Боже вічний і Царю всякаго созданія, сподобивий м'я даже в час сей доспіти, прости ми гріхи, яже сотворих в сей день ділом, словом і помишленієм, і очисти, Господи, смиренную мою душу от всякия скверни плоті і духа.

І даждь мі, Господи, в нощі сей сон прейти в мирі, да востав от смиреннаго ми ложа, благоугоджу пресвятому імені Твоєму во вся дні живота моєго, і поперу борющия м'я враги плотськія і безплотния.

І ізбави м'я, Господи, от помишленій суєтних, оскверняющих м'я, і похотей лукавих.

Яко Твоє єсть царство і сила і слава, Отця і Сина і Святаго Духа, нині і присно і во віки віков. Амінь.

#київський_ізвод #молитовник_нтп

Вседержителю, Слово Отчеє, Сам совершен сий Ісусе Христе, многаго ради милосердія Твоєго нікогдаже отлучайся мене, раба Твоєго, но всегда во мні почивай.

Ісусе, добрий Пастирю Твоїх овець, не предаждь мене крамолі зміїні, і желанію сатанину не остави мене, яко сім'я тлі во мні єсть.

Ти убо, Господи Боже покланяємий, Царю Святий Ісусе Христе, спяща м'я сохрани немерцающим світом, Духом Твоїм Святим, Імже освятил єси Твоя ученики.

Даждь, Господи, і мні, недостойному рабу Твоєму, спасеніє Твоє на ложі моєм: просвіти ум мой світом разума святаго Євангелія Твоєго, душу любовію креста Твоєго, сердце чистотою словесе Твоєго, тіло моє Твоєю страстію безстрастною, мисль мою Твоїм смиренієм сохрани, і воздвигни мя во время подобно на Твоє славословіє.

Яко препрославлен єси со Безначальним Твоїм Отцем і с Пресвятим Духом во віки. Амінь.

#київський_ізвод #молитовник_нтп

Символ Православния Віри

Ві́рую во єди́наго Бо́га Отця́, Вседержи́теля, Творця́ не́бу і землі́, ви́димим же всім і неви́димим.

І во єди́наго Го́спода Ісу́са Христа́, Си́на Бо́жия, єдиноро́днаго, І́же от Отця́ рожде́ннаго пре́жде всіх вік. Сві́та от Сві́та, Бо́га і́стинна от Бо́га і́стинна, рожде́нна, не сотворе́нна, єдиносу́щна Отцю́, і́мже вся би́ша.

Нас ра́ди челові́к і на́шего ра́ди спасе́нія сше́дшаго с Небе́с, і воплоти́вшагося от Ду́ха Свя́та і Марі́ї Ді́ви, і вочелові́чшася.

Расп’я́таго же за ни при Понті́йстім Пила́ті, і страда́вша, і погребе́нна.

І воскре́сшаго в тре́тій день по Писа́нієм.

І возше́дшаго на небеса́, і сідя́ща одесну́ю Отця́.

І па́ки гряду́щаго со сла́вою суди́ти живи́м і ме́ртвим, Єго́же ца́рствію не бу́деть конця́.

І в Ду́ха Свята́го, Го́спода, животворя́щаго, І́же от Отця́ ісходя́щаго, І́же со Отце́м і Си́ном спокланя́єма і ссла́вима, глаго́лавшаго проро́ки.

Во єди́ну Святу́ю, Собо́рную і Апо́стольскую Це́рков.

Іспові́дую єди́но креще́ніє, во оставле́ніє гріхо́в.

Чаю воскресе́нія ме́ртвих,

І жи́зні бу́дущаго ві́ка. Амі́нь.

#київський_ізвод #молитовник_нтп

Царю́ небе́сний, Уті́шителю, Ду́ше і́стини, і́же везді́ си́й і вся ісполня́яй, сокро́вище благи́х і жи́зні Пода́телю, прийди́ і всели́ся в ни, і очи́сти ни от вся́кия скве́рни, і спаси́, Бла́же, ду́ші на́ша.

#київський_ізвод #молитовник_нтп

Отче наш, іже єси на Небесіх, да святиться ім’я Твоє, да прийдеть Царствіє Твоє, да будеть воля Твоя, яко на Небесі і на землі. Хліб наш насущний даждь нам днесь, і остави нам долги наша, якоже і ми оставляєм должником нашим, і не введи нас во іскушеніє, но ізбави нас от лукаваго.

#київський_ізвод #молитовник_нтп

Молитва святаго Антиоха, ко Господу нашему Ісусу Христу

Вседержителю, Слово Отчеє, сам совершен сий, Ісусе Христе, многаго ради милосердія Твоєго нікогдаже отлучайся мене раба Твоєго, но всегда во мні почивай.

Ісусе, добрий пастирю Твоїх овець, не предаждь мене крамолі зміїні і желанію сатанину не остави мене, яко сім'я тлі во мні єсть.

