل نقطة هنا @MDabdalla