Ти убо, Господи Боже покланяємий, Царю Святий, Ісусе Христе, сп'яща м'я сохрани немерцающим світом, Духом Твоїм Святим, Імже освятил єси Твоя ученики.

Даждь, Господи, і мні, недостойному рабу Твоєму, спасеніє Твоє на ложі моєм: просвіти ум мой світом разума святаго Євангелія Твоєго, душу любовію Креста Твоєго, сердце чистотою словесе Твоєго, тіло моє Твоєю страстію безстрастною, мисль мою Твоїм смиренієм сохрани і воздвигни м'я во врем'я подобно на Твоє славословіє.

Яко препрославлен єси со безначальним Твоїм Отцем і с Пресвятим Духом во віки. Амінь.

#київський_ізвод #молитовник_нтп

Достойно єсть яко воістину блажи́ти Тя, Богородицю, Присноблаженную і Пренепорочную і Матер Бога нашего. Честнійшую Херувим і славнійшую без сравненія Серафим, без істлінія Бога Слова рождшую, сyщую Богородицю Тя величаєм.

#київський_ізвод #молитовник_нтп

Ангеле Христов, хранителю мой святий і покровителю душі і тіла моєго, вся мі прости, єли́ка согріших во днешній день, і от всякаго лукавствія противнаго мі врага ізбави м'я, да ні в коємже грісі прогніваю Бога моєго; но моли за м'я грішнаго і недостойнаго раба, яко да достойна м'я покажеши благості і милості Всесвятия Тройці і Матере Господа моєго Ісуса Христа і всіх святих. Амінь.

#київський_ізвод #молитовник_нтп

Відкривайте вранці #молитовник_нтп і вам захочеться піти в ліс.

Живи́й в по́мощі Ви́шняго, в кро́ві (кровъ - житло, намет) Бо́га небе́снаго водвори́ться, рече́ть Го́сподеві: засту́пник мо́й єси́ і прибі́жище моє́, Бо́г мо́й, і упова́ю на Него́.

Я́ко То́й ізба́вить тя́ от сі́ті ло́вчі і от словесе́ м’яте́жна: плещма́ Свої́ма осіни́ть тя́, і под крилі́ Єго́ наді́єшися: ору́жиєм оби́деть тя́ і́стина Єго́.

Не убої́шися от стра́ха нощна́го, от стріли́ летя́щия во дні́, от ве́щі во тьмі́ преходя́щия, от сря́ща і бі́са полу́деннаго.

Паде́ть от страни́ твоєя́ ти́сяща, і тьма́ одесну́ю тебе́, к тебі́ же не прибли́житься: оба́че очи́ма твої́ма смо́триши і воздая́ніє грі́шников у́зриши.

Я́ко Ти́, Го́споди, упова́ніє моє́: Ви́шняго положи́л єси́ прибі́жище твоє́. Не при́йдеть к тебі́ зло́, і ра́на не прибли́житься тілесі́ твоєму́: я́ко А́нгелом Свої́м запові́сть о тебі́, сохрани́ти тя́ во всі́х путе́х твої́х.

На рука́х во́зьмуть тя́, да не когда́ преткне́ши о ка́мень но́гу твою́: на а́спида і василі́ска насту́пиши, і попере́ши льва́ і змі́я.

Я́ко на М’я́ упова́, і ізба́влю ї́: покри́ю ї́, я́ко позна́ і́мʼя Моє́. Воззове́ть ко Мні́, і усли́шу єго́: с ни́м єсьм в ско́рбі, ізму́ єго́ і просла́влю єго́: долгото́ю дні́й іспо́лню єго́ і явлю́ єму́ спасе́ніє Моє́.


P.S. Дякуємо нашому підписнику hajdamaka за транслітерацію цієї молитви та багатьох інших із нашого молитовника, над яким ми працюємо.

#молитовник_нтп #київський_ізвод

Зі святом Воздвиження Хреста Господнього, браття і сестри!

Да воскре‌снеть Бог і расточа‌ться вразі‌ Єго‌, і да біжа‌ть от лиця‌ Єго‌ ненави‌дящії Єго‌. Я‌ко ісчеза‌єть дим, да ісче‌знуть; я‌ко та‌єть воск от лиця‌ огня‌, та‌ко да поги‌бнуть бі‌си от лиця‌ лю‌б’ящих Бо‌га, і зна‌менующихся кре‌стним зна‌менієм, і в весе‌лії глаго‌лющих: ра‌дуйся, Пречестни‌й і Животворя‌щий Кре‌сте Госпо‌день, прогоня‌яй бі‌си си‌лою на Тебі‌ проп'я‌таго Го‌спода на‌шего Ісу‌са Христа‌, во ад сше‌дшаго, і попра‌вшаго си‌лу дия‌волю, і дарова‌вшаго нам Тебе‌, Крест Свой Честни‌й, на прогна‌ніє вся‌каго супоста‌та. О Пречестни‌й і Животворя‌щий Кре‌сте Госпо‌день! Помога‌й мі со Свято‌ю Госпоже‌ю Ді‌вою Богоро‌дицею і со всі‌ми святи‌ми во ві‌ки. Амі‌нь.

(Українська ікона XIV ст., с. Звижень на Лемківщині)
#київський_ізвод #молитовник_нтп

Блага́го Царя́ Блага́я Ма́ти, Пречи́стая і Благослове́нная Богоро́дице Марі́є, ми́лость Си́на Твоєго́ і Бо́га на́шего ізли́й на стра́стную мою́ ду́шу і Твої́ми моли́твами наста́ви м'я на дія́нія блага́я; да про́чеє вре́м'я живота́ моєго́ без поро́ка прейду́, і Тобо́ю рай да обря́щу, Богоро́дице Ді́во, єди́на Чи́стая і Благослове́нная.

#київський_ізвод #молитовник_нтп

Го‌споди Бо‌же наш, є‌же согріши‌х во дні сем сло‌вом, ді‌лом і помишле‌нієм, я‌ко Благ і Человіколю‌бець прости‌ мі. Ми‌рен сон і безм'яте‌жен да‌руй мі, А‌нгела Твоєго‌ храни‌теля посли‌, покрива‌юща і соблюда‌юща м'я от вся‌каго зла; я‌ко Ти єси‌ Храни‌тель душа‌м і тілесе‌м на‌шим, і Тебі‌ сла‌ву возсила‌єм, Отцю‌, і Си‌ну, і Свято‌му Ду‌ху, ни‌ні, і при‌сно, і во ві‌ки віко‌в. Амі‌нь.

#київський_ізвод #молитовник_нтп

Молитва за українських воїнів

Го́споди Бо́же Вседержи́телю, при́сно о лю́діх Твої́х любо́вію промишля́яй і ко спасе́нію всіх направля́яй, у Него́же власи́ вся на глава́х челові́чеських ізочте́ни суть. Смире́нно мо́лим Тя: рабо́в Твої́х, во́їнов [імена], в тя́готах слу́жби ра́тния укріпи́, упова́нієм і ві́рою уті́ши, благода́тію Твоє́ю на по́лі бра́ні, покрива́юще їх і сохраня́юще. Да по́двиг любве́ в служе́нії бли́жнім і Оте́чествію своєму́ соверши́вше, здра́ви і неврежде́нни в до́ми своя́ возвратя́ться, хва́ляще Тя, Єди́наго Бо́га, Творця́ і Промисли́теля на́шего, Отця́, і Си́на, і Свята́го Ду́ха. Амі́нь.

МОЛИТВИ НА ВСЯКУ ПОТРЕБУ
#молитовник_нтп

Молитва в час нашестя чужинців на державу нашу Україну

Всеще́дрий Го́споди і Влади́ко Человіколюби́ве, Ти у́бо мир сотвори́л єси́ до́брим, лю́ди по нему́ насажда́я, я́ко да всім жи́тельствовати на да́нній Тобо́ю землі́. Сего́ ра́ди взива́єм ни́ні в моли́тві ко Твоєму́ милосе́рдію, прося́ще ізба́вити ни от наше́ствія іноплеме́нних, і́же не по зако́ну Єва́нгельському творя́ть, но по го́рдості вели́цій і по не́нависті сатани́нськой. Согріши́хом, у́бо, Бо́же, согріши́хом: оба́че по ми́лості Твоє́й сохрани́ наро́д Твой, я́коже сохрани́л єси́ Ніневі́ю, і укріпи́ во́їни на́ша, я́коже укріпи́л єси́ ру́ці Ісу́са Нави́на на Амали́ка. Яви́, Го́споди, вразі́ на́ша постижде́нни, я́ко да ні єди́ною сла́вою їм украси́тися, прише́дших к нам, я́коже тать посреди́ нощі́, во є́же свобо́ду і жизнь жи́тельствующих во Украї́ні от’я́ти. Благослови́, Бо́же, защи́тителей на́ших храбо́рством і дерзнове́нієм, лі́карей си́лою неутоми́мою і милосе́рдієм, власть предержа́щих же благоми́слієм і му́дростію, да кі́йждо ді́лом би свої́м досто́йно наро́ду украї́нському послужи́л, а Ти, Миропода́телю Бо́же, зе́млю на́шу, я́коже а́гнця, от наше́ствія волко́в сохрани́л, да я́коже ни́ні, тако́жде би і в гряду́щая времена́ ми хвалу́ Тебі́ возноси́ли: Отцю́, і Си́ну, і Ду́хові Свято́му. Амі́нь!

МОЛИТВИ НА ВСЯКУ ПОТРЕБУ
#молитовник_нтп